ಗುಂಜನ್ ಸಕ್ಸೇನ
ಫ್ಲೈಟ್ ಲೆಪ್ಟಿನಂಟ್ ಗುಂಜನ್ ಸಕ್ಸೇನಾ (ಪುಟ್ಟುದಿನಿ:೧೯೭೫) ಮೇರ್ ಭಾರತೀಯ ವಾಯುಪಡೆತ್ತ ಒಂಜಿ ಅಧಿಕಾರಿ. ಮೇರ್ ದುಂಬುಡು ಹೆಲಿಕಾಪ್ಟರ್ ದ ಪೈಲೆಟ್ ಲಾ ಅಂದ್. ಮೇರ್ ೧೯೯೪ ನೇ ಇಸವಿಡ್ ಭಾರತೀಯ ವಾಯು ಪಡೆಕ್ ಸೇರ್ದ್, ೧೯೯೯ ತ್ತ ಕಾರ್ಗಿಲ್ ಯುದ್ದೊಡು ಭಾಗವಹಿಸಾಯೆರ್. [೧]ಆರೆನ ಜೀವನಡ್ದ್ ಪ್ರಾಭಾವಿತವಾಯಿನ ಸಿನೆಮಾಲಾ ಬಯ್ದ್ ಂಡ್[೨][೩][೪] ಗುಂಜನ್ ಸಕ್ಸೇನಾ ಕಾರ್ಗಿಲ್ ಯುದ್ದೊಡು ಪಾಲ್ ಪಡೆಯಿನ ರಡ್ಡ್ ವಾಯುಪಡೆತ ಅಧಿಕಾರಿಲೆಡ್ ಒರ್ತಿ. ಮೆರೆನ ಸಹೋದ್ಯೋಗಿ ಶ್ರೀವಿದ್ಯಾ ರಾಜನ್ ಯುದ್ದ ಭೂಮಿಗ್ ಪೋಯಿನ ಸುರುತ್ತ ವಾಯುಪಡೆತ್ತ ಪೊಂಜುವು ಅಧಿಕಾರಿ.[೪][೫] ಪೆಟ್ಟಾದ್ ಬೂರ್ದಿನ ಸೈನಿಕೆರೆನ್ ಅಲ್ತ್ ಡ್ದ್ ಲೆತ್ತೊಂದು ಬರ್ಪಿನ, ಬೊಡಿತ್ತಿನ ಸಾಮಾನುಲೆನ್ ಕೊನೊಪಿನವು ಕಾರ್ಗ್ ಲ್ ಲಡಾಯಿದ ಪೊರ್ತುಡ್ ಮೆರೆನ ಕೆಲಸ ಆದಿತ್ತ್ ಂಡ್[೧]ಮೇರ್ ಸುಮಾರ್ ೯೦೦ ಸೈನಿಕ ಪಡೆತ್ತ ಗಾಯ ಆಯಿನ ಬೊಕ್ಕ ಸೈದಿನ ಸೈನಿಕೆರೆನ್ ಕಾರ್ಗಿಲ್ ಡ್ದ್ ಕನಪಿನ ಕೆಲಸ ಮಲ್ದೆರ್. ೨೦೦೪ ನೇ ಇಸವಿಡ್, ೮ ವರ್ಷ ಹೆಲಿಕಾಪ್ಟರ್ ಪೈಲೆಟ್ ಆದ್ ಕೆಲಸ ಮಲ್ತಿ ಬೊಕ್ಕ, ಆ ಪೊರ್ತುಗ್ ಪೊಂಜೊವುಲೆಗ್ ಶಾಶ್ವತ ಕಮಿಶನ್ ಉಪ್ಪಂದಿನೆದ್ಡಾತ್ರ ಮೆರೆನ ಅಧಿಕಾರದ ಅವಧಿ ಮುಗಿಂಡ್.[೪][೬]
೨೦೨೦ ನೇ ಇಸವಿಡ್ ಬೈದಿನ ಹಿಂದಿ ಸಿನೆಮಾ ಗುಂಜನ್ ಸಕ್ಸೇನ: ದ ಕಾರ್ಗಿಲ್ ಗರ್ಲ್ ಪನ್ಪಿನವು ಆರೆನ ಜೀವನದ ಘಟನೆಲೆಟ್ದ್ ಪ್ರಭಾವಿತವಾದ್ ಮಲ್ದಿನ ಸಿನೆಮಾ. [೧]
ಮೆರೆನ ಮಸ್ತ್ ಪ್ರಸಿದ್ದವಾಯಿನ "ದ ಕಾರ್ಗಿಲ್ ಗರ್ಲ್" ಪನ್ಪಿನ ಆತ್ಮಕತೆ ಪೆಂಗ್ವಿನ್ ಪಬ್ಲಿಷರ್ ಬಿಡುಗಡೆ ಮಲ್ದೆರ್.
