ನೀನಾ ಸಿಬಲ್

ನೀನಾ ಸಿಬಲ್
ಪುಟ್ಟಿನ ಊರು	೧೯೪೮ ಪುಣೆ
ಸೈತಿನ ದಿನೊ	೨೦೦೦
ದಂಪತಿಲು	ಕಪಿಲ್ ಸಿಬಲ್
ಬೇಲೆ	ಭಾರತೀಯ ವಿದೇಶಿ ಸೇವೆ
ದೇಸೊ	ಭಾರತೀಯ
ಕಲ್ತ್‌ನ ಸಂಸ್ಥೆ	ದೆಹಲಿ ವಿಶ್ವವಿದ್ಯಾನಿಲಯ

ನೀನಾ ಸಿಬಲ್ (೧೯೪೮-೨೦೦೦) ಒರ್ತಿ ಭಾರತೀಯ ರಾಜತಾಂತ್ರಿಕೆ ಬುಕ್ಕೊ ಬರಹಗಾರ್ತಿ. ಇಂಬೆರ್ ಬರೆಯಿನ ಕಾದಂಬರಿ ಯಾತ್ರಾ ಬುಕ್ಕೊ ಬೇತೆ ಇಂಗ್ಲಿಷ್ ಭಾಷೆದ ಕಾದಂಬರಿಲೆಗ್ ಬಹುಮಾನ ವಿಜೇತರಾತೆರ್, ಅಂಚನೆ ಭಾರತೀಯ ವಿದೇಶಿ ಸೇವೆಡ್ ಪುದರ್ ಪಡೆವೊಂದೆರ್.

ಜೀವನ ಚರಿತ್ರೆ

ನೀನಾ ಸಿಬಲ್ ಇಂಬೆರೆನ ಅಮ್ಮೆರ್ ಭಾರತೊದಾರ್. ಅಪ್ಪೆ ಗ್ರೀಕ್‌ದಾರ್ಗೆ ಪುಣೆಡ್ ಪುಟ್ಟಿಯೆರ್. ದೆಹಲಿ ವಿಶ್ವವಿದ್ಯಾಲಯೊದ(ಮಿರಾಂಡಾ ಹೌಸ್‌) ಇಂಗ್ಲಿಷ್‌ಡ್ ಎಂ.ಎ. ಪಡೆಯಿನ ಬುಕ್ಕೊ ಆರ್ ಅಲ್ಪ ಮೂಜಿ ವರ್ಸೊ ಉಪನ್ಯಾಸಕಿಯಾದ್ ಬೆಂದೆರ್. ಬುಕ್ಕೊ ಆರ್ ಕಾನೂನು ಪದವಿಗ್ ಅರ್ಹತೆ ಪಡೆಯೆರ್ ಒಟ್ಟೂಗೆ ಫ್ರೆಂಚ್ ಅಧ್ಯಯನ ಮಾಲ್ತೆರ್. ೧೯೭೨ಡ್ ಸಿಬಲ್ ಭಾರತೀಯ ವಿದೇಶಿ ಸೇವೆಗ್ ಸೇರೊಂಡರ್ ಬುಕ್ಕೊ ನ್ಯೂಯಾರ್ಕ್ ನಗರೊದ ಸಂಯುಕ್ತ ರಾಷ್ಟ್ರ ಸಂಸ್ಥೆ/ವಿಶ್ವಸಂಸ್ಥೆಡ್ ಬೇಲೆ ಸುರುಮಾಲ್ತೆರ್. ಅಯಿಡ್ದ್ ಬುಕ್ಕೊ ಪತ್ರಕರ್ತರೊಟ್ಟುಗೆ ಪಾತೆರೊಂದು "ಆಳವಾಯಿನ ಸಂಸ್ಕೃತಿ ಆಘಾತ" ಗ್ ಆಯೆಂದ್ ಪಂಡೆರ್ಹೇ. ಕೈರೋ ಬುಕ್ಕೊ ಭಾರತೀಯ ಸಾಂಸ್ಕೃತಿಕ ಸಂಬಂಧೊಲೆ ಕೌನ್ಸಿಲ್‌ದ ಉಪ ಮಹಾ ನಿರ್ದೇಶಕರಾಯಿದ್ ಮೂಜಿ ವರ್ಸೊ ಸೇರ್‌ಯೆರ್. ೧೯೯೨ಡ್ ಆರ್ ಪ್ಯಾರಿಸ್‌ದ ವಿಶ್ವಸಂಸ್ಥೆದ ಶೈಕ್ಷಣಿಕ, ವೈಜ್ಞಾನಿಕ ಬುಕ್ಕೊ ಸಾಂಸ್ಕೃತಿಕ ಆಯೋಗ/ಯುನೆಸ್ಕೋಗ್ ಭಾರತೊದ ಖಾಯಂ ಪ್ರತಿನಿಧಿ ಆಯೆರ್ ಅತ್ತಂದೆ ೧೯೯೫ಡ್ ನ್ಯೂಯಾರ್ಕ್‌ಗ್ ಪೋದ್ ಅಲ್ಪದ ಸಂಪರ್ಕ ಕಚೇರಿದ ನಿರ್ದೇಶಕರಾದಿತ್ತೆರ್.

