ಕಲ್ಪನಾ

ಮಿನುಗುತಾರೆ ಕಲ್ಪನಾ(18-7-1943-/12-5-1979) ಮಿನುಗುತಾರೆ ಪಂದ್ ಕನ್ನಡ/ತುಳು ಚಿತ್ರ ರಸಿಕೆರ್ ನ ಮನಸ್ ಡ್ ಮದಪರೆ ಆವಂದಿನ ಪಾತ್ರಲೆನ್ ನಿರ್ವಹಣೆ ಮಂತುದು, ಜನಪ್ರಿಯತೆದ ಉತ್ತುಂಗನ್ ಏರುದಿನ ನಟಿ ಕಲ್ಪನಾ ಮೂಲತಃ ನಮ್ಮ ದಕ್ಷಿಣ ಕನ್ನಡ ಜಿಲ್ಲೆದ ಮಂಗಳೂರು /,ಕುಡ್ಲದಾರ್. ಚಿತ್ರರಂಗ ಪ್ರವೇಶ ಮನ್ಪುನ ದುಂಬು ಅರೆನ ದುಂಬುದ ಪುದರ್ 'ಶರತ್ ಲತಾ'. 1943 ಇಸವಿ ಜುಲೈ 18 ತಾನಿ ಮಧ್ಯಾಹ್ನ 3 ಗಂಟೆಗ್ ಶ್ರೀಯುತೆರಾಯಿನ ಎನ್.ಎಸ್.ಕೃಷ್ಣಮೂರ್ತಿ ಬೊಕ್ಕ ಎಂ.ಜಾನಕಮ್ಮ ಅರೆನ ಮಗಳ್ ಆದ್ ಕುಡ್ಲದ ವೆನ್ ಲೋಕ್ ಸರಕಾರಿ ಆಸ್ಪತ್ರೆಡ್ ಪುಟ್ಟಿಯೆರ್ .1963ಡ್ ಪಂತುಲು ಅರೆನ 'ಸಾಕುಮಗಳು' ಚಿತ್ರೊಡು ಆರಂಭವಾಯಿನ ಮೆರೆನ ಸಿನಿಮಾ ಪಯಣ 1978ರ ಶ್ರೀಯುತ ಜ್ಞಾನಪೀಠಿ ಶಿವರಾಮ ಕಾರಂತೆರ್ನ ನಿರ್ದೇಶನೊದ 'ಮಲೆಯಮಕ್ಕಳು' ಮುಟ್ಟ ಸರಿ ಸುಮಾರು 78 ಸಿನಿಮೊಲೆಡ್ ಅಭಿನಯ ಮನ್ಪುಲೆಕ್ಕ ಮಂತುಂಡ್. ಅಂಚಿನ ಮಹಾನ್ ತಾರೆ ಕಲ್ಪನಾ ರೆನ ಬಗ್ಗೆ ಮೈಸೂರುದ ಯುವ ಸಾಹಿತಿ ವಿ.ಶ್ರೀಧರ ಸುಮಾರು 1114ಪುಟೊದ "ರಜತರಂಗದ ಧ್ರುವತಾರೆ"(ಮಿನುಗುತಾರೆ ಕಲ್ಪನಾರ ಸಂಸ್ಮರಣ ಗ್ರಂಥ) ಬೃಹತ್ ಸಂಸ್ಮರಣ ಗ್ರಂಥೊನು ಬುಡುಗಡೆ ಮಂದಿನ ಕಲ್ಪನಾರೆಗ್ ಕೊರ್ತಿನ ಮಾ ಮಲ್ಲ ಗೌರವ.

