ವಿಷಯಕ್ಕೆ ಹೋಗು

ಅರುಣಾಚಲ ಪ್ರದೇಶ

ವಿಕಿಪೀಡಿಯರ್ದ್

ಅರುಣಾಚಲ ಪ್ರದೇಶ - ಭಾರತದ ಈಶಾನ್ಯ ರಾಜ್ಯೊಲೆಟ್ ಒಂಜಿ. ದಕ್ಷಿಣೊಭಾರತೊಡು ಅಸ್ಸಾಂ, ಆಗ್ನೇಯಡ್ ನಾಗಾಲ್ಯಾಂಡ್, ಪೂರ್ವಡ್ ಮ್ಯಾನ್ಮಾರ್, ಪಶ್ಚಿಮೊಡ್ ಭೂತಾನ್ ಬೊಕ್ಕ ಉತ್ತರೊಡ್ ಟಿಬೆಟ್‌ದ ಒಟ್ಟು ತನ್ನ ಸೀಮೆ/ಗಡಿನ್ ಪಾಲ್ ಮಲ್ದೆರ್.

ಅರುಣಾಚಲ ಪ್ರದೇಶದ ಗಡಿಟ್ ಉಪ್ಪುನ ಹಿಮಾಲಯ
ಬೌದ್ಧ ಧರ್ಮನ್ ಜನಸಂಖ್ಯೆಯ 13% ರ್ದ್ ಅಭ್ಯಾಸ ಮಲ್ಪುವೆರ್. ಅರುಣಾಚಲ ಪ್ರದೇಶದ ತವಾಂಗ್‌ಡ್ ಬುದ್ಧನ ಪ್ರತಿಮೆ ನ್ ಮುಲ್ಪ ತೋಜಾಪದೆರ್.

ಇತಿಹಾಸೊ[ಸಂಪೊಲಿಪುಲೆ]

1962ತ ದುಂಬು ಅರುಣಾಚಲ ಪ್ರದೇಶ ರಾಜ್ಯೊನ್ ಈಶಾನ್ಯ ಗಡಿನಾಡ್ ದ ಏಜೆನ್ಸಿ ಪಂದ್ ಲೆತ್ತೊಂದಿತ್ತೆರ್ ಅತ್ತಂದೆ ಅಸ್ಸಾಂ ರಾಜ್ಯದ ಒಂಜಿ ಭಾಗ ಆಧಿತ್ಂಡ್. 1972ತ ಕೇಂದ್ರಾಡಳಿತ ಪ್ರದೇಶವಾದ್ ಒಟ್ಟಿಗೆ ಅರುಣಾಚಲಪ್ರದೇಶ ಪಂದ್ ಪುನರ್ ನಾಮಕರಣ ಮಲ್ತೆರ್. 1987 ಫೆಬ್ರವರಿ 20 ದಾನಿ ಉಂಡು ಭಾರತ ಒಕ್ಕೂಟದ 24ನೆತ್ತ ರಾಜ್ಯವಾದ್ ಜಾರಿಗೆ ಬತ್ತ್ಂಡ್.

ಕೈಗಾರಿಕೆಲು[ಸಂಪೊಲಿಪುಲೆ]

ಈ ರಾಜ್ಯ ಉಪ್ಪುನ ಅರಣ್ಯ ಸಂಪನ್ಮೂಲದ ಆಧಾರದ ಮಿತ್ತ್ ಮಸ್ತ್ ಮಧ್ಯಮ ಪ್ರಮಾಣದ ಕೈಗಾರಿಕೆಲು ಉಂಡು. ಮುಲ್ಪ ಸಿಮೆಂಟ್ ಉತ್ಪಾದನೆದ ಸ್ಥಾವರ, ಸಂರಕ್ಷಣಾ ಘಟಕಲು ಉಂಡು. ಅಸಂಖ್ಯಾತ ಕರಕುಶಲ ಉತ್ಪನ್ನ ತರಬೇತಿ ಕೇಂದ್ರ ಉಂಡು. ಮುಲ್ಪದ ಕೈಮಗ್ಗ ಕೈಗಾರಿಕೆಲು ಎಡ್ಡೆ ಪ್ರಗತಿನ್ ಮಲ್ದ್ಂ‌ಡ್. ಮುಲ್ಪದ ಜನ ಬೆತ್ತ ಬೊಕ್ಕ ಬಿದಿರ್‌ದ ಬಟ್ಟಿ ಮಲ್ಪುನೆಟ್ ಹುಸರ್ ಉಲ್ಲೆರ್.ಗುದ್ದಲಿ, ಹಾರೆ ಲಕ್ಕದ ಕೃಷಿ ಯೋಗ್ಯ ಉಪಕರಣ ಮಲ್ಪುವೆರ್.

