ಶುಕ್ರಾರ

ಸುಕ್ರಾರ, ಸುಕ್ರಾರೊ ಗುರುವಾರ ಬುಕ್ಕ ಶನಿವಾರದ ನಡುಟು ಬರ್ಪುನ ಒಂಜಿ ದಿನ. ವಾರದ ಸುರುತ ದಿನೊನು ಐತಾರೊ ಪಂದ್ ದೆತೊಂಬುನ ದೇಸೊಲೆಡ್ ವಾರದ ಆಜಿನೇ ದಿನ ಬರ್ಪುಂಡು. ಅಂಚನೆ ವಾರದ ಸುರುತ ದಿನೊನು ಸೋಮಾರ ದೆತೊಂಬುನ ದೇಸೊಲೆಡ್ ಐನ್‌ನೇ ದಿನ ಬರ್ಪುಂಡು. ಹಿಂದೂ ದರ್ಮೊಡು ಅತ್ತಂದೆ ಬೇತೆ ಬೇತೆ ದರ್ಮೊಡು ಸುಕ್ರಾರೊ ದಿನೊಕ್ ಬಾರಿ ಪ್ರಾಮುಖ್ಯತೆ ಉಂಡು. ಹಿಂದೂ ದರ್ಮೊದ ಜನೊಕ್ಲು ಆ ದಿನ ದೇವಿನ ಆರಾದನೆ ಮಲ್ತೆರ್ಂಡ, ಸಾಯ್ಬೆರ್‌ನಕುಲು ಮಸೀದಿಗ್ ಪೋದು ಸಾಮೂಹಿಕವಾದ್ ಪ್ರಾರ್ಥನೆ ಮಲ್ಪುವೆರ್. ಆಟಿ ತಿಂಗೊಲ್ದ ಸುಕ್ರಾರೊ ದೇವೆರೆನ ದರ್ಶನ ಮಲ್ತ್ಂಡ ಎಡ್ಡೆ ಆಪುಂಡು ಪನ್ಪಿನ ನಂಬಿಕೆ ಉಂಡು.

ನಂಬಿಕೆಲು

ಹಿಂದೂ ಧರ್ಮೊಡು

ದೇವೇರ್ನ ಪೂಜೆ

ಪ್ರತಿ ಸುಕ್ರಾರ ದೇವಿನ ಆರಾಧನೆ ಮಲ್ಪುನ ಪದ್ಧತಿ ಉಂಡು. ಆನಿ ಮಸ್ತ್ ಜನ ಉಪವಾಸ ಮಲ್ಪುವೇರ್. ಮದ್ಮೆ ಆತಿನ ಪೊಂಜವುಲು ಕಂಡೆನಿಗ್ ಎಡ್ಡೆ ಆವೊಡು, ಸೀಕ್ ಸಂಕಡ ಬರಂದೆ ಎಡ್ಡೆ ಇಪ್ಪೊಡು ಪಂಡ್ದ್ ದೇವಿನ್ ಆರಾಧನೆ ಮಲ್ಪುವೇರ್.

ಕಾಸ್ ಕೊರ್ರೆ ಬಲ್ಲಿ

ಶಾಸ್ತ್ರದ ಪ್ರಕಾರೊಡ್ ಅಂಗಾರೆ ಲಕ್ಷ್ಮಿಗ್ ಎಡ್ಡೆ ದಿನ. ಅಂಚಾದ್ ಆ ದಿನ ಲಕ್ಷ್ಮಿ ಬರ್ಪಲ್ ಪನ್ಪಿನ ನಂಬಿಕೆ. ಅಂಚಾದ್ ಏರ್ಲಾ ಶುಕ್ರವಾರ ದಾನಿ ಮಾತ್ರ ಕಾಸ್ ಕೊರ್ಪುಜೆರ್. ದಾಯೆ ಪಂಡ ಕಾಸ್ ಪನ್ಪಿನ ಲಕ್ಷ್ಮಿದ ಸ್ವರೂಪ. ಅಂಚಾದ್ ಇಪ್ಪುನಗ ಲಕ್ಷ್ಮಿನ ಎಡ್ಡೆ ದಿನತಾನಿಯೆ ಬೇತೆಕ್ಲೆಗ್ ಕಾಸ್ ಕೊರುಂಡ, ಅಂಚೆನೆ ಸಾಲ ಕೊರುಂಡ ನಮ, ನಮ್ಮ ಕೈಯಿರ್ದೆ ಲಕ್ಷ್ಮಿನ್ ಪಿದಾಯಿ ನೂಕಿಲಕ ಪನ್ಪಿನ ಅಭಿಪ್ರಾಯ. ಅಂಚಾದ್ ಆ ದಿನ ಲಕ್ಷ್ಮಿನ್ ನಮ ಇಲ್ಲಡ್ ದೀದ್ ಪೂಜೆ ಮಲ್ಪೊಡು. ಅಂಚೆನೆ ಲಕ್ಷ್ಮಿನ ಸ್ವರೂಪ ಆಯಿನ ಪೆತ್ತನ್ಲ ಆನಿ ಎರೆಗ್ಲ ಕೊರ್ಪುಜೆರ್.

ವೈಜ್ಞಾನಿಕವಾದ್ ಒವ್ವೆ ಆದಾರ ಇಜ್ಜಿಂಡಲಾ ನಮ ಎಡ್ಡೆ ರೀತಿಡ್ ಜೀವನ ಸಾಗಿಸವೊಡು ಪಂದ್ ನಮ್ಮ ಹಿರಿಯಕುಲು ಮಲ್ದಿನ ಆಚಾರೊಲು. ವಾರ ಇಡೀ ನಮ ಕಾಸ್‌ನ್ ಖರ್ಚಿ ಮಲ್ಪುವ. ನೆರ್ದ್ ಕಾಸ್‌ಗ್ ಬಂಗ ಆವು. ಅಂಚ ಆಯರೆ ಬಲ್ಲಿ ಪಂದ್ ಒಂಜಿ ದಿನ ಆಂಡಲಾ ಕಾಸ್ ಇಲ್ಲಡೆ ದೀವಡ್ ಪನ್ಪಿನ ಉದ್ದೇಶ

ಇಸ್ಲಾಂ ಧರ್ಮೊಡು

ಇಸ್ಲಾಂ ಧರ್ಮೊಡು ಶುಕ್ರಾರ್ ಎಡ್ಡೆ ದಿನ. ಇಸ್ಲಾಂ ಧರ್ಮೊಡು ನಂಬಿಕೆ ಇತ್ತಿನ ಜನಕುಲು ಪ್ರತಿ ಶಕ್ರಾರ ಅಕಲ್ನ ಮಸೀದಿಗ್ ಪೋದು ನಮಾಜ್ ಮಲ್ಪುವೇರ್.