ಕಾಟ್ ತುಳಸಿ
ಕಾಟ್ ತುಳಸಿ(ನಾತ ತುಳಸಿ ಪುದರ್ಲಾ ಉಂಡು) ಮರ್ದ್‌ಗ್ ಗಲಸುನ ಒಂಜಿ ದಯಿ. ಅಸ್ಟೆರಸಿಯೆ(Asteraceae) ಕುಟುಮೊಗು ಸೇರ್ದಿನ ಈ ದಯಿತ್ತ ಸಸ್ಯಶಾಸ್ತ್ರೀಯ ಪುದರ್ ಅಜಿರೇಟಂ ಕೋನೈಸಾಯ್ಡಿಸ್ (Ageratum conyzoides). ಈ ದಯಿತ್ತ ಬೇತೆ ಬೇತೆ ಬಾಗೊಲೆನ್ ಬಾಪು, ಸಿಡಿಪುನ, ದಡಿಕೆ, ಕಿರುಂಬುನ ಗುಣ ಮಲ್ಪರ ಗಲಸುವೆರ್.
ಬೇತೆ ಬಾಸೆಲೆಡ್[ಸಂಪೊಲಿಪುಲೆ]
- ಕನ್ನಡ- ಕಾಡು ತುಳಸಿ, ನಾಯಿ ತುಳಸಿ, ಊರ್ ಹಾಳ್ ಗಿಡ, ಮೂಗುತಿ ಗಿಡ
- ಇಂಗ್ಲಿಷ್- ಗೋಟ್ ವೀಡ್-Goat Weed (ಈ ದಯಿತ ವಾಸನೆ ಏಡ್‌ದ ಮೈ ವಾಸನೆ ಬರ್ಪುನೆಡ್ದಾವರ ಈ ಪುದರ್)
- ಸಂಸ್ಕೃತ- ಅಜಗಂಧ
- ತಮಿಳು- ಪೂಂಪಿಲ್ಲು
- ತೆಲುಗು- ಮೂಗುತಿ ಪುಂಡು
ದಯಿತ್ತ ಬಗ್ಗೆ[ಸಂಪೊಲಿಪುಲೆ]
ಅರ್ಧಡ್‍ದ್ ೧ ಮೀಟರ್ ಎತ್ತರ ಬುಳೆಪುನ ಕಾಟ್ ತುಳಸಿ, ಇಡೀ ವರ್ಷ ಪೂ ಬುಡ್ಪುಂಡು. ದಯಿತ್ತ ಮೈ ಪೂರ ರೋಮದಲೆಕ, ಇರೆಕುಲು ದೊರಗ್ ಆದ್ ಇಪ್ಪುವ. ಈ ದಯಿ ಏಡ್‌ದ ವಾಸನೆ ಬರ್ಪುನೆಡ್ದಾವರ ನೆಕ್ ಇಂಗ್ಲಿಷ್ ಬಾಸೆಡ್ Goat weed ಪನ್ಪಿನ ಪುದರ್ ಉಂಡು. ಈ ದಯಿತ್ತ ಪೂ ವರಕ್ ತೂವರ ಕಮ್ಯೂನಿಷ್ಟ್ ದಯಿತ್ತ ಪೂತ ಲೆಕ ಇಪ್ಪುಂಡು. ಹದ ನೀಲಿ ಬಣ್ಣದ, ಮೂಂಕು ಬೊಟ್ಟದಾತ್ ಮಲ್ಲ ಪೂತ್ತ ಗೊಂಚಿಲ್, ಸುಮಾರ್ ೧೦-೨೦ದಾತ್ ಪೂ ಆ ಗೊಂಚಿಲ್ಡ್ ಆಪುಂಡು ಅಂಚಾದ್ ಉಂದೆಕ್ ಕನ್ನಡೊಡು ಮೂಗುತಿ ಗಿಡ ಪನ್ಪಿನ ಪುದರ್ ಉಂಡು. ಕಂಡೊಲೆಡ್ ಈ ದಯಿ ಎಚ್ಚ ಬುಳೆದ್ ಬೆನ್ನಿಗ್ ತೊಂದರೆ ಕೊರ್ಪುನೆಡ್ದಾವರ ಊರ್ ಹಾಳ್ ಗಿಡ, ಉರಾಳ ಪನ್ಪಿನ ಪುದರ್ಲಾ ಉಂಡು[೧].