ಜನನ, ವೃತ್ತಿರಂಗ

ಕಲ್ಪನಾ 1943ತ ಜುಲೈ 18 ದಾನಿ ಕುಡ್ಲಡ್ ಪುಟ್ಟುದಿನಿ. ಅಂಚಾ ಅರೆನ ಮಾತೃ ಭಾಷೆ ತುಳು. ಅಪ್ಪ ಕೃಷ್ಣಮೂರ್ತಿ, ಅಮ್ಮ ಜಾನಕಮ್ಮ. ಕಲ್ಪನಾ ಬಾಲ್ಯೊಡೇ ಕಲಾವಿದೆ ಆವೋಡು ಪಂದ್ ಕನಸು ಕಟ್ಟುದಿನಾರ್. ಅರೆನ ಕುಟುಂಬೊಡು ಏರ್ಲಾ ಕಲಾವಿದೆರ್ ನಕುಲು ಇಜ್ಜೆರ್. ಅಂಚಿನ ಕನಸ್ ಗ್ ಸಹಕಾರ ಕೊರ್ಪಿನಕುಲುಲ ಇತ್ತುಜೆರ್. ವೃತ್ತಿ ರಂಗಭೂಮಿಡ್ ಸ್ತ್ರೀ ನಾಟಕ ಮಂಡಳಿದ ಮೂಲಕ ರಂಗಭೂಮಿ ಪ್ರವೇಶ ಮಂತುದು ಚಿತ್ರರಂಗೊಡು ಮಿನುಗುತಾರೆ ಪಂದ್ ಪುಗರ್ಮೆ ಗ್ ಬೈದಿನ ಕಲ್ಪನಾ ಅಭಿನಯೊ ಮಂದಿನ ಸುರುತ ಕನ್ನಡ ಚಲನಚಿತ್ರ ಬಿ.ಆರ್. ಪಂತುಲು ಮೆರೆನ ನಿರ್ದೇಶನೊಡು ಬೈದಿನ ಸಾಕು ಮಗಳು. 1967ಡ್ ಬಿಡುಗಡೆಯಾಯಿನ ಚಿತ್ರ ಬೆಳ್ಳಿಮೋಡ ಅರೆಗ್ ಬಾರೀ ಜನಪ್ರಿಯತೆನ್ ಕಂತು ಕೊರುಂಡು. ಗೆಜ್ಜೆ ಪೂಜೆ, ಶರಪಂಜರ, ಎರಡು ಕನಸು, ಗಂಧದ ಗುಡಿ ಅವೇತೋ ಚಲನಚಿತ್ರಲೆಡ್ ಕಲ್ಪನಾ ಮಸ್ತ್ ಎಡ್ಡೆಡ್ ಅಭಿನಯ ಮಂತುದು ಚಿತ್ರ ರಸಿಕೆರ್ನ ಮನಸ್ ಗೆಂದುದೇರ್.

ಕಲ್ಪನಾಗೆ, ಹೈಸ್ಕೂಲ್ ಡು ಉಪ್ಪುನಗನೇ ನಾಟಕಲೆಡು ಪೂರಾ ಬಾರೀ ಆಸಕ್ತಿ. ಮೊನೆಗ್ ಬಣ್ಣ ಪಾಡುನ ಹಂಬಲೊ. ಬೆಳ್ಳಿಮೋಡ ಚಿತ್ರದ "ಬೆಳ್ಳಿಮೋಡದ ಅಂಚಿನಿಂದಾ ಓಡಿಬಂದಾ ಮಿನುಗುತಾರೆ" ಪನ್ಪಿನ ಪದ್ಯನೇ ನಟಿ ಕಲ್ಪನಾರವರಿಗೆ 'ಮಿನುಗುತಾರೆ' ಪನ್ಪಿನ ಬಿರುದುನು ಕೊರ್ತುಂಡು.

ಕನ್ನಡದ 65 ಚಿತ್ರಲೆನ್ ಸೇರುದು ಒಟ್ಟುಗ್ 74 ಚಲನಚಿತ್ರೊಲೆಡ್ ಆರ್ ಅಭಿನಯಿಸ್ ದೇರ್ .ಕಲ್ಯಾಣಕುಮಾರ್ ನಿರ್ಮಾಣ ಮಂದಿನ "ಪೋಲೀಸನ ಮಗಳು" ಚಿತ್ರೊ ಅರ್ಧೊಡೇ ಉಂತುದು ಪೋಂಡು. "ಬೆಳ್ಳಿಮೋಡ", "ಹಣ್ಣೆಲೆ ಚಿಗುರಿದಾಗ", "ಶರಪಂಜರ" ಈ ಚಲನಚಿತ್ರದ ಅಭಿನಯಕ್ ಗ್ 3 ಸಲ ರಾಜ್ಯ ಸರ್ಕಾರೊದ ಅತ್ಯುತ್ತಮ ನಟಿ ಪ್ರಶಸ್ತಿ ಗೆಂದುದಿನ ಕಲ್ಪನಾಗ್ ಪುಸ್ತಕ ಓದುನ ಹವ್ಯಾಸಲಾ ಇತ್ತುಂಡು. ಮೆರೆನ ವಿರುದ್ಧ ಅಹಂಕಾರ, ಉದ್ಧಟತನದ ಪಾತೆರೊಲ ಇತ್ತುಂಡು.

