ಕಡ್ಡಿ ಗೊಬ್ಬು
| ಸಕ್ರೀಯ ವರ್ಸೊ | ಪಿರಾಕ್ ದ ಗೊಬ್ಬು |
|---|---|
| ಗೊಬ್ಬುನಕುಲು | ಏತ್ ಜನಲಾ ಗೊಬ್ಬೊಲಿ |
| ಗೊಬ್ಬುನ ಸಮಯೊ | ಏತ್ ಗಂಟೆಲಾ ಗೊಬ್ಬೊಲಿ |
| ಕೌಶಲ್ಯೊ | ಕಡ್ಡಿ ಗೊಬ್ಬು |
ಈ ಗೊಬ್ಬುಡು ಚೀನ್ಕ್ರ್ ದ ಕಡ್ಡಿ ಗಳಸೊಂದು ಗೊಬ್ಬುವೆರ್. ಜಾಸ್ತಿಯಾದ್ ಇಲ್ಲ್‌ದ ಉಲಯಿ ಗೊಬ್ಬುವೆರ್.ಮರಿಯಲದ ಪೊರ್ತುಡು ಜೋಕುಲು ಪಿದಯಿ ಗೊಬ್ಬೆರೆ ಆವಂದಿನಪಗ ಇಲ್ಲ್‌ದ ಉಲಯಿ ಈ ಗೊಬ್ಬುನು ಗೊಬ್ಬುವೆರ್ .ಉಂದೊಂಜಿ ಜನಪದ ಗೊಬ್ಬು.ಬರ್ಸ ಚೂರು ಕಮ್ಮಿ ಆನಗ ಪಿದಯಿ ಲ ಗೊಬ್ಬೊಳಿ. [೧]
ಗೊಬ್ಬುಡಿಪ್ಪುನ ಪಾತ್ರೊಲು
[ಸಂಪೊಲಿಪುಲೆ]- ಕಡ್ಡಿ ಗೊಬ್ಬುಗು ಗೊಬ್ಬೆರೆ ಜೋಕುಲು
ಗೊಬ್ಬರೆ ಬೋಡಾಯಿನ ಸಾಮಾನುಲು
[ಸಂಪೊಲಿಪುಲೆ]- ಮೈಪುದ ಚೀನ್ಕ್ರ್
ಗೊಬ್ಬು ಗೊಬ್ಬುನೆ ಎಂಚ ?
[ಸಂಪೊಲಿಪುಲೆ]ಉಂದು ಕಡ್ಡಿಡ್ ಗೊಬ್ಬುನು. ಐಕ್ ಕಡ್ಡಿ ಗೊಬ್ಬು ಪನ್ಪೆರ್. ಈ ಗೊಬ್ಬುನು ಏತ್ ಜನಲ ಗೊಬ್ಬೊಳಿ. ಈ ಗೊಬ್ಬುಗು ಚೀನ್ಕ್ರ್ ಬೋಡು ಐತ ಕಡ್ಡಿಡ್ ಗೊಬ್ಬುನು. ಚೀನ್ಕ್ರ್ ದೆತೊಂದು ಒಂಜೇ ಲೆಕದ ೧೦ ಕಡ್ಡಿಲ ೧ಕಡ್ಡಿ ಉದ್ದ ದಲ ಬೋಡು.ಒಟ್ಟು ೧೧ ಕಡ್ಡಿ ಬೋಡು ಈ ಗೊಬ್ಬುಗು. ಮಾತಾ ಕಡ್ಡಿನ್ ಕೈಟ್ ಪತ್ತ್‌ದ್ ತಿರ್ತ್ ನೆಲಕ್ ಪಾಡೊಡು, ಆ ಕಡ್ಡಿಲು ಒಂಜೆತ ಮಿತ್ತ್ ಒಂಜಿ ಬೂರ್ದ್ ಇಪ್ಪುವ. ಒಂಜಿ ಮಲ್ಲ ಕಡ್ಡಿನ್ ದೆತೊಂದು ಬಾಕಿದ ೧೦ ಕಡ್ಡಿಲೆನ್ ಬೇತೆ ಬೇತೆ ಆದ್, ಒಂಜೆಕೊಂಜಿ ಆಡಂದಿಲಕ ದೆಪ್ಪೊಡು. ಇಂಚನೆ ಏತ್ ಗೊಬ್ಬು ಬೋಡಾಂಡಲ ಗೊಬ್ಬೊಳಿ. ಕಡ್ಡಿ ದೆಪ್ಪುನಗ ಬಾಕಿದ ಕಡ್ಡಿಲು ಪಂದಿಂಡ ಆಯೆ ಸೋತೆಂದ್ ಲೆಕ್ಕ. ಸೋತಿನಾಯೆ ಬೋಕೋರಿಯಗ್ ಗೊಬ್ಬುನು ಬುಡ್ದ್ ಕೊರೊಡು.ಈ ಗೊಬ್ಬುನು ಮಾರ್ಕ್ ಪಾಡ್ದ್ ಗೊಬ್ಬುವೆರ್ ಎಲ್ಯ ಕಡ್ಡಿಗ್ ೧೦, ಮಲ್ಲ ಕಡ್ಡಿಗ್ ೧೦೦, ಇಂಚ ಉಪ್ಪುಂಡು. ಗೊಬ್ಬುನಕುಲು ಏತ್ ಗೊಬ್ಬು ಗೊಬ್ಬುನೆ ಪಂದ್ ಸುರುಕು ಒಪ್ಪಂದ ಮಲ್ತ್ ಇಪ್ಪೊಡು. ಬೊಕ ಗೊಬ್ಬುನಗ ಏತ್ ಕಡ್ಡಿ ದೆತ್ತ ಐತ ಲೆಕ್ಕ ಬರೆದ್ ದೀವೊಡು. ಗೊಬ್ಬು ಮುಗಿಬೊಕ್ಕ ಅಕೇರಿಗ್ ಲೆಕ್ಕ ಮಲ್ಪುನು.[೨]
ಬೇತೆ ಬಾಸೆಡ್ ಗೊಬ್ಬುದ ಪುದರ್
[ಸಂಪೊಲಿಪುಲೆ]- ಕಡ್ಡಿ ಆಟ (ಕನ್ನಡಡ್)
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "ಕಪ್ಪೆ ಗೊಬ್ಬು". Retrieved 8 July 2024.
- ↑ Thulunadina Janapada Atagalu (PDF). Shetty, Gananatha. Retrieved 8 July 2024.