ಶಿಮೋನ್ ಪೆರೆಸ್
 | ಈ ಲೇಕನೊನ್ ವಿಕಿಪೀಡಿಯ ಏಷ್ಯನ್ ತಿಂಗೊಲು 2024 ಸಮಯೊಡ್ ಉಂಡ್ ಮಾನ್ತ್‌‍ನವು. |  |
ಶಿಮೋನ್ ಪೆರೆಸ್ ಸುಮಾರ್ ಕಾಲ ಇಸ್ರೇಲ್ ರಾಷ್ಟ್ರದ ರಾಜಕೀಯ ನಾಯಕೆರ್ ಆದಿತ್ತ್ ನ ಹಿರಿಯ ರಾಜಕಾರಣಿ. ೨೦೦೭-೧೪ತ ಅವಧಿಡ್ ಇಸ್ರೇಲ್ದ ರಾಷ್ಟ್ರಪತಿ ಆದಿತ್ತ್ ನ ಪೆರೆಸ್, ೧೯೯೪ಟ್ ನೊಬೆಲ್ ಶಾಂತಿ ಪುರಸ್ಕಾರ ಬೊಕ ಅಮೇರಿಕ ಸಂಯುಕ್ತ ಸಂಸ್ಥಾನದ ಅತಿ ಉಚ್ಛ ಪ್ರಶಸ್ತಿಯಾಯಿನ ಅಧ್ಯಕ್ಷೀಯ ಸ್ವಾತಂತ್ರ್ಯ ಮೆಡಲ್ ನ್ ೨೦೧೨ಟ್ ಪಡೆಯೆರ್ .
ಸಂಯುಕ್ತ ಸಂಸ್ಥಾನಗ್ ಪೋಯಿನ ಶಿಮೋನ್, ನ್ಯೂಯಾರ್ಕ್ ವಿಶ್ವವಿದ್ಯಾಲಯಡ್ ಅರ್ಥಶಾಸ್ತ್ರ ಬೊಕ ತತ್ವಶಾಸ್ತ್ರನ್ , ಹಾರ್ವರ್ಡ್ ವಿಶ್ವವಿದ್ಯಾಲಯಡ್ ಮ್ಯಾನೇಜ್ ಮೆಂಟ್ ಡ್ ಪದವಿಗ್ಲೆನ್ ಪಡೆಯೇರ್ .
ರಕ್ಷಣಾ ಮಂತ್ರಿ
[ಸಂಪೊಲಿಪುಲೆ]೧೯೫೨ಟ್ ಖಾಲಿ ೨೯ ವರ್ಷದ ಶಿಮೋನ್, ರಕ್ಷಣಾ‌ಇಲಾಖೆದ ಉಪಮಹಾನಿರ್ದೇಶಕರಾಯೆರ್.ಶಸ್ತ್ರಾಸ್ತ್ರ ಖರೀದಿಡ್ ಹೊಣೆಗಾರಿಕೆಡ್ ಚತುರತನ ತೋಜಾಯಿನ ಶಿಮೋನ್, ಇಸ್ರೇಲ್ ಒಂಜಿ ರಾಷ್ಟ್ರವಾದ್ ಉಂತೆರೆ ಶ್ರಮಪಡಿಯೆರ್ . ಫ್ರಾನ್ಸ್ಫ್ರಾನ್ಸ್ ದ ಹಳ್ಳಿಗುಳು ದೇಶದ ಒಟ್ಟಿಗೆ ಎಡ್ಡೆ ಸಂಬಂಧ ಹೊಂದೆರೆ ಶ್ರಮಿಸಾಯಿನ ಶಿಮೋನ್, ತಮ್ಮ ವ್ಯಕ್ತಿತ್ವ ಬೊಕ ಫ್ರೆಂಚ್ ನುಡಿಮೆರ್ದ್ ಫ್ರೆಂಚೆರ್ನ ಮನಸ್ಸ್ ನ್ ಗೆಲ್ತೆರ್. ಡಿಮೊನಾ ಪರಮಾಣು ರಿಯಾಕ್ಟರ್, ಡಸಾಲ್ಟ್ ಸಂಸ್ಥೆದ ಮಿರೇಜ್ ||| ಯುದ್ಧ ವಿಮಾನದ ಖರೀದಿ ಇಂಚನೆ ಸುಮಾರ್ ಬಗೆಟ್ ಫ್ರೆಂಚ್ ಸರ್ಕಾರದ ಒಟ್ಟಿಗೆ ಸೇರ್ದ್ ಶಿಮೋನ್, ಇಸ್ರೇಲ್-ಫ್ರೆಂಚ್ ಭಾಂಧವ್ಯಗ್ ಬೆಸುಗೆ ಪಾಡಿಯೆರ್.
