ಗಂಗಾವತಿ ಪ್ರಾಣೇಶ್
ಗಂಗಾವತಿ ಪ್ರಾಣೇಶ್ | |
|---|---|
 | |
| ಪುಟ್ಟು | September 8, 1961 ಗಂಗಾವತಿ, ಕೊಪ್ಪಳ ಜಿಲ್ಲೆ |
| ಬೇಲೆ | ಹಾಸ್ಯಗಾರೆರ್, ಲೇಕಕೆರ್. |
| ಪುಗರ್ತೆದ ಕ್ಷೇತ್ರೊ | ಹಾಸ್ಯೊ |
| ಅಪ್ಪೆಅಮ್ಮೆರ್ | ಅಮ್ಮೆರ್ : ಶ್ರೀ ಬಿ. ವೆಂಕೋಬಾಚಾರ್ಯರು ಅಪ್ಪೆ : ಸತ್ಯವತಿಬಾಯಿ |
| ಪ್ರಸಸ್ತಿ | ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ |
ಗಂಗಾವತಿ ಪ್ರಾಣೇಶ್ ಮೇರ್ ಕೊಪ್ಪಳ ಜೆಲ್ಲೆದ ಗಂಗಾವತಿದಾರ್.
ಪುಟ್ಟು ಬುಕ್ಕೊ ಬುಲೆಚಿಲ್
[ಸಂಪೊಲಿಪುಲೆ]ಸೆಪ್ಟೆಂಬರ್ 8, 1961ಟ್ ಗಂಗಾವತಿಡ್ ಪುಟ್ಟಿನ ಮೇರ್ ಅರೆನ ಪ್ರಾಥಮಿಕ ವಿದ್ಯಾಬ್ಯಾಸೊನು ಯಲಬುರ್ಗಿಡ್ ಮಲ್ತೆರ್. ಬಿ. ಕಾಂ ಪದವಿನ್ ಗಂಗಾವತಿಡ್ ಪಡೆವೊಂಡೆರ್. ಸ್ವಾತಂತ್ರ್ಯಯೋದೆ ಆಯಿನ ಬಿ.ವೆಂಕೋಬಾಚಾರ್ಯೆರ್ ಮೆರೆನ ಅಮ್ಮೆರ್. ಮೇರ್ ಶಾಲೆದ ಮಾಸ್ಟ್ರ್ ಆದಿತ್ತೆರ್. ಮೆರೆನ ಅಪ್ಪೆ ಸತ್ಯವತಿಬಾಯಿ ಮೆರೆಡ್ಡ್ ಪ್ರಾಣೇಶೆರೆಗ್ ಸಾಹಿತ್ಯದ ಮಿತ್ತ್ ಆಸಕ್ತಿ ಜಾಸ್ತಿ ಆಂಡ್.
ಜೀವನೊ
[ಸಂಪೊಲಿಪುಲೆ]ಬೀಚಿ ಸಾಹಿತ್ಯ ಪ್ರಾಣೇಶೆರೆಗ್ ಸಾಹಿತ್ಯ ಆಸಕ್ತಿನ್ ನನಾತ್ ಜಾಸ್ತಿ ಮಲ್ತ್ಂಡ್. ಆ ಸಾಹಿತ್ಯೊಡ್ ಇಪ್ಪುನ ಹಾಸ್ಯ ನು ಮಾತೆರೆಗ್ಲ ಪಟ್ಟುನ ಬೇಲೆನ್ 1994ಡ್ಡ್ ಸುರು ಮಲ್ತೆರ್. ‘ಹಾಸ್ಯಸಂಜೆ ಪನ್ಪುನ ಪೊಸತ್ ಹಾಸ್ಯ ಕಾರ್ಯಕ್ರಮೊನ್ ಉತ್ತರ ಕರ್ನಾಟಕಡ್ ಸುರು ಮಲ್ತ್ನ ಪೆರ್ಮೆ ಮೆರೆಗುಂಡು.[೧] ಗುಲ್ಬರ್ಗಡ್ ಇಪ್ಪುನ ಆಕಾಶವಾಣಿಡ್ಡ್ ಸುರು ಆಯಿನ ಮೆರೆನ ಹಾಸ್ಯಸಂಜೆ ಕಾರ್ಯಕ್ರಮ ಇನಿ ಟಿ.