ಕಲ್ಪುನ ಕಳ

ಬರ್ಡ್ ಮ್ಯಾನ್

ತಮಿಳ್ನಾಡು ರಾಜ್ಯದ ಒರಿ ವಿಶೇಷ ವ್ಯಕ್ತಿ ಜೋಸೆಫ಼್ ಶೇಖರ್. ಅರೆಗ್ "ಬರ್ಡ್ ಮ್ಯಾನ್ ಆಫ಼್ ಇಂಡಿಯಾ" ಪನ್ಪಿನ ಪುಗೆರ್ತೆ ಬೈದ್ಂಡ್. ಆರ್ ಚೆನೈ ಪೇಂಟೆದ ಬಾಡಿಗೆದ ಇಲ್ಲಡ್ ವಾಸ ಮಲ್ತೊಂದುಲ್ಲೆರ್. ಆರ್ ಪ್ರತಿದಿನಲ ನಾಲ್ ಸಾವಿರ ಗಿಳಿಕ್ಕೆಲೆಗ್ ತಿನಸ್ ಪಾಡುವೆರ್. ಅರೆನ ಇಲ್ಲದ ಮಿತ್ತ್ ಅಡ್ಡ ಪಲಯಿ ದೀದು ಕಾಂಡೆ ಬೊಕ್ಕ ಬಯ್ಯ ಅಯಿಕ್ಲೆಗ್ ನುಪ್ಪು ಪಾಡುವೆರ್.ದಿನೊಕ್ಕ್ ನಾಲ್ ಐನ್ ಸಾವಿರ ಖರ್ಚ್ ಮಲ್ತ್ ಎಲ್ಪತ್ತೈನ್ ಕೆಜಿ ಅರಿತ ಉನ್ಪು ತಯಾರ್ ಮಲ್ಪುವೆರ್.ಆರ್ ಬೆನ್ದಿನೆತ್ತ ಶೇಕಡ ನಲ್ಪ ದಾತ್ ದುಡ್ಡುನು ಗಿಳಿಕ್ಕೆಲೆಗ್ ಬಡಾವುಗ್ ಮೀಸಲ್ ದೀತೆರ್.

ಪ್ರೇರಣೆ

ರಡ್ಡ್ ಸಾವಿರದ ನಾಲನೆ ಇಸವಿಡ್ ಸುನಾಮಿ ಬತ್ತ್ ಇತ್ತ್ಂಡ್. ಅದಗ ಬಾರಿ ಸಂಖ್ಯೆದ ಪ್ರಾಣಿ ಪಕ್ಶಿಲು ಜೀವ ಸಂಕುಲ ನಾಶ ಆತ್ತುಂಡ್.ಬದುಕುದು ಒರಿದಿನ ಪ್ರಾಣಿ ಪಕ್ಶಿಲು ಅಲ್ಪ ಮುಲ್ಪ ತಿನ್ದ್ ಜೀವ ಒರಿಪಾದಿತ್ತ.ಅಂಚ ನಾಲ್ ಗಿಳಿಕ್ಕುಲು ಬಡಾವ್ ಆದ್ ಜೋಸೆಫ಼ೆರೆನ ಟೆರೆಸ್ ದ ಮಿತ್ತ್ ಬತ್ತುದು ಬುಲಿತೊಂದಿತ್ತ. ಉಂದೆನ್ ತೂಯಿನ ಜೋಸೆಫ಼ೆರ್ ಇಲ್ಲಡ್ ಇತ್ತಿನ ನುಪ್ಪುನು ಕನತ್ತ್ ಪಾಡಿಯೆರ್. ಉಂದೆನ್ ತಿನ್ದ್ ಪಾರ್ ಪೋಯಿನ ಗಿಳಿಕ್ಕುಲ್ ದಿನಾಲ ಬತ್ತುದ್ ಬುಲಿತೊಂದಿತ್ತ.ಅವೆರ್ದ್ ಬೊಕ್ಕ ದಿನಾಲ ನುಪ್ಪು ಪಾಡೊಂದಿತ್ತೆರ್. ದಿನಾ ಪೊಯಿಲೆಕ್ಕ ನಾಲ್ ಇತ್ತಿನ ಗಿಳಿ ಪತ್ತ್ ಆಂಡ್, ಪತ್ತ್ ಇತ್ತಿನ ಗಿಳಿಕ್ಕುಲ್ ನಲ್ಪ ಆಂಡ್. ಇಂಚ ದಿನಾಲ ಬೇತೆ ಬೇತೆ ಕಡೆರ್‍ದ್ ಗಿಳಿಕ್ಕುಲು ಬಡವುದ ಪೊರ್‍ತುಗ್ ಬತ್ತ್ ಸೇರರೆಗ್ ಸುರು ಮಲ್ತ.ಇತ್ತೆ ಆಯಿಕುಲೆನ ಸಂಖ್ಯೆ ನಲ್ ಸಾವಿರ ಮಿತ್ತ್ ಆತುಂಡ್.

ದಿನಾಲ ಆ ಗಿಳಿಕ್ಕುಲು ಬತ್ತುದು ಕುಲ್ಲನಗ ಪಾರುನ ದೃಶ್ಯೊಲೆನ್ ತೂಪಿನನೆ ಒಂಜಿ ಪೊರ್ಲು.ಪಕ್ಕಿಲು ಬಂಜರ ಬಡವು ತಿನ್ಪಿನೆನ್ ತೂಪಿನನೆ ಕುಷಿ ಪಂದ್ ಪನ್ಪೆರ್. ಆರ್ ಪದಿನೆಡ್ಮ ವರುಷೊರ್ದಿಂಚಿ ಈ ಬೇಲೆನ್ ಮಲ್ತೊನ್ದುಲ್ಲೆರ್.