ಕರ್ನಾಟಕೊಡು ೨೦೨೦ ಕೊರೋನಾವೈರಸ್ ಸೀಕ್

ಕರ್ನಾಟಕೊಡು ೨೦೨೦ ಕೊರೋನಾವೈರಸ್ ಸೀಕ್
ಕರ್ನಾಟಕೊಡು ೨೦೨೦ ಕೊರೋನಾವೈರಸ್ ಸೀಕ್
	ಜಿಲ್ಲಾವಾರು ಪ್ರಕರಣೊಲು ತೋಜಾವುನ ನಕಾಶೆ ೩೦ಡ್ದ್ ಜಾಸ್ತಿ ಖಚಿತ ಪ್ರಕರಣೊಲು ೧೦-೨೯ ಮುಟ್ಟ ಜಾಸ್ತಿ ಖಚಿತ ಪ್ರಕರಣೊಲು ೧-೯ ಮುಟ್ಟ ಜಾಸ್ತಿ ಖಚಿತ ಪ್ರಕರಣೊಲು
ಸೀಕ್	ಕೋವಿಡ್-೧೯
ವೈರಸ್ ತಳಿ	ಸಾರ್ಸ್-ಕೋವ್-೨(SARS-CoV-2)
ಸ್ಥಾನೊ	ಕರ್ನಾಟಕ
ಸುರೂಟು ತೋಜಿದ್‍ಬತ್ತಿನಿ	ವೂಹಾನ್, ಹುಬೇ, ಚೀನಾ
ಮೂಲ	ವೂಹಾನ್, ಹುಬೇ, ಚೀನಾ
ಸದ್ಯ ಖಚಿತವಾಯಿನ ಪ್ರಕರಣೊಲು	೪೦,೯೬,೧೯೨
ಗುಣವಾಯಿನ ಪ್ರಕರಣೊಲು	೪೦,೫೫,೭೩೬
ತೀರಿನ ಪ್ರಕರಣೊಲು	೪೦,೩೯೯
ಪ್ರಾಂತ್ಯೊಲು	ಬೆಂಗಳೂರು ಗ್ರಾಮೀಣ, ಕಲ್ಬುರ್ಗಿ,; ಕೊಡಗು, ಚಿಕ್ಕಬಲ್ಲಾಪುರ, ಮೈಸೂರು, ; ಧಾರವಾಡ, ದಕ್ಷಿಣ ಕನ್ನಡ, ಉತ್ತರ ಕನ್ನಡ,; ದಾವಣಗೆರೆ, ಉಡುಪಿ, ತುಮಕೂರು, ಬಳ್ಳಾರಿ,; ಬೀದರ್, ಬಾಗಲಕೋಟೆ, ಬೆಳಗಾವಿ,; ಮಂಡ್ಯ, ಬೆಂಗಳೂರು ನಗರ, ಗದಗ
ಅಧೀಕೃತ ಜಾಲತಾಣ
	www.karunadu.karnataka.gov.in/hfw

ಕೊರೋನಾವೈರಸ್ ಸೀಕ್ ೨೦೧೯ ಕರ್ನಾಟಕ ರಾಜ್ಯೊಡು ಸುರೂಟು ತೋಜುದುಬತ್ತಿನಿ ೯ನೇ ಮಾರ್ಚಿ ೨೦೨೦ನೇ ಇಸವಿದಾನಿ. ಈ ಸೀಕ್‍ನ್ ಸಾಂಕ್ರಾಮಿಕ ರೋಗಗಳ ಕಾಯ್ದೆ, ೧೮೯೭ತ ಅಡಿಟ್ ಸಾಂಕ್ರಾಮಿಕ ಕಾಯಿಲೆ ಪಂಡ್‍ದ್ ಘೋಷಣೆ ಮಲ್ತೆರ್^[೨]^[೩].

ಸೀಕ್‍ದ ಕಾಲಪಟ್ಟಿ

ಫೆಬ್ರವರಿ

೨೪ನೇ ಫೆಬ್ರವರಿ

ಬೆಂಗಳೂರು ಪೇಂಟೆಡ್‍ದ್ ಪಿದಯಿ ಉಪ್ಪುನ ಐಟಿ ಕಂಪೆನಿಡ್ ಬೇಲೆ ಮಲ್ಪಿನ ಹಾಸ್ಟೆಲ್(ಪಿಜಿ)ಡ್ ಉಪ್ಪುನ ಒರಿ, ಕಂಪೆನಿದ ಬೇಲೆಗಾದ್ ಫೆಬ್ರವರಿ ೧೫ನೇ ತಾರೀಕ್‍ಗ್ ದುಬಾಯಿಗ್ ಪೋದು ೨೦ನೆ ತಾರೀಕ್‍ಗ್ ಪಿರ ಬರ್ಪೆರ್. ೨೦ ಬೊಕ್ಕ ೨೧ಕ್ ತನ್ನ ಆಫೀಸ್‍ಗ್ ಬರ್ಪೆರ್. ೨೪ನೇ ತಾರೀಕ್‍ಗ್ ಹೈದರಾಬಾದ್‍ಗ್ ಪೋಪೆರ್, ಅವುಲು ಮೇರೆನ ನೆತ್ತೆರ್‌ ಪರೀಕ್ಷೆ ಮಲ್ಪನಗ ಸೀಕ್ ಇತ್ತಿನ ಗೊತಾಂಡ್^[೪].

