ಅಲೆತ್ತ ಮಂತ್
ಅಲೆತ್ತ ಮಂತ್ ಅವ್ವೊಂಜಿ ಮರಟ್ ಮಲ್ತಿನ ವಸ್ತ್. ಉಂದೆನ್ ಅಲೆ ತುಳಿಪ್ಪೆರೆ ಉಪಯೋಗ ಮಲ್ಪುನೆಡ್ದಾತ್ರ ಅಯಿಕ್ ಅಲೆತ್ತ್ ಮಂತ್ ಪಂದ್ ಪುದರ್ ಆಂಡ್.[೧]
ಸ್ವರೂಪ
[ಸಂಪೊಲಿಪುಲೆ]ಒಂಜಿ ಮರತ್ ತುಂಡುನು ಉರುಟು ಚಟ್ಟೆಗ್ ಸಾಮಾನ್ಯವಾದ್ ಚೆಂಡ್‌ದ ಲೆಕ್ಕೊನೆ ಕೊಯಿದ್ ಮಿತ್ತ್ ಭಾಗೊ ಬೊಕ್ಕ ಅಡಿ ಬಾಗೊನು ಚಟ್ಟೆ ಮಲ್ಪುವೆರ್ .ಆಂಚ ಕೊಯಿದ್ ಆಯಿಬೊಕ್ಕ ಅವೆತ್ ಮಿತ್ತ್ ತಜಪ್ಪು ಕೆತ್ತ್‌ವೆರ್ ಪಂಡ ಅಲೆ ತುಳಿಪುನಗ ಆ ತಜಪ್ಪುಲು ಅಲೆನ್ ಸರಿಯಾದ್ ಹಾಕ್‌ದ್ ಕೊರ್ಪ. ಮಿತ್ತ್ ಪುಡೆಟ್ ಒಂಜಿ ಒಟ್ಟೆ ಮಲ್ತ್‌ದ್ ಅವೆಕ್ ಒಂಜಿ ಉರುಟುಗು ಕೊಯಿನ ಒಂಜಿ ಫೀಟ್ ಉದ್ದದ ಕೋಲು ತಿಕ್ಕವೆರ್
ಅಲೆತ್ತ ಮಂತ್‌ದ್ ಉಪಯೋಗ
[ಸಂಪೊಲಿಪುಲೆ]- ಅಲೆ ತುಳಿಪೆರೆ: ಪೇರ್‌ಗ್ ಪೆರ್ಪು ಪಾಡ್ದ್ ಕೊಜಪು ಆಪುಂಡು .ಆ ಕೊಜಪು ಅಲೆ ಆವೊಡಾಂಡ ಅಯಿಕ್ ಮಂತ್‌ಡ್ ತುಳಿಪೊಡು ಅಪಗ ಅಯಿಟ್ ಇತ್ತಿನ ನೈತ ಅಂಶ ಮಾತ ಮಿತ್ತ್ ಒಂದುಂಡು ಅವೆನ್ ಮೇಲ್‌ಡ್ದ್ ದೆತ್ತ್ಂಡ ಅಲೆ ಒರಿದ್ ತಿಕ್ಕ್ಂಡು
- ಬಾಲೆದ ನುಪ್ಪು ನೊಲೆಪೆರೆ: ಬಾಲೆಗ್ ಕೊರ್ಪಿನ ನುಪ್ಪು ಗಟ್ಟಿ ಉಪ್ಪೆರೆ ಬಲ್ಲಿ ಅಯಿನ್ ಮೆದು ಮಲ್ಪೆರೆ ಮಂತ್‌ದ ಸಹಾಯೋಡು ನೊಲೆಪುವೆರ್
- ಬೇಳೆ ತುಳಿಪೆರೆ; ತೊಗರಿ ಬೇಳೆದ ತೊವ್ವೆ ಮಲ್ಪುನಗ ಬೆಯಿಪಾಯಿನ ಬೇಳೇನ್ ಒಗ್ಗರಣೆ ಪಾಡುನೆಕ್ ದುಂಬು ಚೂರು ನೊಲೆಪೊಡಾಪುಂಡು.ನೊಲೆಪೆರೆ ಪಾತ್ರೊಡಿತ್ತಿನ ಬೇಳೆಗ್ ಈ ಮಂತ್‌ನ್ ಪಾಡ್ದ್ ಎಡ್ಡೆ ರಡ್ಡ್ ಸರ್ತಿ ತಿರ್ಗಾಂಡ ಬೇಳೆ ಪೊಡಿ ಆಪುಂಡು