ತಸ್ಲೀಮಾ ನಸ್ರೀನ್

ತಸ್ಲೀಮಾ ನಸ್ರೀನ್
2007 ರಲ್ಲಿ ತಸ್ಲೀಮಾ ನಸ್ರಿನ್
ಪುದರ್	তসলিমা নাসরিন
ಪುಟ್ಟಿನ ಊರು	(1962-08-25) 25 August 1962 ಮೈಮೆನ್ಸಿಂಗ್, ಪೂರ್ವ ಪಾಕಿಸ್ತಾನ (ಈಗ ಬಾಂಗ್ಲಾದೇಶ)
ದಂಪತಿಲು	ರುದ್ರ ಮೊಹಮ್ಮದ್ ಶಾಹಿದುಲ್ಲಾ (1982-86) ನಯೀಮುಲ್ ಇಸ್ಲಾಂ ಖಾನ್ (1990-91) ಮಿನಾರ್ ಮನ್ಸೂರ್ (1991-92)
ಬೇಲೆ	ಕವಯಿತ್ರಿ ,ಬರಹಗಾರ್ತಿ, ಕಾದಂಬರಿಕಾರ್ತಿ
ಪೌರತ್ವೊ	ಬಾಂಗ್ಲಾದೇಶ, ಇಂಡಿಯಾ, ಸ್ವೀಡನ್
ಕಾಲೊ	1973 – ಪ್ರಸ್ತುತ
ವಿಸಯೊ	ಮಾನವತಾವಾದ
ಸಾಹಿತ್ಯೊ ಚಳುವಳಿ	ಮಹಿಳೊ ಹಕ್ಕುಲು, ಮಾನವೀಯ ಹಕ್ಕುಲು , ಜಾತ್ಯತೀತ ಚಳುವಳಿಲು
ದಸ್ಕತ್
Website
http://taslimanasrin.com

ತಸ್ಲೀಮಾ ನಸ್ರೀನ್

ತಸ್ಲೀಮಾ ನಸ್ರೀನ್ ಜಾಗೃತವಾಯಿನ ಸ್ತ್ರೀ ಶಕ್ತಿದ ಸಂಕೇತ. ಜೊತೆಗ್ ಬಾಂಗ್ಲಾದೇಶದೊ ವಿವಾದಿತ ಲೇಖಕಿ ಪಂದೇ ಗುರುತಿಸಾದಿನಾರ್. ಬಾಂಗ್ಲಾ ದೇಶೊಡು ವೈದ್ಯ ವೃತ್ತಿ ಮಂತೊಂದು ಇತ್ತಿನ ಮೇರ್ ಅರೆಗ್ ನಲಪ್ಪತ್ತೆಲ್ ವರ್ಷ ಆನಗ "ಲಜ್ಜಾ" ಪನ್ಪಿನ ಕಾದಂಬರಿ ಬರೆಯಪುನ ಮೂಲಕ ವಿವಾದಕ್‌ ಒಳಾಗಾಯೆರ್ , ಅರನನೇ‌ ದೇಶೊಡ್ದು ಗಡೀಪಾರು ಗ್‌ ಗುರಿಯಾದ್ ಪೋಯೆರ್. ಅವೆತೋ ವರ್ಷೊಡು ತರೆ ತಪ್ಪವೊಂದು ಬದುಕು ನಡಪಾವೊಂದು ಇತ್ತಿನ ಆರ್ ನೆಮ್ಮದಿದ ಗೂಡುನ್ ನಾಡೊಂದು ಬಾಂಗ್ಲಾದೇಶೊನ್ ಬುಡ್ದು ಬತ್ತ್ ಭಾರತೊದ ಆಶ್ರಯೊಡುಲ್ಲೆರ್ .

ಜನನದ ವಿವರಗಳು

ತಸ್ಲೀಮಾ ನಸ್ರೀನ್ ಪುಟ್ಟಿದಿನ ದಿನ:25 ಆಗಸ್ಟ್ 1962 ; ಅಪ್ಪ; ರಾಜಾಬ್ ಆಲಿ, ಅಮ್ಮ ಇದುಲ್ ಆರಾ ; ಪುಟ್ಟುದಿನ ಪ್ರದೇಶ:ಮೈಮೆನ್ಸಿಂಗ್, ಬಾಂಗ್ಲಾದೇಶ. ಅರೆನ ಅಪ್ಪ ವೈದ್ಯೆರ್.

