ಭವ್ಯಶ್ರೀ ಕುಲ್ಕುಂದ

ಭವ್ಯಶ್ರೀ ಕುಲ್ಕುಂದ
ಪುಟ್ಟು	೦೩ನೇ ದಶಂಬರ ೧೯೮೭ [ಸುಳ್ಯ] ತಾಲೂಕುದ ಮಂಡೆಕೋಲು
ದೇಶ	ಭಾರತೀಯ
ವಿದ್ಯಾಭ್ಯಾಸ	ಬಿ.ಎಡ್, M.A,
Known for	ಯಕ್ಷಗಾನ ಭಾಗವತಿಕೆ
Spouse(s)	ಹರೀಶ್ ಕುಲ್ಕುಂದ (ಮದುವೆ. ೦೪-೦೫-೨೦೧೫ )
ಜೋಕುಲು	ಅಗಸ್ತ್ಯ
Parent	ರುಕ್ಮಿಣಿ (ತಾಯಿ) ವಿಶ್ವನಾಥ (ತಂದೆ)

ಭವ್ಯಶ್ರೀ ಕುಲ್ಕುಂದ ಮೇರ್ ಯಕ್ಷಗಾನದ ಪ್ರಸಿದ್ಧ ಭಾಗವತೆರ್. ಮೇರ್ ಸುಳ್ಯ ತಾಲೂಕುದ ಮಂಡೆಕೋಲುಡ್ ಪುಟ್ಟುದಿನಿ. ಮೆರೆನ ಅಪ್ಪೆ ಶ್ರೀಮತಿ ರುಕ್ಮಿಣಿ ಬೊಕ್ಕ ಅಮ್ಮೆರ್ ಶ್ರೀ ವಿಶ್ವನಾಥ. ಮೆರೆನ ಅಮ್ಮೆರ್ ಬೊಕ್ಕ ಅಜ್ಜೆರ್ ಶ್ರೀ ರಾಮಪ್ಪ ಗೌಡ ಮೊಕಲೆನ ಯಕ್ಷಗಾನದ ಅಭಿಮಾನನೇ ಮೆರೆನ ಯಕ್ಷಗಾನ ಪ್ರೀತಿಗ್ ಕಾರಣ.

ಶಿಕ್ಷಣ

ಸುಳ್ಯದ ನೆಹರೂ ಮೆಮೋರಿಯಲ್ ಕಾಲೇಜ್‌ಡ್ ಕಲ್ದಿನ ಮೇರ್, ಉನ್ನತ ವ್ಯಾಸಂಗೊನು ಮಂಗಳೂರು ವಿಶ್ವವಿದ್ಯಾಲಯೊಡು ಮಲ್ದೆರ್. ಮೆರೆನ ಭಾಗವತಿಕೆದ ಗುರು ಶ್ರೀ ವಿಶ್ವ ವಿನೋದ ಬನಾರಿ ಬೊಕ್ಕ ಛಂದಸ್ಸುದ ಗುರು ಶ‍್ರೀ ಗಣೇಶ್ ಕೊಲಕಾಡಿ

ಕಾರ್ಯಕ್ರಮೊ

ನಮ್ಮ ಜಿಲ್ಲೆಡ್ ಮಾತ್ರ ಅತ್ತಾಂದೆ ಬೆಂಗಳೂರು, ದೆಲ್ಲಿ, ಬೊಂಬಾಯಿ ಇಂಚ ಮಸ್ತ್ ಕಡೆಟ್ ಕಾರ್ಯಕ್ರಮ ಕೊರ್ತೆರ್. ಮಾತ್ರ ಅತ್ತಾಂದೆ ಮೇರ್ ಆಕಾಶವಾಣಿದ ಬಿ ಗ್ರೇಡ್ ಕಲಾವಿದೆರ್. ಅರೆಭಾಷೆಡ್ ಯಕ್ಷಗಾನ ಪ್ರಸಂಗೊದ ಅನುವಾದದ ಕೆಲಸೊಲಾ ಮೇರ್ ಮಲ್ದೆರ್. ಅರೆಭಾಷೆದ ಯಕ್ಷಗಾನ ತಾಳಮದ್ದಲೆಡ್ ಮೇರ್ ಭಾಗವತಿಕೆ ಮಲ್ದೆರ್.

ಪ್ರಶಸ್ತಿ ಬೊಕ್ಕ ಸನ್ಮಾನ

ಸುಳ್ಯ ತಾಲೂಕುದ ೨೦೨೦ ನೇ ಇಸವಿದ ರಾಜ್ಯೋತ್ಸವ ಸಮಾರಂಭೊಡು ಮೆರಗ್ ತಾಲೂಕು ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ತಿಕ್ಕ್ದ್ಂಡ್ ಕೇದಿಗೆ ಪ್ರತಿಷ್ಥಾನೊಡ್ದ್ ಲಕ್ಷ್ಮೀಭಾಸ್ಕರ ಯಕ್ಷ ಸೇವಾ ನಿಷ್ಠ ಪ್ರಶಸ್ತಿ ಮಾತ್ರ ಅತ್ತಾಂದೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ವತಿಡ್ ತುಳುಭವನೊಡು ನಡತಿನ ತುಳು ಯಕ್ಷಸಿರಿಡ್ ಸನ್ಮಾನ, ದೆಲ್ಲಿದ ಕರ್ನಾಟಕ ಸಂಗೊಡು ಸನ್ಮಾನ, ಬೊಂಬಾಯಿದ ಬಂಟೆರೆ ಸಂಘೊಡ್ದ್ ಸನ್ಮಾನ ಮೇರೆಗ್ ತಿಕ್ಕ್ ಂದ್ಂಡ್