ಹರಿಣಿ(ನಟಿ)

ಹರಿಣಿ
ದೇಶ	ಭಾರತೀಯ
Other names	ಹರಿಣಿ ಎಸ್.ರಾವ್
ವೃತ್ತಿ(s)	ನಟಿ, ನಿರ್ಮಾಪಕಿ
Years active	1950–1968 (ನಿವೃತ್ತೆರ್)

ಹರಿಣಿ ಮೇರ್ ಕನ್ನಡ ಚಿತ್ರರಂಗೊದ ಮಾಜಿ ನಟಿ. ಮೇರ್ 1950 ಬೊಕ್ಕ 1960 ರ ದಶಕೊಡು ಸಕ್ರಿಯವಾದಿತ್ತೆರ್, ಇತ್ತೆ ಮೇರ್ ನಿವೃತ್ತರಾತೆರ್. ಉಡುಪಿಡ್ ಪುಟ್ಟಿನ ಮೇರ್ ಶ್ರೀನಿವಾಸ ಉಪಾಧ್ಯ ಮೆರೆನ ಮಗಲ್. ವೃತ್ತಿಡ್ ನಿರ್ಮಾಪಕಿ ಬೊಕ್ಕ ನಟಿಯಾದಿತ್ತೆರ್.

ಪುಟ್ಟು ಬೊಕ್ಕ ಬರವು

ಹರಿಣಿ ಮೇರ್ 1937 ನೇ ಇಸವಿಡ್ ಉಡುಪಿಡ್ ಶ್ರೀನಿವಾಸ ಉಪಾಧ್ಯ ಬೊಕ್ಕ ಭಾರತಿ ದಂಪತಿಲೆಗ್ ಪುಟ್ಟಿಯೆರ್. ಅರೆನ ಮೆಗ್ಗೆ ವಾದಿರಾಜ್ ಮೇರ್ಲಾ ನಟೆ ಬೊಕ್ಕ ನಿರ್ಮಾಪಕೆ. ಹರಿಣಿ ಮೇರ್ ಶ್ರೀ ಮುರುಗನ್ ಬೊಕ್ಕ ಕನ್ನಿ ಇಂಚಿನ ಸಿನಿಮೊಲೆಡ್ ಬಾಲ ಕಲಾವಿದೆಯಾದ್ ನಟನೆ ಮಲ್ದೆರ್. ಅವೆಟ್ಟ್ ಅಭಿನಯ ಮಲ್ದಿನೈಕ್ ಅಪಗೊದ ಕಾಲೊಡು ಅರೆಗ್ ಒಂಜಿ ರೂಪಾಯಿನ್ ಕೊರ್ದಿತ್ತೆರ್. ಅವೆರ್ದ್ ಬೊಕ್ಕ ತಮಿಳ್ ಬಾಸೆದ ಪುಣ್ಯವತಿ ಚಿತ್ರೊದ ಮೂಲಕ ನಾಯಕಿ ಪಾತ್ರೊಡ್ ಅಭಿನಯ ಮಲ್ಪರೆ ಸುರು ಮಲ್ತೆರ್.

ವೃತ್ತಿಜೀವನೊ

ಹರಿಣಿ ತನ್ನ 15 ನೇ ಪ್ರಾಯೊಡು ಜಗನ್ಮೋಹಿನಿ ಪನ್ಪಿನ ಸಿನಿಮೊಡು ಮೋಹಿನಿ ಪಾತ್ರೊಡು ನಾಯಕಿಯಾದ್ ಸಿನಿರಂಗೊಗ್ ಪಾದಾರ್ಪಣೆ ಮಲ್ತೆರ್.ಈ ಚಿತ್ರೊ ಹಿಟ್ ಆದ್ ಒಂಜಿ ರಾತ್ರೆಡೆ ಹರಿಣಿ ಪ್ರಸಿದ್ದಿ ಪಡೆಯೆರ್. ತಮಿಳ್ ಬೊಕ್ಕ ಹಿಂದಿ ಸಿನಿಮೊಡು ಏಕಕಾಲೊಡು ರಡ್ಡ್ ಬಾಸೆಲೆಡ್ ಬಿಡುಗಡೆ ಆಯಿನ ರತ್ನದೀಪ್ ಚಿತ್ರೊಡ್ ಹರಿಣಿ ಮೇರ್ ಅದ್ಭುತವಾಯಿನ ಅಭಿನಯೊನ್ ಮಲ್ತೆರ್. ಅವೆರ್ದ್ ಬೊಕ್ಕ ದಲ್ಲಾಳಿ, ವಿಚಿತ್ರ ಪ್ರಪಂಚ, ನಂದಿ, ನಂದಾದೀಪ, ಕನ್ಯಾದಾನ, ಗಂಧರ್ವ ಕನ್ಯಾ ಬೊಕ್ಕ ಪತಿವ್ರತ ಇಂಚಿನ ಕನ್ನಡ ಚಿತ್ರೊಲೆಡ್ ಹರಿಣಿ ಬೇತೆಬೇತೆ ಪಾತ್ರೊಲೆಡ್ ಅಭಿನಯ ಮಲ್ತೆರ್. ಮೇರ್ ಡಾ. ರಾಜ್‌ಕುಮಾರ್ ಅಂಚನೆ ಅಪಗದ ಸುಮಾರ್ ಹೀರೋನಕ್ಲೆನೊಟ್ಟು ನಟನೆ ಮಲ್ದೆರ್. 1968ನೇ ಇಸವಿಡ್ ಮೇರ್ ಅಭಿನಯ ಮಲ್ದಿನ ಸಿನಿಮೊ ಸತಿ ಸುಕನ್ಯ ಮೆರೆನ ಲಾಸ್ಟ್ ದ ಸಿನಿಮೊ. ಅವೆರ್ದ್ ಬೊಕ್ಕ 1972ನೇ ಇಸವಿಡ್ ಹರಿಣಿ ಮದಿಮೆ ಆದ್ ಸೌದಿಗ್ ಪೋಯೆರ್.

