ಸಂತೋಷಿ ಮಾತಾ
| ಸಂತೋಷಿ ಮಾತಾ | |
|---|---|
ತೃಪ್ತಿದ ದೇವತೆ | |
 ಸಂತೋಷಿ ಮಾತಾ | |
| ದೇವನಾಗರಿ | संतोषी माता |
| Affiliation | ದೇವಿ |
| ಇಪ್ಪುನ ಜಾಗೆ | ಗಣೇಶ ಲೋಕ |
| ವೈಯಕ್ತಿಕ ಇಸಯೊಲು | |
ಸಂತೋಷಿ ಮಾತಾ ಅಥವೂ ಸಂತೋಷಿ ಮಾ ಉಂದು ಒಂಜಿ ಹಿಂದೂ ದೇವಿನ ಪುದರ್. "ತೃಪ್ತಿದ ಅಪ್ಪೆ " ಆ ಪುದರ್ ದ ಅರ್ಥ. ಸಂತೋಷಿ ಮಾತೆನ್ ವಿಶೇಷವಾಗದ್ ಉತ್ತರ ಭಾರತೊದ ಬೊಕ್ಕ ನೇಪಾಳೊದ ಪೊಂಜೋವುಲು ಪೂಜೆ ಮನ್ಪುವೆರ್. ಸತತ 16 ಶುಕ್ರವಾರದಪಗ ಪೊಂಜೋವುಲು ಆಚರಿಸುನ ಸಂತೋಷಿ ಮಾ ವ್ರತ ಪನ್ಪಿನ ಒಂಜಿ ವ್ರತನ್ ದೇವಿನ ಕೃಪೆ ತಿಕ್ಕರೆ ಮನ್ಪುವೆರ್.ಸಂತೋಷಿ ಮಾತಾ 1960 ದಪಗ ಪೂರೆರೆಗ್ಲ ಗೊತ್ತಾದ್ , ಅಂಚಿನ ಒಂಜಿ ದೇವತೆ ಉಂಡು ಪಂದ್ ಲೋಕಗ್ ಗೊತ್ತಾಂಡು. ಅರೆನ ಪ್ರಾರ್ಥನೆ ಸುರುಕಾದ್ ಬಾಯಿಡ್ದ್ ಬಾಯಿ ಪಂಡ ಮಾತು ಮೂಲಕ ಆಂಡ್, ಬೊಕ್ಕ ವ್ರತ-ಕರಪತ್ರ ಸಾಹಿತ್ಯ ಬೊಕ್ಕ ಪೋಸ್ಟರ್ ದ ಮೂಲಕ ಹರಡುಂಡು.ಸಂತೋಷಿ ಮಾ ನ ವ್ರತ ಉತ್ತರ ಭಾರತೊದ ಪೊಂಜೋವುಲೆಗ್ ಜನಪ್ರಿಯತೆನ್ ಕೊರೊಂದು ಇತ್ತುಂಡು. ಆಂಡಾ, ಉಂದು 1975 ಟ್ ಬಾಲಿವುಡ್ ಚಲನಚಿತ್ರ ಜೈ ಸಂತೋಷಿ ಮಾ ("ವಿಕ್ಟರಿ ಟು ಸಂತೋಷಿ ಮಾ")-ದೇವತೆ ಬೊಕ್ಕ ಅಲೆನ ಕಟ್ಟಾ ಭಕ್ತೆ ಸತ್ಯವತಿನ ಕಥೆನ್ ನಿರೂಪಿಸಾಂಡ್.