ವಾಸ್ತವವಾದ್ ಕಲ್ಪನಾರೆಗ್ ಕೈತಲ್ ದಕುಲು ಪನ್ಪಿಲೆಕ್ಕ ಕಲ್ಪನಾ ರೆಗ್ ಚರ್ಮದ ಸಮಸ್ಯೆ ಇತ್ತುಂಡು. ಚರ್ಮ ಪೊರೆ ಬುಡ್ಪಿಲೆಕ್ಕ ಆವೊಂದು ಇತ್ತುಂಡು. ಚಿತ್ರಲೊಡ್ ಪೂರಾ ಅರ್ಧ ತೋಳುದ ರವಕೆ ಪಾಡುದು ಅಭಿನಯ ಮನ್ಪುನ ಸನ್ನಿವೇಶ ಪೂರಾ ಮಸ್ತ್ ಹಿಂಸೆ ಆವೊಂದು ಇತ್ತುಂಡು. ಗ್ಲ್ಯಾಮರ್ ನಟಿಗ್ ,ಉಂದೆತ ಬಗ್ಗೆ ದುಃಖೊಲ ಇತ್ತುಂಡು. ಏತೋ ಬಾರಿ ಬುಲ್ತಿನಲ ಉಂಡು. ಅಯಿಕ್ , ಏತೋ ಚಿತ್ರಲೆಡ್ ಉದ್ದ ಕೈತ ರವಕೆ ನೇ ಪಾಡೊಂದು ಇತ್ತೆರ್. ಏತ್ ಮೇಕಪ್ ಮಂತುಂಡಲ ಆ ತೊಂದರೆ ಪೋವೊಂದು ಇತ್ತುಜಿ. ಆಂಡಾ ಕಲ್ಪನಾರೆಗ್ ಆ ಸತ್ಯೊನು ಪನರೆ ಆವಂದೆ ನುಂಗುನ ಅನಿವಾರ್ಯತೆ ಇತ್ತುಂಡು. ಒರ ಈ ಸಂಗತಿ ಮಿನಿ ಬಯಲಾಂಡ , ಒಲು ಅರೆನ ತಾರಾಮೌಲ್ಯಕ್ ಧಕ್ಕೆಯಾಪುಂಡು ಪನ್ಪಿನ ಭಯ ಇತ್ತುಂಡು. ಪೂರಾ ಒಟ್ಟಾದ್ ಅರೆನ ವಿರುದ್ಧ ಅಹಂಕಾರ, ಉದ್ಧಟತನ ಪಂದ್ ವದಂತಿಗ್ ಕಾರಣ ಆಂಡ್.

ಬಹುಮುಖ ತಾರೆಯ ವಿಶೇಷೊ ಗುಣೊಲು

ಸುಮಾರು 27 ಕನ್ನಡ ಚಿತ್ರೊಲೆಡ್ ಬಹುಮುಖ ಪ್ರತಿಭೆಯಾದ್ ಮೆರೆಯಿನ ಮಿನುಗುತಾರೆ ತಮಿಳು ಭಾಷೆಡುಲ ಪುಗರ್ಮೆ ಪಡೆಯೆರ್. ಅಯಿಟುಲ ಮುಖ್ಯವಾದ್ "ಮಡ್ರಾಸ್ ಟು ಪಾಂಡಿಚರಿ" ಚಿತ್ರ ಕಲ್ಪನಾ ದರೆನ್ ಯಶಸ್ಸ್ ದ ಶಿಖರ್ ನ ಏರಾಂಡ್. ಅವು ಚಿತ್ರ ಹಿಂದಿ ಭಾಷೆಗೂ ಲಾ ರಿಮೇಕ್ ಆದ್ ಅಮಿತಾಬ್ , ಅರುಣಾ ಇರಾನಿ ಮುಖ್ಯಭೂಮಿಕೆಡ್ ತೆರೆಕ್ ಬತ್ತುದು ಮಸ್ತ್ ಯಶಸ್ಸು ಗಳಿಸಾಂಡ್.