ಮಾರ್ಚಿ

೯ನೇ ಮಾರ್ಚಿ

ಡೆಲ್ ಕಂಪನಿದ ಸಾಫ್ಟ್‌ವೇರ್ ಇಂಜಿನಿಯರ್ ಒರಿ ೨೮ನೇ ತಾರೀಕ್‌ಗ್ ಟೆಕ್ಸಾಸ್‌(ಅಮೇರಿಕಾ)ಡ್ದ್ ಪಿದಾಡ್‍ದ್ ನ್ಯೂಯಾರ್ಕ್ ಬೊಕ್ಕ ದುಬಾಯದ ಸಾದಿಯಾದ್ ಬೆಂಗಳೂರುಗು ಬರ್ಪೆರ್. ಮಾರ್ಚಿ ೧ನೇ ತಾರೀಕ್‍ಗ್ ದುಂಬೇ, ಮೇರೆಗ್ ಸೀಕ್ ಉಂಡು ಪಂಡ್‍ದ್ ಗೊತಾಪುಂಡು. ಈ ಸೀಕ್ ಮೆರೆನ ಬುಡೇದಿ, ಮಗಲ್ ಬೊಕ್ಕ ಮೆರೆನ ನನೊರಿ ಸಹೋದ್ಯೋಗಿಗ್‍ಲಾ ಪಗರ್‌ದ್ ಆಸ್ಪತ್ರೆಗ್ ದಾಖಲಾಪೆರ್^[೫].

೧೦ನೇ ಮಾರ್ಚಿ

ಪರದೇಸೊಗು ಪೋತಿನ, ಮೈಂಡ್‍‌ಟ್ರೀ ಕಂಪೆನಿದ ಬೇಲೆದಾರ್ ೧೦ನೇ ಮಾರ್ಚಿಗ್ ಬೆಂಗಳೂರುಗು ಪಿರ ಬರ್ಪೆರ್. ಮೆರೆನ್ ಪರೀಕ್ಷಿಸಾನಗ ಸೀಕ್ ಉಂಡು ಪಂಡ್‍ದ್ ಗೊತಾಪುಂಡು. ಮೆರೆನ ಬುಡೇದಿ, ಮಗಲೆಗ್‍ಲಾ ಪಗರ್‌ದ್ ಆಸ್ಪತ್ರೆಗ್ ದಾಖಲಾಪೆರ್^[೫].

೧೨ನೇ ಮಾರ್ಚಿ

ಗ್ರೀಸ್‍ ದೇಸೊಡ್ದು ಪಿರ ಬತ್ತಿನ ಗೂಗಲ್ ಕಂಪನಿದ ಬೇಲೆದಾರ್ ಒರಿಯಗ್ ಸೀಕ್ ಇಪ್ಪುನ ಗೊತಾಪುಂಡು. ಆಂಡ ಇಂಬೆರೆನ ಬುಡೆದಿ, ತಾನ್ ವಾ ದೇಸೊಲೆಗ್ ಮಾತ ಪೋತೆ ಪನ್ಪುನೆನ್ ಆರೋಗ್ಯ ಇಲಾಖೆಗ್ ಪಣಂದೆ ಇಪ್ಪುವೆರ್. ಅತ್ತಂದೆ ತನ್ನ ಸ್ವಂತ ಊರಾಯಿನ ಆಗ್ರಾ(ಉ.ಪ.)ಗ್ ಪೋಪೆರ್^[೬].

ಅವ್ವೆ ದಿನ, ಕಲ್ಬುರ್ಗಿ ಜಿಲ್ಲೆಡ್ ೭೬ ವರ್ಷ ಪ್ರಾಯದ ಒರಿ ಆಂಜವು ತೀರುವೆರ್. ಮೇರ್ ಫೆಬ್ರವರಿ ೨೯ನೇ ತಾರೀಕ್‍ಗ್ ಸೌದಿ ಅರೇಬಿಯಡ್ದ್ ಪಿರ ಬರ್ಪೆರ್^[೬]. ಇಡೀ ಭಾರತ ದೇಸೊಡು, ಉಂದು ಕೊರೋನಾ ಸೀಕ್‍ದ ಕಾರಣ ತೀರಿನ ಸುರೂತ ಪ್ರಕರಣ.

೧೫ನೇ ಮಾರ್ಚಿ

ಕಲ್ಬುರ್ಗಿ ಜಿಲ್ಲೆಡ್ ತೀರಿನ ಆಂಜವುನ ಮಗಲೆಗ್‍ಲಾ ಸೀಕ್ ಪಗರ್‌ದಿಪ್ಪುಂಡು^[೭].

೧೬ನೇ ಮಾರ್ಚಿ

೩೨ ವರ್ಷ ಪ್ರಾಯದ ಆಂಜವು ಅಮೇರಿಕಾಡ್ದ್ ಲಂಡನ್ ಮೂಲಕವಾದ್ ಪಿರ ಬರ್ಪೆರ್. ಆರೆಗ್‌ಲಾ ಕೊರೋನಾ ಸೀಕ್ ಉಪ್ಪುನ ತೆರಿದ್ ಬರ್ಪುಂಡು^[೮].

೧೭ನೇ ಮಾರ್ಚಿ

ಒಂಜೇ ದಿನ ಮೂಜಿ ಪ್ರಕರಣೊಲು ತೋಜುದು ಬರ್ಪುಂಡು- ೧) ಯುಕೆಗ್ ಪ್ರಯಾಣ ಮಲ್ತಿನ, ೨೦ ವರ್ಷ ಪ್ರಾಯೊದ ಪೊಂಜವು^[೯] ೨)ಕಲಬುರ್ಗಿಡ್ ತೀರಿನ ಆಂಜವುಗು ಚಿಕಿತ್ಸೆ ಕೊರಿನ ೬೩ ವರ್ಷ ಪ್ರಾಯೊದ ಡಾಕ್ಟ್ರ್^[೧೦] ೩)೯ನೇ ತಾರೀಕ್‍ಗ್ ದುಬಾಯಿಡ್‍ದ್ ಗೋವಾ ಮೂಲಕವಾದ್ ಬೆಂಗಳೂರುಗು ಬತ್ತಿನ, ೬೭ ವರ್ಷ ಪ್ರಾಯೊದ ಪೊಂಜವು- ಮೇರೆಗ್ ಸುಮಾರ್ ವರ್ಷಡ್‍ದಿಂಚಿ ಕಿಡ್ನಿದ ಸಮಸ್ಯೆ ಇತ್ಂಡ್.