ಆರ್ ವಕೀಲ ಬುಕ್ಕೊ ರಾಜಕಾರಣಿ ಕಪಿಲ್ ಸಿಬಲ್ ಆರೆನ್ ಮದುವೆ ಆಯೆರ್, ಆರೆಗ್ ರಡ್ಡ್ ಆಣ್ ಜೋಕುಲು. ಇರ್ವೆರ್ ಸಂಗಾತಿಲು ಇಚ್ಛೆದ ನ್ಯಾಯವಾದಿ ವೃತ್ತಿಜೀವನೊನು ಅನುಸರಿಯೆರ್, ಅಕ್ಲೆನ ಬಗೆಟ್ ರಾಜಕಾರಣಿ, ರಾಜತಾಂತ್ರಿಕ ಬುಕ್ಕೊ ಬರಹಗಾರೆ ಶಶಿ ತರೂರ್ ಪ್ರಕಾರೊ ಅಕುಲು "ಖಂಡಾಂತರ" ವಿವಾಹೊನು ನಿರ್ವಹಿಸದೆರ್. ಜೂನ್ ೨೦೦೦ಡ್ ನ್ಯೂಯಾರ್ಕ್‌ಡ್ ಮಿರೆ ಕ್ಯಾನ್ಸರ್‌ಡ್ದ್ ತೀರ್ದ್ ಪೋಯೆರ್. ನೀನಾ ಸಿಬಲ್ ಸ್ಮಾರಕ ಪ್ರಶಸ್ತಿನ್ ಕಂಡನಿ ಕೊರಿಯೆರ್. ಅಂಗವಿಕಲ ಬುಕ್ಕೊ ಬಡಪತ್ತ್‌ದ ಜೋಕ್ಲೆಗ್ ಸಕಾಯೊ ಮಲ್ಪೆರೆ ಪೊಸ ವಿದಾನೊಲೆನ್ ಗಳಸೊಂದು ಸಂಸ್ಥೆಡ್ ಮಲ್ಲ ಪಾತ್ರ ವಹಿಸುವುನ ವ್ಯಕ್ತಿಗ್ ಅಖಿಲ ಭಾರತ ಮಹಿಳಾ ಶಿಕ್ಷಣ ನಿಧಿ ಸಂಘೊ ವಾರ್ಷಿಕವಾಗಿ ಪ್ರಶಸ್ತಿನ್ ಕೊರ್ಪುಂಡು.