ಉಂದು ಆದಗದ ಆತ್ ಗೊತ್ತು ಉಪ್ಪಂದಿನ "ಪೊಸ" ದೇವತೆನ್ ಭಕ್ತಿದ ಉತ್ಸಾಹೊದ ಉತ್ತುಂಗಕ್ ಲೆತ್ತೊಂದು ಪೋಂಡು. ಚಿತ್ರೊದ ಜನಪ್ರಿಯತೆ ಹೆಚ್ಚಾಯಿಲೆಕ್ಕನೇ , ಸಂತೋಷಿ ಮಾತಾ ಪ್ಯಾನ್-ಇಂಡಿಯನ್ ಹಿಂದೂ ಪಂಥಾಹ್ವಾನ ಪ್ರವೇಶ ಮಂತು ಆಯಿ ಬೊಕ್ಕ ಅರೆನ ಚಿತ್ರೊಲು ಬೊಕ್ಕ ದೇವಾಲಯೊಲೆನ್ ಹಿಂದೂ ದೇವಾಲಯೊಡು ಸೇರಿಸಲಾಂಡು.[೧]
ಮಂತ್ರ
[ಸಂಪೊಲಿಪುಲೆ]ಓಂ ಶ್ರೀ ಸಂತೋಷಿ ಮಹಾಮಾಯೇ ಗಜಾನಂದಂ ದಾಯಿನಿ ಶುಕ್ರವಾರ ಪ್ರಿಯೇ ದೇವಿ ನಾರಾಯಣಿ ನಮೋಸ್ತುತೇ
ಆಯುಧೊಲು: ಕತ್ತಿ, ಅರಿತ ಬಂಗಾರ್ದ ಮಡಕೆ ಬೊಕ್ಕ ,ತ್ರಿಶೂಲ.
ವಾಹನೊ: ಹುಲಿ ಯಾ ಆಕಳು ಯಾ ಕಮಲ.
ಐತಿಹಾಸಿಕೊ ಬೆಳವಣಿಗೆ
[ಸಂಪೊಲಿಪುಲೆ]1975 ತ ಚಲನಚಿತ್ರೊ ಜೈ ಸಂತೋಷಿ ಮಾ ಸಂತೋಷಿ ಮಾತಾ, "ಪೊಸ" ದೇವತೆನ್ ಪ್ಯಾನ್-ಇಂಡಿಯನ್ ಹಿಂದೂ ಪಂಥಾಹ್ವಾನಕ್ಕೆ ಏರಿಸಾಂಡು. ಚಿತ್ರೊದ ಪ್ರದರ್ಶನೊ ಪ್ರೇಕ್ಷಕರೊಡು.ಧಾರ್ಮಿಕ ವಿಧಿವಿಧಾನ ನಡೆತುಂಡು. ಅಯಿಟುಲ ಕೆಲವು ಪ್ರೇಕ್ಷಕರ್ ಹಿಂದೂ ದೇವಾಲಯೊಗು ಪೋಯಿಲೆಕ್ಕ , ಬರಿಗಾಲುಡು ಥಿಯೇಟರ್‌ಗೆ ಪ್ರವೇಶ ಮಂತೆರ್ .ಬೊಕ್ಕ ದೇವಿಗ್ ಸಮರ್ಪಿತವಾಯಿನ ಎಲ್ಯಾ ದೇವಾಲೊಯುಲು ಬೊಕ್ಕ ಅರೆನ ದೇವಾಲಯೊಲು ಉತ್ತರ ಭಾರತದಾದ್ಯಂತ ಪುಟ್ಟುಂಡು.
