ದಯಾನಂದ ಶೆಟ್ಟಿ

ದಯಾನಂದ ಚಂದ್ರಶೇಖರ್ ಶೆಟ್ಟಿ ( 11 ಡಿಸೆಂಬರ್ 1969) ಒರಿಯೆ ಭಾರತೊದ ಚಲನಚಿತ್ರ, ದೂರದರ್ಶನ ನಟ ಬೊಕ್ಕ ರೂಪದರ್ಶಿ, ಭಾರತೊಡು ಜಾಸ್ತಿ ಸಮಯೊದ ಮುಟ್ಟ ಪ್ರಸಾರ ಆಯಿನ ಧಾರವಾಹಿ ಸಿ.ಐ.ಡಿ ಡ್ ಇನ್‌ಸ್ಪೆಕ್ಟರ್ ದಯಾ ಪಾತ್ರೊಗು ಪುದರ್ ಆಯಿನಾರ್. ಅರೆನ್ 2018 ಡ್ ಗೋಲ್ಡ್ ಅವಾರ್ಡ್ಸ್ ಹಾಲ್ ಆಫ್ ಫೇಮ್‌ಗ್ ಸೆರ್ಪಡೆ ಮಲ್ದೆರ್.

ದಯಾನಂದ ಶೆಟ್ಟಿ
2018 ಡ್ ಬಂಟ್ ಸಮುದಾಯದ ಕಾರ್ಯಕ್ರಮೊಡು ಶೆಟ್ಟ್ರ್
Born	ದಯಾನಂದ ಚಂದ್ರಶೇಖರ ಶೆಟ್ಟಿ (1969-12-11) 11 December 1969 ಕಟಪಾಡಿ,ಉಡುಪಿ,ಉಡುಪಿ ಜಿಲ್ಲೆ, ತುಳುನಾಡು,ಮೈಸೂರು,ಇಂದಿನ ಕರ್ನಾಟಕ,ಭಾರತ
Nationality	ಭಾರತೀಯ
Other names	ದಯಾ
Occupation	ನಟೆ
Years active	1996–ಇಂದಿನವರೆಗೆ
Known for	ಸಿ.ಐ.ಡಿ ಡ್ ದಯ
Spouse	ಸ್ಮಿತಾ ಶೆಟ್ಟಿ
Awards	2 ಚಿನ್ನದ ಪ್ರಸಸ್ತಿಲು

 

ಜೀವನ

ದಯಾನಂದ ಶೆಟ್ಟಿಯ ದಕ್ಷಿಣ ಕನ್ನಡ ಜಿಲ್ಲೆದ ಕಟಪಾಡಿ ನಡಿಬೆಟ್ಟು ಇಲ್ಲಡ್ ಪುಟ್ಟಿಯೆರ್. ಅಮ್ಮೆ ವೈಟ್ ಲಿಫ್ಟಿಂಗ್ ಛಾಂಪಿಯನ್ ಚಂದ್ರಶೇಖರ ಶೆಟ್ಟಿ, ಮಹಾರಾಷ್ಟ್ರ ಮಟ್ಟೊದ ಚಾಂಪಿಯನ್ ಆದ್ ೭ ವರ್ಷದ ಕಾಲ ಪುದರ್ ಮಲ್ತಿನಾರ್. ದಯನಂದ ಶೆಟ್ರೆರ್ ಬಾಂದ್ರ ಉಪನಗರಿಯ ರಿಜ್ವಿ ಕಾಲೇಜ್ಡ್ ಬಿ. ಕಾಂ ಮಲ್ತ್‌ದ್, ಕ್ರೀಡಾರಂಗೊಡು ಅರೆನ್ ಪುದರ್ ಮಲ್ತಿನಾರ್. ದಯಾ ಆರ್ ಬಾಕಿದ ಕ್ಷೇತ್ರ, ಶಾಟ್ ಪುಟ್, ಡಿಸ್ಕಸ್ ಥ್ರೋ ಈ ಗೊಬ್ಬುಡು ಮಸ್ತ್ ಪ್ರಶಸ್ತಿ ತಿಕ್ಕ್ದ್ಂಡ್.೧೯೯೪ಡ್ ಮಹಾರಾಷ್ಟ್ರ ರಾಜ್ಯ ಡಿಸ್ಕಸ್ ಥ್ರೋ ಗೊಬ್ಬುಡು ಆರ್ ಛಾಂಪಿಯನ್ ಆದಿತ್ತೆರ್. ಆಂಡ ಅರೆಗ್ ಕಾರ್ ಬೆನೆರ್ದ್ ಕ್ರೀಡಾ ಚಟುವಟಿಕೆನ್ ಬುಡ್ಯೆರೆ ಡಾಕ್ಟರ್ ಪಂಡೆರ್.