ಅಧಿಕಾರ ಜೀವನ
[ಸಂಪೊಲಿಪುಲೆ]೧೯೫೯ಟ್ ಇಸ್ರೇಲ್ ದ ಲೋಕಸಭೆ ನೆಸೆತ್ ಗ್ ಆಯ್ಕೆಯಾಯಿನ ಪೆರೆಸ್ ಉಪರಕ್ಷಣ ಸಚಿವರಾಯೆರ್. ೧೯೬೫ಟ್ ಡೇವಿಡ್ ಬೆನ್-ಗುರಿಯನ್ ರಫಿ ಪಕ್ಷ ಕಟ್ಟ್ ನಾಗ , ಆರ್ನ ಒಟ್ಟಿಗೆ ನಡತ್ ನ ಶಿಮೋನ್, ಎಡಪಂಥೀಯ ನಿಲುವೆ ತಳೆಯೆರ್ . ಚತುರ ಸಂಧಾನಕಾರದಾರೆ ಶಿಮೋನ್ ಅಮೇರಿಕದಅಮೇರಿಕದ ಸಂಯುಕ್ತ ಸಂಸ್ಥಾನೊಲು ಅದ್ಯಕ್ಷ ಜಾನ್ ಎಫ಼್‌ ಕೆನಡಿಯವರಮನವೊಲಿಸಾದ್ ಹಾಕ್ ಯುದ್ಧ ವಿಮಾನಗ್ಲೆನ್ ಇಸ್ರೇಲ್ ವಾಯುಸೇನೆಗ್ ಮಾರೆರೆ ಒಪ್ಪಂದಗ್ ಮುಂದಾಯೆರ್ . ೧೯೭೦ಟ್ ಯಹೂದಿ- ವಲಸೆ ಖಾತೆ, ೧೯೭೦ಟ್ ಸಂಚಾರ ಬೊಕ ಸಂಪರ್ಕ ಖಾತೆ, ೧೯೭೪ಡ್ ವಾರ್ತಾ ಸಚಿವ ಇಂಚನೆ , ಶಿಮೋನರ ಸಾಮರ್ಥಗ್ ಸುಮಾರ್ ಹೊಣೆಗಾರಿಕೆಗ್ಲೆನ್ ಕೊರೊಡಾನ್ಡ್ . ಮಾತೆನ್ಲಾ ಜವಾಬ್ದಾರಿರ್ದ್ ನಿಭಾಯಿಸಾಯಿನ ಶಿಮೋನ್, ೧೯೭೪ಟ್ ಯಿಜ಼್‌ತಕ್ ರಬಿನ್ ನ ಎದುರಾಳಿಯಾದ್ ಪ್ರಧಾನಿ ಹುದ್ದೆಗ್ ಪೈಪೋಟಿ ಕೊರಿಯೆರ್ . ೧೦೭೭ಟ್ ಚುನಾವಣೆ ಪಕ್ಷದ ಅಧ್ಯಕ್ಷ ಹುದ್ದೆಗ್ ಉಂತುದು ಸೋತೆರ್ .
