ಗರುಡ ಪಾತಾಳ

ಸರ್ಪಗಂಧಿ ಪೂ

ಸರ್ಪಗಂಧಿ ಕಾಯಿ

ಸರ್ಪಗಂಧಿ

ಸರ್ಪಗಂಧಿ

ಒಂಜಿ ಗಿಡಮೂಲಿಕೆ; ಮರ್ದುದ ಗುಣ ಇತ್ತಿನ ದಯಿ. ಸರ್ಪಗಂಧಿ ದ ಬೇರ್ ಉಚ್ಚುದ ಲೆಕ್ಕ ಡೊಂಕಾದ್ ಉಪ್ಪುಂಡು.ಈ ಬೇರ್ಗ್ ಉಚ್ಚುದ ವಿಷೊನು ಕಡಿಮೆ ಮನ್ಪುನ ಶಕ್ತಿ ಉಂಡು.ಮುಂಗುಲಿ ಉಚ್ಚುದ ತರೆನ್ ತುಚ್ಚಿದ್ ತುಂಡು ಮಲ್ತಿ ಬೊಕ್ಕ ವಿಷೊನು ತಗ್ಗಯೆರೆ ಬೋಡಾದ್ ಸರ್ಪಗಂಧಿದ ಬೇರ್ ನ್ ಒಕ್ಕ್ ದ್ ತಿನ್ಪುಂಡು ಪನ್ಪಿನವು ಪ್ರಚಲಿತ ದಂತ ಕಥೆ.ಸರ್ಪಗಂಧಿ ಬೇರ್‍ದ ಗಿಡಮೂಲಿಕೆದ ಗುಣ ಚರಕಸಂಹಿತೆದ ಕಾಲೊಡೆ ಪ್ರಸಿದ್ದಿ ಪಡೆದುಂಡು.

ಬೇತೆ ಬೇತೆ ಪುದರುಲು

• ತುಳು- ಗರುಡಪಾತಾಳ, ಸರ್ಪಗಂಧಿ.
• ಸಸ್ಯ ವೈಜ್ಞಾನಿಕ ಪುದರ್ - ರೊವೊಲ್ಫಿಯಾ ಸರ್ಪೆಂಟೀನ (Rauvolfia serpentina) : (ಅಪೊಸೈನೇಸಿ - ಸಸ್ಯ ಕುಟುಮ).
• ಕನ್ನಡ - ಸರ್ಪಗಂಧ, ಸರ್ಪಗಂಧಿ, ಚಂದ್ರಿಕ, ಪಾತಾಳ ಗಂಧಿ, ಶಿವವಾಬಿಬಳ್ಳಿ, ಸೂತ್ರನಾವಿ.
• ತಮಿಳ್ - ಚಿವನ್ ಅಮಲಪೊಡಿ
• ತೆಲುಗು - ಪಾತಾಳಗಂಧಿ, ಪಾತಾಳಗರುಡ, ಪಾತಾಳಗೋಣಿ
• ಮಲಯಾಳಂ -ಚುವನ್ನ ವಿಲ್ಪೋರಿ, ಸುವಪಾವಾಲ್ ಫೊರಿಯಾನ್
• ಇಂಗ್ಲೀಷ್ - ಸರ್ಪೆಂಟೀನ ರೂಟ್, ಇಂಡಿಯನ್ ಸ್ನೇಕ್ ರೂಟ್, ಡೆವಿಲ್ ಪೆಪರ್.
• ಸಂಸ್ಕೃತ - ಸರ್ಪಗಂಧಿ
• ಹಿಂದಿ - ಛೋಟ ಚಂದ್; ಚಂದ್ರಭಾಗ
• ಉರ್ದು- ಆಸ್ರೇಲ್
• ಮರಾಟಿ- ಹರ್ಕಾಯ, ಹರ್ಕಿ
• ಬಂಗಾಲಿ -ಚಂದ್ರ
• ಒರಿಯಾ - ಪಾತಾಳ ಗರೂರು, ಸಾನೊಚಾಡ.
• ಇಂಡೋನೇಶಿಯಾ - ಪುಲೆ ಪಂಡಕ್.
• ಚೀನಾ - ಶೇಗೇನ್ ಮೂ, ಇಂದು ಶೇಮು.

