ಗುರ್ದ್ಬಸರ್

"ಗುರ್ದ್ಬಸರ್" ಅತ್ತ್ಂಡ "ಅಜೆರ್ಬೈಜಾನಿ ವುಲ್ಫ್ಹೌಂಡ್" ಪಂಡ ಅಜೆರ್ಬೈಜಾನ್ ದ ಒಂಜಿ ಜಾನುವಾರುಲೆನ್ ಕಾವಲು ಮನ್ಪುನ ನಾಯಿದ ತಳಿ.ಉಂದು ಮುಖ್ಯವಾದ್ ಕುರಿ ಸಾಕಾಣಿಕೆಡ್ ಕುರಿತ ಗುಂಪುದ ನಿರ್ವಹಣೆಗ್ ಬಳಕೆಗ್ ಆಪುಂಡು.

• 

ಪ್ರಮಾಣ

ಈ ತಳಿ ಮುಖ್ಯವಾದ್ ಅಜೆರ್ಬೈಜಾನ್ ದೇಶೊಡು ಪಸರಿದ್ ಉಂಡು ಬೊಕ್ಕ ಉಂದು ಮುಲ್ಪ ರೂಪುಗೊಂಡಿತ್ತ್ಂಡ್. ವಿಶೇಷವಾದ್ ``ಕರಾಬಾಖ್ ಪ್ರದೇಶೊಡು: ಫುಜುಲಿ ಜಿಲ್ಲೆ, ಕುಬಾಡ್ಲಿ ಜಿಲ್ಲೆ, ಲಾಚಿನ್ ಜಿಲ್ಲೆ, ಕಲ್ಬಜಾರ್ ಜಿಲ್ಲೆ ಜಿಲ್ಲೆಲು, ಅಂಚನೆ ಗುಬಾ-ಖಚ್ಮಾಜ್ ಆರ್ಥಿಕ ಪ್ರದೇಶ, ಖಿಜಿ ಜಿಲ್ಲೆ, ಶಾಮಾಖಿ ಜಿಲ್ಲೆ, ಇಸ್ಮಾಯಿಲಿ ಜಿಲ್ಲೆ, ಗಡಬಾಯಿ ಜಿಲ್ಲೆ, ಲೆರಿಕ್ ಜಿಲ್ಲೆ, ಬೊಕ್ಕ ಖಜಾಕ್ಸ್ ಜಿಲ್ಲೆಲೆಡ್ ಜಾಸ್ತಿ ಬಳಕೆ ಆಪುಂಡು. ಅವು ಮುಖ್ಯವಾದ್ ಕುರಿ ಬೊಕ್ಕ ಚಳಿಗಾಲದ ಪ್ರದೇಶೊಲೆಡ್ ದೀಪೆರ್. ಅವು ಪರ್ವತ ಬೊಕ್ಕ ಬಯಲು ಜಾಗೆಲೆಗ್ ಸೂಕ್ತವಾಯಿನವು.

ಸೇವೆದ ಪ್ರದೇಶ

ಸುರುಟು, ಗುರ್ದ್ಬಸಾರ್ ಲೆನ್ ಅಜೆರ್ಬೈಜಾನಿ ಕಾರವಾನ್ ಲೆನ್, ಕುರಿತ ಗುಂಪುಲೆನ್, ಇಲ್ಲ್ ಲೆನ್ ಬೊಕ್ಕ ಜಮಿನ್ ನ್ ರಕ್ಷಣೆ ಮಲ್ಪರೆ ಉಪಯೋಗ ಮಲ್ತೆರ್. ಅವು ಅಕ್ಲೆನ ಮಾಲೀಕೆರೆಗ್ ಬೊಕ್ಕ ಅಕ್ಲೆನ ಕುಟುಂಬೊಗು ನಿಷ್ಠೆಡ್ ಗುರುತಿಸಲ್ಪಡುಂಡು. ಅಪರಿಚಿತೆರೆ ಮಿತ್ತ್ ಗುರ್ದ್ಬಸರ್ ಮಸ್ತ್ ಕ್ರೂರಿ. ಅಕ್ಲೆನ ಎಚ್ಚಿನ ದೈಹಿಕ ಕಾರ್ಯಕ್ಷಮತೆ ಬೊಕ್ಕ ನಿಷ್ಠೆ ಅಕ್ಲೆನ ರಕ್ಷಣೆಡ್ ಪಾಲ್ ಪಡೆಯೆರೆ ಕಾರಣ ಆಪುಂಡು. ಇತ್ತೆ, ಉಂದು ಮುಖ್ಯವಾದ್ ಕಾಡ್ದ ಪ್ರಾಣಿಲೆಡ್ದ್ ಹಿಂಡುಲೆನ್ ರಕ್ಷಣೆ ಮಲ್ಪೆರೆ ಉಪಯೋಗ ಆಪುಂಡು.

