ಮಾರ್ಕೆ ಬರೆತಿ ಸುವಾರ್ತೆ

ಮಾರ್ಕೆ ಬರೆತಿ ಸುವಾರ್ತೆ ಸತ್ಯವೇದದ ರಡ್ಡನೇ ಬಾಗ ಆಯಿ ಪೊಸ ಒದಂಬಡಿಕೆದ ರಡ್ಡನೇ ಪುಸ್ತಕ

ಪುಸ್ತಕದ ಪೊಲಬು

ಮಾರ್ಕೆ ಬರೆತಿ ಸುವಾರ್ತೆ ಪೊಸ ಒಡಂಬಡಿಕೆದ ನಾಲ್ ಸುವಾರ್ತೆಲೆಡ್ದ್ ಸುರುಟ್ಟು ಬರೆತಿನವು ಆದುಂಡು. ಅತ್ತಂದೆ ಒರಿದಿ ಮೂಜಿ ಸುವಾರ್ತೆಲೆಡ್ದ್ ಎಲ್ಯ ಸುವಾರ್ತೆ ಆದುಂಡು. ಉಂದು ಯೇಸು ಕ್ರಿಸ್ತೆ ಪುಟ್ಟುದು ಸುಮಾರ್ ಅಜ್ಪೊಡ್ದು ಎಲ್ಪತೈನ್ ವರ್ಸೊಡು ಬೊಕ್ಕ ಬರೆತಿನವು. ಪಂಡಿತೆರ್ ಪನ್ಪಿಲೆಕ್ಕೊಡು. ಮಾರ್ಕೆ ಯೇಸುನ ಸಂಗತಿಡ್ ಪೇತ್ರನ ಸಾಕ್ಷಿಲೆನ್ ದಾಖಲೆ ಮಲ್ತ್‌ದೆ ಪಂಡ್ದ್ ತೆರಿದ್ ಬರ್ಪುಂಡು. ಮಾರ್ಕೆ ಬರೆತಿ ಸುವಾರ್ತೆ “ದೇವೆರೆ ಮಗೆ ಆಯಿ ಯೇಸು ಕ್ರಿಸ್ತನ ವಿಷಯದ ಎಡ್ಡೆ ಸುದ್ಧಿಡ್” ಸುರು ಆಪುಂಡು. ಯೇಸು ಅಧಿಕಾರ ಉಪ್ಪುನಾಯೆ ಬೊಕ್ಕ ಕಾರ್ಯ ಮಲ್ಪುನಾಯೆ ಪಂಡ್ದ್ ತೆರಿಪಾವುಂಡು. ಆಯನ ಅಧಿಕಾರ, ಆಯೆ ಮಲ್ಪು ಬೋಧನೆ, ಸೈತಾನನ ಮಿತ್ತ್ ಆಯಗುಪ್ಪು ಶಕ್ತಿ, ಅಂಚೆನೆ ಜನೊಕುಲೆನ ಪಾಪೊಲೆ ಬುಡುಗಡೆಗಾದ್ ಪ್ರಾಣ ಕೊರಿಯೆರೆ ಬೈದಿನ ನರಮಾನಿ ಮಗೆ ಪಂಡ್ದ್ ತನ ಸುವಾರ್ತೆಡ್ ಪನ್ಪೆ.  ಮಾರ್ಕೆ ಯೇಸುನ ಪಾತೆರೊಗು ಬೊಕ್ಕ ಬೋಧನೆಗ್ ಹೆಚ್ಚ್ ಒತ್ತು ಕೊರಂದೆ ಕಾರ್ಯೊಲೆಗೇ ಹೆಚ್ಚ್ ಒತ್ತು ಕೊರ್ತೆ. ಸ್ನಾನಿಕೆ ಆಯಿ ಯೋಹಾನನ ಸಂಗತಿ, ಯೇಸುಗಾಯಿ ದೀಕ್ಷಾಸ್ನಾನ, ಸೈತಾನಡ್ದ್ ಯೇಸುಗು ಆಯಿ ಶೋಧನೆದ ಸಂಗತಿಲೆನ್ ಬರೆದ್ ಯೇಸು ಸೀಕ್ ಗುಣ ಮಲ್ಪುನವು, ಬೋಧನೆ ಬೊಕ್ಕ ಸೇವೆದ ವಿಷಯೊನು ಬರೆಪೆ. ಯೇಸುನ ಬೆರಿಯೆ ಪೋಯಿನಾಕುಲು ಆಯನ್ ಹೆಚ್ಚ್ ತೆರಿಯೊಂಡೆರ್, ಆಂಡ ಯೇಸುನ ವಿರೋಧಿಲು ಆಯನ್ ಪಗೆ ಪತ್ತಿಯೆರ್. ಅಕೇರಿದ ಸಂದಿಲು ಯೇಸುನ ಬದ್‌ಕ್‌ದ ಕಡೆತ ದಿನೊಕುಲು, ಮುಖ್ಯವಾದ್ ಆಯನ್ ಕ್ರುಸ್ಸುಗು ಪಾಡುನವು ಬೊಕ್ಕ ಪುನರುತ್ಥಾನದ ಸಂಗತಿಡ್ ತೆರಿಪಾವುಂಡು.  ಮಾರ್ಕನ ಸುವಾರ್ತೆಡ್ *ರಡ್ಡ್ ಅಂತ್ಯೊಲು ಉಂಡು. ಅವೆನ್ ಮಾರ್ಕೆ ಅತ್ತಂದೆ ಬೇತೆ ಏರಾ ಬರೆತಿನವು ಪಂಡ್ದ್ ಸಾಮಾನ್ಯವಾದ್ ಪನ್ಪೆರ್.

== ಅದ್ಯಾಯದ ರೂಪೊಲು ==

ಸುವಾರ್ತೆದ ಬಗೆಟ್
ಗಲಿಲಾಯೊಡು ಯೇಸುನ ಸುವಾರ್ತೆದ ಸೇವೆ
ಗಲಿಲಾಯೊಡ್ದು ಯೆರೂಸಲೇಮು ಮುಟ್ಟ
ಯೇಸುನ ಕಡೆತ ದಿನೊಕುಲು
ಯೇಸುನ ಪುನರುತ್ಥಾನ
ಯೇಸು ಪರಲೋಕೊಗು ಏರ್ದ್ ಪೋಯಿನವು