"ಲಜ್ಜಾ" ಕೃತಿದುಲಾಯಿ

"ಲಜ್ಜಾ" ಕೇವಲ ಒಂಜಿ ಕಾದಂಬರಿ ಆವಂದೆ ಆ ಕಾಲೊದ ಸಾಮಾಜಿಕ, ಆರ್ಥಿಕ, ಸಾಂಸ್ಕೃತಿಕ ಬೊಕ್ಕ ಸಮಾಜೋಧಾರ್ಮಿಕ ಆಯಾಮಲೆಗ್ ಪತ್ತುದಿನ ಕೈಗನ್ನಡಿಯಾತುಂಡು.

90ತ ದಶಕೊಬಡು, ಭಾರತೊಡು ಬಾಬ್ರಿ ಮಸೀದಿನ್ ಕೆಡವುದಿನ ಪ್ರಕರಣೊ ನೆರೆತ ಬಾಂಗ್ಲಾದೇಶೊಡು ಎತೊಂಜಿ ಹಿಂಸಾಚಾರಕ್ ಕಾರಣವಾಡ್ ಪಂದ್ ಪ್ರತ್ಯಕ್ಷದರ್ಶಿಯಾಯಿನ ಲೇಖಕಿ ಅವೆನ್ ನಿಖರವಾಯಿನ ಅಂಕಿ-ಅಂಶೊಲುದ ಮೂಲಕ ಪನೊಂದು ಪೋಪೆರ್. ಬಾಂಗ್ಲಾದೇಶೊಡು ರಡ್ಡರೆ ಕೋಟಿ ಅಲ್ಪಸಂಖ್ಯಾತೆರ್ ಹಿಂದೂಲೆನ ಮಿತ್ತ್ ನಡೆಯಿನ ಮಾರಣಹೋಮೊ, ಇಲ್ಲದ ಲೂಟಿಲು, ಬೀದಿತ ನಡುಟೇ, ಪಚ್ಚೆ ಪಂಡೆರ್ ಡೇ ನಡೆತಿನ ಪೈಶಾಚಿಕ ಕೃತ್ಯೊಲು, ಸಾಮೂಹಿಕವಾದ ನಡೆತಿನಂಚಿನ ಅತ್ಯಾಚಾರೊಲು, ಉಂದೆನ್ ಪೂರಾ ತೂಂಡಾಲ , ತೂವಂದಿಲೆಕ್ಕ ಇತ್ತುದು ಜಾಣಮೌನ, ಜಾಣಕುರುಡು ಪ್ರದರ್ಶಿಸಾಯಿನ ಸರ್ಕಾರೊದ ರೀತಿ ನೀತಿಲ್, ಅಮಾಯಕ ಹಿಂದೂಲೆನ್ ಬೀದಿ ನಾಯಿಡ್ದ್ ಕಡೆ ಮಂತುದು, ಚಿತ್ರಹಿಂಸೆ ಕೊರ್ತಿನ ಹೇರಳವಾಯಿನ ದಾಖಲೆಲು ಈ ಕೃತಿಟ್ ಉಂಡು.

