ಅಟ್ಟ ಅಡಿಪುನೆ

ಅಟ್ಟ ಅಡಿಪುನೆ ಪಂಡ ಶಬ್ದಾರ್ಥ ನಮ್ಮ ಇಲ್ಲ್‌ಗ್ ಅಟ್ಟ ಪಂದ್ ಉಪ್ಪುಂಡು ಅವೆನ್ ಅಡಿತ್‌ದ್ ನಿರ್ಮಲ ಮಲ್ಪುನೆ. ಉಂದೆಕ್ ನನೊಂಜಿ ಪುದರ್ ಆಟಿ ಪಿದಯಿ ಪಾಡುನೆಂದ್‌ಲ ಪನ್ಪೆರ್.

ನಂಬಿಕೆ

ತುಳುವೆರೆ ನಂಬಿಕೆದ ಪ್ರಕಾರ, ಆಟಿ ಕರೀ ಬೊಕ್ಕ ಬರ್ಪಿನ ತಿಂಗೊಲು ಸೋಣೊ(ಶ್ರಾವಣ) ತಿಂಗೊಳು. ಈ ತಿಂಗೊಲುಡೇ ಎಚ್ಚ ಶುಭಕಾರ್ಯ ನಡಪುಂಡು. ಅಂಚಾದ್ ಇಲ್ಲ್‌ದ ಅಟ್ಟೊಡು, ಕೋಣೆಡ್ ಇತ್ತಿನ ಕಜವುಲೆನ್ ಧೂಳುಲೆನ್ ಅಡಿತ್‌ದ್ ಶುಭ ಕಾರ್ಯೊಗು ತಯಾರಾಪಿನೆಂದ್ ಪನ್ಪಿ ನಂಬೊಲಿಗೆ ಉಂಡು.

ಆಟಿ ಪಿದಯಿ ಪಾಡುನೆ

ಆಟಿ ಪಂಡ ದುಂಬುದ ಕಾಲೊಡು ತುಳುನಾಡ್‌ಡ್ ಭಾರಿ ಬರಗಾಲದ ಪೊರ್ತು.ಅಂಚಾದ್ ಅವೆಕ್ ಬೋಡಾಯಿ ಪೂರ್ವ ತಯಾರಿಯಾದ್ ತೆನಸ್ಸ್‌ಲೆನ್ ದಾಸ್ತಾನ್ ಮಲ್ತ್ ದೀಪುನ ಕ್ರಮ.ಅಂಚ ದೀನ ವಸ್ತುಲು ಮಾತ ಮುಗಿದಾನಗ ಅಟ್ಟೊಡು ಬಿರ್ಕ್‌ನ ಕಜವುನು ಮಾತ ಪಿದಯಿ ಪಾಡ್ದ್ ಸ್ವಚ್ಚ ಮಲ್ಪುನೆಕ್ ಅಟ್ಟ ಅಡಿಪುನೆ,ಆಟಿ ಪಿದಯಿ ಪಾಡುನೆಂದ್‌ಲ ಪನ್ಪೆರ್. ಅಟ್ಟ ಅಡಿಪೆರೆ ಜಾಸ್ತಿ ಜನೊತ ಸಹಾಯ ಬೋಡಾಪುಂಡು .ಇಲ್ಲ್‌ದ ಅಟ್ಟೊಡು ಮಲ್ಲ ಮಲ್ಲ ಮಣ್ಣ್‌ದ ಅತ್ತ್ಂಡ ಮರತ ಹಂಡೆ ,ಕರ ಬಿಸಲೆಲು ಇತ್ತೊಂದಿತ್ತ್ಂಡ್ ಅವೆನ್ ಅಂಚಿ ಇಂಚಿ ದೀಯೆರೆಗಾತ್ರ ಮಾತೆರ್ನಲ ಸಹಾಯ ಬೋಡಾಪುಂಡು ಅಂಚಾದ್ ಆಟಿ ತಿಂಗೊಲುಡು ಬರ್ಸದ ಅಬ್ಬರೊಗು ಬೆನ್ನಿದ ಬೇಲೆ ಕಡಿಮೆ ಅಂಚಾದ್ ಇಲ್ಲದ ಮಾತೆರ್ಲ ಆರಾಮೊಡು ಉಪ್ಪುನೆಡ್ದಾತ್ರ ಮಾತೆರ್ಲ ಸೇರ್ದ್ ಆ ಕಜವುನು ಮಾತ ಅಡಿತ್‌ದ್ ಸ್ವಚ್ಚ ಮಲ್ಪುನೆಕ್ ಆಟಿ ಪಿದಯಿ ಪಾಡುನೆ ಪಂದ್ ಪನ್ಪೆರ್.

