ಮತ್ತಾಯೆ ಬರೆತಿ ಸುವಾರ್ತೆ

ಮತ್ತಾಯೆ ಬರೆತಿ ಸುವಾರ್ತೆ ಸತ್ಯವೇದದ ರಡ್ದನೆ ಬಾಗ ಆಯಿ ಹೊಸ ಒಡಂಬದಿಕೆದ ಸುರುತ್ತ ಪುಸ್ತಕ,

ಪುಸ್ಕಕದ ಪೊಲಬು

ಮತ್ತಾಯೆ ಬರೆತಿ ಸುವಾರ್ತೆ ಯೇಸು ಕ್ರಿಸ್ತನ ಬದ್‌ಕ್‌ದ ಚರಿತ್ರೆನ್ ತೆರಿಪಾವುನ ಪೊಸ ಒಡಂಬಡಿಕೆದ ನಾಲ್ ಪುಸ್ತಕೊಲೆಡ್ ಒಂಜಿ ಆದುಂಡು. “ಸುವಾರ್ತೆಲು” ಪಂಡ ಎಡ್ಡೆ ವರ್ತಮಾನ ಪಂಡ್ದ್ ಅರ್ಥ. ಉಂದು ಯೇಸು ಕ್ರಿಸ್ತೆ ಪುಟ್ಟುದು ಸುಮಾರ್ ಅಜ್ಪ ವರ್ಸದ ಉಲಯಿ ಬರೆತಿನವು ಆದುಪ್ಪೊಡು ವೇದ ಪಂಡಿತೆರ್ ಅಭಿಪ್ರಾಯ ಪಡೆಪೆರ್. ಬೊಕ್ಕ ಈ ಪುಸ್ತಕೊನು ಒಲ್ಪ ಬರೆದುಪ್ಪೊಡು ಪಂಡ್ದ್‌ಲಾ ತೆರಿದ್ ಬರ್ಪುಜಿ. ಆಂಡ ಹೆಚ್ಚಿನಾಕುಲು ಉಂದು ಪಾಲೆಸ್ತೀನ್ ಅತ್ತ್‌ಡ ಯೆರೂಸಲೇಮು ಪೇಂಟೆಡ್ ಬರೆತಿನವು ಪಂಡ್ದ್ ಅಂದಾಜಿ ಮಲ್ಪುವೆರ್. ಪೊಸ ಒಡಂಬಡಿಕೆ ಗ್ರಂಥದ ಆರಂಭೊಡು ಉಪ್ಪು ಮತ್ತಾಯೆ ಬರೆತಿ ಸುವಾರ್ತೆ ಒಂಜಿ ಎಡ್ಡೆ ಪುಸ್ತಕ. ದಾಯೆ ಪಂಡ ಉಂದು ಪರ ಒಡಂಬಡಿಕೆಗ್ ಪೂರಕವಾಯಿನ ಆಧಾರೊನು ಹೊಂದುದುಂಡು. ಉಂದು ಪರ ಬೊಕ್ಕ ಪೊಸ ಈ ರಡ್ಡ್ ಒಡಂಬಡಿಕೆಲೆಗ್ ಸಮ್ಮಂದ ಕೊರ್ಪಿನವು ಆದುಂಡು. ಪೊಸ ಒಡಂಬಡಿಕೆ ಬೊಕ್ಕ ಪರ ಒಡಂಬಡಿಕೆಗ್ ಸಮ್ಮಂದ ಪಡೆಯಿ ಸುಮಾರ್ ಅಜ್ಪೊಡ್ದುಲಾ ಹೆಚ್ಚ್ ಉದಾರಣೆಲೆನ್ ತೋಜಾವುಂಡು.

