ರಕ್ಷಾಬಂಧನ
ರಕ್ಷಾಬಂಧನ ಮೆಗ್ದಿ ಪಲಯೆ ಓಟ್ಟು ಸೆರ್ದ್ ಆಚರಿಸವುನ ಪರ್ಬೊ. ಒರಿಯನ ಮಿತ್ತ್ ಒರಿಯಗ್ ಉಪ್ಪುನ ಪ್ರೀತಿ, ನಂಬಿಕೆ,ರಕ್ಷಣೆ ಮಲ್ಪುನ ಜವಾಬ್ದಾರಿದ ಸಂಕೇತನೇ ಈ ಪರ್ಬೊ. ಭಾರತಿಯೆರ್ ಶ್ರಾವಣ ಮಾಸೊಡ್ ಆಚರಿಸವುನ ಪರ್ಬ. ಈ ದಿನ ಮೆಗ್ದಿ ನಕುಲು ಪಲಯ ನಕಲೆ ರಾಕಿ ಕಟ್ಟುದ್, ಆರತಿ ಮಲ್ತ್‌ದ್ ಅಕ್ಲೆನ ಆಶೀರ್ವಾದ ದೆತೊನೊಡು. ಮೆಗ್ದಿನ ರಕ್ಷಣೆ ಪಲಯೇ, ಪಲಯನ ರಕ್ಷಣೆ ಮೆಗ್ಡಿ ಮಲ್ಪುನ ಸಾಕ್ಷಿ ಈ ಪರ್ಬೊ.[೧]
ಭಾರತಡ್ ಆಚರಣೆ
[ಸಂಪೊಲಿಪುಲೆ]ಭಾರತಡ್ ಶ್ರಾವಣ ಮಾಸದ ಪುಣ್ಣಮೆನ್ ಯಜುರ್ ಉಪಕರ್ಮ ಪಂಡ್ದ್ ಪಿರಾವುಡ್ಡ್ ಆಚರಣೆ ಮಲ್ತೊಂದು ಉಲ್ಲೆರ್. ಈ ದಿನಕ್ ನನೊಂಜಿ ವಿಶೇಷ ಉಂಡು. ದುಂಬು ಉತ್ತರ ಭಾರತಡ್ ಮಾತ್ರ ಮಸ್ತ್ ಪ್ರಚಲಿತವಿತ್ತಿನ 'ರಕ್ಷಾಬಂಧನ' ಅತ್ತ್‌ಂಡ 'ರಾಖಿ' ಪರ್ಬನ್ ಕೆಲವು ವರ್ಷಡ್ದ್ ಇಡೀ ಭಾರತಡ್ ಮಾತೆರ್ಲಾ ಆಚರಿಸವೊಂದುಲ್ಲೆರ್. ಆಂಡ ಪಲಯೇ ಮೆಗ್ಡಿ ನಕನ ಬಾಂಧವ್ಯನ್ ಪ್ರತಿ ಒರಿಲಾ ಭಾವನಾತ್ಮಕವಾದ್ ನೆನಪು ಮಲ್ಪುನ ಈ ದಿನ ಬಾಲ್ಯೋದ ಮಸ್ತ್ ಸಿಹಿ ಕಹಿ ನೆನಪು ನಮ್ಮ ಮನಸ್ಸುಡ್ ಮೂಡುಂಡು.
ರಕ್ಷಾ ಬಂಧನ ಆಚರಣೆಗ್ ಭಾರತೀಯ ಸಂಸ್ಕೃತಿಡ್ ಐತನೆ ಆಯಿನ ಮಹತ್ವ ಉಂಡು. ಮಾತ ಮೆಗ್ದಿನಕುಲು ಸಮಾಜೊದ ದುಷ್ಟಶಕ್ತಿಡ್ದ್ ಕಾಪು ಪಂಡ್ ಅಕ್ಲ್‌ನ ಪಲಯನ ಮುಂಗೈಗ್ ರಾಖಿನ್ ಕಟ್ಟುವೆರ್. ಮಾತ ಪಾಲಯಾಡೆಗ್ಲ ಈ ಪೊರ್ತುಗು ಮೆಗ್ದಿನ ಮಿತ್ತ್ ಉಪ್ಪುನ ಪ್ರೀತಿ,ಮೋಕೆ, ಜವಾಬ್ದಾರಿನ್ ನಾನಾತ್ ಉಜ್ವಲ ಮಲ್ಪುನ ರಕ್ಷಾಬಂಧನ ಪರ್ಬದ ನೀತಿ ಆತ್ತುಂಡ್.