ದೀಪಕ್ ಪಾಲಡ್ಕ

ದೀಪಕ್ ಪಾಲಡ್ಕ
ಪುಟ್ಟಿನ	೧೧ ಏಪ್ರಿಲ್ ಪಾಲಡ್ಕ, ಮೂಡುಬಿದಿರೆ, ಭಾರತ
ಬೇತೆ ಪುದರ್‌ಲು	ದೀಪು, ದೀಪಕ್ ಡಿ'ಸಿಲ್ವಾ
ಶಿಕ್ಷಣ	ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ - ಜೈನ ಪ್ರೌಢ ಶಾಲೆ , ಮೂಡುಬಿದಿರೆ, ಪದವಿ ಪೂರ್ವ ಶಿಕ್ಷಣ- ಮಹಾವೀರ ಕಾಲೇಜ್, ಮೂಡುಬಿದಿರೆ ಪದವಿ , ಸ್ನಾತಕೋತ್ತರ ಪದವಿ(ಎಂ.ಬಿ.ಎ) - ಕೈಝನ್ ಸ್ಕೂಲ್ ಆಫ್ ಬಿಸಿನೆಸ್ ಮ್ಯಾನೇಜ್ಮೆಂಟ್ , ಮುಂಬೈ.
ವೃತ್ತಿ(s)	ಚಲನಚಿತ್ರ ನಟೆ , ರಂಗಕಲಾವಿದೆ
ವರ್ಷಗಳು; ಸಕ್ರಿಯ	೨೦೧೪ - ಇಂದಿನ ವರೆಗೆ
Known for	ಅಂತರಾಷ್ಟ್ರೀಯ ಚಲನಚಿತ್ರ ನಿರೆಲ್ ಎಂಬ ತುಳು ಸಿನಿಮಾದಲ್ಲಿ ನಟಿಸಿದಕ್ಕಾಗಿ
ಸಂಗಾತಿ	ರೋಶ್ನಿ
ಪಾಲಕರು(s)	ಜಾರ್ಜ್ ಡಿಸಿಲ್ವಾ (ತಂದೆ), ಫಿಲೊಮೆನಾ (ತಾಯಿ)

ದೀಪಕ್ ಡಿ ಸಿಲ್ವಾ ಮೇರ್ ಅಲಿಯಾಸ್ ದೀಪಕ್ ಪಾಲಡ್ಕ ಪಂಡ್ದೇ ಪುಗರ್ತೆ ಪಡೆದೆರ್. ಮೇರ್ ಭಾರತೀಯ ಚಲನಚಿತ್ರ ನಟೆ ಬೊಕ್ಕ ರಂಗ ಕಲಾವಿದೆ. ತುಳು ಸಿನೆಮೋತ್ಸವ ೨೦೧೫ ಡ್ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿನ್ ಸೇರ್ಪಾದ್ ೫ ಪ್ರಶಸ್ತಿಲೆನ್ ಗೆಂದಿನ ನಿರೆಲ್ ಪನ್ಪಿನ ತುಳು ಚಲನಚಿತ್ರೊದ ಮೂಲಕ ಮೇರ್ ರಂಗಭೂಮಿಗ್ ಸುರುತ ಪಜ್ಜ ದೀಯೆರ್. ನೆರ್ದ್ ಬೊಕ್ಕ ದಂಡ್(ತುಳು) , ಅಸತೋಮ ಸದ್ಗಮಯ(ಕನ್ನಡ), ಬೆಂಡ್ಕಾರ್(ಕೊಂಕಣಿ),ಏಕ್ ಅಸ್ಲ್ಯಾರ್ ಏಕ್ ನ (ಕೊಂಕಣಿ),ಜ಼ಾವೋಯ್ ನಂಬರ್ 1 (ಕೊಂಕಣಿ), ಅಮ್ಮೆರ್ ಪೋಲಿಸಾ(ತುಳು) ಪನ್ಪಿನ ಚಿತ್ರೊಲೆಡ್ ನಟನೆ ಮಲ್ದೆರ್ .

ಜನನ, ಶಿಕ್ಷಣ

ದೀಪಕ್ ಪಾಲಡ್ಕ ಮೇರ್ ಜಾರ್ಜ್ ಡಿ'ಸಿಲ್ವಾ (ಪೊಪ್ಪ), ಫಿಲೊಮೆನಾ (ಅಮ್ಮ) ದಂಪತಿಲೆಗ್ ೧೧ ಏಪ್ರಿಲ್ ಗ್ ಬೆದ್ರದ ಪಾಲಡ್ಕಡ್ ಪುಟ್ಟಿಯೆರ್.ಮೇರ್ ಪ್ರೌಢ ಶಿಕ್ಷಣೊನು ಬೆದ್ರದ ಜೈನ ಪ್ರೌಢ ಶಾಲೆಡ್ ಪಡೆಯೆರ್ ಅಂಚನೆ ಅಲ್ಪದ ಮಹಾವೀರ ಕಾಲೇಜ್ ಡ್ ಪಿಯು ಶಿಕ್ಷಣೊನು ಪಡೆದ್, ಮುಂಬೈದ ಕೈಝನ್ ಸ್ಕೂಲ್ ಆಫ್ ಬಿಸಿನೆಸ್ ಮ್ಯಾನೇಜ್ಮೆಂಟ್ ಡ್ ಸ್ನಾತ್ತಕೋತ್ತರ ಪದವಿ(ಎಂ.ಬಿ.ಎ) ಪಡೆಯೆರ್. ರಂಗನಟೆಯಾದ್, ಮೇರ್ ಸುಮಾರ್ ೧೫-೨೦ ಕೊಂಕಣಿ, ತುಳು ಅಂಚನೆ ಕನ್ನಡ ಸಿನಿಮೊಲೆಡ್ ಹಾಸ್ಯ ನಟೆಯಾದ್ ನಟನೆ ಮಲ್ದೆರದ. ಮೇರ್ 105.4 ರೇಡಿಯೊ ಮಸಾಲೆ ದುಬೈ, 93.5 ರೆಡ್ ಎಫ್‌ಎಂ ಡ್ ರೇಡಿಯೊ ಕಾರ್ಯಕ್ರಮೊಲೆನ್ ಲಾ ಕೊರ್ತೆರ್.

