ಕೊರಂಬು

ಕೊರಂಬು ತುಳುನಾಡುದ ಪರಿಚಿತ ಸಾಧನ. ಬರ್ಸೊಡ್ದ್ ರಕ್ಷಣೆ ಮಲ್ಪರೆ ಗಲಸುನ ಒಂಜಿ ಸಾಧನ ಪಂಡ ತುಳುನಾಡ್ದ ಪುದರ್ ಪೋಯಿನ ``ಕೊರಂಬು. ಉಂದೆನ್ ಬೆದುರ್ ಬೊಕ್ಕ ಪನೋಲಿ ಮರತ್ತ ಇರೆ ಅತ್ತ್ಂಡ ತಂಡೊಲಿ ಇರೆಡ್ದ್ ಮಲ್ಪುವೆರ್. ಕೊರಂಬುದ ಉಲಯಿದ ರಚನೆ ನರಮಾನ್ಯನ ಪಕ್ಕೆಲುಬುದ ಪಂಜರದಲೆಕ ತೋಜುಂಡು. ಅಯೆ ಬಚ್ಚಿದ್ ಕೊರಂಬು ತೋಜುಂಡು ಪನ್ಪಿನ ಪಾತೆರ ಉಂದೆಕ್ ಸಮ್ಮಂದಪಟ್ಟ್ ದ್ ಕೊರಂಬುನ ಆಂತರಿಕ ರೂಪೊನು ನರಮಾನ್ಯನ ತಿಗಲೆದೊಟ್ಟಿಗೆ ಹೋಲಿಕೆ ಮಲ್ಪುನ ಪಾತೆರ.

ಶಬ್ದೊದ ವಿವರ

ತುಳು ಭಾಷೆಡ್ "ಕೊರಂಬು" ಪನ್ಪಿನ ಶಬ್ದ "ಕೊರ" (ಕೊರಗ ಜನಾಂಗ) ಬೊಕ್ಕ "ಅಂಬು" (ನೀರ್) ಪನ್ಪಿನ ರಡ್ಡ್ ಶಬ್ದೊಲೆನ ಸಂಯೋಜನೆ. ಈ ಶಬ್ದದ ಉಗಮ ದುಂಬೇ ತುಳುನಾಡಿಗ್ ಬತ್ತಿನ "ಕೊರಗ" ಜನಾಂಗದಕುಲು ಬೊಕ್ಕ ಅಕ್ಲೆನ ಜಲ ಬೊಕ್ಕ ಕಡಲ ಜೀವಿಲೆನ ಬಗ್ಗೆ ಇತ್ತಿನ ಜ್ಞಾನೊಗು ಸೇರ್ದಿನವು.

ಕೊರಗ ಜನಾಂಗೊದ ಇತಿಹಾಸೊ

ಕೊರಗ ಜನಾಂಗ ಜಾರ್ಖಂಡ್, ಬಾಂಗ್ಲಾ, ಪಶ್ಚಿಮ ಬಂಗಾಳ, ಒಡಿಶಾ ರಾಜ್ಯೊಲೆಡ್ ನಿಲೆ ಆನಗ ಕೆಲವು ದೋಣಿಲು ತಪ್ಪಾದ್ ಅರಬ್ಬಿ ಸಮುದ್ರದ ಮೂಲಕ ತುಳುನಾಡಿಗ್ ಬತ್ತೆರ್. ಆರ್ ಬುಡಕಟ್ಟ್ ಜನೊಕುಲೆನೊಟ್ಟುಗು ಮಿಶ್ರಣ ಆದ್ ಒಂಜಿ ಜೀವನ ಮಲ್ತೆರ್ ಪನ್ಪಿನ ಇತಿಹಾಸೊದ ನಂಬಿಕೆ ಉಂಡು.