ವೈಶಿಷ್ಟ್ಯೊಲು

ಅವು ಮಧ್ಯಮ ಬೊಕ್ಕ ಮಲ್ಲ ದೇಹ ರಚನೆನ್ ಪಡೆಯೊಂದಿಪ್ಪುಂಡು. ಮಾಸ ಬೊಕ್ಕ ಮೃದು ಚರ್ಮ ಅರೆನ ಕತ್ತಿತ್ತ ಮುದೆಲ್ ಡ್ ಒಂಜಿ ಗಂಟುನ್ ರೂಪಿಸವುಂಡು. ಉಂದು 3 ವರ್ಸೊದ ಪ್ರಾಯೊಡು ಬುಲೆಪುಂಡು. 15 ವರ್ಷ ಅತ್ತಂದೆ ಅಯಿಡ್ದ್ ಜಾಸ್ತಿ ಬದುಕುನ ನಾಯಿಲೆನ್ ದೀರ್ಘಾಯುಷ್ಯದ ನಾಯಿಲು ಪಂದ್ ಲೆಪ್ಪುವೆರ್. ಉಂದೆಕ್ ಸ್ನಾಯುಲೆನ ತಲೆ ಉಂಡು. ಅಯಿಕ್ಲೆನ ಕೆಳ ದವಡೆಲು ಅಗಲವಾದ್ ತೆರೆದಿಪ್ಪುಂಡು ಬೊಕ್ಕ ಎಡ್ಡೆ ಅಭಿವೃದ್ಧಿ ಆತ್ಂಡ್. ಐತ ಮೂಂಕು ಮಲ್ಲ, ಹೆಚ್ಚಾದ್ ಕಪ್ಪು. ಕಿನ್ನಿಲು ಕಣ್ಣ್ ಗ್ ನೇರ ಪ್ರಮಾಣೊಡು ಉಪ್ಪುಂಡು. ದಂತೊಲು ಎಡ್ಡೆ ರೀತಿಡ್ ಅಭಿವೃದ್ಧಿ ಆತ್ಂಡ್. ಅಕ್ಲೆಗ್ ಬೊಲ್ದು ದಂತ ಉಂಡು. ಅಕ್ಲೆಗ್ ಗಟ್ಟಿ ಕತ್ತಿ ಉಂಡು. ಆಣುಲು 72 cm ಬೊಕ್ಕ ಪೊಣ್ಣುಲು 66 cm ಎತ್ತರ ಉಪ್ಪುಂಡು. ಪುರುಷೆರೆನ ತೂಕ ೫೨ ಕೆಜಿ, ಪೊಣ್ಣುಲೆನ ತೂಕ ೪೨ ಕೆಜಿ.

ತುಪ್ಪಳ

ಮೂಲತಃ, ಅವುಲು ದಪ್ಪದ ತುಪ್ಪಳ/ಕೂದಲ್ ಉಪ್ಪುಂಡು. ತುಪ್ಪೆದ ವ್ಯತ್ಯಾಸೊಗು ಕಾರಣವಾದ್, ನಾಯಿಲೆನ್ 2 ಬಗೆಟ್ ವಿಂಗಡಿಸವೆರ್:

