ಎಸ್.ಪಿ.ಬಾಲಸುಬ್ರಹ್ಮಣ್ಯಂ

ವಿಕಿಪೀಡಿಯರ್ದ್
Jump to navigation Jump to search
SP Balasubrahmanyam and KJ Yesudas at Abbas Cultural’s Kalaivizha 2017 – 25 Years of Celebrating Art Event

ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಒರಿ ಹಿನ್ನಲೆ ಗಾಯಕೆಯಾದ ಭಾರಿ ಮಲ್ಲ ಪುಗರ್ತೆ ಪಡೆಯಿನಾರ್.ಗಾಯನದೊಟ್ಟಿಗೆ ನಟನೆ ಸಂಗೀತ ನಿರ್ದೇಶನ ಡಬ್ಬಿಂಗ್ ಮಲ್ತಿನಂಚಿನ ಬಹುಮುಖ ಪ್ರತಿಭೆ. ಅರೆನ ಪುಟ್ಟು ಪುದರ್ ಶ್ರೀಪತಿ ಪಂಡಿತಾರಾಧ್ಯುಲ್ ಬಾಲಸುಬ್ರಹ್ಮಣ್ಯಂ

ಪುಟ್ಟು ಬೊಕ್ಕ ಜೀವನ[ಸಂಪೊಲಿಪುಲೆ]

ಎಸ್.ಪಿ.ಬಿ.ಆಂದ್ರಪ್ರದೇಶದ ಚಿತ್ತೂರುದ ಕೊನೇಟಮ್ಮಪೇಟಾ ಪನ್ಪಿ ಊರುಡು ೧೯೪೬ ಜೂನ್ ೪ನಾನಿ ಪುಟ್ಟ್ಯೆರ್. ಬಾಲುನ ಅಮ್ಮೆರೆ ಒರಿ ಹರಿಕಥೆ ಪನೊಂದಿತ್ತಿನಾರ್. ಎಸ್.ಪಿ.ಸಾಂಬಮೂರ್ತಿ ಪನೊಂದಿತ್ತಿನ ಹರಿಕಥೆನೆ ಬಾಲುಗು ಪ್ರೇರಣೆ. ಬಾಲು ಸುರುಕು ಶಾಸ್ತ್ರೀಯವಾದ್ ಸಂಗೀತ ಕಲ್ಪುಜೆರ್. ಸ್ವಂತ ತಾನೆ ಹಾರ್ಮೋನೀಯಂ, ತಬಲ ಬಾರಿಸಪಿನೆನ್ ಅಭ್ಯಾಸ ಮಲ್ತ್‌ದ್ ಪದೊ ಪನ್ಪಿನೆನ್ ಅಭ್ಯಾಸ ಮಲ್ತೆರ್. ಅವೆಡ್ದ್ ಬೊಕ್ಕ್ ಪುಗರ್ತೆ, ಪ್ರಶಸ್ತಿ ಮಾತ ತಿಕ್ಕಿ ಬೊಕ್ಕ ಶಾಸ್ತ್ರೀಯವಾದ ಸಂಗೀತ ಅಭ್ಯಾಸ ಮಲ್ತ್‌ದ್ ಗಾನ ಗಂಧರ್ವೆ ಆಯೆರ್[೧].ಎಸ್.ಪಿ.ಬಾಲಸುಬ್ರಹ್ಮಣ್ಯಂ ನ ಬುಡೆದಿನ ಪುದರ್ ಸಾವಿತ್ರಿ.ಮಗಳೆನ ಪುದರ್ ಪಲ್ಲವಿ ಮಗನ ಪುದರ್ ಚರಣ್.

ರೆಕಾರ್ಡಿಂಗ್‌ದ ಪಟ್ಟಿ[ಸಂಪೊಲಿಪುಲೆ]

ಒಂಜೇ ದಿನೊಟು ಕನ್ನಡೊಡು 17 ಪದ್ಯೊಲು, ಒಂಜೇ ದಿನೊಟು ತೆಲುಗುಡು ಬೊಕ್ಕ ತಮಿಳ್‌ಡ್ 19 ಪದ್ಯೊಲು, ಒಂಜೇ ದಿನೊಟು ಹಿಂದಿಡ್ 16 ಪದ್ಯೊ ರೆಕಾರ್ಡ್ ಮಲ್ತಿನ ಪ್ಲೇ ಬ್ಯಾಕ್ ಸಿಂಗರ್ ಎಸ್.ಪಿ.ಬಾಲಸುಬ್ರಹ್ಮಣ್ಯಂ.

ಸಾಧನೆ[ಸಂಪೊಲಿಪುಲೆ]