ವಿ. ದ ಸುಮಾರ್ ವಾಹಿನಿಡ್ ಬರೊಂದುಲ್ಲೊ. ಪ್ರಪಂಚೋದ ಬೇತೆ ಬೇತೆ ಕಡೆಟ್ ಸುಮಾರ್ 400 ಊರುಡ್ ಪ್ರಾಣೇಶೆರ್ ಕೋರ್ನ ಕಾರ್ಯಕ್ರಮೊದ ಸಂಕ್ಯೆ ಸಾವಿರಡ್ದ್ಲ ಜಾಸ್ತಿ. ಮೇರ್ ಕಾಲಿ ಹಾಸ್ಯೊ ಮಾತ್ರ ಅತ್ತಂದೆ, ಬಾಸನೊ, ತಬಲಾ, ಕೊಳಲು, ಸಂಗೀತೊಡ್ಲಾ ಆಸಕ್ತಿ ಇಪ್ಪುನಾರ್. ಮೆರೆನ ಪಾತೆರುನ ಶೈಲಿ ಕರ್ನಾಟಕಡ್ ಮಾತ್ರ ಅತ್ತಂದೆ ಆಸ್ಟ್ರೇಲಿಯಾ, ಸಿಂಗಪೂರ್, ಥೈಲಾಂಡ್, ಮಲೇಶಿಯಾ, ಹಾಂಕಾಂಗ್, ಅಮೇರಿಕ ಇಂಚ ನನಾತ್ ಬೇತೆ ಬೇತೆ ಊರುಡ್ಲಾ ಜನಪ್ರಿಯ ಅತ್ಂಡ್. ಪ್ರಾಣೇಶೆರೆನ ಪರಿಣತಿ ತಬ್ಲಾ, ಕೊಳಲು, ಬೊಕ್ಕ ಸಂಗೀತೊಗು ಮುಟ್ಟ ಉಂಡು. ಉತ್ತರ ಕನಾ೯ಟಕೊದ ಅದಿಕೃತ ಕನ್ನಡ ಬಾಸೆಡ್ ಪ್ರಾಣೇಶೆರೆನ ವಿಶೇಷತೆ. ಮೆರೆನ ವಾಕ್ಚಾತುರ್ಯೊನು ಪ್ರಪಂಚೊದ ಮಾತ ಕನ್ನಡಿಗೆರ್ ಮೋಕೆ ಮಲ್ಪುವೆರ್. ಅರೆನ ಕಾರ್ಯಕ್ರಮೊಲು ಮಧ್ಯಪ್ರಾಚ್ಯೊ, ಆಸ್ಟ್ರೇಲಿಯಾ, ಸಿಂಗಾಪುರ್, ಥೈಲ್ಯಾಂಡ್, ಮಲೇಷ್ಯಾ, ಹಾಂಗ್ ಕಾಂಗ್ ಬುಕ್ಕೊ ಅಮೆರಿಕದಂಚಿನ ನಗರೊಲೆಡ್ ಜನಪ್ರಿಯವಾದುಂಡು.
ದಿ ಪೇನ್ಸ್ ಆಫ್ ಎ ಲಾಫ್ಟರ್ಮನ್ ಪನ್ಪಿ ಬೂಕು ಬರೆತಿನ ಪ್ರಾಣೇಶೆರ್ ಕೆಲವು ಕ್ಯಾಸೆಟ್ ಬುಕ್ಕೊ ಸಿಡಿಲೆನ್ಲಾ ಬುಡುಗಡೆ ಮಲ್ತ್ದೆರ್. ಯೂಟ್ಯೂಬ್ದಂಚಿನ ಇಂಟರ್ನೆಟ್ ಮಾದ್ಯಮೊಡು ಅರೆನ ದಿಂಜ ಕಾರ್ಯಕ್ರಮೊಲೆನ ತುಣುಕುಲು ನಿರಂತರವಾದ್ ಜನಪ್ರಿಯತೆನ್ ಗಳಸೊಂದುಂಡು. ದೂರದರ್ಶನೊಗು ಕೆಲವು ಹಾಸ್ಯೊ ಪ್ರವಚನೊಲು, ಪಾತೆರೊಕತೆಲು, ಚಾವಡಿ ಚರ್ಚೆಲು, ಪೊಸ ಬುಕ್ಕೊ ಸಾಂಸ್ಕೃತಿಕ ವೇದಿಕೆಲು, ಇಂಚಿತ್ತಿನವು ಪ್ರಾಣೇಶೆರೆನ ಹಾಸ್ಯೊ ರಸಾಯನಶಾಸ್ತ್ರೊನು ಏಪೊಲ ಗಟ್ಟಿ ಮಲ್ತ್ಂಡ್. ಬುಕ್ಕೊ ಅವು ಯಾಪೊಲಾ ಕುಸಿನ್ ದೀಡೊನುನ ಒಂಜಿ ಗುರ್ತೊದ ಪಾತ್ರೊನು ವಹಿಸದ್ಂಡ್.