ಪ್ರಧಾನಿ
[ಸಂಪೊಲಿಪುಲೆ]ಯಿಜ಼್‌ತಕ್ ರಬಿನ್ ೧೯೭೭ಟ್ ರಾಜೀನಾಮೆ ಕೊರ್ದು ರಾಜಕೀಯ ಬಿಕ್ಕಟ್ಟು ತೋಜಿನಗ , ಶಿಮೋನ್ ಹಂಗಾಮಿ ಪ್ರಧಾನಿಯಾಯೆರ್ . ಹಠಾತ್ ಚುನಾವಣೆಡ್ ಲಿಕುದ್ ಪಕ್ಷ ಗೆಲ್ತ್ ನಗ ೩ವರ್ಷ ವಿರೋಧ ಪಕ್ಷದ ನಾಯಕೆ ಆದಿತ್ತೆರ್ . ೧೯೮೦ಟ್ ಪಿರ ಚುನಾವಣೆ ಸೋತೆರ್oಡಲಾ , ೧೯೮೩ಟ್ ಸಮ್ಮಿಶ್ರ ಸರಕಾರದ ಒಪ್ಪಂದ ಅಂಚನೆ ೨ ವರ್ಷ ಪ್ರಧಾನಿಯಾಯೆರ್ . ಜೋರ್ಡಾನ್ ದೊರೆ ಹುಸೇನ್ ಆರ್ನ ಭೇಟಿಗ್ ಮೊರಕ್ಕೋಗೆ ಪೋದು , ಟ್ಯೂನಿಸ್ಡ್ ಪ್ಯಾಲೆಸ್ಟೇನ್ ವಿಮೋಚನಾ ಸಂಘಟನೆ(ಪಿ.ಎಲ್. ಓ)ದ ಕೇಂದ್ರ ಕಚೇರಿ ಮಿತ್ತ್ ದ ದಾಳಿ ಶಿಮೋನ್ ಅಧಿಕಾರದ ಪ್ರಮುಖ ಘಟನೆಗ್ಲು . ೧೯೮೬ಡ್ ಪ್ರಧಾನಿ ಹುದ್ದೆನ್ ಸಮ್ಮಿಶ್ರ ಸರ್ಕಾರದ ಒಪ್ಪಂದದಲೆಕ ಯಿಜ಼್‌ತಕ್ ಶಮೀರೆರೆಗ್ ಬುಡ್ದ್ ಕೊರ್ದು ವಿದೇಶಾಂಗ ಸಚಿವರಾಯಿನ ಶಿಮೋನ್, ಪ್ಯಾಲೆಸ್ಟೇನ್ ಶಾಂತಿ ಒಪ್ಪಂದದ ಬಗ್ಗೆ ಅಮೇರಿಕಾದ ಒಟ್ಟಿಗೆ ಚರ್ಚೆ ಮಲ್ತೆರ್ . ಆಂಡ ಇಸ್ರೇಲ್ ಉಲಾಯಿ ಪ್ಯಾಲೆಸ್ಟೇನ್ ವಿಮೋಚನಾ ಸಂಘಟನೆ ಬಗ್ಗೆ ಇತ್ತ್ ನ ದ್ವೇಷನ್ ಮುಗಿಪಾಯೆರೆ ಪ್ರಯತ್ನ ಮಲ್ತೆರ್ .
ರಾಷ್ಟ್ರಪತಿ
[ಸಂಪೊಲಿಪುಲೆ]ಜೂನ್ ೧೩, ೨೦೦೭ಟ್ ಶಿಮೋನ್ ಇಸ್ರೇಲ್ ರಾಷ್ಟ್ರಪತಿರಾಷ್ಟ್ರಪತಿ ಭವನಯಾದ್ ಆಯ್ಕೆಯಾಯೆರ್ .೧೯೫೯ರ್ದ್ ಇಸ್ರೇಲ್ ಸಂಸತ್ತ್ ದ ಸದಸ್ಯೆರ್ ಆದಿತ್ತ್ ನ ಶಿಮೋನ್, ತಮ್ಮ ೪೭ ವರ್ಷ ಸುದೀರ್ಘ ರಾಜಕೀಯ ಬದುಕುಗು ವಿದಾಯ ಪಂಡೆರ್ . ಜುಲೈ ೧೫, ೨೦೦೭ತಾನಿ ಅಧ್ಯಕ್ಷ ಪದವಿದ ಪ್ರಮಾಣ ವಚನ ಸ್ವೀಕರಿಸಾಯಿನ ಶಿಮೋನ್, ೨೦೧೪ಮುಟ್ಟ ೭ ವರ್ಷದ ಪೂರ್ಣ ಅವಧಿನ್ ಮುಗಿತೆರ್.[೧].
