ಕನಪಾಡಿ

ವಿಕಿಪೀಡಿಯರ್ದ್
Jump to navigation Jump to search

ಕನಪಾಡಿ[ಸಂಪೊಲಿಪುಲೆ]

ಕನಪಾಡಿ ಪಂಡ್ ದ್ ಒಂಜಿ ಊರುದ ಪುದರ್. ಇಂದು ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳೊದ ಕಳ್ಳಿಗೆ ಪನ್ಪಿನ ಗ್ರಾಮೊದ ಕಿನ್ಯ ಪ್ರದೇಸೊ[೧]. ಈ ಪ್ರದೇಸೊದ ಪದೊ ಉತ್ಪತ್ತಿ ಪಂಡ ಸ್ಥಳ ನಾಮೊ ಎಂಚ ಬತ್ತಡ್ ಪನ್ಪಿನೆತ ಒರುಟು ಕೆಲವು ಸಂಗತಿಲು. ಕನಪಾಡಿ ಪನ್ನಗ ರಡ್ಡ್ ಬಗೆಟ್ ನಿಷ್ಪತ್ತಿ ಉಂಡು. ಒಂಜಿ, ಕನಪಾಯೆ, ಕನಪಾಯ ಪಂಡ್ದ್ ದಲಿತ ವರ್ಗದ ಒರಿ ಜವನೆನ ಪುದರ್. ಕುಡೊಂಜಿ ನಿಷ್ಪತ್ತಿ ಇಂಚ ಉಂಡು. ಕನಪಾಡಿತ್ತಾಯ ದೈವ ನಿಲೆ ಆಯಿನೆರ್ದ್ ಈ ಪ್ರದೇಸೊಗು ಕನಪಾಡಿ ಪನ್ಪಿನ ಪುದರ್ ಬತ್ತ್ಂಡ್. ಈ ಸಂಗತಿಲೆನ ನಿಲೆಟ್ ಕುಡೊಂಜಿ ಬಗೆತ ಮಾಹಿತಿಲಾ ನಮಕ್ ತಿಕ್ಕುಂಡು. ಅವು ಸ್ಥಳನಾಮದ ಬಗೆಟ್ ಬಿನ್ನವಾಯಿನ ,ವಾಸ್ತವೊಗು ಕೈತಲಾಯಿನ ನಿಷ್ಪತ್ತಿ. ಕನಪಾಡಿ ಪಂಡ ಕನೆ ಇತ್ತಿನ ಪಾಡಿ. ಕನೆ ಪಂಡ ಬೆದ್ರ್ದ ಜಾತಿ. ಕನ್ನಡೊಡು ಬಿದಿರು ಪನ್ಪರ್. ಅಂಚಾದ್ ಕನೆ ಇತ್ತಿನ ಪಾಡಿನ್ ಕನಪಾಡಿ ಆದುಪ್ಪು. ಇಂದೆತ್ತ ಒಟ್ಟಿಗ್ ಆಧಾರವಾದ್ ಕನಪಾಡಿದ ಕೈತಲ್ ಬೆದ್ರಾಡಿ ಪನ್ಪಿನ ಪ್ರದೇಸೊ ಉಂಡು. ಬೆದ್ರ್ ಇತ್ತಿನ ಪಾಡಿ ಬೆದ್ರಾಡಿ ಆತ್ಂಡ್. ಶಬ್ದ ಉತ್ಪತ್ತಿದ ನಿಲೆಟ್ ಇಂಚ ಬೇತೆ ಬೇತೆ ಮರ್ಗಿಲ್ ದ ಮಾಹಿತಿಲು ತಿಕ್ಕುವ.

ಉಲ್ಲೇಕೊ[ಸಂಪೊಲಿಪುಲೆ]

  1. https://villageinfo.in/karnataka/dakshina-kannada/bantval/kallige.html
"https://tcy.wikipedia.org/w/index.php?title=ಕನಪಾಡಿ&oldid=134417"ಡ್ದ್ ದೆತ್ತೊಂದುಂಡು