ಆಲಡೆ

ಕಬತ್ತಾರ್ ಆಲಡೆ ಡ್ ನಡಪುನ ಸಿರಿ ಜಾತ್ರೆ

ಆಲಡೆ ತುಳುನಾಡುದ ಪುರಾತನ ನಂಬಿಕೆಲೆಡು 'ಆಲಡೆ'ಗ್ ವಿಶೇಷ ಮಹತ್ವ ಉಂಡು. ಆಲಡೆ ಪನ್ಪಿನ ಐನ್ ಶಕ್ತಿಲೆನ ಆರಾಧನೆದ ಜಾಗವಾತುಂಡು. ಈ ಜಾಗೊಡು ಬೆರ್ಮೇರ್ ಮುಖ್ಯ ಶಕ್ತಿಯಾದ್ ಪೂಜೆನ್ ಗೆತ್ತೊನುವೆರ್. ತುಳುನಾಡುದ ಮೂಲ ದೈವಿಕ ಶಕ್ತಿಯಾದ್ ಬೆರ್ಮೇರು ತೋಜುದು ಬರ್ಪೆರ್. ನಾಗೊಲು, ನಾಗಬೆರ್ಮರ್ಲು ಬೊಕ ಪರಿವಾರ ಶಕ್ತಿಲೆನ ಆರಾಧನೆದ ಜಾಗೊನು ಬ್ರಹ್ಮಸ್ಥಾನ ಪಂದ್ ಲೆಪ್ಪುವೆರ್. ಉಂದೆಗ್ ಆಲಡೆ ಪಂದ್ ಲಾ ಪುದರ್ ಉಂಡು.

ಐನ್ ಶಕ್ತಿಲುನ ಆರಾಧನೆ

ತುಳುನಾಡು ದ ಉದ್ದಗುಲಾ ಐನ್ ಪ್ರಮುಖ ಆಯಿನ ಶಕ್ತಿಲೆನ್ ಆರಾಧನೆ ಮನ್ಪುವೆರ್. ಅಯಿಟ್ ಬೆರ್ಮೇರು, ನಾಗಬೆರ್ಮರ್ಲು ಬೊಕ್ಕ ಬೇತೆ ಪರಿವಾರೊ ಶಕ್ತಿಲು ಪ್ರಮುಖವಾದುಂಡು. ಈ ಆರಾಧನಾ ಸಂಕೀರ್ಣೊಲು ಐನ್ ಪ್ರಮುಖ ದೇವಾಲಯೊಡು ನಡಪುಂಡು, ಅವ್ವೆ, ಉಡುಪಿ ಆಲಡೆ, ಕಟಪಾಡಿ ಆಲಡೆ, ಪಾಂಗಳಾ ಆಲಡೆ, ಹಿರಿಯಡಕ ಆಲಡೆ, ನಂದಳಿಕೆ ಆಲಡೆ, ಬೊಳ್ಯೊಟ್ಟು ಆಲಡೆ, ಬೊಕ್ಕ ಕಬತ್ತಾರ್ ಆಲಡೆ. ಬ್ರಹ್ಮಸ್ಥಾನ, ಅತ್ತುಡ ಆಲಡೆ, ಈಶ್ವರ ದೇವೇರ್ನ, ಸ್ತೋತ್ರಪೂರ್ವಕ ನಾಗರಾಧನೆದ ಜಾಗವಾದುಂಡು. ಮುಲ್ಪ ನಾಗಬ್ರಹ್ಮೊಗು ಗುರುತು ಕೊರ್ಪಿನ ಸಂಪ್ರದಾಯೊಲಾ ತುಳುನಾಡುದ ಜನಕುಲೆನ ಆಧ್ಯಾತ್ಮಿಕ ಜೀವನೊಡು ಮಹತ್ವೊ ಆಯಿನ ಸ್ಥಾನವುಂಡು.