ಜಲ ಪ್ರವಾಹ ಬೊಕ್ಕ ವಲಸೆ

ತುಳುನಾಡ್ ಡ್ ಪ್ರವಾಹ ಬತ್ತಿ ಬೊಕ್ಕ ಕೊರಗ ಜನಾಂಗದಕುಲು ಬೊಕ್ಕ ತುಳು ಬುಡಕಟ್ಟ್ ಜನಾಂಗದಕ್ಲು ಪಶ್ಚಿಮ ಘಟ್ಟದ ​​ಎತ್ತರದ ಮಣ್ಣ್ ಗ್ ವಲಸೆ ಬತ್ತೆರ್. ಕೆಲವು ಬುಡಕಟ್ಟ್ ಜನಾಂಗದಕುಲು ಕೇರಳದ ಮಲಬಾರ್ ಘಾಟ್ ಪ್ರದೇಶೊಗು ವಲಸೆ ಪೋಯೆರ್, ಬೊಕ್ಕೊಂಜಿ ಬುಡಕಟ್ಟ್ ಜನಾಂಗದಕುಲು ತಮಿಳುನಾಡು, ಆಂಧ್ರ, ತೆಲಂಗಾಣ, ಕಾಲಿಂಗ, ಶ್ರೀಲಂಕಾಡ್ ನೆಲೆಯಾಯೆರ್.

ಕೊರಂಬು ಶಬ್ದದ ಮೂಲ

ಕೊರಗ ಜನೊಕುಲು ಬರ್ಸದ ಪೊರ್ತುಡು ತನ್ಕುಲೆನ್ ತಾನ್ ರಕ್ಷಣೆ ಮಲ್ಪೆರೆ ಒಂಜಿ ಸಾಧನೊನು ಬಳಕೆ ಮಲ್ತೊಂದಿತ್ತೆರ್. ಕೇರಳದ ಶೂದ್ರೆರ್ ಈ ಯಂತ್ರೊನು ತೂದು ಕನತ್ದ್ ಉಪಯೋಗ ಮಲ್ಪೆರೆ ಸುರು ಮಲ್ತೆರ್. ಅಕುಲು ಉಂದೆಕ್ “ಕೊರಂಬು” ಪನ್ಪಿನ ಪುದರ್ ದೀಯೆರ್, ಉಂದೆತ ಅರ್ಥ ಉಂದು “ಕೊರಗ” ಜನಕುಲೆಡ ಬತ್ತುಂಡ್ ಪಂದ್.

ಜೈನೆರೆನ ಪ್ರವೇಶ ಬೊಕ್ಕ ಬೇಸಾಯ ಕೃಷಿ

ತುಳುನಾಡ್‌ಡ್ ಜೈನೆರ್ನ ಬರವುದೊಟ್ಟಿಗೆ ಬುಳೆ ಬೆಳೆವರೆ ಸುರು ಆಂಡ್. ಪಶ್ಚಿಮ ಘಟ್ಟಡ್ದ್ ಜನಕುಲು ಈ ಮಣ್ಣುಗು ವಲಸೆ ಬತ್ತ್ದ್ ಕೃಷಿ ಬೇಲೆಡ್ ತೊಡಗಿನಕುಲು. ಉಂದೆರ್ದಾತ್ರ “ಕೊರಂಬು” ಅಗತ್ಯ ಆಂಡ್, ಅದಗ ಬೇತೆ ಜಾತಿದಕುಲು ಲಾ ಕೊರಂಬುನು ಮಲ್ಪೆರೆ ಸುರು ಮಲ್ತೆರ್.

ಕೊರಂಬುದ ಉಗಮ ಬೊಕ ಅಯಿತಅ ಶಾಶ್ವತತೆ

ಕೊರಂಬು ಶಬ್ದ “ಕೊರಗ” ಜನಕುಲೆನ ಸಂಕೇತವಾದ್ ಉಂತುದುಂಡು. ಪುದರ್ದ ಮೂಲೊನು ಒರಿಪಾಯೆರೆ ಮಾತೆರ್ಲಾ ಪ್ರಯತ್ನ ಮಲ್ತೆರ್. ಕರಾವಳಿ ಕನ್ನಡ ಜನಾಂಗದಕ್ಲು ಉಂದೆನ್ "ಗೊರಂಬು" ಪಂದ್ ಲೆಪ್ಪುವೆರ್. ಆಂಡಾಲಾ “ಕೊರ” ಶಬ್ದೊಗು ಮಾತೆರ್ಲ ಒಪ್ಪಿಗೆ ಮಲ್ತೆರ್.