ಸಿನಿಮೊಲು

ವರ್ಷ	ಶೀರ್ಷಿಕೆ	ಪಾತ್ರೊ	ಟಿಪ್ಪಣಿ	ಉಲ್ಲೇಕೊ
1944	ಹರಿದಾಸ್	ಕೃಷ್ಣನ್	ತಮಿಳ್
1946	ಶ್ರೀ ಮುರುಗನ್	ಮುರುಗನ್	ತಮಿಳ್ ಸಿನಿಮೊ
1947	ಕನ್ನಿಕಾ	ಕನ್ನಿಕಾ	ತಮಿಳ್ ಸಿನಿಮೊ
1951	ಜಗನ ಮೋಹಿನಿ
1952	ರತ್ನಾದೀಪ್		ಹಿಂದಿ ಸಿನಿಮೊ
1953	ದಲ್ಲಾಲಿ
1953	ಮಂಗಳಗೌರಿ
1953	ಸೌಬಾಗ್ಯ ಲಕ್ಷ್ಮಿ
1954	ಮಾಡಿದುಣ್ಣೋ ಮಹಾರಾಯ
1954	ಕನ್ಯಾದಾನ
1954	ಮುಟ್ಟಿದ್ದೆಲ್ಲಾ ಚಿನ್ನ
1955	ಗಾಂಧರ್ವ ಕನ್ಯ
1955	ವಿಚಿತ್ರ ಪ್ರಪಂಚ
1957	ಪ್ರಭುಲಿಂಗ ಲೀಲೆ
1959	ಧರ್ಮ ವಿಜಯ	Saradara Vijaya's wife
1960	ಆಶ ಸುಂದರಿ
1961	ನಾಗಾರ್ಜುನ
1962	ನಂದಾದೀಪ
1962	ರತ್ನ ಮಂಜರಿ
1962	ಕರುಣೆಯ ಕುಟುಂಬದ ಕಣ್ಣು		ಅತಿಥಿ ಪಾತ್ರೊ
1962	ವಿಧಿವಿಲಾಸ	ಮಾಯಾದೇವಿ
1963	ಆನಂದ ಬಾಷ್ಪ
1964	ನಾಂದಿ	ಗಂಗ
1964	ಮಂಗಳ ಮುಹೂರ್ತ
1964	ನವಜೀವನ		ಅತಿಥಿ ಪಾತ್ರೊ
1964	ಶಿವಗಂಗೆ ಮಹಾತ್ಮೆ
1965	ಪತಿವ್ರತ
1965	ಸರ್ವಜ್ಞ ಮೂರ್ತಿ
1965	ಅಮರಜೀವಿ
1965	ಇದೇ ಮಹಾಸುದಿನ
1967	ಸುಬ್ಬ ಶಾಸ್ತರಿ
1967	ಸತಿ ಸುಕನ್ಯ
1970	ಸೀತ		ನಿರ್ಮಾಪಕಿಯಾದ್ ಯಜ್ಞಾ

ಮಾನಾದಿಗೆಲು

• 2015 - ಕರ್ನಾಟಕ ಸರ್ಕಾರೊರ್ದ್ ಡಾ. ರಾಜ್‌ಕುಮಾರ್ ಪ್ರಶಸ್ತಿ .
• 2010 - ಭಾರತೀಯ ವಿದ್ಯಾಭವನೊರ್ದ್ ಪದ್ಮಭೂಷಣ ಡಾ. ಬಿ. ಸರೋಜಾದೇವಿ ರಾಷ್ಟ್ರೀಯ ಪ್ರಶಸ್ತಿ.
• 1969 - ಅತ್ಯುತ್ತಮ ಚಲನಚಿತ್ರಕೊಗ್ ಫಿಲ್ಮ್‌ಫೇರ್ ಪ್ರಶಸ್ತಿ - (ಕನ್ನಡ) ನಮ್ಮ ಮಕ್ಕಳು.