ಸುರುತ್ತ ಜೀವನ[ಸಂಪೊಲಿಪುಲೆ]
ಗುಂಜನ್ ಒಂಜಿ ಸೇನಾ ಕುಟುಂಬೊದ ಮಗಲ್.[೫] ಆರೆನ ಅಮ್ಮೆರ್ ಲೆಪ್ಟಿನೆಂಟ್ ಕೊಲೊನೆಲ್ ಅನೂಪ್ ಕುಮಾರ್ ಸಕ್ಸೇನಾ ಬೊಕ್ಕ ಮೆರೆನ ಪಲಯೆ ಲೆಪ್ಟಿನೆಂಟ್ ಕೊಲೊನೆಲ್ ಅಂಶುಮಾನ್ ಭಾರತೀಯ ಸೇನೆಡ್ ಕೆಲಸ ಮಲ್ದೆರ್. [೪]ಮೇರ್ ಬೌತಶಾಸ್ತ್ರೊಡು ಬಿ. ಎಸ್ಸಿ ಪದವಿನ್ ದೆಲ್ಲಿ ವಿಶ್ವವಿದ್ಯಾಲಯದ ಹಂಸರಾಜ್ ಕಾಲೇಜ್ ಡ್ದ್ ಪಡೆತೆರ್.
ಭಾರತೀಯ ವಾಯುಪಡೆಟ್ ಸೇವೆ[ಸಂಪೊಲಿಪುಲೆ]
೧೯೯೬ ನೇ ಇಸವಿಡ್ ಭಾರತೀಯ ವಾಯು ಪಡೆಕ್ ಪೈಲೆಟ್ ಆದ್ ಸೇರಿನ ೬ ಪೊಂಜೊವುಲೆಡ್ ಮೇರ್ ಲಾ ಒರ್ತಿ
ಗುಂಜನ್ ಕಾರ್ಗಿಲ್ ಯುದ್ಧ ಭೂಮಿಡ್ ಪೈಲೆಟ್ ಆದ್ ಕೆಲಸ ಮಲ್ಪುನಗ ಅರೆಗ್ ೨೪ ವರ್ಷ ಪ್ರಾಯ ಆದಿತ್ತ್ ಂಡ್. [೩][೬] ಕಾರ್ಗಿಲ್ ಯುದ್ಧ ದ ಆಪರೇಷನ್ ವಿಜಯ್ ದ ಭಾಗ ಆದಿತ್ತಿನ ಮೇರ್ ೧೩,೦೦೦ ಡ್ದ್ ೧೮,೦೦೦ ಎತ್ತರೊಡು ಕೆಲಸ ಮಲ್ತೊಂದಿತ್ತರ್. ಧ್ರಾಸ್ ಬೊಕ್ಕ ಬಟಾಲಿಕ್ ದಂಚಿನ ದುರ್ಗಮ ಜಾಗೆಗ್ ಸಾಮಾನ್ ಕೊನವರೆಲಾ ಆರ್ ಸಹಾಯ ಮಲ್ತೆರ್. ಈತ್ ಮಾತ್ರ ಅತ್ತಾಂದೆ ವೈರಿಲೆನ ಜಾಗೊದ ಕಣ್ಗಾವಲು ಮಲ್ಪುನಲಾ ಜವಾಬ್ದಾರಿ ಆರೆಗ್ ಇತ್ತ್ ಂಡ್. [೪] ಆರ್ ತಾತ್ಕಾಲಿಕ ವಾಯಿನ ಇಳಿದಾನೊಡು ಜಪ್ಪೊಡಾದಿತ್ತ್ಂಡ್ [೩] ಯುದ್ದ ಜಾಗೊಗು ಶ್ರೀ ನಗರೊಡ್ದ್ ಮಸ್ತ್ ಸಲ ಪೋದು, ೯೦೦ ಸೈನಿಕೆರೆನ್ ಅಲ್ತ್ ಡ್ದ್ ಲೆತೊಂದು ಬರಿಯರೆ ಕೆಲಸ ಮಲ್ದಿನ ೧೦ ಪೈಲೆಟ್ ಲೆಡ್ , ಇತ್ತಿನ ಒರ್ತಿಯೇ ಪೊಂಜೊವು.
