ಲಿಯೋ ಡಿ'ಸೋಜ (ವಿಜ್ಞಾನಿ )

ಲಿಯೋ ಡಿ'ಸೋಜ
Born	ಮಾರ್ಚ್ ೧, ೧೯೩೨ ಕದ್ರಿ, ಕುಡ್ಲ
Nationality	ಭಾರತೀಯೆ
Alma mater	ಮಾಕ್ಸ್ ಪ್ಲಾಂಕ್ ಜರ್ಮನಿ

ಲಿಯೋ ಡಿ'ಸೋಜ ಮೇರ್ ರೋಮನ್ ಕಥೊಲಿಕ್ ಮೂಲೊದ ಭಾರತೀಯ ಸಸ್ಯವಿಜ್ಞಾನಿಲು. ಆನ್ವಯಿಕ ಸಸ್ಯಶಾಸ್ತ್ರ ಪ್ರಯೋಗಾಲಯ ಸ್ಥಾಪನೆ ಮಲ್ತ್ ದ್ ಅಂಗಾಂಶ ಕಸಿ ಮೂಲಕ ಗೋಂಕುದ ಬೀಜದ ಕೃಷಿತ ಬೆಳವಣಿಗೆಡ್ ಪ್ರಮುಖ ಪಾತ್ರೊನ್ ಮೇರ್ ವಹಿಸೊಂದೆರ್. ಮೇರ್ ಸೈಂಟ್ ಅಲೋಸಿಯಸ್ ಕಾಲೇಜ್ ಕುಡ್ಲ ಮೂಲು ಸಸ್ಯ ಶಾಸ್ತ್ರದ ಪ್ರಾಧ್ಯಾಪಕೆ ಆದಿತ್ತೆರ್.

ಆರಂಭೊದ ಜೀವನ

ಲಿಯೋ ಡಿ'ಸೋಜ ಕುಡ್ಲದ ಕದ್ರಿಡ್ ರೋಮನ್ ಕಥೊಲಿಕ್ ಕುಟುಂಬೊಡು 1932 ರ ಮಾರ್ಚ್ 1ಕ್ ಪುಟ್ಟಿಯೆರ್. ಮೆರೆನ್ ಪೊಪ್ಪ ಸಿಪ್ರಿಯಾನ್ ಡಿ'ಸೋಜ ಬೊಕ್ಕ ಮೆರೆನ ಅಮ್ಮ ತೆರೇಸಾ ಡಿ'ಸೋಜ. ಕುಡ್ಲದ ಸೈಂಟ್ ಅಲೋಸಿಯಸ್ ಕಾಲೇಜು ಶಾಲೆಡ್ ಮೇರ್ ತಮ್ಮ ಆರಂಭಿಕ ಅಧ್ಯಯನೊನು ಮಲ್ತೆರ್.

ವಿದ್ಯಾಭ್ಯಾಸೊ

ಲಿಯೋ ಡಿ'ಸೋಜ ತನ್ನ ಕಾಲೇಜ್ ವಿದ್ಯಾಭ್ಯಾಸೊನ್ ಸೈಂಟ್ ಜೋಸೆಫ್ ಕಾಲೇಜು ತಿರುಚನಾಪಳ್ಳಿಡ್ ಮಲ್ತೆರ್. ಬೊಕ್ಕ ಮೇರ್ ಜರ್ಮನಿದ ಮಾಕ್ಸ್ ಪ್ಲಾಂಕ್ ಸಂಸ್ಥೆಡ್ ನನಾತ್ ಅಭ್ಯಾಸೊಗ್ ಸೇರಿಯೆರ್. ಅಲ್ಪ ಆರ್ ಡಾಕ್ಟರೇಟ್ ಪದವಿ ಪಡೆಯೊನ್ವೆರ್. ಧರ್ಮಶಾಸ್ತ್ರದ ಅದ್ಯಯನೊನ್ ಸೈಂಟ್ ಜಾರ್ಜೆನ್ ಫ಼್ರಾಂಕ್ಫಫಟ್ ಡ್ ಮಾಲ್ತೆರ್.

