ಅಶೋಕ ಸುಂದರಿ

ಅಶೋಕ ಸುಂದರಿ

ಅಶೋಕ ಸುಂದರಿ: ಪುರಾಣೊಲೆಡ್ ಪದ್ಮ ಪುರಾಣೊಡು ಅಶೋಕ ಸುಂದರಿನ ಕಥೆ ಬರ್ಪು೦ಡು. ಅಶೋಕ ಸುಂದರಿ, ಈಶ್ವರ ದೇವೆರ್ ಬೊಕ್ಕ ಪಾರ್ವತಿ ದೇವೇರ್ನ ಮಗಳ್.

ಉತ್ಪತ್ತಿ

ಪಾರ್ವತಿ ದೇವೀಗ್ ಒಂಜಿ ದಿನ ಬಾರೀ ಒಂಟಿತನ ಕಾಡುಂಡುಗೆ. ಅಂಚಿನ ಒಂಟಿತನನ್ ಕಳೆಯೋನರೆ ಪಾರ್ವತಿ ದೇವೀ ಸೀದಾ ಕಲ್ಪನೆ ಮಂತಿನೇನ್ ಕೊರ್ಪಿನಂಚಿನ ಕಲ್ಪವೃಕ್ಷ ದ ಮರತ ಅಡಿಟ್ ಪೋದು ಮಗಳ್ ಬೋಡು ಪಂದ್ ಹಾರೈಕೆ ಮಂತೆರ್ ಗೆ. ಅಂಚಾ ಪಾರ್ವತಿ ನ ಶೋಕ ನ್ ದೂರ ಮನ್ಪರೆ ಪುಟ್ಟಿನ ಪೊರ್ಲುದ ಪೊಣ್ಣೇ ಈ ಅಶೋಕ ಸುಂದರಿ.

ದಂತಕಥೆ

ಅಶೋಕ ಸುಂದರಿನ ಪುಟ್ಟುದಿನ ಕಥೆನ್ ಪದ್ಮ ಪುರಾಣೊಡು ಸಾಮ್ರಾಟ್ ನಹುಷನ ಕಥೆದ ಒಟ್ಟು ಗ್ ದಾಖಲೆ ಆತುಂಡು. ಒಂಜಿ ದಿನ ಪಾರ್ವತಿ, ಈಶ್ವರ ದೇವೇರ್ಡ ಪ್ರಪಂಚಡ್ ಉಪ್ಪುನ ಬಾರೀ ಪೊರ್ಲುದ ಪೂ ತೋಟಗ್ ಲೆತ್ತೋಂದು ಪೋಲೆ ಪಂದ್ ಬೇಡಿಯೆರ್ ಗೆ. ಪಾರ್ವತಿ ದೇವೀನ ಆಸೆದ ಲೆಕ್ಕನೇ ಈಶ್ವರ ದೇವೆರ್ ಮಿತ್ತ ದೇವೇಂದ್ರ ನ ಲೋಕದ ನಂದನವನ ಕ್ ಲೆತ್ತೋಂದು ಪೋಯೇರ್. ಅಲ್ಪ ಒವ್ವೆ ನಮ್ಮ ಆಸೆಲೆನು ಪೂರೈಸುನ ಕಲ್ಪವೃಕ್ಷ ನ್ ಪಾರ್ವತಿ ದೇವಿ ತೂಯೆರ್. ಮಗೆ ಕಾರ್ತಿಕೇಯೆ ಮಲ್ಲ ಆದ್ ಕೈಲಾಸ ನ್ ಬುಡುದು ಪೋತೆ ಅಂಚಾ ಪಾರ್ವತಿ ದೇವೀಗ್ ಇತ್ತಿನ ಒಂಟಿತನ ದೂರ ಮನ್ಪರೆ ಕಲ್ಪವೃಕ್ಷಡ ಒಂಜಿ ಪೊಣ್ಣು ಮಗಲೆನ್ ಕೇಂಡೆರ್. ಪಾರ್ವತಿ ದೇವೀನ ಆಶೆ ಈಡೇರುಂಡ್ ಅಶೋಕ ಸುಂದರಿ ಪುಟ್ಟಿಯಲ್. ಅದಗ ಪಾರ್ವತಿ, ಸ್ವರ್ಗ ಲೋಕದ ರಾಜೆ ಆಯಿನ ಇಂದ್ರಗ್ ಸಮಾನ ಆಯಿನ ಚಂದ್ರ ವಂಶದ ನಹುಷನ್ ಅಶೋಕ ಸುಂದರಿ ಮದಿಮೆ ಆವರೆ ಉಲ್ಲಲ್ ಪಂದ್ ಭವಿಷ್ಯ ಪನ್ಪಲ್.