ಹಿಂದಿ ಬೊಕ್ಕ ತುಳು ರಂಗಭೂಮಿ

ಚಂದ್ರ ಪ್ರಕಾಶ್ ಥಿಯೇಟರ್ದ ಶೆಟ್ರ್ ತೂದ್, ಆರ್ನ ನಾಟಕೊಡು ಅಭಿನಯ ಮಲ್ಪೆರೆ ಪಂಡೆರ್ . ಸೀಕ್ರೆಟ್’, ’ಈಶ್ವರ್ ಅಲ್ಲಾ ತೇರೆ ನಾಮ್’, ನಾಟಕೊಲು ಹಿಂದಿ ಬೊಕ್ಕ ತುಳು ಭಾಷೆಡ್ ಪ್ರದರ್ಶನ ಆಂಡ್. ಐಟ್ ಮುಖ್ಯ ಪಾತ್ರ ಮಲ್ದಿನ ದಯಾಶೆಟ್ರ್ ನ ನಾಟಕೊಲು ಮಾತೆರ್ಲ ಪುಗರ್ಯೆರ್. ’ಸೀಕ್ರೆಟ್ ನಾಟಕ ಸ್ಪರ್ಧೆ’ ಡ್ ಅಭಿನಯಗ್ ಶ್ರೇಷ್ಠ ಪ್ರಶಸ್ತಿ ಬತ್ತ್ಂಡ್. ನನೊಂಜಿ ’ಜನಪ್ರಿಯ ನಾಟಕ ಕಾಲಚಕ್ರ’ಡ್ ಲ ಆರ್ ಮುಖ್ಯಪಾತ್ರ ಮಲ್ದೆರ್. ಮರಾಠಿ ಹಿಂದಿ ಫಿಲ್ಮ್ ಡ್ ಲ ನಟನೆ ಮಲ್ದೆರ್. ನಟ ’ಶಿವಾಜಿ ಸಾಟಂ’ನೊಟ್ಟಿಗೆ ’ಸಿ. ಐ. ಡಿ’ ದಾರವಾಹಿ ಡ್ ’ಇನ್ ಸ್ಪೆಕ್ಟರ್ ದಯಾ,’ ಆದ್ ೧೫ ದ ಕಂತ್‌ಡ್ (ಸಂಚಿಕೆ) ಪಾದಾರ್ಪಣೆ ಮಲ್ತಿನ ಮೇರ್ ಸಿ. ಐ. ಡಿ ಕಡೆತ ಸಂಚಿಕೇ ಮುಟ್ಟ ಇತ್ತೆರ್.

ದಯಾ ಕುಟುಂಬ

ದಯಾನಂದ ಶೆಟ್ಟ್ರೆರ್ ಏಲ್ಯ ಕುಟುಂಬ. ಪತ್ನಿ ಸ್ಮಿತ ಬೊಕ್ಕ ಮಗಲ್ ವಿವಾ ಲೊಟ್ಟಿಗೆ, ಮುಂಬೈದ ಉಪನಗರ, ’ಕಾಂದಿವಲಿ ಚಾರ್ಕೋಪ್’ ಡ್ ಉಲ್ಲೆರ್.