ಬೇಲೆ

ರೋಮನ್ ಕಥೊಲಿಕ್ ಗ್ ಪಾದ್ರಿಯಾದ್ ಸೇರಿನ ಲಿಯೋ ಡಿ'ಸೋಜ ಮೇರ್ ತಮ್ಮ ವೃತ್ತಿಜೀವನನೊನು ಸೈಂಟ್ ಜೋಸೆಫ್ ಕಾಲೇಜ್ ಬೆಂಗಳೂರು ಮೂಲು ಉಪಾನ್ಯಾಸಕರಾದ್ ಪ್ರಾರಂಭ ಮಲ್ತೆರ್. 1980 ರ್ದ್ 1990 ಮುಟ್ಟ ಸೈಂಟ್ ಅಲೋಸಿಯಸ್ ಕಾಲೇಜ್ ಕುಡ್ಲ ಮೂಲು ಪ್ರಾಂಶುಪಾಲರಾದ್ ಬೊಕ್ಕ 1992ರ್ದ್ 1998 ರ ವರೆಗ್ ಸಂಸ್ಥೆದ ರೆಕ್ಟರ್ ಆದ್ ಸೇವೆನ್ ಕೊರಿಯೆರ್. ಆನ್ವಯಿಕ ಸಸ್ಯಶಾಸ್ತ್ರದ ಪ್ರಯೋಗಾಲಯದ ನಿರ್ದೇಶಕರಾದ್ 1982ರ್ದ್ ಸೇವೆ ಸಲ್ಲಿಸಾವೊಂದುಲ್ಲೆರ್.

ಸಂಶೋಧನೆಳು

ಅಂಗಾಂಶ ಕಸಿತ ಮೂಲಕ ಗೋಂಕುದ ಬೀಜದ ದೈಲೆನ್ ಪ್ರಥಮ ಬಾರಿಗ್ ಮಲ್ತಿನ ಕೀರ್ತಿ ಮೆರೆಗ್ ಸಲ್ಲಿಸಾವೊಡ್., ಮೆರೆನ ಸಂಶೋಧನೆ ಅಲಂಕಾರೊದ ದೈಲು ಬೊಕ್ಕ ಮರ್ದ್ ಗಾಪುನ ದೈಲೆನ್ ಒಳಪಡಿಸಾವೊಂದುಂಡು. ನೋಕಟೆ ಬೊಕ್ಕ ಇಂಚಿತ್ತಿನ ಭೂಮಿಡ್ ಕಮ್ಮಿಯಾವೊಂದು ಪೋಪಿನಂಚಿನ ಅಂಚನೇ ಕೆಂಪುಪಟ್ಟಿಅ ಸಸ್ಯೊಳೆಡ್ ಮರದರಿಸಿನದ ಮಿತ್ತ್ ಮೇರ್ ಪ್ರಯೋಗಳೆನ್ ಮಲ್ತೇರ್. ೭ ಸಂಶೋಧನಾ ವಿದ್ಯಾರ್ಥಿಳು ಮೆರೆನಡೆ ಸಂಶೋಧನೆ ಮಲ್ತೊಂದುಲ್ಲೆರ್. ಡಾ. ಆಲಿಸ್ ಕ್ಲಾರ ಅಗಸ್ತಿನ್ ಡಾ. ವಿನೀತ ಕಾರ್ಡೋಜ, ಡಾ. ಸ್ಮಿತಾ ಹೆಗ್ದೆ , ಡಾ. ಶಶಿಕಿರಣ್ ನಿವಾಸ್ ಇಂಚಿತ್ತಿನ್ಕುಲು ಪ್ರಮುಖೆರ್.

ಪ್ರಶಸ್ತಿಳು

೨೦೦೪ಟ್ ಪ್ರತಿಷ್ಠಿತ ಸಂದೇಶ ಪ್ರಶಸ್ತಿ ಟ್ ಮೆರೆಗ್ ತಿಕ್ಕ್ ದ್ಂಡ್. ೧೯೯೩ ಟ್ ಜೀವಮಾನದ ಸಾಧನೆಗ್ ಟಾಲೆಂಟ್ ಮಿಲಾದ್ ಪ್ರಶಸ್ತಿ ಬೊಕ್ಕ ಸುಮಾರ್ ಪ್ರಶಸ್ತಿಳು ಮೆರೆಗ್ ಬೈದ್ಂಡ್.