ತುಳುನಾಡ್ದ ಪಕ್ಕಿಲು

ವಿಕಿಪೀಡಿಯರ್ದ್
Jump to navigation Jump to search
ಕೆತ್ತಿಕಲುವೆ

ಕೆತ್ತಿ ಕಲುವೆ[ಸಂಪೊಲಿಪುಲೆ]

ಕನ್ನಡೊಡು ಈ ಪಕ್ಕಿನ್ ಕಂದು ಮಟಪಕ್ಷಿ ಸಾ೦ಬಾರ್ ಕಾಗೆ ಪ೦ದ್ಲಾ ಪನ್ಪೆರ್. ಕಕ್ಕೆದ ಜಾತಿಗ್ ಸೇರ್ದಿನ ಈ ಪಕ್ಕಿ ತುಳುನಾಡೊರ್ಮೆ ತೂಯೆರೆ ತಿಕ್ಕು೦ಡು. ಉಂದೆತ ವೈಜ್ಞಾನಿಕ ಪುದರ್ Indian Treepie, Dendrocitta vagabunda ಪ೦ಡ್‌ದ್. ಬ೦ಜಿದ ಅಡಿ ಕ೦ದು ಮ೦ಜಲ್, ತರೆ ಕಪ್ಪು ಬಣ್ಣ, ರೆ೦ಕೆದ ಕೆಲವು ಭಾಗೊ, ಬಿಲೊದ ಅಡಿ ಬೊಲ್ದು - ಕಪ್ಪು ಬಣ್ಣೊದ ಈ ಪಕ್ಕಿದ ಬೀಲೊ ಕೈಲ್ದ ಕಡೆತ್ತ ಅ೦ಚನೆ ಉದ್ದ ಉ೦ಡು. ಅ೦ಚಾದ್ ನೆಕ್ಕ್ ಕೆಲವು ಕಡೆಟ್ಟ್ ಕೈಲ೦ಗಾನೆ ಪ೦ಡ್‌ದ್ಲಾ ಪನ್ಪೆರ್.[೧] ಬಾಕಿದ ಪಕ್ಕಿಲೆನ ತೆತ್ತಿನ್ ಕ೦ಡ್‌ದ್ ತಿನ್ಪುನಯಿಡ್ಡ್ ನೆಕ್ಕ್ ಕೆತ್ತಿ ಕಲುವೆ ಪನ್ಪಿನ ಪುದರ್‌ಲಾ ಉಂಡು.[೨]

ಕೆತ್ತಿಕಲುವ ಪಕ್ಕಿದ ಮೂಲೊ ಭಾರತೊದ ಉಪಖಂಡೊ ಬುಕ್ಕೊ ಈಶಾನ್ಯ ಏಷ್ಯೊದ ಪ್ರದೇಸೊ. ಈ ಪಕ್ಕಿ ಬೂಲ್ಪುನವು ಇಂಪಾದ್ ಕೇನುನಕ್ಲೆನ ಗಮನೊ ಒಯ್ಪುಂಡು. ಈ ಪಕ್ಕಿ ಸಾಮಾನ್ಯವಾದ್ ಕುರುಚಲ್ ಕಾಡ್, ಪರ್ಣಪಾತಿ ಕಾಡ್, ಕೃಷಿಭೂಮಿ, ನಗರೊದ ಉದ್ಯಾನವನೊ ಪ್ರದೇಸೊಲೆಡ್ ತೋಜಿದ್ ಬರ್ಪುಂಡು. ಕಕ್ಕೆಲೆ ಕುಟುಮ್ಮೊದ ಕಾರ್ವಿಡೇದಂಚನೆ ಹೊಂದೊಂದಿಪ್ಪುನ ಪಕ್ಕಿ. ಈ ಪಕ್ಕಿ ಸಾಮಾನ್ಯವಾದ್ ಪರ್ಂದ್‌ಲೆನ್ ತಿನ್ಪುಂಡು. ಒರೋರೊ ಪಾತೆ, ಕಪ್ಪೆ, ಪಲ್ಲಿ ಇಂಚಿತಿನ ಮಾಸೊದ ತೆನಸ್‍ನ್ಲಾ ತಿನ್ಪುಂಡು.

ಉಲ್ಲೇಕೊ[ಸಂಪೊಲಿಪುಲೆ]

  1. http://www.oiseaux-birds.com/card-rufous-treepie.html
  2. http://kanaja.in/archives/publisher/ಕೂರ್ಗ್-ವೈಲ್ಡ್-ಲೈಫ್-ಸೊಸೈಟ/page/3