ಬರವಣಿಗೆ

೧೯೮೫ಡ್ ಆರೆನ ಕಿನ್ಯಕತೆ ವಾಟ್ ಎ ಬ್ಲೇಜ್ ಆಫ್ ವೈಭವ ಬೂಕು ಏಷ್ಯಾವೀಕ್ ಕಿನ್ಯಕತೆ ಸ್ಪರ್ಧೆನ್ ಗೆಂದ್‌ನಗ ಸಿಬಲ್ ಆರೆನ ಕಾದಂಬರಿ ಗುಮನೊಗು ಬತ್ತ್ಂಡ್. ಇಂದೆನ್ ಬುಕ್ಕೊ ೧೯೯೧ಡ್ ಪ್ರಕಟವಾದ್ ಪ್ರೈಜ್ ವಿನ್ನಿಂಗ್ ಏಷ್ಯನ್ ಫಿಕ್ಷನ್ ಸಂಕಲನೊಡು ಸೇರಾಯರ ಆಂಡ್.

೧೯೮೭ಡ್ ಯಾತ್ರೆ ಕಾದಂಬರಿ ಪ್ರಕಟ ಆಂಡ್. ಒಂಜಿ ಶತಮಾನೊಗು ಹೆಚ್ಚ ಕಾಲೊ ಸಿಖ್ ಕುಟುಂಬೊದ ಜೀವನ ಕತೆನ್ ಈ ಕಾದಂಬರಿಡ್ ಉಂಡು. ಯಾತ್ರೆ ಪಂಡ ಪಯಣೊ ಅತ್ತಂಡ ತೀರ್ಥಯಾತ್ರೆ. ಕಾಲಾಂತೊಡು ಆರೆನ ಚಲನೆಲು ಯಾತ್ರೆದ ಶೀರ್ಷಿಕೆನ್ ಪ್ರತಿಬಿಂಬಿಸಂಡ್. ಬೂಕುದ ಬಗೆಟ್ ವಿಮರ್ಶಕೆರ್ ಮಾಂತ್ರಿಕ ವಾಸ್ತವಿಕತೆದ ಬಗೆಟ್ ಪಂಡೊಂದು, ವಿಶೇಷವಾದ್ ಒಂಜಿ ಪಾತ್ರೊದ ಹೋಲಿಕೆಗೆ ಸಂಬಂಧಿಸಂಡ ಸಲ್ಮಾನ್ ರಶ್ದಿನ ಮಿಡ್ನೈಟ್ ಜೋಕ್ಲೆನೊಟ್ಟುಗೆ ಹೋಲಿಕೆ ಮಾಲ್ತ್‌ದೆರ್. ಲೇಕಕ ತನ್ನ ಕತೆಟ್ ಪೌರಾಣಿಕ ಅಂಶೊಲೆನ್ ಗಳಸ್‌ವೆ. ಥೀಮ್‌ಲೆಡ್ ಚಿಪ್ಕೊ ಚಳುವಳಿ, ಪಂಜಾಬ್‌ದ ಇತಿಹಾಸ, ಬಾಂಗ್ಲಾ ದೇಸೊದ ಮೂಲ, ಬುಕ್ಕೊ ನಾಯಕಿಯಾದ್ ನಾಯಕಿ ಹುಡುಕಾಟ ಸೇರ್ದ್ಂಡ್. ಈ ಕಾದಂಬರಿ ದಿಂಜ ವಿಷಯೊಲೆಡ್ದ್ ದಿಂಜಿದ್ ತಮೆಲೊಂದುಂಡು ಪಂಡ್‍ದ್ ಟೀಕಿಸದೆರ್. ಆಂಡ ಒಟ್ಟಾರೆಯಾದ್ ಉಂದು ಸಾಮಾನ್ಯವಾದ್ ಎಡ್ಡೆ ಪ್ರತಿಕ್ರಿಯೆ ಪಡೆತ್ಂಡ್. ಉಂದು ೧೯೮೭ಗ್ ಅಲ್ಜಿಯರ್ಸ್‌ದ ಸಾಹಿತ್ಯೊಗಾದ್ ಅಂತರರಾಷ್ಟ್ರೀಯ ಗ್ರ್ಯಾಂಡ್ ಪ್ರಿಕ್ಸ್‌ನ್ ಗೆಂದ್ಂಡ್,