ದಯಿತ್ತ ಮೂಲ[ಸಂಪೊಲಿಪುಲೆ]
ಈ ದಯಿತ ಮೂಲ ಮಧ್ಯ ಬುಕ್ಕ ದಕ್ಷಿಣ ಅಮೇರಿಕಾ ದೇಸೊ. ಎಡ್ಡೆ ಹಿತವಾಯಿನ ಹವಾಮಾನ ಇತ್ತಿನಲ್ಪ ಎಚ್ಚ ಬುಳೆಪುಂಡು. ಈ ದಯಿ ಮಾತಾ ಹವಾಮನೊಡು ಬುಳೆವೊಂದು ಪೋಪಿನ ತಾಕತ್ ಉಂಡು. ಅತ್ತಂದೆ ಹವಾಮಾನ ವೈಪರಿತ್ಯೊದ ಸಂದರ್ಭೊಡು ಈ ದಯಿತ್ತ ಬೀಜೊಲು ಸುಪ್ತರೂಪೊಡು ಇಪ್ಪುವ. ತಕ್ಕಂದಿನ ವಾತಾವರಣ ಸಿಕ್ಕನಗ ಬೀಜೊಡ್ದು ಮುಂಗೆ ಬರ್ಪುಂಡು. ಒಂಜಿ ದಯಿ ಸುಮಾರ್ ೪೦,೦೦೦ದಾತ್ ಬೀಜೊಲೆನ್ ಉತ್ಪಾದಿಸಾವುಂಡು ಪಂದ್ ಸಂಸೋದನೆಲೆಡ್ ಗೊತ್ತಾತ್ಂಡ್[೨].
ಗಲಸುನ[ಸಂಪೊಲಿಪುಲೆ]
ಮರ್ದ್‌ಗ್[ಸಂಪೊಲಿಪುಲೆ]
ಅಗತ್ಯೊಡ್ದು ಎಚ್ಚ ಬುಲೆದ್ ಈ ದಯಿನ್ ಕಳೆ ಸಸ್ಯ ಪಂಡೆರ್ಡಲಾ, ಈ ದಯಿನ್ ಹಳ್ಳಿಮರ್ದ್ ಆದ್ ಗಲಸುವೆರ್. ಮಧ್ಯ ಆಫ್ರಿಕಾ ದೇಸೊಲೆಡ್ ಈ ದಯಿನ್ ನ್ಯುಮೋನಿಯಾ ಸೀಕ್ ಗುಣ ಮಲ್ಪರ ಗಲಸುನ ತೆರಿದ್ ಬರ್ಪುಂಡು. ಕಾಟ್ ತುಳಸಿಡ್ ಬ್ಯಾಕ್ಟೀರಿಯಾ ನಾಶಕ ಗುಣ ಉಂಡು. ಸಾಮನ್ಯವಾದ್ ನಮ ದೇಸೊದ ಹಳ್ಳಿಲೆಡ್ ಈ ದಯಿನ್ ಕೈಕಾರ್‌ದ ಬಾಪು, ನಂಜಿದ ಗಾಯೊಲೆನ್ ಗುಣ ಮಲ್ಪರ ಗಲಸುವೆರ್. ಅತಿಭೇದಿ ವಿರೋಧಿ ಗುಣ ಇತ್ತಿನೆಡ್ದಾವರ ಈ ದಯಿತ ಬಾಗೊಲೆನ್ ಮರ್ದ್‌ಗ್ ಗಲಸುವೆರ್[೨]. ಮೈ ಕೈ ಬೇನೆಗ್ ಈ ದಯಿತ್ತ ಇರೆತ್ತ ಎಣ್ಣೆನ್ ಪೂಜುವೆರ್.[೧]
ನೈಸರ್ಗಿಕ ಕೀಟನಾಶಕ[ಸಂಪೊಲಿಪುಲೆ]
ಉಂದು ಕಳೆ ಸಸ್ಯ ಆಂಡಲ, ಉಂದೆಟ್ ನೈಸರ್ಗಿಕ ಕೀಟನಾಶಕ ಗುಣೊಕುಲು ಉಲ್ಲ ಪಂಡ್ದ್ ಸಂಸೋಧನೆಲೆಡ್ ತೆರೀದ್ಂಡ್. ಕಾಟ್ ತುಳಸಿದ ಇರೆ, ತೊಂದರೆ ಕೊರ್ಪುನ ದುಂಬಿಲೆನ್ ದೂರ ದೀಪುಂಡು. ದಯಿಟ್ ಇಪ್ಪುನ ಟರ್ಫನಿಕ್ ರಾಸಾಯನಿಕೊಲು ಕೆಲವೊಂಜಿ ಬಗೆತ ದುಂಬಿ ಬುಕ್ಕ ಉಮಿಲ್‍ದ ಕಿನ್ನಿಲು ಬುಳೆವಂದಿಲೆಕ ಮಲ್ಪುವ ಪಂಡ್ದ್ ತೆರಿದ್ ಬತ್‌ದ್ಂಡ್[೨].
ಉಲ್ಲೇಕ[ಸಂಪೊಲಿಪುಲೆ]
- ↑ ೧.೦ ೧.೧ ಔಷಧೀಯ ಸಸ್ಯ ಸಂಪತ್ತು (1 ed.). ಪಿ ಎಸ್ ವೆಂಕಟರಾಮ ದೈತೋಟ (ವಿವೇಕಾನಂದ ಸಂಶೋಧನಾ ಕೇಂದ್ರ, ಪುತ್ತೂರು)). p. 135-136.
{{cite book}}:|access-date=requires|url=(help); More than one of|pages=and|page=specified (help) - ↑ ೨.೦ ೨.೧ ೨.೨ "Ageratum conyzoides". iucngisd.org. The Global Invasive Species Database. Retrieved 18 December 2022.