ಇಡೀ ಚಿತ್ರೋಧ್ಯಮಡ್ ಅತ್ಯುತ್ತಮ ಪ್ರತಿಭೆಯಾದ್, ಅರೆನ ಪಾತೆರದ ಶೈಲಿ, ಚುರುಕು ಆಯಿನ ಚಟುವಟಿಕೆ, ಅಸಾಂಪ್ರದಾಯಿಕವಾಯಿನ ಜೀವನ ಶೈಲಿ, ಅರೆನ ಉಡುಗೆ ತೊಡುಗೆ ನನ ಆತು ಜನಪ್ರಿಯತೆ ತಂದುಕೊರುಂಡು. ಆ ಕಾಲದ 1965–75 ಮಾಡ್ರನ್‍ ಉಡುಗೆನ್ ಪಾಡುದು ಅರೆನ ನೇ ಆಯಿನ ಒಂಜಿ ಟ್ರೆಂಡ್ ಮಂತ್ ಇತ್ತೆರ್. ಮಲ್ಲ ಮಲ್ಲ ಕೆಬಿತ ಓಲೆಲು, ಅಯಿಕ್ ಒಪ್ಪುನ ಮಲ್ಲ ಮಲ್ಲ ಉಂಗುರೊಲು, ಕುದ್ಯ ದ ಸೆರಗು, ಹಾರದ ದ ಅಂಚಿನ ಸರಕುಲು, ಕಿನ್ಯ ಕಿನ್ಯ ಕೈತ ಬೌಸುಲೆನ್ ಪಾಡುದು ಅರೆನ ನೇ ಒಂಜಿ ಟ್ರೆಂಡ್ ಪ್ರಾರಂಭ ಮಂತ್ ಇತ್ತೆರ್.

ಈ ಚೆಲುವೆನ ಅಭಿನಯ ತೂದು ಬೆರಗು ಆತಿನಕುಲು ಏರ್ಲಾ ಉಪ್ಪಯೆರ್. ಹಣ್ಣೆಲೆ ಚಿಗುರಿದಾಗ , ಶರಪಂಜರ , ಬೆಳ್ಳಿಮೋಡ ಚಿತ್ರಲೆಗ್ ಅತ್ಯದ್ಭುತ ಅಭಿನಯಕ್ಕಾದ್ ರಾಜ್ಯ ಪ್ರಶಸ್ತಿನ್ ಅರೆನ ಮುಡಿಗ್ ಏರುಪಾಯಿನ ಕನ್ನಡ ಚಿತ್ರೋಧ್ಯಮಡ್ ರಾಣಿ ಲೆಕ್ಕ ಶೋಭಿಸಿನ ಕಲ್ಪನಾ ಬಣ್ಣದ ಜಗತ್ತ್ ಡ್ ಅರೆನ ಚಿನ್ನದ ಲೆಕ್ಕದ ಜೀವನೊನು ತಮ್ಮ ಕೈಯಾರೇ ಹಾಳು ಹಾಳು ಮಂತುದು, ಮಿನುಗು ತಾರೆ ಅದಗೊಗ್ಲ ,ಇನಿಗ್ಲ,ಎಪೊಗ್ಲ ಮಿನುಗು ತಾರೆಗ್ ಸರಿ ಸಾಟಿಯಾದ್ ಏರ್ಲ ಉಪ್ಪರೆ ಸಾಧ್ಯ ಇಜ್ಜಿ.

