ಅಟ್ಟ ಮುಟ್ಟ ಗೊಬ್ಬು
| ಸಕ್ರೀಯ ವರ್ಸೊ | ಪಿರಾಕ್ ದ ಗೊಬ್ಬು |
|---|---|
| ಗೊಬ್ಬುನಕುಲು | ೨ ಜನ, ಅತಂಡ ೮ ಜನಲ ಗೊಬ್ಬೊಲಿ |
| ಸ್ತಾಪನೆ ಪೊರ್ತು | ಏತ್ ಗಂಟೆಲಾ ಗೊಬ್ಬೊಲಿ |
| ಗೊಬ್ಬುನ ಸಮಯೊ | ಏತ್ ಗಂಟೆಲಾ ಗೊಬ್ಬೊಲಿ |
| ಕೌಶಲ್ಯೊ | ಅಟ್ಟ ಮುಟ್ಟ ಗೊಬ್ಬು |
ಉಂದು ಒಂಜಿ ಪಿರಾಕ್ ದ ಜಾನಪದ ಗೊಬ್ಬು .ಜಾಸ್ತಿಯಾದ್ ಇಲ್ಲ್ದ ಉಲಯಿ ಗೊಬ್ಬುವೆರ್.ಮರಿಯಲದ ಪೊರ್ತುಡು ಜೋಕುಲು ಪಿದಯಿ ಗೊಬ್ಬೆರೆ ಆವಂದಿನಪಗ ಇಲ್ಲ್ದ ಉಲಯಿ ಈ ಗೊಬ್ಬುನು ಗೊಬ್ಬುವೆರ್ .ಉಂದೊಂಜಿ ಜನಪದ ಗೊಬ್ಬು.ಬರ್ಸ ಚೂರು ಕಮ್ಮಿ ಆನಗ ಪಿದಯಿಡ್ ಮಾತಾ ಜೋಕುಲು ಸೇರ್ದ್ ಗೊಬ್ಬುವೆರ್. [೧]
ಗೊಬ್ಬುಡಿಪ್ಪುನ ಪಾತ್ರೊಲು
[ಸಂಪೊಲಿಪುಲೆ]- ಗೊಬ್ಬುಗು ಜೋಕುಲು
ಗೊಬ್ಬರೆ ಬೋಡಾಯಿನ ಸಾಮಾನುಲು
[ಸಂಪೊಲಿಪುಲೆ]- ಕೈ
ಗೊಬ್ಬು ಗೊಬ್ಬುನೆ ಎಂಚ ?
[ಸಂಪೊಲಿಪುಲೆ]ಹಳ್ಳಿದ ಜೋಕುಲು ಗೊಬ್ಬುನಂಚಿನ ಜನಪದ ಗೊಬ್ಬು ಅಟ್ಟ ಮುಟ್ಟ. ಈ ಗೊಬ್ಬುಲ ಅಕ್ಕ ಚಿಕ್ಕ ಬೊಕ ಅರ್ಪನ್ ತಿರ್ಪನ್ ಆ ಗೊಬ್ಬುದ ರೀತಿಡೆ ಗೊಬ್ಬುನು.ಈ ಗೊಬ್ಬುನು ಇಲ್ಲ್ದ ಉಲಯಿಡ್ ಗೊಬ್ಬುನ ಅಂಚಿನ ಗೊಬ್ಬು. ಈ ಗೊಬ್ಬುಗು ರಡ್ಡ್ ಜನರ್ದ್ ೮ಜನ ಉಪ್ಪೊಲಿ. ಐರ್ದ್ ಜಾಸ್ತಿ ಜನ ಗೊಬ್ಬು ನ್ಡ ಕಷ್ಟ ಆಪುಂಡು.ಈ ಗೊಬ್ಬುಡು 'ಅಟ್ಟ ಮುಟ್ಟ 'ಪಂದ್ ಪನ್ಪುನ ಪದ್ಯ ಉಂಡು ಅಂಚಾದ್ ಈ ಗೊಬ್ಬುಗು 'ಅಟ್ಟ ಮುಟ್ಟ ' ಪುದರ್ ಬೈದ್ ನ್ಡ್. ಜೋಕುಲು ಮಲ್ಲಕುಲು ಮಾತಾ ಗೊಬ್ಬು ನಂಚಿನ ಗೊಬ್ಬು.ಈ ಗೊಬ್ಬುನು ಕೈಟ್ ಗೊಬ್ಬುನ ಅಂಚಿನ ಗೊಬ್ಬು. ಗೊಬ್ಬುನಕ್ಲ್ ರೌಂಡ್ ಆದ್ ಕುಲ್ಲುದು ಗೊಬ್ಬುವೆರ್. ಐಟ್ ಒರಿ ಪದ್ಯ ಪನ್ಪುನಾಯೆ ಬಾಕಿದಕುಲು ರಡ್ಡ್ ಕೈಲಾ ಕಂಕಣೆ ದೀವೊಡು, ಪದ್ಯ ಪನ್ಪುನಾಯೆ ಒಂಜಿ ಎಡತ ಕೈನ್ ಮಾತ್ರ ದೀಯೆರೆ.ಬೊಕ ಆಯೆ ಬಲತ ಕೈತ ಬಿರೆಲ್ಡ್ ಮಾತೆರ್ನಲ ಕೈಕ್ ಮುಟ್ಟೊಂದು ಪದ್ಯ ಪನೊಂದು ಪೋವೊಡು. ಪದ್ಯ ' ಅಟ್ಟ -ಮುಟ್ಟ ತನ್ನ ದೇವಿ ನಿನ್ನ ಗಂಡ ಎಲ್ಲಿಗೆ ಹೋದ ಕಾಶಿಗೆ ಹೋದ ಏನು ತಂದ ಗಿಳಿಯನು ತಂದ ಯಾರಿಗೆ ಕೊಟ್ಟ ಮಗಳಿಗೆ ಕೊಟ್ಟ ಚಂದಕ್ಕ ಚಲ್ಲಾಕ್ಕ ಒಂದು ಕಾಲ ನೀಡಕ್ಕ 'ಉಂದು ಪದ್ಯ ಪನ್ ಪೆರ್ 'ನೀಡಕ್ಕ ಪನ್ನಗ ಏರ್ನ ಕೈನ್ ಮುಟ್ಟುವೆ ಆಯೆ ಕೈನ್ ಮೇಲಂಕಾಣೆ ದೀವೊಡು, ಕುಡೋರ ನೀಡಕ್ಕ ಪನ್ನಗ ಅವ್ವೆ ಕೈ ತಿಕ್ಕುಂಡ ಕೈತ ಬಿರೆಲ್ ತುಚ್ಚಿದ್ ಪಿರವು ಕೊನೊವೊಡು. ಲಾಸ್ಟ್ಗ್ ಏರ್ನ ಕೈ ಒರಿಪುಂಡು ಆಯೆ ಗೆಂದುವೆ. [೨]
ಬೇತೆ ಬಾಸೆಡ್ ಗೊಬ್ಬುದ ಪುದರ್
[ಸಂಪೊಲಿಪುಲೆ]- ಅಟ್ಟ ಮುಟ್ಟ ಗೊಬ್ಬು (ಕನ್ನಡಡ್)
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "ಅಟ್ಟ ಮುಟ್ಟ ಗೊಬ್ಬು". Retrieved 8 July 2024.
- ↑ Thulunadina Janapada Atagalu (PDF). Shetty, Gananatha. Retrieved 8 July 2024.