ಕುಂಟು ಲುಂಗಾವುನ ಕ್ರಮ

ಆಟಿ ತಿಂಗೊಳುಡು ದೊಂಬು ಬನ್ನಗ ನಮ್ಮ ಪೆಟ್ಟಿಗೆ, ಕವಾಟ್‌ಡ್ ದೀನ ಪಟ್ಟೆ ಸೀರೆ,ಮುಂಡುಲೆನ್ ಪಿದಯಿ ಜಾಲ್‌ಡ್ ಒಂಜಿ ಪಜೆ ಬುಡ್ಪಾದ್ ಅವೆಟ್ ಪಾಡ್ದ್ ಲುಂಗಾವುನ ಕ್ರಮ ಉಂಡು.ಆಟಿಡ್ ಬುಡಂದೆ ಬರ್ಪುನ ಬರ್ಸೊಗು ಪೆಟ್ಟಿಗೆ, ಕವಾಟ್‌ಡ್ ದೀನ ಪಟ್ಟೆ ಸೀರೆ,ಮುಂಡು ಮಾತ ತಣ್ಸಾದ್ ಪೋಂಕೆ ಪತ್ತೆರೆ ಬಲ್ಲಿ ಪಂದ್ ದೊಂಬುಗು ಲುಂಗಾದ್ ಮಡಿತ್ ದೀಪೆರ್ .

ಅಟ್ಟಡ್ ದಾಸ್ತಾನ್ ದೀಪುನ ವಸ್ತುಲು

ಪೆಲತ್ತರಿಗ್ ಇಂಜಿರ್ದ್ ತಪ್ಪು ಪಾಡ್ದ್

ಪೆಲತ್ತರಿ ದಾಸ್ತ್‌ನ್ ಮಲ್ತ್ ದೀನಗ ಪೆಲತ್ತರಿ ಹಾಳಾವಂದಿಲೆಕ್ಕ ದೀವೊಡಾಂಡ ಇಂಜಿರ್ದ ತಪ್ಪು ಪೆಲತ್ತರಿದೊಟ್ಟುಗು ಬೆರಸದ್ ದೀವೊಂದಿತ್ತೆರ್ ಪೆಲತ್ತರಿ ದೆಪ್ಪುನಗ ಇರೆತ ಕಜವು ಅಟ್ಟಡೆ ಬೂರ್ದು ಇಪ್ಪುಂಡು ಅವೆನ್ ಮಾತ ಆಟಿ ಮುಗಿನಗ ಅಡಿಪುನ ಕ್ರಮ

ಪೆಲತ್ತರಿ ಮಣ್ಣ್ ಮೊರೆಕದ್

ಪೆಲತ್ತರಿ ದಾಸ್ತ್‌ನ್ ಮಲ್ತ್ ದೀನಗ ಪೆಲತ್ತರಿ ಹಾಳಾವಂದಿಲೆಕ್ಕ ದೀವೊಡಾಂಡ ಮಣ್ಣ್‌ನ್ ನೀರ್ಡ್ ಕಲತ್‌ದ್ ಅವೆಟ್ ಪೆಲತ್ತರಿನ್ ಮೊರೆಕದ್ ದೀಂಡ ಏತ್ ಸಮಯೊಗುಲ ಹಾಳಾಪುಜಿ ಮರಿಯಲೊಗು ಇಂಚ ಮಲ್ತ್ಡ್ ಅಟ್ಟಡ್ ದೀಪುನ ಕ್ರಮ ಉಂಡು

ಹಪ್ಪಳ

ಹಫ್ಪಳ ಮಲ್ತ್‌ದ್ ಅವೆನ್ ಅಟ್ಟಿ ಪತ್ತ್‌ದ್ ಬಾರೆದ ಬಲ್ಲ್‌ಡ್ ಕಟ್ಟ್‌ದ್ ದಿಪೆರ್ ಈ ಬಲ್ಲ್ ಮಾತ ಹಪ್ಪಳ ದೆಪ್ಪುನಗ ತಿರ್ತ್ ಬೂರ್ದು ಇಪ್ಪುಂಡು

ಸಾಂತಾಣಿ

ಪೆಲತ್ತರಿನ್ ಉಪ್ಪು ಪಾಡ್ದ್ ಬೆಯಿಪದ್ ಲುಂಗಾದ್ ಮರಿಯಲದ ತೆನಸ್ಸಾದ್ ಅಟ್ಟೊಡು ದಾಸ್ತಾನ್ ಮಲ್ತ್ ದೀವೊಂದಿತ್ತೆರ್