೧೮ನೇ ಮಾರ್ಚಿ

ಕುಡಲಾ ಮೂಜಿ ಪ್ರಕರಣೊಲು ತೋಜುದು ಬರ್ಪುಂಡು- ೧)೬ನೇ ತಾರೀಕ್‍ಗ್ ಅಮೇರಿಕಾಡ್‌ದ್ ಪಿರ ಬತ್ತಿನ ೫೬ ವರ್ಷ ಪ್ರಾಯೊದ ಆಂಜವು ೨)ಸ್ಪೈನ್ ದೇಸೊಡ್ದ್ ಪಿರ ಬತ್ತಿನ, ೨೬ ವರ್ಷದ ಪೊಂಜವು^[೧೧] ೩)ಮಾರ್ಚಿ ೧೦ನೇ ತಾರೀಕ್‍ಗ್ ಅಮೇರಿಕಾಡ್‌ದ್ ಪಿರ ಬತ್ತಿನ ೩೫ ವರ್ಷ ಪ್ರಾಯೊದ ಆಂಜವು^[೧೨].

೧೯ನೇ ಮಾರ್ಚಿ

ಕೊಡಗು ಜಿಲ್ಲೆದ ಒರಿ ಆಂಜವು ದುಬಾಯಿಗ್ ಪೋತಿನಾರ್ ಮಾರ್ಚಿ ೧೫ಕ್ ಬೆಂಗಳೂರುಗ್ ಪಿರ ಬರ್ಪೆರ್ ಆರೆಗ್ಲಾ ಸೀಕ್ ಉಂಡು ಪಂಡ್‍ದ್ ಗೊತಾಪುಂಡು^[೧೩].

೨೧ನೇ ಮಾರ್ಚಿ

ಒಟ್ಟು ೫ ಪ್ರಕರಣೊಲು ತೋಜುದು ಬರ್ಪುಂಡು^[೧೪] ೧)೫೩ ವರ್ಷ ಪ್ರಾಯೊದ ಬೆಂಗಳೂರುದ ಇಲ್ಲಕೆಲಸದ ಪೊಂಜವು (೯ನೇ ತಾರೀಕ್‍ಗ್ ದುಬಾಯಿಡ್‍ದ್ ಗೋವಾ ಮೂಲಕವಾದ್ ಬೆಂಗಳೂರುಗು ಬತ್ತಿನ, ೬೭ ವರ್ಷ ಪ್ರಾಯೊದ ಪೊಂಜವುನ ಇಲ್ಲಕೆಲಸ ಮಲ್ತೊಂದಿತ್ತಿನಾರ್) ೨)ಬೆಂಗಳೂರುದ, ೩೯ ವರ್ಷ ಪ್ರಾಯೊದ ಆಂಜವು ೩)೨೧ ವರ್ಷ ಪ್ರಾಯೊದ ಪೊಂಜವು ೪)ಚಿಕ್ಕಬಳ್ಳಾಪುರ ಜಿಲ್ಲೆದ, ೩೨ ವರ್ಷ ಪ್ರಾಯೊದ ಆಂಜವು- ಮೇರ್ ಮೆಕ್ಕಾಗ್ ಪೋದಿತ್ತೆರ್^[೧೫] ೫)೧೯ನೇ ತಾರೀಕ್‍ಗ್ ದುಬಾಯಿಡ್‍ದ್ ಬೆಂಗಳೂರುಗು ಬತ್ತಿನ ೩೫ ವರ್ಷ ಪ್ರಾಯೊದ ಆಂಜವು^[೧೬].

೨೨ನೇ ಮಾರ್ಚಿ

ಒಂಜೇ ದಿನ ೬ ಜನಕ್ ಸೀಕ್ ಪಗರ್‌ದಿಪ್ಪುನ ತೋಜುದು ಬರ್ಪುಂಡು^[೧೭].

೨೩ನೇ ಮಾರ್ಚಿ

ಒಂಜೇ ದಿನ ೭ ಪ್ರಕರಣೊಲು ತೋಜುದುಬರ್ಪುಂಡು ಐಟ್ ರಡ್ ಜನ (ಪಿ#೨೭ ಬೊಕ್ಕ ಪಿ#೩೩) ಕೇರಳ ರಾಜ್ಯೊದಕುಲು, ಇರುವೆರ್‌ಲಾ ದುಬಯಿಗ್ ಪೋದು ಬತ್‌ದಿಪ್ಪುವೆರ್. ಅಕಲೆಗ್ ಬೆಂಗಳೂರು ಬೊಕ್ಕ ಮೈಸೂರುಡು ಮರ್ದ್ ದೆತೊನುವೆರ್. ನನ ೪ ಜನ (ಪಿ#೨೮ ಪಿ#೨೯ ಪಿ#೩೧ ಪಿ#೩೨) ಕ್ರಮವಾದ್ ದುಬೈ, ಯುಕೆ, ಯುಕೆ ಬೊಕ್ಕ ಜರ್ಮನಿಡ್‌ದ್ ಬೆಂಗಳೂರುಗು ಪಿರ ಬತ್ತಿನಕುಲು. ನನೊರ್ತಿ ಪೊಂಜವುಗ ಪಿ#೧೭(ಆಂಜವು)ನ ಬುಡೇದಿ^[೧೮].