ಖಾಸಗಿ ಜೀವನ[ಸಂಪೊಲಿಪುಲೆ]
ಗುಂಜನ್ ಮೆರನ ಕಂಡನಿ ವಿಂಗ್ ಕಮಾಂಡರ್ ಗೌತಮ್ ನರೈನ್ ಮೇರ್ ಲಾ ಭಾರತೀಯ ವಾಯು ಪಡೆತ ಪೈಲೆಟ್. ಆರ್ Mi-17 ಹೆಲಿಕಾಪ್ಟರ್ ದ ಪೈಲೆಟ್ ಆದಿತ್ತೆರ್. ರಾಷ್ಡ್ರೀಯ ರಕ್ಷಣಾ ಅಕಾಡೆಮಿಡ್ ತರಬೇತಿ ಕೊರ್ಪಿನಾರ್ ಆದಿತ್ತೆರ್. ಈ ದಂಪತಿಲೆಗ್ ೨೦೦೪ಟ್ಟ್ ಮಗಲ್ ಪ್ರಗ್ಯ ಪುಟ್ಟಿಯಲ್.[೪]
ಸಾಧನೆ[ಸಂಪೊಲಿಪುಲೆ]
- ಯುದ್ಧ ಭೂಮಿಗ್ ಹೆಲಿಕಾಪ್ಟರ್ ಕೊನೊಯಿನ ಸುರುತ ಪೊಂಜೊವು - ಲಿಮ್ಕಾ ಬುಕ್ ಆಫ್ ರೆಕಾರ್ಡ್ ಡ್ ಉಲ್ಲೇಖ ಉಂಡು.
- ಕಾಡ್ ಬೊಕ್ಕ ಹಿಮೊಟ್ ಉಳಿವು ಎಂಚ ಪನ್ಪಿನೆತ್ತ ಬಅಗೆಟ್ ತರಬೇತಿ ದೆತೊಂದಿನ ಸುರುತ ಪೊಂಜೊವು
- ಕಾರ್ಗಿಲ್ ಯುದ್ದೊಡ್ದ್ ಬೊಕ್ಕ ಉತ್ತರ ಪ್ರದೇಶೊದ ಒಂಜಿ ಸಂಸ್ಥೆ ಕೊರಿನ ಶೌರ್ಯವೀರ್ ಪ್ರಶಸ್ತಿ ವಿಜೇತೆ. [೭]
ಉಲ್ಲೇಕೋಲು[ಸಂಪೊಲಿಪುಲೆ]
- ↑ ೧.೦ ೧.೧ ೧.೨ https://indianexpress.com/article/who-is/who-is-gunjan-saxena-6553605/
- ↑ https://www.theweek.in/news/entertainment/2020/07/26/gunjan-saxena-never-thought-in-her-wildest-dreams-she-would-inspire-a-film.html%7Caccess-date=1[dead link] August 2020|website=The Week|language=en}}
- ↑ ೩.೦ ೩.೧ ೩.೨ Menon, Smitha (16 June 2020). "The story of Gunjan Saxena, one of India's first women in combat". Condé Nast Traveller India (in Indian English). Retrieved 1 August 2020.
- ↑ ೪.೦ ೪.೧ ೪.೨ ೪.೩ ೪.೪ ೪.೫ Javaid, Arfa (10 June 2020). "Gunjan Saxena Biography: Early Life, Education, Career, Awards and Unknown Facts". Jagranjosh.com. Retrieved 1 August 2020.
- ↑ ೫.೦ ೫.೧ Talwar, Shikha (9 June 2020). "This is the real story of Saxena, the Kargil girl who has inspired Janhvi Kapoor's next film". GQ India (in Indian English). Retrieved 1 August 2020.
- ↑ ೬.೦ ೬.೧ Rawat, Rachna Bisht (17 July 2019). "Meet Flying Officer Gunjan Saxena, India's only woman warrior in the Kargil war". Scroll.in (in ಅಮೆರಿಕನ್ ಇಂಗ್ಲಿಷ್). Retrieved 1 August 2020.
She has attained the glory of being in the two woman involved in the Kargil War.
- ↑ https://www.ndtv.com/blog/won-t-let-anyone-take-away-my-achievements-gunjan-saxena-on[dead link]