ಒಂಜಿ ದಿನ ಅಶೋಕ ಸುಂದರಿ ಅಲೆನ ಮೋಕೆದ ಸಖಿನಕಲ್ನೊಟ್ಟುಗು ನಂದನವನೊಟು ತಿರುಗೊಂದು ಉಪ್ಪುನಗ, ಹುಂಡ ಪನ್ಪಿನ ಒರಿ ರಕ್ಕಸೆ ಅಲೆನ್ ತೂದು ಮೋಕೆದ ಪಾತೆರ ಪಾತೆರ್ಯೆ. ಅದಗ ಅಶೋಕ ಸುಂದರಿ ಜಾಣ್ಮೆ ಡ್ ಅಯೆನ ಪಾತೆರನ್ ತಿರಸ್ಕರ ಮಂತ್ ನಹುಷನ್ ಮದಿಮೆ ಆಪಿನ ಅಲೆನ ಭವಿಷ್ಯ ನ್ ಆಯೇಡಾ ಪಂಡಲ್. ಹುಂಡ ರಕ್ಕಸೆ ಕಂಡನಿ ತೀರ್ ಪೋತಿನ ಮುಂಡೆನ ವೇಷ ಪಾಡುದು, ಎನ್ನ ಕಂಡನಿನ್ ರಕ್ಕಸೆ ಕೆರ್ದ್ ಪಾಡಿಯೇ, ಎನನ್ ಆಶ್ರಮಗ್ ಮುಟ್ಟಾದ್ ಬಲೆ ಪಂದ್ ಅಶೋಕ ಸುಂದರಿಡ ಬೇಡಿಯೆ. ಸತ್ಯ ಪಂದ್ ನಂಬುದು ಮುಂಡೆ ಪೊಂಜುವುನ್ ಆಶ್ರಮ ಮುಟ್ಟಾನಾಗ ರಕ್ಕಸನ ಮೋಸ ಗೊತ್ತಾದ್ ಈ ನಹುಷ ನ ಕೈಟೇ ಸೈಲಾ ಪಂದ್ ಶಾಪ ಕೊರ್ದ್ ಕೈಲಾಸ ಸೇರುವಲ್.