೨೪ನೇ ಮಾರ್ಚಿ

ಕೇರಳ ರಾಜ್ಯೊಡ್‍ದು ಬೆಂಗಳೂರುಗು ಬತ್ತಿನ ಮೂಜಿ ಜನಲಾ ಸೇರ್‌ದ್ ಒಟ್ಟು ೮ ಜನಕ್ ಸೀಕ್ ಪಗರ್ದ್ಂಡ್ ಪಂಡ್‌ದ್ ಗೊತಾಪುಂಡು^[೧೯].

೨೫ ಮಾರ್ಚಿ

ಒಟ್ಟು ೧೦ ಜನಕ್ಲೆಗ್ ಸೀಕ್ ಪಗರ್‌ದಿಪ್ಪುಂಡು. ನೆತ್ತೊಟ್ಟುಗು ಕರ್ನಾಟಕ ರಾಜ್ಯೋಡು ಒಟ್ಟು ೫೧ ಜನಕ್‌ಲೆಗ್ ಸೀಕ್ ಪಗರ್‌ದಿನ ಲೆಕ್ಕ ಸಿಕ್ಕುಂಡು^[೨೦].

೨೬ನೇ ಮಾರ್ಚಿ

೪ ಪ್ರಕರಣೊಲು ತೋಜುದುಬರ್ಪುಂಡು. ಐಟ್ ಒರಿ ಮೈಸೂರುದಾರ್ (ಆಂಜವು, ೩೫ ಪ್ರಾಯ) ಆರ್ ಪರದೇಸೊಗುಲಾ ಪೋತಿಜೆರ್ ಬೊಕ್ಕ, ಕೊರೋನಾ ಸೀಕ್ ಬತ್ತಿನಕಲ್ನೊಟ್ಟುಗು ಸಂಪರ್ಕೊಗುಲಾ ಬೈದಿಜೆರ್^[೨೧]^[೨೨].

೨೭ನೇ ಮಾರ್ಚಿ

೯ ಪ್ರಕರಣೊಲು ತೋಜುದುಬರ್ಪುಂಡು. ಐಟ್ ಒರಿ ಆಂಜವು(೬೫ ವರ್ಷ), ಏಪನಾ ದೆಹಲಿಗ್ ಪೋದ್ ಬತ್ತಿನಾರ್ ತುಮಕೂರುಡು ತೀರುವೆರ್. ಅಂಚನೆ, ದ.ಕ. ಜಿಲ್ಲೆಡ್ ೧೦ ತಿಂಗೊಲ್ ಪ್ರಾಯೊದ ಆಣ್ ಬಾಲೆ ಕೊರೋನಾ ಸೀಕ್‌ಡ್‌ದಾವರ ತೀರ್‌ದ್ ಪೋಪುಂಡು. ಈ ಬಾಲೆದೊಟ್ಟುಗು ಬಾಲೆದ ಅಪ್ಪೆ ಅಮ್ಮೆರ್ ಕೇರಳಗ್ ಪೋದು ಬತ್ತಿಪ್ಪುವೆರ್. ಅಂಚಾದ್ ಸೀಕ್ ಬತ್ತಿಪ್ಪುವಾ ಪಂಡ್‍‍ದ್ ಪರೀಕ್ಷಿಸಾವೊಂದುಲ್ಲೆರ್^[೨೩].

೨೮ನೇ ಮಾರ್ಚಿ

೧೨ ಪ್ರಕರಣೊಲು ತೋಜುದುಬರ್ಪುಂಡು. ಐಟ್ ೨ ಜನ ಪರದೇಸೊಗು ಪೋದು ಬತ್ತಿನ ತಿರ್ಗಾಟೊದ ಇತಿಹಾಸ ಇತ್ತಿನಕುಲು, ಬೊಕ್ಕ ೧೦ ಜನ ಪರದೇಸೊಗು ಪೋದುಬತ್ತಿನಕುಲೊಟ್ಟುಗು ಸಂಪರ್ಕೊಡು ಇತ್ತಿನಕುಲು^[೨೪].

೨೯ನೇ ಮಾರ್ಚಿ

೭ ಜನಕ್ಲೆಗ್ ಸೀಕ್ ಪಗರ್‌ದಿಪ್ಪುಂಡು. ಐಟ್ ೫ ಜನ ನಂಜನಗೂಡುಡು ಉಪ್ಪುನ ಮರ್ದ್‌ದ ಕಾರ್ಖಾನೆಡ್ ಬೇಲೆ ಮಲ್ಪುನಕುಲು. ಈ ಕಾರ್ಖಾನೆದ ಬೇಲೆದಕುಲೆಗ್ ಸೀಕ್ ಬತ್ತಿನ ಗೊತ್ತಾಯಿನೆಡ್ದ್ ಬೊಕ್ಕ ಇಡೀ ನಂಜನಗೂಡು ಪೇಂಟೆನ್ ಬಂದ್ ಮಲ್ಪುವೆರ್. ನನ ೨ ಜನಟ್ ಒರಿ ದುಬಾಯಿಗ್ ಬೊಕ್ಕ ನನೊರಿ ಕೇರಳಗ್ ಪೋದ್ ಬತ್ತಿನಾರ್^[೨೫].

