ಬ್ಲೂಮ್ಬರ್ಗ್ ಎಲ್. ಪಿ.
ಬ್ಲೂಮ್ಬರ್ಗ್ ಎಲ್.ಪಿ. ಒಂಜಿ ಖಾಸಗಿಯಾದ್ ನಡಪುನ ಒಂಜಿ ಹಣಕಾಸು ಸಾಫ್ಟ್ವೇರ್, ಡೇಟಾ ಬೊಕ್ಕ ಮಾಧ್ಯಮ ಕಂಪನಿ. ನ್ಯೂಯಾರ್ಕ್ ಪೇಂಟೆದ ಮಿಡ್‌ಟೌನ್‌ದ ಮ್ಯಾನ್‌ಹಟನ್‌ಡ್ ಉಂದೆತ ಪ್ರಧಾನ ಕಚೇರಿ ಉಂಡು. ಬ್ಲೂಮ್ಬರ್ಗ್ ಎಲ್. ಪಿ. ಕಂಪೆನಿನ್ ಮೈಕಲ್ ಬ್ಲೂಮ್ಬರ್ಗ್ ಪನ್ಪಿನಾರ್ ಥಾಮಸ್ ಸೆಕುಂಡ, ಡಂಕನ್ ಮ್ಯಾಕ್‌ಮಿಲನ್ ಬೊಕ್ಕ ಚಾರ್ಲ್ಸ್‌ ಝೆಗರ್ ಮೊಕೆಲೆನ ಸಹಕಾರೊಡು ೧೯೮೧ನೇ ಇಸವಿಡ್ ಸ್ಥಾಪನೆ ಮಲ್ತೆರ್. ಮೆರಿಲ್ ಲಿಂಚ್ ೩೦% ಪಾಲ್ ಪಡೆತೆರ್.
ಬ್ಲೂಮ್ಬರ್ಗ್ ಟರ್ಮಿನಲ್ ಈ ಕಂಪೆನಿದ ಪ್ರಮುಖವಾಯಿನ ಆದಾಯ ಕನತ್ ಕೊರ್ಪುನ ಉತ್ಪನ್ನ. ಬ್ಲೂಮ್ಬರ್ಗ್ ಟರ್ಮಿನಲ್‌ನ್ ಗಲಸೊಂದು ಆರ್ಥಿಕ ವಿಶ್ಲೇಷಣೆ ಬೊಕ್ಕ ಷೇರು ವ್ಯವಹಾರ, ಶೇರ್‌ದ ಮಾರ್ಕೆಟ್ ಸ್ಥಿತಿನ್ ಅಧ್ಯಯನ ಮಲ್ಪೊಲಿ. ದತ್ತಾಂಶ ಸೇವೆ ಬೊಕ್ಕ ಹಣಕಾಸು ಕಂಪನಿ ಬೊಕ್ಕ ಸಂಸ್ಥೆಲೆಗ್ ಸಂಬಂಧಿಸಾಯಿನ. ಹಣಕಾಸು ಸಾಫ್ಟ್ವೇರ್ ಉಪಕರಣೊಲೆನ್ ಒದಗಾವುಂಡು. ೨೦೧೪ನೆದ ಇಸವಿಡ್ ಬ್ಲೂಮ್ಬರ್ಗ್ ಎಲ್. ಪಿ. ಯು, ಬ್ಲೂಮ್ಬರ್ಗ್ ಪಾಲಿಟಿಕ್ಸ್‌ನ್ ಸುರು ಮಲ್ತಂಡ್. ಇಂದು ಒಂಜಿ ಬಹುಮಾಧ್ಯಮ ಘಟಕ.[೧]
ಇತಿಹಾಸೊ[ಸಂಪೊಲಿಪುಲೆ]
೧೯೮೧ಟ್ ಸಾಲೊಮನ್ ಬ್ರದರ್ಸ್‌ನ್ ಸ್ವಾಧೀನ ಮಲ್ತ್ದ್ ಮೈಕೆಲ್ ಬ್ಲೂಮ್ಬರ್ಗ್, ಸಾಮಾನ್ಯ ಪಾಲುದಾರಗ್ $ 10 ಮಿಲಿಯನ್ ಪಾಲುದಾರಿಕೆ ವಸಾಹತು ಕೊರ್ತೆರ್.