ಅವೆನ್ ಕೇಂಡಿನ ರಕ್ಕಸೆ ಹುಂಡೆ, ಅರಮನೆ ಡ್ದ್ ಬಾಲೆ ನಹುಷನ್ ಲಕ್ಕದ್ ಕೊನ್ಪೆ. ಆ ಬಾಲೆನ್ ರಕ್ಕಸೆ ಹುಂಡೆನ ಕೆಲಸದಾಲ್ ತಾಂಕುದು, ಋಷಿ ವಸಿಷ್ಠ ರೆನ ಕೈಗ್ ಕೊರ್ಪಲ್. ವರುಷ ಪೋಯಿ ಲೆಕ್ಕನೇ ನಹುಷ ಜವಾನೆ ಆಪೆ. ಬೊಕ್ಕ ಅಪಗ ರಕ್ಕಸ ಹುಂಡ ಎನ್ನ ಕೈಟೇ ಸೈಪಿನಿ ಪನ್ಪೀನ ವಿಚಾರ ಅರ್ಥ ಮನ್ಪುವೆ. ಇಂಚಿಡ್ ರಕ್ಕಸೆ ಹುಂಡೆ , ಯಾನ್ ನಹುಷ ನ್ ಕೆರ್ದ್ ಅಶೋಕ ಸುಂದರಿ ನ್ ಅಪಹರಣ ಮಂತೆ ಪಂದ್ ಪನ್ಪೆ. ಅಪಗ ಕಿನ್ನರ ದಂಪತಿಲು ಬತ್ತುದು ಅಶೋಕ ಸುಂದರಿಡ ಸತ್ಯ ಕಥೆ ಪಂದ್ ನಿಕಲೆಗ್ ಮದಿಮೆ ಆದ್ ಯಯಾತಿ ಪಂದ್ ಶಕ್ತಿಶಾಲಿ ಆಯಿನ ಒರಿ ಮಗೆಲ. ನೂದು ಪೊರ್ಲಕಂಟುದ ಮಗಳೆಗ್ಲ ಈ ಅಪ್ಪೆ ಆಪ ಪಂದ್ ಭವಿಷ್ಯ ಪನ್ಪೇರ್. ಬೊಕ್ಕ ರಕ್ಕಸೆ ಹುಂಡೆ ಗ್ ಲ ನಹುಷಗ್ಲ ಮಲ್ಲ ಲಡಾಯಿ ಆದು, ಆಯೆನ್ ಕೆರ್ದ್ ಅಶೋಕ ಸುಂದರಿಗ್ ರಕ್ಷಣೆ ಕೊರ್ಪೇರ್. ಕಾಲಾಂತರೊಡು ಇಂದ್ರ ಉಪ್ಪಂದಿನಪಗ ಒಂತೆ ಸಮಯಗ್ ನಹುಷ ನ್ ಸ್ವರ್ಗದ ರಾಜ ಪ್ರತಿನಿಧಿಯಾದ್ ಮಂತೆರ್.

ಅಶೋಕ ಸುಂದರಿ ಪದ್ಮ ಪುರಾಣ ಬುಡ್ದು ಬೊಕ್ಕ ವಾ ಹಿಂದೂ ಗ್ರಂಥಲೆಡ್ಲ ತೋಜುದು ಬರ್ಪುಜಿ.

ಉಲ್ಲೇಖೋಲು

೧. ಬಿಬೇಕ್ ಡೆಬ್ರಾಯ್, ದೀಪಾವಳಿ ಡೆಬ್ರಾಯ್ (2002). ಪವಿತ್ರ ಪುರಾಣಗಳು. ಪ. 152. "ನಕುಶ ಮತ್ತು ಅಶೋಕಸುಂದರಿಗೆ ಯಯಾತಿ ಎಂಬ ಮಗನಿದ್ದನು."

೨. ಗಂಗ ರಾಮ್ ಗರ್ಗ್ (1992). ಎನ್ಸೈಕ್ಲೋಪೀಡಿಯಾ ಆಫ್ ದಿ ಹಿಂದೂ ವರ್ಲ್ಡ್ ಸಂಪುಟ. ೩. ಕಾನ್ಸೆಪ್ಟ್ ಪಬ್ಲಿಷಿಂಗ್ ಕಂಪನಿ. ಪ. 712. ISBN 978-81-7022-376-4. ೩ . ಮಣಿ 1975. ೪ . ಮಣಿ 1975, ಪುಟಗಳು 62, ೫. ಮಣಿ 1975, ಪುಟಗಳು 62, 515–516. ೬. ಜಾರ್ಜ್ ಎಂ. ವಿಲಿಯಮ್ಸ್ (27 ಮಾರ್ಚ್ 2008). ಹಿಂದೂ ಪುರಾಣದ ಕೈಪಿಡಿ. ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಪ್ರೆಸ್. ಪುಟಗಳು 217–8, 230. ISBN 978-0-19-5332-61-2. ೭. ನಾಯರ್, ರೋಶ್ನಿ (13 ಸೆಪ್ಟೆಂಬರ್ 2015). "ಬಿಯಾಂಡ್ ಗಣೇಶ್: ಶಿವ-ಪಾರ್ವತಿಯ ಇತರ ಮಕ್ಕಳು". ಡಿಎನ್ಎ ಭಾರತ. 19 ನವೆಂಬರ್ 2020 ರಂದು ಮರುಸಂಪಾದಿಸಲಾಗಿದೆ.