ವೃತ್ತಿಜೀವನೊ

ದೀಪಕ್ ಪಾಲಾಡ್ಕ ಮೇರ್ ಅಂತರರಾಷ್ಟ್ರೀಯ ಮಟ್ಟೊಡು ಬಿಡುಗಡೆ ಆಯಿನ ತುಳು ಚಿತ್ರೊ ನಿರೆಲ್ ಡ್ ಪ್ರಮುಖ ಪಾತ್ರೊಡ್ ಹಾಸ್ಯ ನಟೆಯಾದ್ತಯಳು ರಂಗಭೂಮಿಗ್ ಪಾದಾರ್ಪಣೆ ಮಲ್ತೆರ್. ಅವೆರ್ದ್ ಬೊಕ್ಕ ದಂಡ್ ಸಿನಿಮೊಡು ಅರ್ಜುನ್ ಕಾಪಿಕಾಡ್ರೆನೊಟ್ಟು ಹಾಸ್ಯ ನಟೆಯಾದ್ ಅಭಿನಯ ಮಲ್ತೆರ್. ಮೆರೆನ ಕೊಂಕಣಿ ಚಿತ್ರೊ ಏಕ್ ಅಸ್ಲ್ಯಾರ್ ಏಕ್ ನಾ, ಸವೋಯ್ ನಂಬರ್ ೧ (೨೦೧೮), ಬೆಂಡ್ಕಾರ್ (೨೦೧೯) ಚಿತ್ರೊಲು ಯು.ಎ.ಇ, ಇಸ್ರೇಲ್, ಕುವೈಟ್ ಬೊಕ್ಕ ಭಾರತೊಡು ಬಿಡುಗಡೆಯಾತ್ಂಡ್.

ನಟನೆ ಮಲ್ದಿನ ಸಿನಿಮೊದ ಪಟ್ಟಿ

ತುಳು ಸಿನಿಮೊಲು

ವರ್ಷ	ಸಿನಿಮೊ
		ಪಾತ್ರೊ	ನಿರ್ದೇಶಕೆ	ನಿರ್ಮಾಪಕೆ	ಟಿಪ್ಪಣಿ
೨೦೧೪	ನಿರೆಲ್	ದೀಪು	ರಂಜಿತ್‌ ಬಜ್ಪೆ	ಶೋಧನ್ ಪ್ರಸಾದ್ , ಸನ್ ಪೂಜಾರಿ
೨೦೧೫	ದಂಡ್	ದೀಪು	ರಂಜಿತ್‌ ಬಜ್ಪೆ	ಶೋಧನ್‌ ಪ್ರಸಾದ್
೨೦೧೮	ಅಮ್ಮೆರ್ ಪೋಲಿಸಾ	ದೀಪು	ಕೆ.ಸೂರಜ್ ಶೆಟ್ಟಿ	ರಾಜೇಶ್ ಶೆಟ್ಟಿ	ತುಳು ಸಿನಿಮೊ

ಕೊಂಕಣಿ ಸಿನಿಮಾಗಳು

ವರ್ಷ	ಸಿನಿಮೊ
		ಪಾತ್ರೊ	ನಿರ್ದೇಶಕೆ	ನಿರ್ಮಾಪಕೆ	ಟಿಪ್ಪಣಿ
೨೦೧೮	ಏಕ್ ಅಸ್ಲ್ಯಾರ್ ಏಕ್ ನ	ದೀಪು	ಪ್ರದೀಪ್ ಬರ್ಬೋಸ	ಫ್ರಾಂಕ್ ಫೆರ್ನಾಂಡಿಸ್	ಕೊಂಕಣಿ ಸಿನಿಮೊ
೨೦೧೮	ಜ಼ಾವೋಯ್ ನಂಬರ್ ೧ [೧]	ವಿನ್ಸಿ	ಹ್ಯಾರಿ ಫೆರ್ನಾಂಡಿಸ್	ಸಂಗತಿ ಪ್ರೊಡಕ್ಷನ್ಸ್‌	ಕೊಂಕಣಿ ಸಿನಿಮೊ
೨೦೧೯	ಬೆಂಡ್ಕಾರ್	ದೀಪು	ಹ್ಯಾರಿ ಫೆರ್ನಾಂಡಿಸ್	ಹ್ಯಾರಿ ಫೆರ್ನಾಂಡಿಸ್ / ಡಾಲ್ಫಿ ರೆಬೆಲ್ಲೊ	ಕೊಂಕಣಿ ಸಿನಿಮೊ

ಕನ್ನಡ ಸಿನಿಮೊಲು

ವರ್ಷ	ಸಿನಿಮೊ
		ಪಾತ್ರೊ	ನಿರ್ದೇಶಕೆ	ನಿರ್ಮಾಪಕೆ	ಟಿಪ್ಪಣಿ
೨೦೧೮	ಅಸತೋಮ ಸದ್ಗಮಯ	ಮೆಣಸಿನಕಾಯಿ	ರಾಜೇಶ್‌ ವೇಣೂರು	ಅಶ್ವಿನ್ ಪೆರೀರ	ಕನ್ನಡ ಸಿನಿಮಾ