ನಿಲುವು
[ಸಂಪೊಲಿಪುಲೆ]ತಮ್ಮ ಬದುಕುದ ಉದ್ದಗ್ಲಾ ಸೇನೆ ಬೊಕ ವಿದೇಶಾಂಗ ಇಲಾಖೆಡ್ ಕಲೆಯಿನ ಶಿಮೋನ್, ತಮ್ಮ ಆದರ್ಶ ಡೇವಿದ್-ಬೆನ್-ಗುರಿಯನ್ ಆರ್ನ ಲೆಕ ಪೊಸ ತಂತ್ರಜ್ಞಾನ ಬೊಕ ವಿಜ್ಞಾನಗ್ ಒತ್ತು ಕೊರಿಯೆರ್ . ಸ್ಯಯಂ-ಉದ್ಯೋಗಗ್ ಒತ್ತು ಕೊರ್ನ ಶಿಮೋನ್, ಇಸ್ರೇಲ್ ಡ್ ಮಾಹಿತಿ ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ, ನ್ಯಾನೋತಂತ್ರಜ್ಞಾನ, ಮಿದುಳು-ಸಂಶೋಧನೆ ಇಂಚನೆ ಸುಮಾರ್ ತಂತ್ರಜ್ಞಾನದ ಮಜಲುಗ್ಲೆಗ್ ಇಸ್ರೇಲ್ ದೆಪ್ಪೆರೆ ಶ್ರಮಿಸಿಯೆರ್ . ರಾಷ್ಟ್ರಪತಿ ಆದುಪ್ಪುನಗ ಸಾಮಾಜಿಕ ಜಾಲತಾಣಗ್ಲೆಡ್ ಸಕ್ರಿಯರಾದಿತ್ತ್ ನ ಶಿಮೋನ್, ಯುಟ್ಯೂಬ್, ಸ್ನಾಪ್-ಚ್ಯಾಟ್ ಇಂಚನೆ ಸುಮಾರ್ ತಾಣಗ್ಲೆ ದ ಫಲವಾದ್ ಇಸ್ರೇಲ್ ಇತ್ತೆ ಸ್ವಯಂ-ಉದ್ಯೋಗ ಬೊಕ ತಂತ್ರಜ್ಞಾನಡ್ ಬೃಹತ್ ಶಕ್ತಿಯಾದ್ ಬಲತ್ ಉಂತಿಂಡ್. ವಿದಾಯ ಪಂಡಲಾ . ಜುಲೈ ೧೫, ೨೦೦೭ತಾನಿ ಅಧ್ಯಕ್ಷ ಪದವಿದ ಪ್ರಮಾಣ ವಚನ ಸ್ವೀಕರಿದ ಶಿಮೋನ್, ೨೦೧೪ ಮುಟ್ಟ ೭ ವರ್ಷದ ಪೂರ್ಣ ಅವಧಿನ್ ಮುಗಿತೆರ್ .
ನಿಧನ
[ಸಂಪೊಲಿಪುಲೆ]ಸೆಪ್ಟೆಂಬರ್ ೧೩ ೨೦೧೬ಡ್ ತನ್ನ ೯೩ನೆ ವರ್ಷಡ್ ಸ್ಟ್ರೋಕ್ಕ್ ಗ್ ಈಡಾಯಿನ ಶಿಮೋನ್, ಶೆಬಾ ಆಸ್ಪತ್ರೆಡ್ ತುರ್ತು ಚಿಕಿತ್ಸೆಗ್ ಒಳಗಾಯೆರ್.೨೮ ಸೆಪ್ಟೆಂಬರ್ ೨೦೧೬ತಾನಿ ತೀರ್ನ ಶಿಮೋನ್, ವಿಶ್ವದ ಮಾತಾ ಅಭಿಮಾನಿಗ್ಲೆನ್ ಪೂರಾ ಅಗಲಿಯೆರ್ .[೨]
ಉಲ್ಲೇಖ
[ಸಂಪೊಲಿಪುಲೆ]- ↑ "ಆರ್ಕೈವ್ ನಕಲು". Archived from the original on 2007-09-04. Retrieved 2017-11-04.
- ↑ https://www.washingtonpost.com/video/world/israeli-politician-shimon-peres-dies-at-93/2016/09/27/56c96e58-8529-11e6-b57d-dd49277af02f_video.html