ಮಿನುಗುತಾರೆ ಆಕಾಶೊಡು ಎಪೋಲ ಮಿನುಗೊಂದೇ ಉಪ್ಪುವೇರ್. "ಕಲ್ಪನಾ ವಿಲಾಸ" ಪನ್ಪಿನ ಕಲ್ಪನಾರ ಜೀವನ ಚರಿತ್ರೆಯ ಪುಸ್ತಕ ಒಂಜಿಂಡು.ಜೊತೆಗ್ ಮೈಸೂರಿನ ಯುವ ಸಾಹಿತಿ ವಿ.ಶ್ರೀಧರ್ ಸುಮಾರು 1114ಪುಟೊತ "ರಜತರಂಗದ ಧ್ರುವತಾರೆ"(ಮಿನುಗುತಾರೆ ಕಲ್ಪನಾರ ಸಂಸ್ಮರಣ ಗ್ರಂಥ) ಬೃಹತ್ ಸಂಸ್ಮರಣ ಗ್ರಂಥೊನ್ ಬಿಡುಗಡೆ ಮಂದಿನಲ ವಿಶೇಷ. ಸೆಪ್ಟೆಂಬರ್ 20, 2009ಟ್ ಬೆಂಗಳೂರು ನಗರದ ನಯನೊ ಸಭಾಂಗಣೊಡ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಆಯೋಜಿಸಾದಿನ 'ಮನೆಯಂಗಳದಲ್ಲಿ ಮಾತುಕತೆ' ಕಾರ್ಯಕ್ರಮೊಡು ಹಿರಿಯ ರಂಗಕರ್ಮಿ ಗುಡಗೇರಿ ಬಸವರಾಜ್ ಆರ್ ಭಾಗವಹಿಸಿ ಪಾತೇರುತ್ತ , ಪಾತೇರುತ್ತ- ಒಂಜಿ ವೇಳೆ ಮಿನುಗುತಾರೆ ಕಲ್ಪನಾ ಇನಿ ಬದುಕುದು ಇತ್ತೆರ್ಡ, ಯಾನ್ ಬೊಕ್ಕ ಆಳ್ ರಂಗಭೂಮಿದ 'ಧ್ರುವತಾರಾ ದಂಪತಿ'ಗಳೊತಾವ. ಆಂಡಾ ಅದು ವಿಷಯದಲ್ಲಿ ಯಾನ್ ನಿರಪರಾಧಿ. ಆಲ್ ತುಂಬಾ ದುಡುಕಿದ ನಿರ್ಧಾರ ದೆತ್ತೊಂಡಲ್ ಎಂದು ಹೇಳಿದ್ದಾರೆ.