ಪುಸ್ತಕದ ಲೇಖಕೆ

ಮತ್ತಾಯೆ ಸುಂಕ ವಸೂಲಿ ಮಲ್ಪುನಾಯೆ ಆದಿತ್ತೆ. ಇಂಬ್ಯನ್ ಲೇವಿ ಪಂಡ್ದ್‌ಲಾ ಲೆಪ್ಪುವೆರ್. ಮತ್ತಾಯೆ ಯೇಸುನ ಪದ್ರಾಡ್ ಮಂದಿ ಶಿಷ್ಯೆರೆಡ್ ಒರಿ ಆದಿತ್ತೆ. ಆಯೆ ಯೇಸುನು ಮೆಸ್ಸೀಯೆಲಾ ದೇವೆರ್ ಅಜತ್‌ದ್ ದೆತ್ತೊಂಡಿ ರಕ್ಷಕೆಲಾ ಪಂಡ್ದ್ ತೆರಿಪಾವೆರೆ ಪ್ರಯಾಸ ಮಲ್ಪುವೆ. ಮತ್ತಾಯೆ ದೇವೆರೆ ರಾಜ್ಯದ ಬಗೆಟ್ಲಾ ಮಸ್ತ್ ವಿಷಯೊಲೆನ್ ಬರೆಪೆ. ಯೆಹೂ ದ್ಯೆರ್ ಮೆಸ್ಸೀಯೆ ಲೋಕದ ರೀತಿದ ಅರಸು ಆದುಪ್ಪೊಡು ಪಂಡ್ದ್ ಬಯಕುವೆರ್. ಆಂಡ ಮತ್ತಾಯೆ ಮಸ್ತ್ ಜಾಗ್ರತೆಡ್ ಮೆಸ್ಸೀಯೆ ಆತ್ಮಿಕವಾಯಿನ ದೇವರೆ ರಾಜ್ಯ ಆದುಪ್ಪೊಡು ಪಂಡ್ದ್ ಅಕ್ಲೆಗ್ ಲೆಪ್ಪು ಕೊರ್ಪೆ. ದೈವಶಾಸ್ತ್ರ ಪಂಡಿತೆರ್‌ಲಾ ಮತ್ತಾಯೆ ಮೋಶೆನ ಪುಸ್ತಕೊಲಾಯಿನ ಪರ ಒಡಂಬಡಿಕೆದ ಸುರುತ್ತ ಐನ್ ಪುಸ್ತಕದ ಲೆಕ್ಕನೇ ಈ ಪುಸ್ತಕೊನು ಬರೆಯೆರೆ ಪ್ರಯಾಸ ಮಲ್ತ್‌ದೆ ಪಂಡ್ದ್ ಪನ್ಪೆರ್.

ಈ ಸುವಾರ್ತೆಡ್ ಉಪ್ಪು ವಿಷಯೊಲು

1. ಪರ್ವತದ ಮಿತ್ತ್ ಮಲ್ತಿ ಪ್ರಸಂಗ (ಉಂದೆನ್ ದೇವೆರ್ ಮೋಶೆಗ್ ಕೊರಿನ ಅಪ್ಪಣೆಲೆಗ್ ಸರಿಸಮಾನದುಂಡು).
2. ಪೊಸ ಒಡಂಬಡಿಕೆದ ಈ ಸುರುತ್ತ ಪುಸ್ತಕ ದೇವೆರೆನ ಸಂದೇಶೊನು ಕೊರ್ಪಿನವು ಆದುಂಡು ಅತ್ತಂದೆ ದೇವೆರೆನ್ ತೆರಿಯೊನೆರೆ, ಬೊಕ್ಕ ಆಯನ ಉದ್ಧೇಶೊಲೆನ್ ತೆರಿಯೊನೆರೆ ಒಂಜಿ ಎಡ್ಡೆ ಮಾರ್ಗೊನು ತೋಜಾವುನವು ಆದುಂಡು.
3. ಯೇಸು ಕ್ರಿಸ್ತನ ಸಂತಾನದ ಪಟ್ಟಿ ಬೊಕ್ಕ ಪುಟ್ಟು
4. ಸ್ನಾನಿಕೆ ಯೋಹಾನನ ಸೇವೆ
5. ಯೇಸುನ ದೀಕ್ಷಾಸ್ನಾನ ಬೊಕ್ಕ ಶೋಧನೆ
6. ಗಲಿಲಾಯೊಡು ಯೇಸುನ ಸೇವೆ
7. ಯೆರೂಸಲೇಮುಗು ಪ್ರಯಾಣ
8. ಕಡೆತ ದಿನೊಕುಲು
9. ಪುನರುತ್ಥಾನ (\ior 28:1-20\ior*)