ಸಿಬಲ್ ಆರೆನ ಕಿನ್ಯಕತೆಲೆ ಸಂಗ್ರಹ ಗುಜಾರ್ ಮಾಲ್ನ ಸೀಕ್ರೆಟ್ ಲೈಫ್ ೧೯೯೧ಡ್ ಪ್ರಕಟ ಆಂಡ್. ಕತೆಲೆನ್ ಬೇತೆಬೇತೆ ದೇಸೊಲೆ ಚಿತ್ರಣೊಡು ಹೊಂದಿಸಾದೆರ್. ಅವೆಟ್ ಕೆಲವು ಕಾಲ್ಪನಿಕ ಪುದರ್ ರೂಪ ಪಡೆದೆಂಡ್. ಮಲ್ಗರಿ ಶೀತಲ ಸಮರೊದ ಪೊರ್ತುಡು ಬಲ್ಗೇರಿಯಾನ್ ಪ್ರತಿಧ್ವನಿಸವುಂಡು. ಉದಾರ್ಮೆಗ್. ಈ ಸೆಟ್ಟಿಂಗ್‌ಲೆನ್ ರಾಜಕೀಯ ಅತ್ತ್ಂಡ ವರ್ಣರಂಜಿತ ಹಿನ್ನೆಲೆಯಾದ್ ಗಳಸ್‌ಯರ ಆಪುಜಿ, ಆಂಡ ಪಾತ್ರೊಲೆ ಜೀವನ ಬುಕ್ಕೊ ಭಾವನೆದೊಟ್ಟುಗು ಮೊಡೆವೊಂದುಂಡು. ತರೆಬರವು ಕತೆತ ಜತೆಟ್ ಸಂಗ್ರಹೊ ಆಯನ ಸಾವು, ಮೀಂದುನೆ, ದಾದರಾವ್ ಆರೆನ ಮೋರೆ, ತುಪ್ಪಳ ಬೂಟುಲು, ಅಭಯಾರಣ್ಯೊ ಬುಕ್ಕೊ ಜ್ಞಾನೋದಯೊನುಬಯಕುನ ನರಮಾನಿ ಬೇತೆ ಆಜಿ ಕತೆಲು ಸೇರ್ದುಂಡು.

೧೯೯೮ದ ಕಾದಂಬರಿ, ದಿ ಡಾಗ್ಸ್ ಆಫ್ ಜಸ್ಟೀಸ್, ಕಾಶ್ಮೀರಡ್ ಸ್ತಾಪನೆಯಾಯಿನ ಶ್ರೀಮಂತ ಮುಸ್ಲಿಂ ಪೊಣ್ಣುಲೆನ ಕತೆನ್ ಪನ್ಪುಂಡು. ಉಂದು ಸಿಬಲ್‌ರೆನ ದುಂಬುದ ರಡ್ಡ್ ಬೂಕುಡ್ದ್ ಕಡಮೆ ಜನಪ್ರಿಯತೆ ಪಡೆಂಡ್, ಒರಿ ವಿಮರ್ಶಕೆ ದುಂಬುದ ಬೂಕುಲೆ ಭರವಸೆಗ್ ತಕ್ಕ ಬದ್ಕ್‌ಜಿಂದ್ ಪಂಡೆರ್.

ಬೂಕುಲು

• ಯಾತ್ರೆ: ಪ್ರಯಾಣ, ಮಹಿಳಾ ಮುದ್ರಣಾಲಯ, ೧೯೮೭,  
• ಗುಜ್ಜರ್ ಮಾಲ್ ಬುಕ್ಕೊ ಬೇತೆ ಕತೆಲೆಳ ರಹಸ್ಯ ಜೀವನ, ಮಹಿಳಾ ಮುದ್ರಣಾಲಯ, ೧೯೯೧.   ಐಎಸ್ಬಿಎನ್   9780704342712
• The Dogs of Justice. Orient Blackswan. 1998. pp. 334–. ISBN 978-81-7530-021-7.

 The Dogs of Justice. Orient Blackswan. 1998. pp. 334–. ISBN 978-81-7530-021-7.
 The Dogs of Justice. Orient Blackswan. 1998. pp. 334–. ISBN 978-81-7530-021-7.