ತಲೆದಂಡದಂಚಿನ ಕ್ರೂರ ಶಿಕ್ಷೆಗ್ ಗುರಿಯಾಯಿನಿ

ಅರೆನ ವಿವಾದಾತ್ಮಕ ಕಾದಂಬರಿಡ್ದ್ ಮುಸ್ಲಿಂ ಮೂಲಭೂತವಾದಿಲೆಡ್ದು ಜೀವ ಬೆದರಿಕೆ ಬತ್ತಿ ಬೊಕ್ಕ ಅರೆನ ತವರೂರು ಬಾಂಗ್ಲಾದೇಶೊಡ್ದು 1994ಡ್ ಸ್ವಯಂ ದೇಶಭ್ರಷ್ಟರಾಯಿನ ತಸ್ಲೀಮಾ ನಸ್ರೀನ್‌ ಸದ್ಯಗ್ ಸ್ವೀಡನ್‌ದ ನಾಗರಿಕೆರ್. ಆಂಡಾ 2004ಡ್ದ್ ನಿರಂತರವಾದ್ ಆರ್ ಭಾರತದ ವೀಸಾ ಪಡೆಯುನೇಟ್ ಯಶಸ್ವಿಯಾತೇರ್. ಈ ನಡುಟು ಆರ್ ಕರಿನ ರಡ್ಡ್ ದಶಕೊಡು ಅಮೇರಿಕಾ, ಯುರೋಪ್ ಬೊಕ್ಕ ಭಾರತೊಡುಲ ವಾಸ್ತವ್ಯ ಹೂಡುದು ಇತ್ತೆರ್. ಅನೇಕೊ ಸಂದರ್ಭೊಡುಲ ಆರ್ ಭಾರತೊಡು ಶಾಶ್ವತವಾದ್ ನೆಲೆಸುನ ಆಶಯೊ ವ್ಯಕ್ತಪಡಿಸಿದೆರ್, ಅಯಿಟ್ ಲಾ ವಿಶೇಷವಾದ್ ಕೋಲ್ಕತೊಡ್ ಉಪ್ಪರೆ ಅರೆಗ್ ಮಸ್ತ್ ಇಷ್ಟ ಪಂದ್ ಪನೊಂದು ಇತ್ತೆರ್. 2007ಡ್ ಮುಸ್ಲಿಮೆರ್ ನ ಒಂಜಿ ವರ್ಗೊಡ್ದು ನಡೆಯಿನ ಹಿಂಸಾತ್ಮಕ ಪ್ರತಿಭಟನೆದ ಸರಣಿಡ್ದ್ ಆರ್ ಕೋಲ್ಕತಾನ್ ಬುಡ್ದು ಪೋವೋಡಾದ್ ಬತ್ತುಂಡು. ತಸ್ಲೀಮಾ ನಸ್ರೀನ್ ಅರೆಗ್ ಭಾರತೊಡು ದೀರ್ಘಕಾಲ ವಾಸ ಮನ್ಪುನ ಅನುಮತಿ ನೀಡುದಿನ ವೀಸಾ ಸೌಲಭ್ಯೊನು ಕೇಂದ್ರ ಸರಕಾರ ಒದಗಿಸಿದಾಂಡ್. ತಸ್ಲೀಮಾ ನಸ್ರೀನ್ ಮಾನವೀಯತೆಡ್, ಅಮಾಯಕ ಹಿಂದುಲೆನ ಮಿತ್ತು ನಡೆಯಿನ ಹಿಂಸಾಚಾರೊಡು ಬೇಜಾರ್ ಆದ್, ತಮ್ಮ ಕೃತಿತ ಮೂಲಕ ಸಾತ್ವಿಕವಾದ್ ಪ್ರತಿಭಟಿಸಾಯೆರ್. ಆರ್ ಮತಧರ್ಮೊದ, ಮೂಲಭೂತವಾದಿಲೆನ ಅಪಾಯಕಾರಿ ಪ್ರವೃತ್ತಿನ್ ವಸ್ತುವಾಗಿಸಾಯಿನ ಈ ಕೃತಿಡ್ದ್ ಮುಸ್ಲಿಂ ಸಂಘಟನೆದ ನೇರ ವಕೃದೃಷ್ಟಿನ್ ಎದುರಿಸಾಯೆರ್.

ಆರೆನ್ ಬಾಂಗ್ಲಾದೇಶೊಡ್ದು ಗಡೀಪಾರು ಮನ್ಪರೆ ಕಾರಣೊ ಒಂಜಿ ಮುಸ್ಲಿಂ ಮಹಿಳೆಯಾದ್ ಕೃತಿಟ್ ಹಿಂದೂಲೆನ್ ಸಹೋದರ ಲೆಕ್ಕ ಚಿತ್ರಿಸಾಯಿನಿ. ಧರ್ಮಾಂಧೆರ್ನ ಹಿಡಿತೊಡು ಇತ್ತಿನ ಬಾಂಗ್ಲಾದೇಶೊದ ಸರ್ಕಾರ ನಿರ್ಲಜ್ಜವಾದ್ ಅರೆನ ಪೂರಾ ಕೃತಿಲೆನ್ಲ ಬಹಿಷ್ಕಾರ ಮಂದುಂಡು. ಅಲ್ಪದ ಧಾರ್ಮಿಕೊ ಮುಖಂಡೆರ್ ಅರೆನ ತಲೆದಂಡದಂಚಿನ ಕ್ರೂರ ಶಿಕ್ಷೆಗ್ ಆಗ್ರಹ ಮಂತೊಂದು ಇತ್ತೆರ್. ಕೆಲವು ಉಗ್ರ ಧಾರ್ಮಿಕ ಸಂಘಟನೆಲು ಅರೆನ ತರೆಗ್ ಬೆಲೆ ಕಟ್ಟುದೆರ್. ಅರೆನ್ ಪತ್ತುದು ಕೊರಿನಕಲೆಗ್ ಭಾರಿ ಬಹುಮಾನೊನು ಘೋಷಿಸಾದೆರ್. ಅರೆನ್ ಕೆರಿಯರೆ ನಿರಂತರವಾದ್ ಷಡ್ಯಂತ್ರಲೆನ್ ರೂಪಿಸಾವೊಂದೇ ಉಲ್ಲೆರ್.