೩೦ನೇ ಮಾರ್ಚಿ

೫ ಜನಕ್ಲೆಗ್ ಸೀಕ್ ಪಗರ್‌ದಿಪ್ಪುಂಡು. ಐಟ್ ನಂಜನಗೂಡು ಮರ್ದ್‌ದ ಕಾರ್ಖಾನೆಡ್ ಬೇಲೆಡಿತ್ತಿನ ೪ ಜನ, ನನೊರಿ ತುಮಕೂರುದ ೧೩ ವರ್ಷ ಪ್ರಾಯದ ಆಣ್^[೨೬].

೩೧ನೇ ಮಾರ್ಚಿ

ಒಂಜೇ ದಿನ ೧೩ ಪ್ರಕರಣೊಲು ತೋಜುದುಬರ್ಪುಂಡು. ನೆಟ್ ಕುಡ ನಂಜನಗೂಡು ಮರ್ದ್‌ದ ಕಾರ್ಖಾನೆಡ್ ಬೇಲೆದಕುಲೇ ೨ ಜನ, ೩ ಜನ ಬಳ್ಳಾರಿದಕುಲು ಬೆಂಗಳೂರುಡು ಇತ್ತಿನಕುಲು, ೧ ಜನ ಬೆಂಗಳೂರುದಾರ್ ತಿರ್ಗಾಟೊದ ಇತಿಹಾಸ ದಾಂತಿನಾರ್^[೨೭].

ಏಪ್ರಿಲ್

೧ನೇ ಏಪ್ರಿಲ್

೯ ಪೊಸ ಪ್ರಕರಣೊಲು ತೋಜುದುಬರ್ಪುಂಡು^[೨೮].

೨ನೇ ಏಪ್ರಿಲ್

೧೪ ಪೊಸ ಪ್ರಕರಣೊಲು ತೋಜುದುಬರ್ಪುಂಡು. ನೆಟ್ ೨ ನಂಜನಗೂಡುದಕುಲು, ೧೧ ಜನ ಬೀದರ್ ಜಿಲ್ಲೆಡ್‍ದ್ ದೆಹಲಿಗ್ ತಬ್ಲಿಘಿ ಜಮಾತ್‍ಗ್ ಪೋದುಬತ್ತಿನಕುಲು^[೨೯]^[೩೦].

೩ನೇ ಏಪ್ರಿಲ್

೩ ಜನ ಬೆಳಗಾವಿ ಜಿಲ್ಲೆಡ್‍ದ್ ದೆಹಲಿಗ್ ತಬ್ಲಿಘಿ ಜಮಾತ್‍ಗ್ ಪೋದುಬತ್ತಿನಕುಲು, ನನೊರಿ ಬಾಗಲಕೋಟೆದ ೭೦ ವರ್ಷ ಪ್ರಾಯೊದ ಆಂಜವು. ಒಟ್ಟಿಗೆ ೪ ಜನಕ್ಲೆಗ್ ಸೀಕ್ ಪಗರ್‌ದಿಪ್ಪುಂಡು^[೩೧]^[೩೨].

೪ನೇ ಏಪ್ರಿಲ್

ಬಾಗಲಕೋಟೆದ ೭೦ ವರ್ಷ ಪ್ರಾಯೊದ ಆಂಜವು ತೀರುವೆರ್, ನೆತ್ತೊಟ್ಟುಗು ಕುಡ ೧೬ ಪೊಸ ಪ್ರಕರಣೊಲು ತೋಜುದುಬರ್ಪುಂಡು^[೩೩].

೫ನೇ ಏಪ್ರಿಲ್

ಒಟ್ಟು ೭ ಜನಕ್ಲೆಗ್ ಸೀಕ್ ಪಗರ್‌ದಿಪ್ಪುಂಡು. ಐಟ್ ೨ ಜನಕುಲು ದುಬಾಯಿಗ್ ಪೋದುಬತ್ತಿನಕುಲು. ೫ ಜನ ದೆಹಲಿಗ್ ತಬ್ಲಿಘಿ ಜಮಾತ್‍ಗ್ ಪೋದುಬತ್ತಿನಕುಲು^[೩೪].

೬ನೇ ಏಪ್ರಿಲ್

೧೨ ಪೊಸ ಪ್ರಕರಣೊಲು ತೋಜುದುಬತ್‌ಂಡ್^[೩೫]

೭ನೇ ಏಪ್ರಿಲ್

೧೨ ಪೊಸ ಪ್ರಕರಣೊಲು ತೋಜುದುಬತ್‌ಂಡ್^[೩೪].

