ಪೂರ್ಣಿಮಾ ಶೆಟ್ಟಿ

ಪೂರ್ಣಿಮಾ ಶೆಟ್ಟಿ ಅತ್ತಂಡ ಪೂರ್ಣಿಮಾ ಯತೀಶ್‌ ರೈ ಒಂಬೆರ್ ಒರ್ತಿ ಯಕ್ಷಗಾನ ಕಲಾವಿದೆ.

ಬಾಲ್ಯ

ಸುರತ್ಕಲ್‌ ಕೈತಲ್‍ದ ಬಾಳ ಗ್ರಾಮೊಡು ಶಾರದಾ ಬುಕ್ಕೊ ಸೇಸಪ್ಪ ಶೆಟ್ಟಿ ದಂಪತಿಲೆನ ಮಗಳಾದ್ ಪುಟ್ಟಿನಾರ್ ಪೂರ್ಣಿಮಾ. ಬಾಲಕಲಾವಿದೆಯಾದ್ ನಾಟಕೊಡು ಪಾತ್ರೊಲೆನ್ ನಿರ್ವಹಣೆ ಪ್ರಾರಂಭ ಮಂತಿತ್ತೆರ್. ಶಾಲಾ ದಿನಲೆಡ್, ಯಕ್ಷಗಾನ ಕಲೆತಂಚಿ ಆಕರ್ಷಣೆ ಮಂತುಂದು, ಬಾಳದ ಶ್ರೀ ರಾಮಚಂದ್ರ ಹಿರಿಯ ಪ್ರಾಥಮಿಕ ಶಾಲೆಡ್ ನಾಟ್ಯಗುರು ಶ್ರೀ ಶಿವರಾಮ ಪಣಂಬೂರು ಮೆರೆಡ್ದ್ ಪ್ರಾರಂಭಿಕ ಯಕ್ಷಗಾನ ಶಿಕ್ಷಣನ್ ಬುಕ್ಕೊ ಶ್ರೀ ರಮೇಶ್ ಶೆಟ್ಟಿ ಬಾಯಾರುಡ ದುಂಬುದ ಯಕ್ಷಗಾನ ಕಲ್ಪುನಡೆ ಮುಟ್ಟ ಬತ್ತ್ ಎತ್ತುಂಡು. ಶೃದ್ದೆಡು ನಾಟ್ಯ ಅಭ್ಯಾಸ ಮಂತುದು ಸುತ್ತ ಮುತ್ತ ಆಯಿನ ಯಕ್ಷಗಾನ ಸ್ಪರ್ಧೆ ಡ್ ಇನಾಮು ಗೆಂದ್‍ದ್ ಇತ್ತೆರ್. ಮುಮ್ಮೇಳ ಅತ್ತಂದೆ ಶ್ರೀ ಹರಿನಾರಾಯಣ ಬೈಪಾಡಿತ್ತಾಯ, ಮಾಂಬಾಡಿ ಸುಬ್ರಹ್ಮಣ್ಯ ಭಟ್ ಬುಕ್ಕೊ ಶ್ರೀಮತಿ ಲೀಲಾವತಿ ಬೈಪಾಡಿತ್ತಾಯ ಪೂರ್ಣಿಮಾದರೆನ ಹಿಮ್ಮೇಳದ ಗುರುಕುಲು ತನ್ನ ಮಾತೃ ಸಂಘ ಶ್ರೀ ಮಹಾಗಣಪತಿ ಮಹಿಳಾ ಯಕ್ಷಗಾನ ಸಂಘ ಬಾಳ-ಕಾಟಿಪಳ್ಳ ಅತ್ತವಂದೆ. ಅವೆತೋ ಸಂಘ-ಸಂಸ್ಥೆಲೆಗು ಅತಿಥಿ ಕಲಾವಿದೆಯಾದ್, ನಿರ್ದೇಶಕಿಯಾಗದ್, ಸಂಘಟಕಿಯಾದ್ ಯಕ್ಷಗಾನದ ಸವಿರುಚಿನ್ ಅವೆತೋ ಜನಕ್ ಬಲಸುದೇರ್. ಒವುಲ ರೀತಿ ಫಲಾಪೇಕ್ಷೆ ಉಪ್ಪಂದೆ ಅವೆತೋ ಜೋಕುಲೆಗ್, ಪೊಂಜೊವುಲೆಗ್, ಅಂಜೋವುಲೆಗ್ ನಾಟ್ಯ ಕಲ್ಪಾವೊಂದು ಉಲ್ಲೇರ್.

ಸಾಧನೆಗ್ ಪುರಸ್ಕಾರ

ಯಕ್ಷ ಪೂರ್ಣಿಮಾ ಪಂದೇ ಪುಗರ್ಮೆ‍ಗ್ ಬೈದಿನ ಪೂರ್ಣಿಮಾ ಶೆಟ್ಟಿ/ ಪೂರ್ಣಿಮಾ ಯತೀಶ್ ರೈ. ಆರ್ ಮಂದಿನ ಸಾಧನೆಲೆಗ್,

• ಕರ್ನಾಟಕ ಸರಕಾರದ ಪ್ರತಿಷ್ಠಿತ ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ
• ಕಲಾಸಾಧಕಿ ಪುರಸ್ಕಾರ
• ಲಯನ್ಸ್‌ ಇಂಟರ್‌ನ್ಯಾಷನಲ್‌ ಅವಾರ್ಡ್‌
• ಜೇಸಿಸ್‌ನ ಅತ್ಯುತ್ತಮ ಸಾಧಕಿ ಪುರಸ್ಕಾರ
• ಸ್ಪಂಧನಾ ಪುರಸ್ಕಾರ
• ಸಂಕ್ರಾಂತಿ ಪುರಸ್ಕಾರ
• ಯಕ್ಷಧ್ರುವ ಪ್ರಶಸ್ತಿ
• ಯುವ ಯಕ್ಷಕಲಾಧಕಿ ಪ್ರಶಸ್ತಿ
• ಪ್ರಜಾಪಿತ ಬ್ರಹ್ಮಕುಮಾರಿ ಸಂಸ್ಥೆದ ಸಾಧಕಿ ಪುರಸ್ಕಾರ
• ಕರ್ನಾಟಕ, ಮುಂಬಯಿ

ಅವು ಅತ್ತಂದೆ, ಮೆರೆನ ನೇತೃತ್ವದ ಶ್ರೀ ಮಹಾಗಣಪತಿ ಮಹಿಳಾ ಯಕ್ಷಗಾನ ಸಂಘ ಬಾಳ-ಕಾಟಿಪಳ್ಳ ಸಂಸ್ಥೆಗ್ ಅವೆತೋ ಪ್ರಶಸ್ತಿ-ಪುರಸ್ಕಾರಲು ಲಭಿಸುದುಂಡು. ಯಕ್ಷ ಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ (ರಿ) ಪೊಂಜೊವುಲೆನ ಘಟಕದ ಅಧ್ಯಕ್ಷೆಯಾದ್ ಸತತ ಆಜಿ ವರ್ಷೊಡು ಯಕ್ಷಗಾನದ ಸೇವೆ ಮಾತೊಂದು ಉಲ್ಲೆರ್.