ಬ್ಲೂಮ್ಬರ್ಗ್ ಎಲ್. ಪಿ. ಸ್ಥಾಪನೆದ ಆಯಿ ಬೊಕ್ಕ ಖಾಸಗಿ ಕಂಪೆನಿಯಾದೇ ಒರಿದ್ಂಡ್. ಕಂಪನಿದ ಬಹುಪಾಲು ಮೈಕಲ್ ಬ್ಲೂಮ್ಬರ್ಗ್ ಒಡೆತನದಡ್ ಉಂಡು. ಬ್ಲೂಮ್ಬರ್ಗ್ ಆಡಳಿತೊಡ್ ಮಾಜಿ ಡೆಪ್ಯುಟಿ ಮೇಯರ್ ಡಾನಿಯಲ್ ಡಾಕ್ಟೋರೋಫ್ ಇತ್ತೆ ಅಧ್ಯಕ್ಷ ಬೊಕ್ಕ ಕಾರ್ಯನಿರ್ವಾಹಕ ಅಧಿಕಾರಿಯಾದ್ ಕಾರ್ಯನಿರ್ವಹಣೆ ಮಲ್ತೊಂದುಲ್ಲೆರ್.[೨]
ಸ್ವಾಧೀನೊಲು[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ಎಲ್.ಪಿ. ಹಲವಾರ್ ಕಂಪನಿನ್ ಸ್ವಾಧೀನ ಮಲ್ತದ್ಂಡ್.
ಡಬ್ಲೂಎನ್‌ಇಡಬ್ಲೂ[ಸಂಪೊಲಿಪುಲೆ]
೧೯೯೨ಟ್, ಬ್ಲೂಮ್ಬರ್ಗ್ ಎಲ್.ಪಿ. ನ್ಯೂಯಾರ್ಕ್ ರೇಡಿಯೊ ಸ್ಟೇಷನ್ ಡಬ್ಲ್ಯುಎನ್ಇನ್ $ 13.5 ದಶಲಕ್ಷೊಗು ಖರೀದಿ ಮಲ್ತಂಡ್. ಬ್ಲೂಮ್ಬರ್ಗ್ ರೇಡಿಯೊ ಪನ್ದ್ ಲೆಪ್ಪುನ ಮಾತ ಸ್ಟೇಷನ್ಲೆನ್ ಸುದ್ದಿದ ರೂಪೊಗು ಬದಲಾವಣೆ ಮಲ್ತೆರ್ ಬೊಕ್ಕ ಅಕ್ಷರೊಲೆನ್ ಡಬ್ಲೂಬಿಬಿ‌ಆರ್ ಗ್ ಮಲ್ತೆರ್.
ಬಿಸಿನೆಸ್ ವೀಕ್[ಸಂಪೊಲಿಪುಲೆ]
೨೦೦೯ಟ್, ಬ್ಲೂಮ್ಬರ್ಗ್ L.P. ವಾರೊದ ವ್ಯಾಪಾರ ಪತ್ರಿಕೆನ್ ಮೆಕ್‌ಗ್ರಾವ್-ಹಿಲ್ ಮೆರೆಡ್ದ್ ಖರೀದಿ ಮಲ್ತ್ಂಡ್. ಬ್ಯುಸಿನೆಸ್ವೀಕ್ನ್ ಬ್ಲೂಮ್ಬರ್ಗ್ ಬಿಸಿನೆಸ್ವೀಕ್ ಪಂದ್ ಮರುನಾಮಕರಣ ಮಲ್ತೆರ್. ಮೇಗನ್ ಮರ್ಫಿ ನಿಯತಕಾಲಿಕೆನ್ ಸಂಪಾದನೆ ಮಲ್ಪುವೆರ್.
ಈಗಲ್ ಐ ಪಬ್ಲಿಷಿಂಗ್[ಸಂಪೊಲಿಪುಲೆ]
೨೦೧೦ಟ್ ಬ್ಲೂಮ್ಬರ್ಗ್ ಎಲ್.ಪಿ. ಈಗಲ್ ಐ ಪಬ್ಲಿಷಿಂಗ್ ನ್ ಸ್ವಾಧೀನ ಮಲ್ತ್ಂಡ್. ಫೇರ್ಫ್ಯಾಕ್ಸ್, ವಿ.ಎ- ಮೂಲೊದ ಕಂಪೆನಿ ಫೆಡರಲ್ ಸರ್ಕಾರಡ್ದ್ ಸಂಗ್ರಹಣೆ ಕುರಿತಾಯಿನ ಮಾಹಿತಿನ್ ಪ್ರಕಟ ಮಲ್ಪುಂಡು. ಈ ಸ್ವಾಧೀನ ೨೦೧೧ಟ್ ಸುರುವಾಯಿನ ಬ್ಲೂಮ್ಬರ್ಗ್ ಸರ್ಕಾರೊದ ಭಾಗೊವಾಂಡ್.
