ಕಡ್ಲೆ ಬೇಳೆದ ಪಾಯೊಸ

ಕಡ್ಲೆ ಬೇಳೆದ ಪಾಯೊಸ'

ತುಳುನಾಡುಡು ಹೆಚ್ಚಾದ್ ಒವ್ವೆ ಪರ್ಬ ಬರಡ್ ಅದಗ ತೀಪೆದ ತಿನರೆ ಆವೋಡೆ. ಅಯಿಟುಲ ಬಗೆ ಬಗೆತ ಪಾಯಸ ಮನ್ಪನೆಟ್ ತುಳುವೆರ್ ಸುರುಟು ಉಲ್ಲೆರ್. ಅಯಿಟುಲ ಬಗೆ ಬಗೆ ಬಗತ ಪಾಯಸೊ ಲೆಡ್ ಕಡ್ಲೆ ಬೇಳೆದ ಪಾಯಸ ತುಳುನಾಡುದಕಲೆಗ್ ಬಾರೀ ಮೆಚ್ಚಿನ. ಅತ್ತಂದೆ ಈ ಕಡ್ಲೆ ಬೇಳೆದ ಪಾಯಸ ಜೀವೊದ ಆರೋಗ್ಯಕುಲ ಎಡ್ಡೆ. ಮುಲ್ಪ ಇತ್ತೆ ಕಡ್ಲೆ ಬೇಳೆದ ಪಾಯಸ ಸುಲಭ ವಿಧಾನೊಡು ಮನ್ಪುನ ಕ್ರಮೊನು ತೆರಿಗ.

ಕಡ್ಲೆ ಬೇಳೆದ ಪಾಯಸ

ಕಡ್ಲೆ ಬೇಳೆದ ಪಾಯಸ ಮನ್ಪರೆ ಬೋಡಾಪಿನ ಸಾಮಗ್ರಿಲು

ಕಡ್ಲೆ ಬೇಳೆ - ಅರ್ಧ ಲೋಟೆ, ಸಕ್ಕರೆ - ಅರ್ಧ ಲೋಟೆ, ಬೆಲ್ಲ - ಕಾಲು ಲೋಟೆ , ತಾರಾಯಿದ ಪೂ- ಒಂಜಿ ಲೋಟೆ, ಏಲಕ್ಕಿ - 4-5, ಪೆತ್ತದ ನೈ, ಒಂತೆ ಗೊಂಕುದ ಬೀಜ ಬೊಕ ಒಂತೆ ನುಂಗುದಿನ ದ್ರಾಕ್ಷಿ .

ಕಡ್ಲೆ ಬೇಳೆ ಪಾಯಸ ಮನ್ಪನ ವಿಧಾನೊ

ಸುರುಕಾದ್ ಕಡ್ಲೆ ಬೇಳೆನ್ ಪೊರ್ಲುಡು ದೆಕ್ಕುದು ನೀರ್ ಪಾಡುದು ಒಂಜಿ ಬಾಜನೊಡು ಬೇಯರೆ ದೀವೊಡು. ಅವು ಬೇಯೊಂದು ಇತ್ತಿನ ಲೆಕ್ಕ ನೇ, ಇಂಚಿಡ್ ತಾರಾಯಿದ ಪೂ ಬೊಕ್ಕ ಏಲಕ್ಕಿ ಪೂರಾ ಒಟ್ಟುಗು ಪಾಡುದು ,ಒಂತೆ ನೀರು ಪಾಡುದು ಸಣ್ಣ ಕಡೆಯೊಡು.ಬೊಕ ಬೇಯೊಂದು ಇತ್ತಿನ ಕಡ್ಲೆಬೇಳೆ ಕುದಿನಗ, ಬೆಲ್ಲ ಬೊಕ್ಕ ಸಕ್ಕರೆನ್ ಸೇರಾದು ಕುಡ ಒಂತೆ ಪೊರ್ತು ಕೊದಿಪಾವೊಡು. ಕೊದಿ ಬೊಕ್ಕ , ಕಡೆದಿನ ಮಿಶ್ರಣೊಲೆನ್ ಉಂದೆಕ್ ಸೇರಾದು 2 ನಿಮಿಷೊ ಕಾಲೊ ಕೊದಿಪಾವೊಡು. ಬೊಕ್ಕ ಪೆತ್ತೊದ ನೈ ಟ್ ಗೊಂಕುದ ಬೀಜೊಲೆನ್ ಬೊಕ್ಕ ನುಂಗುದಿನ ದ್ರಾಕ್ಷಿಲೆನ್ ಪೊತ್ತುದು ಪಾಯಸೊಗು ಸೇರಿಸಾಂಡ ರುಚಿಕರವಾಯಿನ ಪಾಯೊಸ ಸವಿಯರೆ ತಯಾರ್ .

ಮರ್ದುದ ಅಂಶೊಲು

ಕಡ್ಲೆ ಬೇಳೆದ ಪಾಯೊಸ ರುಚಿಯಾಯಿನ ಪೌಷ್ಟಿಕ ತಿಂಡಿ. ಅಂಚ ಉಂದು ಆರೋಗ್ಯಕ್ಲ ಎಡ್ಡೆ. ಕಡ್ಲೆ ಬೇಳೆ ದೇಹೊಗು ಅವಶ್ಯಕವಾಯಿನ ಪ್ರೊಟೀನ್‌ ಕೊರುಂಪುಂಡು. ಕಡ್ಲೆಡ್ ನಾರು ದ ಅಂಶ ಜಾಸ್ತಿ ಅಂಚ ಜೀರ್ಣಕ್ರಿಯೆಗ್ ಮಸ್ತ್ ಉಪಕಾರಿ ಆಪುಂಡು.