೧೬ ಬೇತೆ ಬೇತೆ ಭಾಷೆಲೆಡ್ ೪೦,೦೦೦ ಡ್ದ್ ಜಾಸ್ತಿ ಹಿನ್ನಲೆ ಗಾಯನ ಮಲ್ತೆರ್. ಅಯಿಟ್‌ಲ ಸುಮಾರ್ ೧೯೦೦೦ ಸಾವಿರ ಹಿನ್ನಲೆ ಗಾಯನ (ಪದ್ಯೊಲು) ಕನ್ನಡೊಗು ಮಲ್ತೆ‌ರ್.ಚಿತ್ರ ಗೀತೆ ಮಾತ್ರತ್ತಂದೆ ಭಕ್ತಿಗೀತೆ ಹಿಂದಿಸ್ತಾನಿ ಶಾಸ್ತ್ರೀಯ ಗಾಯನ ಕರ್ನಾಟಕ ಶಾಸ್ತ್ರೀಯ ಗಾಯನ ಮಲ್ತೆರ್ ಅಂಚನೆ ಕೆಲವೊಂಜಿ ಚಿತ್ರೊಡು ನಟನೆಲ ಮಲ್ತೆರ್ ಡಬ್ಬಿಂಗ್ ,ಸಂಗೀತ ನಿರ್ದೇಶನ ಮಲ್ತಿನಂಚಿನ ಬಹುಮುಖ ಪ್ರತಿಭೆ ಎಸ್.ಪಿ.ಬಿ.ಲೆಕ್ಕೊಗು ತಿಕ್ಕಂದಿನಾತ್ ಸ್ಟೇಜ್ ಪರ್ಫಾಮೆನ್ಸ್ ಮಲ್ತಿನ ಸಾಧನೆ ಎಸ್.ಪಿ.ಬಾಲಸುಬ್ರಹ್ಮಣ್ಯಂನ.

ಪ್ರಶಸ್ತಿಲು[ಸಂಪೊಲಿಪುಲೆ]

  1. ನಾಲ್ ಭಾಷೆಲೆಡ್ ಒಟ್ಟು ೬ ರಾಷ್ಟ್ರ ಪ್ರಶಸ್ತಿಲು
  2. ಪದ್ಮಶ್ರೀ, ಪದ್ಮಭೂಷಣ ಪ್ರಶಸ್ತಿಲು
  3. ೨೫ ಸರ್ತಿ ಆಂದ್ರಪ್ರದೇಶ ಸರ್ಕಾರದ 'ನಂದಿ' ಪ್ರಶಸ್ತಿ.
  4. ಬೇತೆ ಬೇತೆ ವಿಶ್ವ ವಿದ್ಯಾಲಯೊಲೆಡ್ದ್ ನಾಲ್ ಡಾಕ್ಟರೇಟ್
  5. ಕನ್ನಡ ನಾಡ್‌ದ ರಾಜ್ಯೋತ್ಸವ ಪ್ರಶಸ್ತಿ,
  6. ಆರ್ಯಭಟ ಪ್ರಶಸ್ತಿ,
  7. ವಿಶ್ವ ಗಾನ ಯೋಗಿ ಗೌರವ,
  8. ಆಂಧ್ರ ವಿಶ್ವವಿದ್ಯಾನಿಲಯದ ಕಲಾ ಪ್ರಪೂರ್ಣ ಗೌರವ,
  9. ಮಂತ್ರಾಲಯದ ಆಸ್ಥಾನ ವಿದ್ವಾನ್ ಗೌರವ,
  10. ತಮಿಳುನಾಡ್‌ದ ಕಲೈಮಾಮಣಿ ಗೌರವ,
  11. ಸಾಂಸ್ಕೃತಿಕ ಕಲಾ ಸಿರಿ ಗೌರವ,
  12. ಲತಾ ಮಂಗೇಶ್ಕರ್ ಪ್ರಶಸ್ತಿ,
  13. ಫಿಲ್ಮ್ ಫೇರ್ ಪ್ರಶಶ್ತಿಲು ಎಸ್.ಪಿ.ಬಾಲಸುಬ್ರಹ್ಮಣ್ಯಂಗೆ ತಿಕ್ಕ್‌ದ್ಂಡ್.

ತೀರ್‌ನೆ[ಸಂಪೊಲಿಪುಲೆ]

ಎಸ್ ಪಿ ಬಿ ಗ್ ತನ್ನ ೭೫ ನೆ ವರ್ಸೊಡು ಉಸಿರಾಟ ತೊಂದರೆಯಾದ್ ಮರ್ದ್ ಫಲಿಪಂದೆ ಚೆನ್ನೈದ ಖಾಸಗಿ ಆಸ್ಪತ್ರೆಡ್ ೨೫ ಸೆಪ್ಟೆಂಬರ್ ೨೦೨೦ನೆ ಇಸವಿಡ್ ತೀರುವೆರ್. ಕೊರೊನಾ ವೈರಸ್ ದಾಳಿಗ್ ತಿಕ್ಕ್‌ದ್ ಅರೆನ ಆರೋಗ್ಯ ಹಾಳಾದಿತ್ತ್‌ದ್ ಕೊರೊನಡ್ದಾತ್ರ ಅರೆನ ಶ್ವಾಸಕೋಶೊಗು ತೊಂದರೆಯಾದಿತ್ತ್ಂಡ್. ಉಸಿರಾಟದ ತೊಂದರೆಯಾದಿತ್ತ್‌ದ್ ಅರೆಗ್ ಆಮ್ಲಜನಕ ಕೊರಿಯೆರೆ ಇಸಿಎಮ್‍ಓ ಪನ್ಪಿ ಉಪಕರಣ ಪಾಡ್ದ್ ಚೆನ್ನೈಡ್ ಉಪ್ಪುನ ಎಮ್‍ಜಿಎಮ್ ಆಸ್ಪತ್ರೆಡ್ ಅರೈಕೆ ಮಲ್ತೊಂದಿತ್ತೆರ್[೨]

  1. https://kannada.filmibeat.com/tv/weekend-with-ramesh-season-2-insight-into-s-p-balasubrahmanyam-achievements-020947.html
  2. https://www.prajavani.net/entertainment/cinema/veteran-singer-sp-balasubrahmanyam-dies-aged-74-765232.html