ಕೊರಂಬು ತಯಾರು ಮಲ್ಪುನು

ಇತ್ತೆ ತುಳುನಾಡ್‌ಡ್ ಬರ್ಸದ ಪೊರ್ತುಡು ಮಿಂಚುಡ್ದ್ ರಕ್ಷಣೆ ಕೊರ್ಪಿನ “ಕೊರಂಬು” ಮಲ್ಪುನ ಬೇಲೆಡ್ ಕೆಲವು ಕುಟುಂಬೊಲು ಮಾತ್ರ ತೊಡಗುದೆರ್. ಪೊಣ್ಣುಲೆಗ್ ನಟ್ಟಿದ ಕೊರಂಬು 250 ರೂಪಾಯಿ, ಆಣ್ ಲೆಗ್ ಒಂಜಿ ಎಲ್ಯ ದಪ್ಪದ ಕೊರಂಬು 175 ರೂಪಾಯಿ, ಜೋಕುಲೆಗ್ ಒಂಜಿ ಕೊರಂಬು 150 ರೂಪಾಯಿ. ಡ್ ಮಾರಾಟ ಆಪುಂಡು. ಅತ್ತೂರು ಪ್ರದೇಶದ ಕೊರಂಬು ತಯಾರಕೆ ದಾದುನ ಅನುಭವದ ಪ್ರಕಾರ ಕೊರಂಬು ಮಲ್ಪೆರೆ ಇಡೀ ದಿನೊತ ಶ್ರಮ ಬೋಡಾಪುಂಡು. ಆರಾಮೋಡು 250 ಮುಟ್ಟ ಲಾಭ ಮನ್ಪೊಲಿ. ಆಂಡ ಈ ಪೊರ್ತುಡು ಕೂಲಿ ಕೆಲಸೊಗು ಬೇಲೆಗ್ ಪೋಂಡ 350-400 ರೂಪಾಯಿ ಬರ್ಪುಂಡು. ಇಂದೆತ ಒಟ್ಟುಗೇ ಕೊರಂಬು ಮಲ್ಪೆರೆ ವಂಟೆ, ಬಳ್ಳಿ, ದೂಪ ಇರೆನ್ ಒಟ್ಟು ಮಲ್ಪರೆ ಒಂತೆ ದಿನ ಕಾಡ್‌ಡ್ ಸುತ್ತೊಡಾಪುಂಡು. ಈ ವಸ್ತುಲೆನ್ ದೂರದ ಸಂತೊಲೆಗ್ ಕನರೆ ಒಂಜಿ ಟೆಂಪೊನ್ ಬಾಡಿಗೆಗ್ ದೆತೊನೊಡಾಪುಂಡು. ಸುಂಕ ಕೊರ್ದು ಮಾರಾಟ ಮಲ್ಪೆರೆ ಅಲ್ಪ ಕುಲ್ಲುನಗ, ಗಿರಾಕಿಲು 30-40 ರೂಪಾಯಿಗ್ ಪ್ಲಾಸ್ಟಿಕ್ ಕೊರಂಬು ನ್ ಕೊಂಡೊನಗ, ನಮ್ಮ ಬಂಜಿ ಪೊತ್ತರೆ ಸುರು ಆಪುಂಡು. ಇಂಚಿನ ಪರಿಸ್ಥಿತಿಡ್ ದಾದು ಈ ವೃತ್ತಿನ್ ಮುಂದುವರಿಸೊಡೋ ಪಂದ್ ತನ್ನನ್ ತಾನ್ ಕೇನುವೆರ್.

ಸಾರಾಂಶ

ಅಂಚ "ಕೊರಂಬು" ತುಳುನಾಡ್‌ದ ವಿಶಿಷ್ಟವಾಯಿನ ಸಾಂಸ್ಕೃತಿಕ ಸಾಧನ ಆದುಪ್ಪುನೆರ್ದಾತ್ರ ಈ ಪ್ರದೇಶದ ಇತಿಹಾಸ ಬೊಕ್ಕ ಸಂಸ್ಕೃತಿಗ್ ಆಳವಾದ್ ಸಮ್ಮಂದ ಉಂಡು "ಕೊರಗ" ಜನಾಂಗದಕುಲು ಕನತಿನ ಆ ವಿಶಿಷ್ಟ ಜ್ಞಾನ ಬೊಕ್ಕ ತಂತ್ರಜ್ಞಾನದ ಫಲವಾದ್, "ಕೊರಂಬು" ಇತಿಹಾಸದ ಕೊಂಡಿಯಾದ್ ಉರಿದುಂಡು. ಸಮಯೊ ಪೋಯಿ ಲೆಕ್ಕನೇ, ಈ ಪರಿಕರ ಬೊಕ್ಕ ಅಯಿತ ಪುದರ್, ತುಳುನಾಡುದ ಸಂಸ್ಕೃತಿದ ಅವಿಭಾಜ್ಯ ಅಂಗವಾದು ಪೋತುಂಡು.