ದಯಿತ್ ಪೊಲಬು

ಸರ್ಪಗಂಧಿದ ದಯಿ ೩೦ ಸೆ.ಮಿ ೭೫ ಸೆ ಮಿ ಎತ್ತರೊಗು ಬಳಪುಂಡು.ಸಾಮಾನ್ಯವಾದ್ ದಂಡ್ ಮೆದು ಉಪ್ಪುಂಡು. ಇರೆಕುಲು ಉದ್ದವಾದಿಪ್ಪುಂಡು. ಎಲ್ಯ ಬೊಲ್ಡು ಅತ್ತ್ಂಡ ನಸುಕೆಂಪು ಪೂ ಗೊಂಚಲ್ ತೂಯೆರೆ ಭಾರಿ ಪೊರ್ಲು.ಎಲ್ಯ ಉರುಟುದ ಕಾಯಿ ಪಚ್ಚೆ ಬಣ್ಣೊಡಿತ್ತ್ ದ್ ಪರ್ಂದಾನಗ ಕಪ್ಪು ಬಣ್ಣೊಗು ತಿರುಗುಂಡು.

ಮರ್ದ್ ದ ಉಪಯೋಗ

1. ಸರ್ಪಗಂಧಿದ ದಯಿತ ಮರ್ದ್ ಶರೀರೊದ ವಾತ, ಪಿತ್ತೊನು ಸಮತೋಲನಡ್ ದೀಯೆರೆ ಉಪಯೋಗ ಆಪುಂಡು.
2. ನೆತ್ತೆರ್ ದ ಸಕ್ಕರೆದ ಅಂಶೊನು ಕಡಿಮೆ ಮಲ್ಪುನ ಶಕ್ತಿ ಸರ್ಪಗಂಧಿದ ದಯಿಕ್ ಉಂಡು.
3. ನೆತ್ತೆರ್‌ದ ಜಾಸ್ತಿ ಒತ್ತಡೊನು ಕಡಿಮೆ ಮಲ್ಪುನ ಶಕ್ತಿ ಸರ್ಪಗಂಧಿದ ದಯಿಕ್ ಉಂಡು.
4. ಸರ್ಪಗಂಧಿದ ಲುಂಗಾಯಿನ ಬೇರ್ ದ ಪೊಡಿನ್ ಮಾನಸಿಕ ತಿನಿಯೆರೆ ಕೊರ್ಂಡ ಅಕುಲು ಶಾಂತ ಆಪೆರ್ ದುಂಬುದ ನೆನೆಪು ಬರಿಯೆರೆ ಸಾಧ್ಯತೆ ಉಂಡು.
5. ಕೆಲವು ತರತ ಜ್ವರೊಕು ಸರ್ಪಗಂಧಿದ ದಯಿತ ಮರ್ದ್ ಉಪಯೋಗ ಆಪುಂಡು

ರಾಸಾಯನಿಕ ಮರ್ದುಲು

ಗರುಡಪಾತಾಳ (ರೊವೊಲ್ಫಿಯಾ ಸರ್ಪೆಂಟೀನ) ಗಿಡಮೂಲಿಕೆಡು ೨೦೦ ಡುದು ಹೆಚ್ಚ (ಮಸ್ತ್) ನಮೂನೆದ ಕ್ಷಾರರೂಪಿ (ಅಲ್ಕಾಲೋಯಿಡುಲು) ರಾಸಾಯನಿಕ ಮರ್ದುಲೆನ್ ತಯಾರು ಮಲ್ಪುವೆರು. ಇಂಚಿನ ಕ್ಷಾರರೂಪಿ ರಾಸಾಯನಿಕೊಲೆಡು ಅಜಮಾಲಿನ್,ಅಜಮಾಲಿಸಿನ್,ಡಿಸರ್ಪಿಡಿನ್, ರಿಸರ್ಪಿನ್, ಸರ್ಪೆಂಟಿನ್ ಇಂಚಿನವು ಸೇರುವಾ.