ನ್ಯೂ ಎನೆರ್ಜಿ ಫಿನಾನ್ಸ್[ಸಂಪೊಲಿಪುಲೆ]
೨೦೦೯ಟ್ ಬ್ಲೂಮ್ಬರ್ಗ್ ಎಲ್.ಪಿ. ನ್ಯೂ ಎನರ್ಜಿ ಫೈನಾನ್ಸ್ನ್ ಖರೀದಿ ಮಲ್ತಂಡ್. ಬ್ಲೂಮ್ಬರ್ಗ್ ಎಲ್.ಪಿ. ಖರೀದಿ ಮಲ್ತ್ ನಂತರಲ ಕಂಪೆನಿ ಲೀಬ್ರೆಚ್‌ನ ನಾಯಕತ್ವೊಡು ನಡತ್ಂಡು
ಬ್ಯೂರೋ ಆಫ್ ನ್ಯಾಷನಲ್ ಅಫೇರ್ಸ್ (ಬಿಎನ್‌‌ಎ)[ಸಂಪೊಲಿಪುಲೆ]
ಆಗಸ್ಟ್ ೨೦೧೧ಟ್, $ 990 ಮಿಲಿಯನ್‌ಗೆ ಬ್ಯೂರೋ ಆಫ್ ನ್ಯಾಷನಲ್ ಅಫೇರ್ಸ್ (ಬಿಎನ್‌‌ಎ) ಖರೀದಿ ಮಲ್ತ್ಂಡ್. ಬಿಎನ್‌‌ಎವ್ಯವಹಾರ ಬೊಕ್ಕ ಸರ್ಕಾರೊದ ವೃತ್ತಿಪರರ್ಗ್ ವಿಶೇಷವಾಯಿನ ಆನ್ಲೈನ್ ಬೊಕ್ಕ ಮುದ್ರಣ ಸುದ್ದಿ ಬೊಕ್ಕ ಮಾಹಿತಿನ್ ಪ್ರಕಟ ಮಲ್ಪುಂಡು.
ಬ್ಲೂಮ್ಬರ್ಗ್ ಪೋಲರ್‌ಲೇಕ್[ಸಂಪೊಲಿಪುಲೆ]
ಮೇ ೨೦೧೨ಟ್, ಬ್ಲೂಮ್ಬರ್ಗ್ ಎಲ್. ಪಿ. ಡಬ್ಲಿನ್ ಮೂಲೊದ ಆಹಾರ ಕಾರ್ಖಾನೆ ಪೋಲಾರ್ಲೇಕ್ನ್ ಸ್ವಾಧೀನ ಮಲ್ತ್ಂಡ್.
ಬಾರ್ಕ್ಲೇಸ್ ಇನ್‌ಡೀಸೆಸ್ ಬಿಸಿನೆಸ್[ಸಂಪೊಲಿಪುಲೆ]
ಬಾರ್ಕ್ಲೇಸ್ ಅಯ್ತ ಸೂಚ್ಯಂಕ ವ್ಯಾಪಾರ,ಬಾರ್ಕ್ಲೇಸ್ ರಿಸ್ಕ್ ಅನಾಲಿಟಿಕ್ಸ್ ಬೊಕ್ಕ ಇಂಡೆಕ್ಸ್ ಸೊಲ್ಯೂಷನ್ಸ್ ಲಿಮಿಟೆಡ್ನ್ ಬ್ಲೂಮ್ಬರ್ಗ್ ಎಲ್. ಪಿ. ಗ್ ೫೨೦ಮಿಲಿಯನ್ಗ್ ಮಾರಾಟ ಮಲ್ತಂಡ್.
ಉತ್ಪನ್ನೊಲು ಬೊಕ್ಕ ಸೇವೆಲು[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ಪ್ರೊಫೆಷನಲ್ ಸರ್ವಿಸ್[ಸಂಪೊಲಿಪುಲೆ]
೨೦೧೧ಟ್, ಬ್ಲೂಮ್ಬರ್ಗ್ ಪ್ರೊಫೆಷನಲ್ ಸರ್ವಿಸ್‌ದ ಮಾರಾಟ ಬ್ಲೂಮ್ಬರ್ಗ್ ಟರ್ಮಿನಲ್ ಪಂದ್ ನಾಮಕರಣ ಆಂಡ್. ಬ್ಲೂಮ್ಬರ್ಗ್ ಎಲ್.ಪಿ.ದ ಶೇಕಡ ೮೫ ವಾರ್ಷಿಕ ಆದಾಯೊ, ಬ್ಲೂಮ್ಬರ್ಗ್ ಟರ್ಮಿನಲ್‌ಡ್ದ್ ಬರ್ಪುಂಡು. [೩]
ಬ್ಲೂಮ್ಬರ್ಗ್ ನ್ಯೂಸ್[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ನ್ಯೂಸ್ ೧೯೯೦ಟ್ ಮೈಕೆಲ್ ಬ್ಲೂಮ್ಬರ್ಗ್ ಬೊಕ್ಕ ಮ್ಯಾಥ್ಯೂ ವಿಂಕ್ಲರ್ ರೆಡ್ದ್ ಸ್ಥಾಪನೆ ಆಂಡ್. ಉಂದು ಬ್ಲೂಮ್ಬರ್ಗ್ ಟರ್ಮಿನಲ್ ಚಂದಾದಾರರೆಗ್ ಹಣಕಾಸ್ದ ಸುದ್ದಿ ವರದಿನ್ ಕೊರ್ಪುಂಡು. ಬ್ಲೂಮ್ಬರ್ಗ್ ನ್ಯೂಸ್ ೧೦೦ ದೇಶಡ್ ೨೩೦೦ ಸಂಪಾದಕೆರ್ ಬೊಕ್ಕ ವರದಿಗಾರೆರ್ ಇತ್ತೆರ್.
