ಅಮ್ಮೆಂಬಳ ಬಾಳಪ್ಪ

ವಿಕಿಪೀಡಿಯರ್ದ್
Jump to navigation Jump to search

ಡಾ| ಅಮ್ಮೆಂಬಳ ಬಾಳಪ್ಪ ಒರಿ ಸ್ವತಂತ್ರ ಪೊಂರ್ಬಾಟಗಾರೆರ್. ಸಮಾಜ ಕಾರ್ಯಕರ್ತೆ. ಗಾಂಧಿವಾದಿ. [೧]

ಪುಟ್ಟು[ಸಂಪೊಲಿಪುಲೆ]

೧೯೨೧ ದಕ್ಷಿಣ ಕನ್ನಡ ಜಿಲ್ಲೆಡ್. ಕುಂಬಾರ/ಕುಲಾಲ/ಮೂಲ್ಯ ಜಾತಿದಾರ್. ಬಂಟ್ವಾಳ ತಾಲೂಕುದ ಕುರ್ನಾಡು ಗ್ರಾಮದ ದೇವಷ್ಯ. ಬೊಕ್ಕ ಸಜಿಪ ಮುನ್ನೂರು ಗ್ರಾಮದ ಮಾರ್ನಬೈಲ್‌ಡ್ ಇಲ್ಲ್.[೨]

ಮರಣ[ಸಂಪೊಲಿಪುಲೆ]

ಸಜಿಪ ಮುನ್ನೂರು ಗ್ರಾಮದ ಮಾರ್ನಬೈಲ್‌ಡ್, ಬಂಟ್ವಾಳೊಡು ಮೇ ೧೫ ಕ್ಕ್ ೨೦೧೪ ಟ್ಟ್ ಸ್ವರ್ಗಸ್ಥರಾಯೆರ್. ೯೩ ವರ್ಷ ಪ್ರಾಯದಾರದಿತ್ತೆರ್.

ಶಿಕ್ಷಣ[ಸಂಪೊಲಿಪುಲೆ]

ಕರ ಮಲ್ಪುನ ಜಾತಿದಾರ್ ಆಯಿನೆಕ್ಕ್ ೬ ತಿಂಗೊಲ್ ಮಾತ್ರ ಕಲ್ಪೆರೆ ಅವಕಾಶ ಇತ್ತ್ಂಡ್. ಬ್ರಿಟಿಷೆರೆನ ಒಟ್ಟುಗು ಸಹಾಯೆಕೆರಾದ್ ಇತ್ತಿನೆಟ್ಟ್ ಇಂಗ್ಲೀಷ್ ಭಾಷೆ ತೆರಿದಿತ್ತ್ಂಡ್. ಒಂಜರೆ ವರ್ಷ ಜೈಲ್‌ವಾಸಿ ಆದುಪ್ಪುನಾಗ ದುಂಬುದ ಪ್ರಧಾನ ಮಂತ್ರಿ ಪಿ. ವಿ. ನರಸಿಂಹ ರಾವ್ ಮೊಕ್‌ಲ್‌ನೊಟ್ಟ್ ಇತ್ತ್‌ದ್ ಹಿಂದಿ ಕಲ್ತೆರ್. ವೈದ್ಯಕೀಯ ಕ್ಷೇತ್ರೊಡು ಮಸ್ತ್ ಆಸಕ್ತಿ ಇತ್ತಿನೆಟ್ಟ್ ಹೊಮಿಯೋಪತಿ ಬೊಕ್ಕ ಆಯುರ್ವೇದ ಕಲ್ತೆರ್ ಅಂಚ ಆರೆನ್ ಡಾಕ್ಟರ್ ಪಂಡ್‌ದ್ ಲೆತ್ತೊಂದಿತ್ತೆರ್.