ಬೆರ್ಮೆರ್ ಪೂಜೆದ ಪುರಾತನತೆ

ತುಳುನಾಡುಡು ಬೆರ್ಮೇರ್ ನ ಪೂಜೆನ್ ಬಾರಿ ಪಿರಾಕುಡುದು ಆರಾಧನೆ ಮಂತೊದು ಉಲ್ಲೆರ್. ಅಂಚೆನೆ ನಾಗನಲೋಕ ಪಂದು ಈ ಭಾಗೊಡು ನಾಗರಾಧನೆ ಬೊಕ್ಕ ಬೆರ್ಮೆರ್ ಆರಾಧನೆ ಸಮಾನವಾದ್ ನಡೆಯೊಂದು ಇತ್ತುಂಡು.<ref name=":1" />

ಸಿರಿ ಪಾಡ್ದನೊದ ಮಾಹಿತಿ

ಸಿರಿ ಪಾಡ್ದನೊ ತುಳುನಾಡುದ ಸತ್ಯನಾಪುರದ ಅರಮನೆದ ಕುರಿತು ಮಾಹಿತಿ ಕೊರ್ಪುಂಡು, ಉಂದೆಟ್ ಬೆರ್ಮ ಆಳ್ವರ್ ತುಳುನಾಡು ನು ಆಳೊಂದು ಉಪ್ಪುವೆರ್. ಅರೆಗ್ ಜೋಕುಲು ಉಪ್ಪಂದೆ ಬಾರಿ ದುಃಖಡು ಇತ್ತೆರ್. ಆದಗ ಬೆರ್ಮಾರೆನ ಮೂಲೊ ದೇವಸ್ಥಾನ ಬ್ರಹ್ಮನ ರೂಪೊಡು ತೋಜುದು, ಕೂಡಲೇ ಪುನರುಜ್ಜೀವನ ಮನ್ಪರೆ ಸೂಚನೆ ಕೊರಿಯೆರ್. ಅಂಚೆನೆ ಕಾಲೊದ ಪ್ರಭಾವೊಡು ಹಾಳಾಯಿನ ದೇವಾಲಯೊನು ಪುನರುಜ್ಜೀವನ ಮನ್ತೆರ್. ಬೆರ್ಮೆರೆಗ್ ಬ್ರಹ್ಮಸ್ಥಾನ, ನಂದಿಗೋಣಗ್ ಕೋಟ್ಯ, ನಾಗಬ್ರಹ್ಮೊಗು ಗುಂಡ, ಸಾವಿರ ದೈವೊಲೆಗ್ ಗುಡಿಮಾಡು ನಿರ್ಮಾಣ ಮಂತೆರ್.<ref name=":1" />

ಐನ್ ಶಕ್ತಿಲೆನ ಮುಖ್ಯೊ ದೇವಾಲಯೊಲು

ಈ ಐನ್ ಶಕ್ತಿಲೆನ ಆರಾಧನೆ ಇತ್ತೆ ತುಳುನಾಡುದ ಐನ್ ಪ್ರಮುಖ ದೇವಾಲಯೊಡು ನಡಪುಂಡು. ಉಡುಪಿ ಕಟಪಾಡಿ ಆಲಡೆ, ಪಾಂಗಲ ಆಲಡೆ, ಹಿರಿಯಡಕ ಆಲಡೆ, ನಂದಳಿಕೆ ಆಲಡೆ, ಬೊಳ್ಯೊಟ್ಟು ಆಲಡೆ, ಬೊಕ್ಕ ಕಬತ್ತಾರ್ ಆಲಡೆ.<ref name=":1" />

ನಿಯೋಗ ಪದ್ಧತಿ

ಆಲಡೆಡು ನಡಪುನ ಜಾತ್ರೆಲೆನ್ ಗಮನಿಸಾಂಡ ಅಲ್ಪ ಪೊಣ್ಣು ಆಣುಲೆನ ಸಮಾಗಮ ಪ್ರಜನನದ ಉದ್ದೇಶೊಡೇ ಅವೊಂದು ಇತ್ತುಂಡು. ಅಲ್ಪ ಗುಡಿತ ಸುತ್ತ ರಾತ್ರಿ ಪೊಡ್ತು ಸೇರುನ ಆಣ್ ಅಂಜೊವುಲೆನ್ ಕುಮಾರೆರು ಪಂದುಲಾ , ಪೊಣ್ಣು ಪೊಂಜೊವುಲೆನು ಸಿರಿ ಪಂದುಲಾ ಲೆಪ್ಪುವೆರ್. ಕುಮಾರೆರ್ ಮದಿಮಯೆ ಲೆಕ್ಕ , ಸಿರಿನಕುಲು ಮಧುಮಲ್ ಲೆಕ್ಕ ಕೈಟ್ ತಾರಾಯಿದ ಹೊಂಬಾಳೆ ಪತೊಂದು ಭಕ್ತದ ಪರವಶತೆಗ್ ಸಲ್ಲುವೆರ್.