ಸಾಹಿತ್ಯದ ಕೃಷಿ

ಕಾವ್ಯಗಳು

• The Game in Reverse: Poems and Essays ( 1995)
• ಷಿಕೋರೇ ಬಿಪುಲ್ ಖುಧಾ (Hunger in the Roots), (1986)
• ನಿರ್ಭಾಷಿತೋ ಬಾಹಿರೇ ಓಂತೊರೇ (Banished Without and Within ) ( 1989)
• ಅಮರ್ ಕೀಚೂ ಅಷೇ ನೇ(I Couldn’t Care Less), (1990)
• ಆತೋಲೇ ಓಂತೊರಿನ್ (Captive In the Abyss), 1991
• ಬಾಲಿಕರ್ ಗೊಲ್ಲಾ ಚೂತ್ (ಬಾಲಕಿಯರ ಆಟೆ), 1992
• ಬೆಹೂಲಾ ಫ್ಲಾಟೆಡ್ ದಿ ರಾಫ್ ಅಲೊನ್ (Behula Floated the Raft Alone), 1993
• ಆಯ್ ಕೊಸ್ಟೋಝೇಪೇ,ಜೀಬೊನ್ ದೇಭೋಮೇಪೇ (Pain Come Roaring Down, I’ll Measure Out My Life for You), 1994
• ಜೊಲೊಪೊದ್ಯೋ (ಚಂಗಳವೆ), 2000
• ಖಾಳೀ ಖಾಳೀ ಲಗೇ (Feeling Empty), 2004
• ಖಿಚ್ಚುಕ್ಕನ್ ಥಾಕೋ (ಸ್ವಲ್ಪ ತಡಿ ), 2005

ಲೇಖನಗಳು

• ನಿರ್ಬಾಚಿತೋ ಕಾಲಮ್ (ಆಯ್ದ ಕಾಲಮ್ಸ್)
• ಜಾಬೋನ ಕೇನೋ ಜಾಬೋ (ನಾನು ಹೋಗುವುದಿಲ್ಲ; ಏಕೆ ಹೋಗಬೇಕು?)
• ನೊಷ್ಟೊ ಮೇಯೇರ್ ನೊಷ್ಟೊ ಗೊದ್ದೋ(Corrupt prose of a corrupt girl)
• ಛೋಟೋ ಛೋಟೋ ದುಖ್ಖೋಕೊಥಾ (ಸಣ್ಣ ಸಣ್ಣ ಕಷ್ಟಗಳ ಕಥೆ)

ನಿಷೇಧ ಮಂದಿನ ಕೃತಿಲು

ಈ ತಿರ್ತುದ ಕೃತಿಲೆನು ಬಾಂಗ್ಲಾದೇಶೊಡ್ ನಿಷೇಧ ಮಂದೆರ್

• ಲಜ್ಜಾ(lajja:shame):
• ಅಮರ್ ಮೆಯೇ ಬೆಲ(Amar Meyebela)
• ಉತಲ್ ಹವಾ(Utal Hawa)
• ದ್ವೀಖೋಂದಿತೋ(Dwikhondito)
• ಕೊ(Ko)
• ಸೆಯ್ ಸಬ್ ಅಂಥಕಾರ್(Sei Sob Ondhokar)

ಗ್ರಂಥ ನೆರವು

• ಲಜ್ಜಾ - ಹಿಂದಿ: ತಸ್ಲೀಮಾ ನಸ್ರೀನ್, ಕನ್ನಡಕ್ಕೆ : ರಾಮಣ್ಣ ಆರೆಜ್ಜೆ