ಜೀವನ[ಸಂಪೊಲಿಪುಲೆ]

ದುಂಬುದ ರಕ್ಷಣಾ ಮಂತ್ರಿಯಾದಿತ್ತಿನ ಜೊರ್ಜ್ ಫ಼ೆರ್ನಾಂಡಿಸ್‌ಗ್ ಗುರು ಆದಿತ್ತೆರ್. ಮದಿಮೆ ಆತಿಜೆರ್. ೧೯೪೨ಟ್ಟ್ ಕ್ವಿಟ್ ಇಂಡಿಯಾ ಚಳುವಳಿಡ್ ಭಾಗವಹಿಸಿದೆರ್. ಬಾವುಟಗುಡ್ಡೆದ ಜಿಲ್ಲಾ ನ್ಯಾಯಲೊದ ಸಂಕೀರ್ಣೊದಲ್ಪ ಕಚ್ಚಾ ಬಾಂಬ್ ದೀದ್ ಅವೆನ್ ಪೊತ್ತಾಯೆರ್. ಅಂಚ ವೆಲ್ಲೂರುದ ಜೈಲ್‌ಡ್ ಒಂಜರೆ ವರ್ಷ ಸಿಕ್ಷೆ ಅನುಭವಿತ್‌ದೆರ್. ೧೯೪೪ ಟ್ಟ್ ಬಿಡುಗಡೆ ಆದಿತ್ತೆರ್.

ಉದ್ಯೋಗ[ಸಂಪೊಲಿಪುಲೆ]

ಬ್ರಿಟಿಷೆರೆನ ಒಟ್ಟುಗು ಸಹಾಯೆಕೆರಾದ್ ಬೇಲೆ ಮಲ್ತೆರ್. ಅರೆನ ಕೆಲಸ ತೂದ್ ಸಾನಿಟೆಶ್ನ್ ವಿಭಾಗೊಡ್ ಉದ್ಯೋಗ ಕೊರ್ಪಾಯೆರ್. ಜೈಲ್‌ಡ್ದ್ ಬಿಡುಗಡೆ ಆಯಿಬೊಕ್ಕ ಸ್ವತಂತ್ರ ತಿಕ್ಕುನೆಡ್ದ್ ದುಂಬು ಏಕೀಕರಣ ಚಳುವಳಿದಪಗ ಮುದ್ರಾಡಿ ಶಾಲೆ, ಕಾರ್ಕಳಡ್ ಹಿಂದಿ ಭಾಷೆದ ಮಾಸ್ಟ್ರಾದಿತ್ತೆರ್.

ಭಾಷಾಜ್ಞಾನ[ಸಂಪೊಲಿಪುಲೆ]

ತುಳು, ಕೊಂಕಣಿ, ಕನ್ನಡ, ಇಂಗ್ಲೀಷ್ ಬೊಕ್ಕ ಹಿಂದಿ.[೩]

ಸಾಮಾಜೊಗಾದ್ ಬೇಲೆ[ಸಂಪೊಲಿಪುಲೆ]

  • ೧೯೮೦ ಡ್ ಬಂಟ್ವಾಳ ಸಮಾಜ ಸೇವಾ ಸಹಕಾರಿ ಬ್ಯಾಂಕ್‌ದ ಸ್ಥಾಪಕೆರಾದ್ ಸಹಕಾರಿ ಕ್ಷೇತ್ರೊಡು ಬಿ. ಹೂವಯ್ಯ ಮೂಲ್ಯ ಮೆರೊನೊಟ್ಟು ಸೇವೆ ಮಲ್ತೆರ್. ೨೫ ವರ್ಷ ಗುರ್ಕಾರೆರಾದ್ ಬೇಲೆ ಮಲ್ತೆರ್. ಈ ಬ್ಯಾಂಕ್‌ಡ್‌ದ್ ಜನಕುಲೆಗ್ ಆಥಿಕ ಸಹಾಯ ಆಯೆರೆ ಬೋಡಾದ್ ಪೊನೆಯೆರ್. [೪]

ಸ್ವತಂತ್ರ ಬೊಕ್ಕದ ಪೊಂರ್ಬಾಟ[ಸಂಪೊಲಿಪುಲೆ]

ಸಂಘುಟನೆಲು[ಸಂಪೊಲಿಪುಲೆ]