ಬ್ಲೂಮ್ಬರ್ಗ್ ರೇಡಿಯೋ[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ಟೆಲಿವಿಷನ್[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ನ್ಯೂಸ್‌ದ ಒಂಜಿ ಸೇವೆ ಬ್ಲೂಮ್ಬರ್ಗ್ ಟೆಲಿವಿಷನ್, ಉಂದು ೨೪ ಗಂಟೆ ಹಣಕಾಸ್ದ ಸುದ್ದಿ ಕೊರ್ಪುನ ದೂರದರ್ಶನ ಜಾಲ.
ಬ್ಲೂಮ್ಬರ್ಗ್ ಮಾರ್ಕೆಟ್ಸ್[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ಮಾರ್ಕೆಟ್ಸ್ ೧೯೯೨ಟ್ ಬಿಡುಗಡೆಯಾಯಿನ ಒಂಜಿ ಮಾಸ ನಿಯತಕಾಲಿಕೆ. ಉಂದು ಹಣಕಾಸ್ದ ವೃತ್ತಿಪರರೆಗ್ ಜಾಗತಿಕ ಹಣಕಾಸ್ದ ಮಾರುಕಟ್ಟೆಲ್ನ ಬಗ್ಗೆ ಆಳವಾದ ಮಾಹಿತಿನ್ ಒದಗಾವುಂಡು.
ಬ್ಲೂಮ್ಬರ್ಗ್ ಗವರ್ನಮೆಂಟ್[ಸಂಪೊಲಿಪುಲೆ]
ಉಂದೆನ್ ೨೦೧೧ಟ್ ಸುರು ಮಲ್ತೆರ್. ಬ್ಲೂಮ್ಬರ್ಗ್ ಗವರ್ನಮೆಂಟ್ ಆನ್ಲೈನ್ ಸೇವೆದ ಸುದ್ದಿ ಬೊಕ್ಕ ರಾಜಕೀಯದ ಬಗ್ಗೆ ಮಾಹಿತಿ, ಶಾಸಕಾಂಗ ಬೊಕ್ಕ ನಿಯಂತ್ರಕ ವ್ಯಾಪ್ತಿನ್ ಒದಗಾವುಂಡು.
ಬ್ಲೂಮ್ಬರ್ಗ್ ಬೀಟಾ[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ಬೀಟಾ 2013 ಟ್ ಸ್ಥಾಪನೆ ಆಂಡ್. ಉಂದೆತ ಪ್ರಧಾನ ಕಚೇರಿ ಸ್ಯಾನ್ ಫ್ರಾನ್ಸಿಸ್ಕೋಡ್ ಉಂಡು
ಬ್ಲೂಮ್ಬರ್ಗ್ ಇನ್ನೊವೇಷನ್ ಇನ್ಡೆಕ್ಸ್[ಸಂಪೊಲಿಪುಲೆ]
ಓಪನ್ ಬ್ಲೂಮ್ಬರ್ಗ್[ಸಂಪೊಲಿಪುಲೆ]
ನಾಯಕತ್ವೊ[ಸಂಪೊಲಿಪುಲೆ]
ಬ್ಲೂಮ್ಬರ್ಗ್ ಎಲ್.ಪಿ. ಮ್ಯಾನೇಜ್ಮೆಂಟ್ ಕಮಿಟಿಡ್ ಮೈಕೆಲ್ ಬ್ಲೂಮ್ಬರ್ಗ್, ಪೀಟರ್ ಗ್ರೌರ್ ಬೊಕ್ಕ ಥಾಮಸ್ ಸೆಕುಂಡಾ ಸೇರ್ದೆರ್.