ಜಿಲ್ಲಾವಾರು ಪ್ರಕರಣೊಲೆನ ಪಟ್ಟಿ

ಕ್ರ. ಸಂ.	ಜಿಲ್ಲೆ	ಒಟ್ಟು ಖಚಿತವಾಯಿನ ಪ್ರಕರಣೊಲು	ಗುಣವಾಯಿನಕುಲೆನ ಸಂಖ್ಯೆ	ತೀರಿನಕುಲೆನ ಸಂಖ್ಯೆ	ಸಕ್ರಿಯವಾದುಪ್ಪುನ ಪ್ರಕರಣ
೧	ಬೆಂಗಳೂರು ನಗರ	೬೨	೧೬	೧	೪೫
೨	ಮೈಸೂರು	೩೫	0	0	೩೫
೩	ದಕ್ಷಿಣ ಕನ್ನಡ	೧೨	೪	0	೮
೪	ಉತ್ತರ ಕನ್ನಡ	೮	0	0	೮
೫	ಚಿಕ್ಕಬಳ್ಳಾಪುರ	೭	0	೦	೭
೬	ಕಲ್ಬುರ್ಗಿ	೭	೨	೧	೪
೭	ಬಳ್ಳಾರಿ	೬	0	0	೬
೮	ದಾವಣಗೆರೆ	೩	೨	೦	೧
೯	ಉಡುಪಿ	೩	0	0	೩
೧೦	ಧಾರವಾಡ	೧	0	0	೧
೧೧	ಕೊಡಗು	೧	0	0	೧
೧೨	ತುಮಕೂರು	೧	0	೧	೧
೧೩	ಬೀದರ್	೧೦	0	0	೧೦
೧೪	ಬಾಗಲಕೋಟೆ	೫	0	೧	೪
೧೫	ಬೆಳಗಾವಿ	೭	0	0	೭
೧೬	ಬೆಂಗಳೂರು ಗ್ರಾಮಾಂತರ	೩	೧	0	೨
೧೭	ಗದಗ	೧	೦	೦	೧
೧೬	ಮಂಡ್ಯ	೩	೦	೦	೩
ಒಟ್ಟು		೧೭೫	೨೫	೪	೧೪೬
ಏಪ್ರಿಲ್ ೭ನೇ ತಾರೀಕ್‌ಗ್ ಸಿಕ್ಕಿನ ವರದಿದ ಪ್ರಕಾರ

ಸರ್ಕಾರ ದೆತೊಂದಿನ ಕ್ರಮಕುಲು

ಕೊರೋನಾ ವೈರಸ್ ಸೀಕ್ ಶಾಲೆದ ಜೋಕುಲೆಗ್ ಪಗರ್ರೆ ಬಲ್ಲಿ ಪಂಡ್ದ್, ಪ್ರಾಥಮಿಕ ಬೊಕ ಪ್ರೌಢ ಶಿಕ್ಷಣ ಸಚಿವೆರಾಯಿನ ಎಸ್ ಸುರೇಶ್ ಕುಮಾರ್, ಖಾಸಗಿ, ಅನುದಾನಿತ ಬೊಕ್ಕ ಅನುದಾನರಹಿತ ಶಾಲೆಲೆನ ಬಾಕಿಲ್ ದೆಪ್ಪರೆ ಬಲ್ಲಿ ಪಂಡ್‍ದ್ ಸುತ್ತೋಲೆ ಕೊರಿಯೆರ್. ಅತ್ತಂದೆ, ೭ನೇ ಕ್ಲಾಸ್‌ಡ್ದ್ ೯ನೇ ಕ್ಲಾಸ್ ಮುಟ್ಟದ ಜೋಕುಲೆಗ್ ನಡಪೊಡಿತ್ತಿನ ವಾರ್ಷಿಕ ಪರೀಕ್ಷೆಲೆನ್ ದುಂಬು ನೂಕಿಯೆರ್.
ಮಾಲ್, ವಿಶ್ವವಿದ್ಯಾಲಯ ಬೊಕ್ಕ ಕಾಲೇಜ್, ಸಿನೆಮಾಮಂದಿರ- ಉಂದೆನ್ ಮಾತ ಬಾಕಿಲ್ ದೆಪ್ಪರೆ ಬಲ್ಲಿ ಪಂಡೆರ್ ಅತ್ತಂದೆ, ಮದ್ಮೆ, ಒವ್ವೆ ಸಭೆ-ಸಮಾರಂಭೊಲೆನ್ ಮಲ್ಪರೆ ಬಲ್ಲಿ ಪಂಡ್‍‍ದ್ ನಮ್ಮ ರಾಜ್ಯೊದ ಮುಖ್ಯಮಂತ್ರಿಲಾಯಿನ ಬಿ ಎಸ್ ಯಡಿಯೂರಪ್ಪೆರ್ ಆದೇಶ ಮಲ್ತೆರ್.
ಕೇರಳದ ಕಾಸರಗೋಡು ಜಿಲ್ಲೆಡ್ ಕೊರೋನಾ ಸೀಕ್‍ದ ೬ ಪ್ರಕರಣೊಲು ತೋಜಿದ್ ಬತ್ತಿನೆಡ್‍ದಾವರ,ಕೇರಳ ರಾಜ್ಯೊಡ್ದು ನಮನ ರಾಜ್ಯೊಗು ಸೀಕ್ ಪಗರರೆ ಬಲ್ಲಿ ಪಂಡ್‍ದ್ ಕರ್ನಾಟಕ-ಕೇರಳ ಗಡಿನ್ ಮುಚ್ಚರೆ ಕರ್ನಾಟಕ ಸರ್ಕಾರ ಆದೇಶ ಕೊರ್ಪುಂಡು.
ಕಾರ್ಯಪಡೆದೊಟ್ಟುಗು ನಡತ್ತಿನ ೨ನೇ ಸುತ್ತುದ ಪಾತೆರಕತೆ ಮುಗಿತ್ತ್‌ದ್ ನಮ ರಾಜ್ಯೊದ ಮುಖ್ಯಮಂತ್ರಿಲಾಯಿನ ಬಿ ಎಸ್ ಯಡಿಯೂರಪ್ಪೆರ್, ಕೊರೋನಾ ಸೀಕ್‍ದ ತೋಜುದುಬತ್ತಿನ ೯ ಜಿಲ್ಲೆಲೆನ್ (ಬೆಂಗಳೂರು ಗ್ರಾಮೀಣ ಮತ್ತು ಬೆಂಗಳೂರು ನಗರ ಜಿಲ್ಲೆ, ಚಿಕ್ಕಬಳ್ಳಾಪುರ ಜಿಲ್ಲೆ, ದಕ್ಷಿಣ ಕನ್ನಡ, ಧಾರವಾಡ, ಕಲಬುರ್ಗಿ, ಮೈಸೂರು, ಕೊಡಗು ಮತ್ತು ಬೆಳಗಾವಿ) ಲಾಕ್‌ಡೌನ್ ಮಲ್ಪುವೆರ್. (ಲಾಕ್‌ಡೌನ್‌ದ ಪೊರ್ತುಡು, ಅನಪತ್ಯೊ ಇತ್ಂಡ ಮಾತ್ರ್ ಪಿದಾಯಿ ಬರೊಲಿ. ಬೇತೆ ಒವ್ವೆ ಕಾರಣೊಗು ಜನಕುಲು ಪಿದಾಯಿ ತಿರ್ಗೆರೆ, ಗಾಡಿ ಪಿದಾಯಿ ಕನವೆರೆ ಬುಡ್ಪುಜೆರ್.)
ಉಂದೇ ಪೊರ್ತುಡು ಈ ಸೀಕ್ ಕುಡ ಜಾಸ್ತಿ ಜನಕುಲೆಗ್, ಊರುಗು ಪಗರ್ರೆ ಬಲ್ಲಿ ಪನ್ಪುನ ಉದ್ದೇಸ ದೀದ್ ಕೇಂದ್ರ ಸರಕಾರ, ಇಡೀ ದೇಸೊನು ೨೧ ದಿನ (ಮಾರ್ಚಿ ೨೫ಡ್ದ್-ಏಪ್ರಿಲ್ ೧೪ ಮುಟ್ಟ) ಲಾಕ್‌ಡೌನ್ ಮಲ್ಪೊಡು ಪನ್ಪಿನ ಮಾಮಲ್ಲ ನಿರ್ಧಾರೊನು ದೆತೊಂಬುಂಡು. ಈ ಪೊರ್ತುಡು ಮಾತಾ ರೀತಿದ ತಿರ್ಗಾಟೊಲು ಬಂದ್ ಆಪ. ದೇಸೊದುಲಾಯಿ ಬೊಕ್ಕ ಪರದೇಸೊಡ್ದು ನಮ ದೇಸೊದುಲಾಯಿ ಬರ್ಪುನ ವಿಮಾನಲೆಗ್ ಉಲಾಯಿ ಬರ್ರೆ ಇಜ್ಜಿ ಪಂಡೆರ್, ಮಲ್ಲ ಮಲ್ಲ ಕಾರ್ಖಾನೆಲು ಬಂದ್ ಆಯೊ, ರೈಲ್ವೇ ಸೇವೆಲಾ ಬಂದ್ ಆಂಡ್. ಆಂಡ, ಕೆಲವು ಅಗತ್ಯದ ಅಂಗಡಿಲೆಗ್(ದಿನನಿತ್ಯೊದ ಸಾಮಾನುಲು, ಮರ್ದ್‍ದ ಅಂಗಡಿ) ವ್ಯಾಪಾರ ಮಲ್ಪರೆ ಅವಕಾಸೊ ಕೊರಿಯೆರ್.
ವಲಸೆ ಕಾರ್ಮಿಕೆರೆಗ್ ವನಸ್ ತೆನಸ್‌ಗ್ ತೊಂದರೆ ಆವರೆಬಲ್ಲಿ ಪಂಡ್ದ್ ಅಕಲೆಗಾದ್ 155214 ಸಂಖ್ಯೆನ್ ಉಂಡುಮಲ್ತ್‌ದ್‌ಂಡ್.

