ಲವಂಗ
ಲವಂಗ ಕಾರ ಬೊಕ್ಕ ಕಮ್ಮೆನ ಇಪ್ಪುನ ರುಚಿ ಕೊರ್ಪಿನ ಒಂಜಿ ಸಂಬಾರ ವಸ್ತ್. ಪರಿಮಳತ ಲವಂಗನ್ ತೆನಸ್ ಗ್ ಕಮ್ಮೆನ ಕೊರ್ಯೆರೆ ಗಳಸುವೆರ್. ಉಂದು ಸುರುಕ್ ಇಂಡೋನೇಶ್ಯಾಡ್ ಬುಲೆಪಾವರೆ ಸುರು ಮಲ್ತೆರ್. ಅಲ್ಪ ಉಂದೆನ್ ಕಾಟ್ ಮರ ಆದಿತ್ಂಡ್. ಪೋರ್ಚಗೀಸ್ನಕುಲು ಲವಂಗನ್ ಯರೋಪ್ಗ್ ಕನಯೆರ್. ಭಾರತಗ್ ಉಂದ್ ಮಾರಿಷಸ್ದ್ ಬೈದಂಡ್..
ಸಸ್ಯಶಾಸ್ತ್ರೀಯ ವರ್ಗೀಕರಣೊ
[ಸಂಪೊಲಿಪುಲೆ]ಲವಂಗ ಮಿರ್ಟೀಸಿ ಕುಟುಂಬೊಗು ಸೇರ್ದ್ಂಡ್. ಉಂದೆತ ಸಸ್ಯಶಾಸ್ತ್ರೀಯ ಪುದರ್ 'ಸಿಝಿಯಮ್ ಅರೋಮಾಟಿಕಮ್'. ಲವಂಗ ಬರ್ಸ ಬೂರುನ ಜಾಗೆಡ್ ಬುಲೆಪುಂಡು.[೧]
ಉಪಯೋಗೊಲು
[ಸಂಪೊಲಿಪುಲೆ]- ಕೂಲಿ ಪುರಿ ತಿಂದ್ ದ್ ಬೇನೆ ಸುರುವಾಂಡ ಲವಂಗನ್ ಗುದ್ದ್ ದ್ ದೀಪೆರ್.
- ಲವಂಗದ ಎಣ್ಣೆನ್ ಬೇನೆದ ಕೂಲಿದಾಡೆ ಪರ್ತಿಡ್ ಬಾಯಿದ ಬೇತೆ ಜಾಗೆಗ್ ತಾಗಂದಿಲೆಕ್ಕ ಜಾಗ್ರತೆಡ್ ದೀಪೆರ್
- ಕೆಮ್ಮೊಗ್ಲ ಉಂದು ಎಡ್ಡೆ ಮರ್ದ್
- ಟೂಥ್ ಪೌಡರ್, ಪೇಸ್ಟ್ ತಯಾರಿಕೆಡ್ ಉಪಯೋಗ ಮಲ್ಪುವೆರ್
- ಲವಂಗ ಒಂಜಿ ಆಯುರ್ವೇದ ಔಷಧ.
- ಅಟಿಲ್ ಮಲ್ಪುನಗ ಉಂದೆನ್ ಉಪಯೋಗ ಮಲ್ಪುವೆರ್[೨]
ಬುಲೆಪಾವುನ ವಿಧಾನ
[ಸಂಪೊಲಿಪುಲೆ]ಲವಂಗ ದೀರ್ಘ ಕಾಲದ ಬುಲೆ. ಬೇತೆ ಬುಲೆತ್ತ ಒಟ್ಟುಗು ಉಂದೆನ್ ಬುಲೆಪ್ಪಾವೆರ್. ದೈನ್ ೨೦ ಅಡಿ ಅಂತರೊಡ್ ನಾಟಿ ಮಲ್ಪೊಡು. ಗುಂಡಿ ಒಂಜರೆ ಅಡಿ ಆಳ ಇಪ್ಪೊಡು. ಸಾಮಾನ್ಯವಾದ್ ಮಾತ ರೀತಿದ ಮಣ್ಡಡ್ ಬುಲೆಯುಂಡು. ಉಂದೆತ್ತ ಬುಲೆಕ್ ಮಲೆನಾಡ್ ಪ್ರದೇಶ ಎಡ್ಡೆ. ಒಂಜಿ ದೈಡ್ದ್ ೧-೧೦ ಕೆಜಿ ಬುಲೆ ದೆಪ್ಪೊಲಿ. ಸಸಿ ನಾಟಿ ಮಲ್ತ್ದ್ ೫ ವರ್ಷದ ಬೊಕ್ಕ ಬುಲೆ ಬರ್ಪುಂಡು. ಲವಂಗ ಕೃಷಿಗ್ ರೋಗ ಭಾದೆ ಕಮ್ಮಿ.[೩]