ಎಮ್.ಬಿ.ಶೆಟ್ಟಿ

ಎಮ್.ಬಿ.ಶೆಟ್ಟಿ
ಪುಟ್ಟಿನ	೧ ಜನವರಿ ೧೯೩೧ ಕುಡ್ಲ, ಭಾರತ
ಮರಣ	೨೩ ಜನವರಿ ೧೯೮೨ (೫೧ನೇ ಪ್ರಾಯೊಡು)
ವೃತ್ತಿ(s)	ನಟೆ, ಕೊರಿಯೊಗ್ರಾಫರ್, ಸಾಹಸ ಸಂಯೋಜಕೆ
ವರ್ಷಗಳು; ಸಕ್ರಿಯ	೧೯೫೬-೧೯೮೧
ಸಂಗಾತಿs	ವಿನೋದಿನಿ ಶೆಟ್ಟಿ, ರತ್ನ
ಮಕ್ಕಳು	ಒಟ್ಟು ೫ ಜನ ಜೋಕುಲು (ವಿನೋದಿನಿ ಮೆರೆಗ್ ೨ ಪೊಣ್ಣು ೨ ಆಣ್. ರತ್ನ ಮೆರೆಗ್ ಒರಿ ಮಗೆ ರೋಹಿತ್ ಶೆಟ್ಟಿ-ಚಿತ್ರ ನಿರ್ದೇಶಕೆ)

ಮುದ್ದು ಬಾಬು ಶೆಟ್ಟಿ (1931 - 23 ಜನವರಿ 1982) ಮೆರೆನ್ ಎಮ್.ಬಿ.ಶೆಟ್ಟಿ ಪಂಡ್‍ದ್ಲಾ ಲೆಪ್ಪುವೆರ್. ಮೇರ್ 1970 ನೇ ಇಸವಿಡ್ ಭಾರತೀಯ ಚಲನಚಿತ್ರ ಸಾಹಸಮಯ ಬೊಕ್ಕ ಸಾಹಸ ನೃತ್ಯ ಸಂಯೋಜಕೆ ಅಂಚನೆ ನಟೆ ಆದಿತ್ತೆರ್.

ಪುಟ್ಟು ಬೊಕ್ಕ ಬರವು

ಮೇರ್ 1931 ನೇ ಇಸವಿಡ್ ಕುಡ್ಲಡ್ ಪುಟ್ಟಿಯೆರ್. ಮೆರೆನ ಅಪ್ಪೆಬಾಸೆ ತುಳು. ಮೇರ್ ಕಾಟನ್ ಗ್ರೀನ್‍ಡ್ ವೇಟರ್ ಆದ್ ಬೇಲೆ ಮಲ್ತೊಂದಿತ್ತೆರ್. ಅವೆರ್ದ್ ಬೊಕ್ಕ ಬಾಕ್ಸಿಂಗ್ ಕಲ್ಪರೆ ಸುರು ಮಲ್ತೆರ್.

ಸಿನಿಮಾ ಲೋಕೊಗು ಪಾದಾರ್ಪಣೆ

ಮೇರ್ 1956 ನೇ ಇಸವಿಡ್ ಚಲನಚಿತ್ರೊ ಹೀರ್‌ಡ್ ನಟನೆ ಮಲ್ತೆರ್. 1970 ನೇ ಇಸವಿಡ್ ಸುಮಾರ್ ಹಿಂದಿ ಬೊಕ್ಕ ಕನ್ನಡ ಚಲನಚಿತ್ರೊಲೆಡ್ ಖಳನಾಯಕೆಯಾದ್ ನಟನೆ ಮಲ್ತೆರ್ . ಮೇರ್ ಸಾಹಸ ನಿರ್ದೇಶಕರಾದ್, ಡಾನ್, ದಿ ಗ್ರೇಟ್ ಗ್ಯಾಂಬ್ಲರ್, ತ್ರಿಶೂಲ್ ಬೊಕ್ಕ ದೀವಾರ್‌ ಇಂಚಿಮ 700 ರ್ದ್ಲಾ ಜಾಸ್ತಿ ಸಿನಿಮೊಲೆಡ್ ಬೇಲೆ ಮಲ್ದೆರ್.

ವೈವಾಹಿಕ ಜೀವನೊ

ಮೆರೆನ ಸುರೂತ ಬೊಡೆದಿ ವಿನೋದಿನಿ, ಮೊಕ್ಲೆಗ್ ರಡ್ಡ್ ಪೊಣ್ಣು ಜೋಕುಲು ಅಂಚನೆ ರಡ್ಡ್ ಆಣ್ ಜೋಕುಲುಲ್ಲೆರ್. ಮೆರೆನ ರಡ್ಡನೇ ಬೊಡೆದಿ ರತ್ನ ಪನ್ಪಿನಾರ್. ಸಿನಿಮಾ ನಿರ್ದೇಶಕೆ ರೋಹಿತ್ ಶೆಟ್ಟಿ ಮೊಕ್ಲೆನ ಮಗೆ.

ಸಿನಿಮೊಲು

ಮೇರ್ ಸ್ಟಂಟ್ ಮಾಸ್ಟ್ರಾದ್ ಜೈಲ್ ಯಾತ್ರ, ಡಾನ್, ಫಾಸಿ, ಮೆಹ್ಬೂಬಾ, ದೋಸ್ತ್ ಇಂಚಿನ ಸುಮಾರ್ ಸಿನಿಮೊಲೆಡ್ ಬೇಲೆ ಮಲ್ದೆರ್. ಅಂಚನೆ ನಟೆ ಆದ್ ಜಗ್ಗು, ಕಳ್ಳ ಕುಳ್ಳ, ಕಿಸ್ಮತ್ ಇಂಚಿನ ಸಿನಿಮೊಲೆಡ್ ಅಭಿನಯ ಮಲ್ದೆರ್.