ಸಾರಿಗೆ ಸಂಪರ್ಕ[ಸಂಪೊಲಿಪುಲೆ]

ಈ ರಾಜ್ಯೊಡು ಎಡ್ಡೆ ರೊಡು ಬೊಕ್ಕ ವಾಯುಸಾರಿಗೆ ಸಂಪರ್ಕ ಉಂಡು. ರಾಜ್ಯ ಸಾರಿಗೆ ಸಂಸ್ಥೆ ರಾಜ್ಯೊದ ಮಸ್ತ್ ಊರುಗ್ ಸಂಪರ್ಕನ್ ಕೊರ್ಪುಂಡು ಅಂಚೆನೆ ಪರ ರಾಜ್ಯೊಲೆಗ್ ಸಂಪರ್ಕ ಕೊರ್ತುಂಡು. ನಾಹರ್‍ಲಗೂನ್ ಮಾರ್ಗವಾದ್ ಉತ್ತರ ಲಖಿಂಪುರ ಬೊಕ್ಕ ಇಟಾನಗರದ ನಡುಟ್ಟ್ ನೇರ ಸಾರಿಗೆ ಸೇವೆನ್ ಕೊರ್ಪುಂಡು. ಪ್ರತಿ ದಿನಾಲ ಇಟಾನಗರರ್ಡ್ 429 ಕಿಮೀ ದೂರಡ್ ಉಪ್ಪುನ ಗುವಾಹಟಿಗ್ ಬಸ್ ಉಂಡು. ಇಟಾನಗರರ್ಡ್ 33 ಕಿಮೀ ಬೊಕ್ಕ ನಹಾರ್ ಲಗೂನರ್ಡ್ 23 ಕಿಮೀ ದೂರಡ್ ಉಪ್ಪುನ ಅಸ್ಸಾಮದ ಹಾರ್ಮುಟಿ ರೈಲ್ವೆ ನಿಲ್ದಾಣ ಈ ರಾಜ್ಯೊಗ್ ಕೈತಲ್ದ ರೈಲು ನಿಲ್ದಾಣ. ಆಂಡಲ ಇಟಾನಗರರ್ದ್ 60 ಕಿಮೀ, ನಹರ್ ಲಗೂನ್ರ್ದ್ 50 ಕಿಮೀ ದೂರಡ್ ಉಪ್ಪುನ ಅಸ್ಸಾಂ ರಾಜ್ಯದ ಉತ್ತರ ಲಖಿಂಪುರ ರೈಲ್ವೆ ನಿಲ್ದಾಣ, ಆಧುನಿಕ ಸೌಲಭ್ಯ ನ್ ಉಪ್ಪುನ ನಿಲ್ದಾಣ. ಇಟಾನಗರರ್ದ್ 67 ಕಿಮೀ ನಹರ್‍ಲಗೂನರ್ದ್ 57 ಕಿಮೀ ದೂರಡ್ ಅಸ್ಸಾಂದ ಉತ್ತರ ಲಖಿಂಪುರಡ್ ಉಪ್ಪುನ ಲಿಲಾಬಾರಿಯಲ್ಲಿದ ವಿಮಾನ ನಿಲ್ದಾಣ ಮಸ್ತ್ ಕೈತಲ್ ಆತ್‌ಂಡ್. ಇಂಡಿಯನ್ ಏರ್‍ಲೈನ್ಸ್ ಸಂಸ್ಥೆ ಪ್ರತೀ ಬುಧವಾರ, ಶುಕ್ರವಾರ ಬೊಕ್ಕ ಐತಾರ ಕೋಲ್ಕತ್ತರ್ದ್ ತೇಜ್‍ ಪುದ ಮಧ್ಯ (ಇಟಾನಗರರ್ದ್ 216 ಕಿಮೀ ದೂರಡ್ ಉಪ್ಪುನ) ನೇರ ವಿಮಾನ ಸೇವೆ ಕೊರೊಂಡುಂಡು.

ಬಾಹ್ಯ ಸಂಪರ್ಕೊಲು[ಸಂಪೊಲಿಪುಲೆ]


ಉಲ್ಲೆಕೊಲು[ಸಂಪೊಲಿಪುಲೆ]