  • ಹೋಟೆಲ್ ಮಾಣಿಲು, ಶಾಲೆದ ಬೇಲೆದಕುಲೆನ್ ಒಟ್ಟು ಸೇರಾದ್ ಬೆನ್ನಿ ಬೆನ್ಪುನಕ್‌ಲೆಗ್ ನ್ಯಾಯ ಒದಗಿಸಾದೆರ್.
  • ರೈತೆರೆಗ್‌ಲಾ ಗೇಣಿದಕ್‌ಲೆಗ್‌ಲಾ ನ್ಯಾಯ ಒದಗಿಸಾಯೆರೆ ರೈತ ಸಂಘಟನೆ ಕಟ್ಟಿಯೆರ್.
  • ೧೯೪೭ ಟ್ಟ್ ಭೂ ಸುಧರಣೆ ಕಾನೂನು (Land Reforms Act) ಅರ್ಥವತ್ತಾದ್ ಜಾರಿಗೆ ಬರ್ಪುನೆಕ್ಕ್ ಬೆನ್ನಿ ಬೆಂತೆರ್.

ಸದಸ್ಯತ್ವ[ಸಂಪೊಲಿಪುಲೆ]

  • ೮ ವರ್ಷ ೧೯೭೫-೭೭, ೧೯೮೦-೮೩, ೧೯೮೫-೮೮ ಮುಟ್ಟ ಭೂನ್ಯಾಯ ಮಂಡಳಿದ ಸದಸ್ಯೆರಾದಿತ್ತೆರ್.
  • ಬಂಟ್ವಾಳದ ಭೂ ಅಭಿವೃದ್ಧಿ ಬ್ಯಾಂಕ್‌ದ ನಿರ್ದೇಶಕೆರಾದಿತ್ತೆರ್.
  • ಕರ್ನಾಟಕದ ರಡ್ಡನೇ ಹಿಂದುಳಿದ ಕೂಡುಕಟ್ಟ್‌ದ ಆಯೋಗದ ಮಾನಾದಿಗೆದ ಸದಸ್ಯೆರಾದಿತ್ತೆರ್.

ಪತ್ರಿಕಾ ವಲಯದ ಆಸಕ್ತಿ[ಸಂಪೊಲಿಪುಲೆ]

  • ೧೯೫೨ ಟ್ಟ್ ಮಿತ್ರ ಪನ್ಪಿ ಕನ್ನಡ ಪತ್ರಿಕೆನ್ ಸುರು ಮಲ್ತೆರ್.[೫]
  • ೧೯೭೦ ಟ್ಟ್ ತುಳುಸಿರಿ ಪನ್ಪಿ ತುಳುಬಾಸೆದ ಸುರುತ್ತ ಪತ್ರಿಕೆನ್ ಸುರು ಮಲ್ತ್‌ದ್ ಪತ್ರಿಕಾ ಲೋಕೊಗ್ ಸೇವೆ ಕೊರ್ತೆರ್.

ಪ್ರಶಸ್ತಿ[ಸಂಪೊಲಿಪುಲೆ]

೫೦ ನೇ ವರ್ಷದ ಸ್ವತಂತ್ರೋತ್ಸವದಪಗ ಸ್ವರ್ಣ ಸ್ವತಂತ್ರ್ಯ ಪ್ರಶಸ್ತಿ.

ಉಲ್ಲೇಕೊ[ಸಂಪೊಲಿಪುಲೆ]

{reflist}

  1. -ಹಿರಿಯ ತುಳುವೆರೆ ಪರಿಚಯೊ, ವಿಶ್ವ ತುಳು ಸಮ್ಮೇಳನೊ, ೨೦೦೯ ಪುಟ-೬-೭
  2. https://timesofindia.indiatimes.com/india/Veteran-freedom-fighter-Ammembala-Balappa-dead/articleshow/35169959.cms
  3. https://www.pressreader.com/india/hindustan-times-jalandhar/20120805/281852935710671
  4. http://sssbank.in/index.php/about-us/history/
  5. https://www.deccanherald.com/content/407016/freedom-fighter-ammembal-balappa-no.html