ಕ್ವಾರಂಟೈನ್(ಇತ್ತಿನಲ್ಪನೇ ಇಪ್ಪುನೆ)

೪ನೇ ತಾರೀಕ್‍ ಮುಟ್ಟ ಸಿಕ್ಕಿನ ವರ್ತಮಾನದ ಪ್ರಕಾರ, ೩೨,೬೪೭ ಜನಕುಲೆನ್ ಪರೀಕ್ಷಿಸಾವರ ಆಸ್ಪತ್ರೆಡ್ ದಾಖಲಾಯೆರ್. ಐಟ್ ಸೀಕ್‌ದ ಲಕ್ಷಣ ತೂದು ೪೪೦ ಜನಕುಲೆನ್ ಬೇತೆನೇ ವಾರ್ಡ್‌ಡ್ ದೀದ್ ಮರ್ದ್ ಕೊರೊಂದುಲ್ಲೆರ್.

ವರ್ತಮಾನದ ಪ್ರಕಾರ ೨೩ನೇ ಮಾರ್ಚಿ ಮುಟ್ಟ ಅಂತರರಾಷ್ಟ್ರೀಯ ಪ್ರಯಾಣಿಕೆರೆನ ಪರೀಕ್ಷೆದ ಮಾಹಿತಿಲು ಮೂಲುಂಡು.

ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ- ಒಟ್ಟು ೮೯,೯೬೩ ಪ್ರಯಾಣಿಕೆರ್

ಮಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ- ಒಟ್ಟು ೩೧,೯೧೭

ಮಂಗಳೂರು ಬೊಕ್ಕ ಕಾರವಾರ ದಕ್ಕೆಡ್- ಒಟ್ಟು ೬,೦೨೨

ಸೀಕ್ಡ್‌ದಾವರ ಆಯಿನ ಆರ್ಥಿಕ ನಷ್ಟ

ಉಲ್ಲೇಕೊಲು

[Covid_Karnataka_Dashboard-1] ೧.೦ ^೧.೧ ^೧.೨ "Covid Karnataka Dashboard". covid19.karnataka.gov.in. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಕರ್ನಾಟಕ ಸರ್ಕಾರ. Archived from the original on 19 April 2020. Retrieved 12 March 2024.