ಆತ್ಮಹತ್ಯೆಗ್ ಕಾರನೊಲು

03-05-1979 ದಾನಿ ಕಲ್ಪನಾ ಆತ್ಮ ಹತ್ಯೆ ಮಂತೆರ್. ಕಲ್ಪನಾ ಆತ್ಮಹತ್ಯೆ ಮಂತಿನಾನಿ ರಾತ್ರಿ ಸುಮಾರ್ 2-30 ತ ಅಂಚಿ ಸಂಕೇಶ್ವರಡ್ ‘ಕುಮಾರ ರಾಮ’ ನಾಟಕ ನಡೆದಿತ್ತುಂಡು. ಅಯಿಟ್ ಗುಡಗೇರಿ ಬಸವರಾಜು ಕುಮಾರ ರಾಮನಾದ್ ಇತ್ತುಂಡ ಕಲ್ಪನಾ ಮಲತಾಯಿನ ಪಾತ್ರೊಡು ಇತ್ತೆರ್. ನಾಟಕೊಡು ಭಾಗವಹಿಸುನಗನೇ ಕಲ್ಪನಾ ಅನ್ಯಮನಸ್ಕರಾದ್ ಇತ್ತೆರ್. ನಾಟಕೊಡು ಕುಮಾರ ರಾಮ ಎಂಕ್ ‘ಬಡಾಪುಂಡು’ ಪನ್ನಗ‘ರೊಟ್ಟಿ ತಿನ್’ ಪಂದ್ ಪನ್ಪಿನಡೆ ‘ ಬೈ ತಿನ್’ ಪಂದ್ ಪಂದು ಇತ್ತೆರ್. ಅವೆನ್ ತೂದು ಜನ ಬುರುದು ಬುರುದು ತೆಲ್ತೊಂದು ಇತ್ತೆರ್. ಉಂದೆಡ್ ದಾತ್ರ ಅವಮಾನ ಆಯಿನ ಬಸವರಾಜ ‘ ಅಂದ್ ಯಾನ್ ಪೆತ್ತ, ಬೈ ಕೊರು’ ಪಂದ್ ಪನೊಂದು ವೇದಿಕೆದ ಮಿತ್ತುಡ್ ಬಲ್ಪರೆ ಪ್ರಾರಂಭ ಮಂತೆರ್. ಅದಗ ಜನಕುಲು ನನ ಆತು ಕೇಕೆ ಪಾಡರೆ ಸುರು ಮಂತೆರ್ ಅಪಗ ಅಪಮಾನ ಆಯಿನ ಬಸವರಾಜ್ ನಾಟಕನ್ ಅಡೆಗೇ ಉಂತಾಯೆರ್. ಪರದೆ ಬುರುನ ಬೊಕ್ಕ ನೇರವಾದ್ ಕಲ್ಪನಾ ನಡೆ ಪೋದು, ಕೆನ್ನೆಗ್ ಒಂಜಿ ಹಾಕಿಯೆರ್. ಉಂದೆಡ್ದ್ ವಿಚಲಿತ ಆಯಿನ ಕಲ್ಪನಾ ವೇಷ ಕೂಡ ಬದಲು ಮನ್ಪಂದೆ ನೇರವಾದ್ ಗೋಟೂರುದ ಪ್ರವಾಸಿ ಧಾಮಕ್ ಪೋದು ಆತ್ಮಹತ್ಯೆ ಮಂತೆರ್ ಪಂದ್ ಒಂಜಿ ಕಡೆ ಬರೆಪೇರ್ ಸಿನಿಮಾ ಕುರಿತು ಸಂವೇದನಾಶೀಲ ಬರಹಗಾರರಾಯಿನ ಎನ್.ಎಸ್. ಶ್ರೀಧರಮೂರ್ತಿ. ಪೋಸ್ಟ್ ಮಾರ್ಟಂ ವರದಿ ಪ್ರಕಾರ ಕಲ್ಪನಾ 56 ನಿದ್ರೆದ ಮಾತ್ರೆಲೆನು ನುಂಗುದು ಇತ್ತೆರ್. ಮಾನಸಿಕವಾದ್ ವಿಚಲಿತರಾನಗ ನಿದ್ರೆ ಮಾತ್ರೆ ನುಂಗುನ ಅಭ್ಯಾಸ ಅರೆಗಿತ್ತುಂಡು. ದುಂಬು ರಡ್ಡ್ ಮೂಜಿ ಸಲ ಇಂಚೆನೆ ಸಾವುದ ಅಂಚಿನ್ ಮುಟ್ಟುದು ಬತ್ತಿತ್ತೇರ್. ಈ ಸಲ ನಿದ್ರಾ ಮಾತ್ರೆದೊ ಪ್ರಮಾಣ ಅರೆನ್ ಸೀದಾ ಯುಮಪುರಿಗೇ ಲೆತ್ತೋಂದು ಪೋಂಡು. ಕಲ್ಪನಾ ಸಾಹಿತ್ಯ ಸಂಸ್ಕೃತಿದ ಬಗ್ಗೆ ಒಲವುನು ದೀದ್ ಇತ್ತೆರ್. ಪುಸ್ತಕ ಪ್ರೇಮಿಲಾ ಆದಿತ್ತೆರ್. ಎಡ್ಡೆ ಕವಿತೆಲೆನು ಬರೆದಿತ್ತೆರ್. ಅಂಕಣೊಲೆನೂ ಬರೆದಿತ್ತೆರ್. ‘ಯಾವ ಜನ್ಮದ ಮೈತ್ರಿ’ ಚಿತ್ರದ ಪಾತ್ರ ವಿವಾದಗ್ ತಿಕ್ಕುನಗ ದಾಖಲೆದೊಟ್ಟಿಗೆ ಆರೇ ಸಮರ್ಥನೆ ಮಂತು ಇತ್ತೆರ್. ಅಂಚ ಈ ಕೆಲವು ಅಂಶೊಲು ಒಲ್ಪಲ ಚರಿತ್ರೆಡ್ ದಾಖಲಾತುಜಿ.

ಕಲ್ಪನಾ ನಟನೆ ಮಂದಿನ ಚಿತ್ರೊಲು

ಸಾಕು ಮಗಳು

ಚಿನ್ನದ ಗೊಂಬೆ

ಕವಲೆರಡು ಕುಲವೊಂದು

ಬೆಳ್ಳಿಮೋಡ

ಬಂಗಾರದ ಹೂವು

ಗೆಜ್ಜೆಪೂಜೆ

ಶರಪಂಜರ

ಸೋತು ಗೆದ್ದವಳು

ಸರ್ವಮಂಗಳಾ

ಕಪ್ಪು ಬಿಳುಪು

ಮಣ್ಣಿನ ಮಗ

ಕರುಳಿನ ಕರೆ

ನಾಂದಿ

ಉಯ್ಯಾಲೆ

ಬಯಲು ದಾರಿ

ಹಣ್ಣೆಲೆ ಚಿಗುರಿದಾಗ

ಸೀತಾ

ನಾ ಮೆಚ್ಚಿದ ಹುಡುಗ

ಮರೆಯದ ದೀಪಾವಳಿ

ಭಲೇ ಅದೃಷ್ಟವೋ ಅದೃಷ್ಟ

ಮಲೆಯ ಮಕ್ಕಳು