ಸಂತೋಷಿ ಮಾತಾ ವ್ರತ
[ಸಂಪೊಲಿಪುಲೆ]ಸಂತೋಷಿ ಮಾತಾ ವ್ರತ ಯಾ ಭಕ್ತಿದ ಉಪವಾಸೊನು ಸತತ 16 ಶುಕ್ರವಾರದಪಗ ಅತ್ತುಡ ನಮ್ಮ ಬಯಕೆನ್ ಪೂರೈಸುನ ತನಕ ಆಚರಿಸಾವೊಡು. ಭಕ್ತೆ ಸಂತೋಷಿ ಮಾತೆನ ಪೂಜೆನ್ ಮನ್ಪೊಡು ಬೊಕ್ಕ ಪುರ್ಪಲು, ಧೂಪದ್ರವ್ಯಲು ಬೊಕ್ಕ ಒಂಜಿ ಬಟ್ಟಲು ಸಕ್ಕರೆ ಬೊಕ್ಕ ಹುರಿದಿನ ಕಡಲೆನ್ ಅರ್ಪಿಸಾವೊಡು. ಭಕ್ತೆ ಪುಲ್ಯನಕಾಂಡೇ ಲಕ್ಕುದು, ದೇವಿನ್ ಸ್ಮರಿಸಾದು, ಉಪವಾಸೊದ ದಿನೊಟು ಕೇವಲ ಒಂಜಿ ವನಸ್ ಡ್ ಉಪ್ಪುವೆರ್.ಕೈಪೆ ಬೊಕ್ಕ ಪುಳಿ ಆಹಾರೊನು ತಿನ್ಪಿನ ಬುಡುಪೇರ್ . ದಾಯೇಗ್ ಪಂಡ ಪುಳಿ ಬೊಕ್ಕ ಕೈಪೆ ಒಂತೆಮಟ್ಟುಗ್ ವ್ಯಸನಕಾರಿ ಆತುಂಡು ಬೊಕ್ಕ ತೃಪ್ತಿಗ್ ಅಡ್ಡಿಯಾಪುಂಡು.[೨]
ದೇವಾಸ‍್ಥಾನೊಲು
[ಸಂಪೊಲಿಪುಲೆ]ಉತ್ತರ ಭಾರತ: ಹರಿನಗರ, ದೆಹಲಿ (NCR)
ದಕ್ಷಿಣ ಭಾರತ: ಜೈ ನಗರ, ತಿರುಚ್ಚಿ (ತಮಿಳುನಾಡು)
ಪೂರ್ವ ಭಾರತ: ಚಕ್ರಧರಪುರ (ಜಾರ್ಖಂಡ್)ವ್ರತ-ಕಥಾ [೩]
ದೇವಾಸ‍್ಥಾನೊದ ಚಿತ್ರೊಲು
[ಸಂಪೊಲಿಪುಲೆ]-
ಸಂತೋಷಿ ಮಾತಾ ದೇವಸ್ಥಾನ ಬದೂವನ -
ಸಂತೋಷಿ ಮಾತಾ ದೇವಸ್ಥಾನ, ರಣಜಿ
ಚಲನೊಚಿತ್ರ
[ಸಂಪೊಲಿಪುಲೆ]ಜೈ ಸಂತೋಷಿ ಮಾ 1975 ಹಿಂದೂ ಮಹಾಕಾವ್ಯೊಲು ಅಥವಾ ಪುರಾಣ ಗ್ರಂಥೊಲೆನ್ ಆಧರಿಸಿನ ಇತರ ಭಾರತೀಯ ಪೌರಾಣಿಕ ಚಲನಚಿತ್ರೊಲೆಡ್ ಭಿನ್ನವಾದ್, ಜೈ ಸಂತೋಷಿ ಮಾ ಚಲನೊಚಿತ್ರ ಮೂಡುದು ಬೈದುಂಡು. ಸಂತೋಷಿ ಮಾತೆನ ಶುಕ್ರವಾರದ ವ್ರತದ ಕಥಾ (ಆಚರಣೆಯ ಉಪವಾಸದ ದಂತಕಥೆ)ಅಯಿತ ಕುರಿತು ಜನಪ್ರಿಯವಾಯಿನ ಕರಪತ್ರದ ವ್ರತೊದ ಕಥೆ ಇಂಚಾ ಉಂಡು. ಒಂಜಿ ಅಜ್ಜಿಗ್ ಏಳ್ ಜನ ಆಣ್ ಜೋಕುಲು, ಬೊಕ್ಕ ಕಿನ್ಯಾಲ್ ಪೊಣ್ಣು, ಮಸ್ತ್ ಬೇಜವಾಬ್ದಾರಿ, ಆಂಚಾದ್ ಆಳ್ ತನ್ನ ಪಲಯನ ವನಸ್ ದ ಒರಿದಿನ ಭಾಗೊನು ಅಯೆನ ದಿನೊದ ಊಟವಾದ್ ಬಲಸಿಯಲ್. ಜೈ ಸಂತೋಷಿ ಮಾ ಚಿತ್ರೊ ಸಂತೋಷಿ ಮಾತೆನ ಜನ್ಮೊನು ರಕ್ಷಾ ಬಂಧನದ ಹಬ್ಬಕ್ ತಾಗಾವುಲೆಕ್ಕ ಮನ್ಪುಂಡು,ಅಲ್ಪ ತಂಗಡಿ ತನ್ನ ಒಪ್ಪ ಪುಟ್ಟು ದಿನ ಮೆಗ್ಗೆ/ ಪಲಯೆನ ಮಣಿಕಟ್ಟುದ ಮಿತ್ತು ರಾಖಿ ಕಟ್ಟುವಳ್ ಬೊಕ್ಕ ಒಪ್ಪ ಪುಟ್ಟು ದಿನ ಮೆಗ್ಗೆ/ ಪಲಯೆರೆಗ್ ತೀಪೆದ ತಿಂಡಿಲೆನ್ ತಿನ್ಪಾದ್, ಉಡುಗೊರೆಲೆನ್ ಬೊಕ್ಕ ರಕ್ಷಣೆದ ಭರವಸೆನ್ ಉಡುಗೊರೆಯಾದ್ ಕೊರ್ಪೆರ್. ಗಣೇಶೆನ ಸಹೋದರಿ ಮಾನಸ ಅಕಲೆನೊಟ್ಟು ಹಬ್ಬೊನು ಆಚರಿಸಾನಗ, ಅಕಲೆನ ಜೋಕುಲು, ಗಣೇಶಗ್ ಮೆಗ್ದಿನ್ ಕೊರ್ರೆ ಕೇನುವೆರ್.ಗಣೇಶೆ ಆರಂಭೊಡು ನಿರಾಕರಿಸಾಂಡಲಾ , ತನ್ನ ಇರ್ವೆರ್ ಬೊಡೆದಿ ಆಯಿನ ಬುದ್ಧಿ ಬೊಕ್ಕ ಸಿದ್ಧಿ, ಪುತ್ರೆರ್, ಸಹೋದರಿ ಬೊಕ್ಕ ದೈವಿಕ ಋಷಿ ನಾರದೊನ ಪುನರಾವರ್ತಿತ ಮನವಿದ ಮೇರೆಗ್, ಗಣೇಶೆ ತನ್ನ ಬೊಡೆದಿನಕಲೆನ ತಿಗಲೆಡ್ದ್ ರಡ್ಡ್ ಜ್ವಾಲೆದ ಮೂಲಕೊ ಸಂತೋಷಿ ಮಾತೆನ್ ಸೃಷ್ಟಿ ಮನ್ಪುವೆರ್. [೪]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Here's how Santoshi Mata was born". Zee News (in ಇಂಗ್ಲಿಷ್). Retrieved 4 February 2023.
- ↑ "Maa Santoshi Vrat: हर शुक्रवार को करें संतोषी माता का व्रत, जानें पूजन विधि और आरती". Dainik Jagran (in ಹಿಂದಿ). Retrieved 4 February 2023.
- ↑ "संतोषी माता के इन 3 प्रसिद्ध मंदिरों में जाना पसंद करते हैं भक्त, आप भी जानें कहां स्थित हैं ये मंदिर". NDTVIndia. Retrieved 4 February 2023.
- ↑ Sharma, Vijay (30 May 1975). "Jai Santoshi Maa". Bhagyalakshmi Chitra Mandir. Retrieved 4 February 2023.