[2] ttps://www.deccanherald.com/state/top-karnataka-stories/coronavirus-karnataka-becomes-first-state-to-invoke-provisions-of-epidemic-diseases-act-1897-amid-covid-19-fear-812850.html

[3] ttps://indiacode.nic.in/bitstream/123456789/10469/1/the_epidemic_diseases_act%2C_1897.pdf

[4] ttps://economictimes.indiatimes.com/tech/internet/one-intel-employee-in-bengaluru-potentially-exposed-to-coronavirus-under-quarantine/articleshow/74470605.cms

[economictimes.indiatimes.com-5] ೫.೦ ^೫.೧ https://economictimes.indiatimes.com/news/politics-and-nation/two-dell-mindtree-employees-tested-positive-for-coronavirus/articleshow/74575813.cms?from=mdr

[pharmaceutical-technology.com-6] ೬.೦ ^೬.೧ https://www.pharmaceutical-technology.com/news/india-covid-19-coronavirus-updates-status-by-state/

[7] ttps://www.thenewsminute.com/article/kin-karnataka-covid-19-victim-tests-positive-7th-case-state-120284

[8] ttps://www.firstpost.com/health/coronavirus-outbreak-highlights-covid-19-who-pandemic-quarantine-india-noida-bangalore-cases-alert-novel-latest-news-today-ipl-school-college-2-8152371.html

[9] ttps://www.indiatoday.in/india/story/coronavirus-covid-19-karnataka-2-new-cases-1656255-2020-03-17

[10] ttps://economictimes.indiatimes.com/news/politics-and-nation/karnataka-doctor-who-treated-coronavirus-infected-man-tests-positive/articleshow/74668969.cms

[11] ttps://timesofindia.indiatimes.com/city/bengaluru/two-more-positive-coronavirus-cases-reported-in-bengaluru/articleshow/74689486.cms

[12] ttps://www.deccanherald.com/state/top-karnataka-stories/three-more-covid-19-cases-in-karnataka-number-goes-up-to-14-815035.html

[13] ttps://www.deccanherald.com/state/karnataka-districts/kodagu-records-first-positive-case-of-covid-19-815389.html

[14] ttps://www.prajavani.net/district/bengaluru-city/5-cases-in-one-day-714221.html

[15] ttps://www.deccanherald.com/state/top-karnataka-stories/man-from-gauribidanur-in-karnataka-tests-positive-for-coronavirus-816011.html

[16] ttps://karunadu.karnataka.gov.in/hfw/kannada/nCovDocs/21-03-2020(English).pdf

[17] ttps://karunadu.karnataka.gov.in/hfw/kannada/nCovDocs/22-03-2020(English).pdf

[18] ttps://karunadu.karnataka.gov.in/hfw/kannada/nCovDocs/23-03-2020(English).pdf

[19] ttps://indianexpress.com/article/cities/bangalore/coronavirus-in-karnataka-38-cases-so-far-bengaluru-uses-drones-to-spray-disinfectants-6329577/

[20] ttps://karunadu.karnataka.gov.in/hfw/kannada/nCovDocs/25-03-2020(English).pdf

[21] ttps://www.businessinsider.in/india/news/coronavirus-cases-in-karnataka-news-and-updates/articleshow/74789874.cms

[22] ttps://karunadu.karnataka.gov.in/hfw/kannada/nCovDocs/26-03-2020(English).pdf

[23] ttps://karunadu.karnataka.gov.in/hfw/kannada/nCovDocs/27-03-2020(English).pdf

[24] ttps://karunadu.karnataka.gov.in/hfw/kannada/nCovDocs/28-03-2020(English).pdf

[25] ttps://karunadu.karnataka.gov.in/hfw/kannada/nCovDocs/29-03-2020(English).pdf

[26] ttps://karunadu.karnataka.gov.in/hfw/kannada/nCovDocs/30-30-2020(English).pdf

[27] ttps://karunadu.karnataka.gov.in/hfw/kannada/nCovDocs/31-03-2020(English).pdf

[28] ttps://karunadu.karnataka.gov.in/hfw/kannada/nCovDocs/01-04-2020(English).pdf

[29] ttps://timesofindia.indiatimes.com/city/hubballi/karnataka-11-people-linked-to-tablighi-meet-test-positive-for-covid-19-in-bidar/articleshow/74943189.cms

[30] ttps://karunadu.karnataka.gov.in/hfw/kannada/nCovDocs/02-04-2020(English).pdf

[31] ttps://www.newindianexpress.com/states/karnataka/2020/apr/02/70-year-old-man-tests-positive-in-karnataka-first-case-in-bagalkot-2124965.html

[32] ttps://karunadu.karnataka.gov.in/hfw/kannada/nCovDocs/03-04-2020(English).pdf

[33] ttps://karunadu.karnataka.gov.in/hfw/kannada/nCovDocs/04-04-2020(English).pdf

[karunadu.karnataka.gov.in-34] ೩೪.೦ ^೩೪.೧ https://karunadu.karnataka.gov.in/hfw/kannada/nCovDocs/05-04-2020(English).pdf

[35] ttps://karunadu.karnataka.gov.in/hfw/kannada/nCovDocs/06-04-2020(English).pdf.

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]

[೧೨]

[೧೩]

[೧೪]

[೧೫]

[೧೬]

[೧೭]

[೧೮]

[೧೯]

[೨೦]

[೨೧]

[೨೨]

[೨೩]

[೨೪]

[೨೫]

[೨೬]

[೨೭]

[೨೮]

[೨೯]

[೩೦]

[೩೧]

[೩೨]

[೩೩]

[೩೪]

[೩೫]