• ಸ್ಪಾರ್ಸ್ ಟೈಪ್ - ಕೂದಲ್ದ ಉದ್ದ 5-8 cm, ಬೊಕ್ಕ ಕೆಲವೊಂಜಿ ಸಂದರ್ಭೊಡು, ಬಾಲದ ಪ್ರದೇಶ ದಪ್ಪ ಬೊಕ್ಕ ದಟ್ಟವಾದ್ ಕೂದಲ್ ಉಪ್ಪುಂಡು.
• "'ಚಿಕ್ಕ ಕೂದಲ್ದ ಬಗೆ'" - ಉಂದು ದಪ್ಪದ ಕೂದಲ್, ಸಣ್ಣ ಕೂದಲ್ ಉಪ್ಪುಂಡು. ತುಪ್ಪೆದ ಕೆಳ್ಗ್ ಉಪ್ಪುನ ಚರ್ಮ ಎಡ್ಡೆ ರೀತಿಡ್ ಅಭಿವೃದ್ಧಿ ಆತ್ಂಡ್. ಕತ್ತಿಟ್ ಪರಿಮಳದ ರಗ್ಗು ಇಜ್ಜಿ.

ಸ್ವಯಂ ವರ್ತನೆದ ಲಕ್ಷಣೊಲು

ಉಂದೆಕ್ ಒಂಜಿ ಗಟ್ಟಿ, ಕಾಂಪ್ಯಾಕ್ಟ್ ದೇಹ ಉಂಡು. ಅವು ಕ್ರಿಯಾತ್ಮಕ ರೂಪೊಡು ರಕ್ಷಣೆನ್ ಪಡೆಯೊಂದಿಪ್ಪುಂಡು.

ಕ್ರಿಯೆಲು

ಉಂದು ಉಚಿತ, ಅವಸರ ಇಜ್ಜಿ. ಚಲನೆದ ಪೊರ್ತುಡು ಎದುರುದ ಬೊಕ್ಕ ಪಿರವುದ ಕಾರ್ ಲು ಮುಕ್ತವಾದುಂಡು.

ಗುರುತು

ಫೆಬ್ರವರಿ ೭, ೨೦೦೮ಡ್ "ಕಾಕೇಶಿಯನ್ ಡಾಗ್ ಬ್ರೀಡ್ಸ್" ಪನ್ಪಿನ ಸಾರ್ವಜನಿಕ ಸಂಘದ ಸಭೆಟ್ ಅಯಿತ ಮಾನದಂಡೊಲೆನ್ ಪ್ರೋಟೋಕಾಲ್ ಸಂಖ್ಯೆ ೦೧-೦೨೦೮ ಡ್ದ್ ಅನುಮೋದಿಸಯೆರ್.

ನಾಯಿ ಜಗಳೊಲು

ಅಜೆರ್ಬೈಜಾನ್ ದೇಶೊಡು ನಾಯಿಲೆನ ಜಗಳದ ಇತಿಹಾಸ ಪಿರಾಕ್ ದ ಕಾಲೊಗು ಪೋಪುಂಡು. ಯುದ್ಧೊಲೆನ್ ವಿಶೇಷವಾದ್ ರಜೆದ ಪೊರ್ತುಡು ಆಯೋಜಿಸೊಂದಿತ್ತೆರ್. ಈ ಉದ್ದೇಶೊಗು ನಾಯಿಲೆಗ್ ವಿಶೇಷವಾದ್ ನುಪ್ಪು ಕೊರ್ಪೆರ್. ಜಗಳೊಡು ನಾಯಿಲೆನ ದುರ್ಬಲ ಬಿಂದುಲೆನ್ ಕಮ್ಮಿ ಮಲ್ಪರೆ, ಕಿನ್ನಿ ಬೊಕ್ಕ ಬಾಲೊದ ಭಾಗೊಲೆನ್ ಕತ್ತರಿಸೊಡು. ಈ ಶಸ್ತ್ರಚಿಕಿತ್ಸೆ ಸಾಮಾನ್ಯವಾದ್ ನಾಯಿಲು ಎಲ್ಯ ಉಪ್ಪುನಗ ಮಲ್ಪುವೆರ್. ಈ ಜಗಳೊಲು ಇನಿಕ್ಲಾ ಉಂಡು. ನಾಯಿ ಜಗಳೊಲೆನ ಅಭಿಮಾನಿಲೆನ್ ಅಜೆರ್ಬೈಜಾನ್ ದ ಪ್ರತಿಯೊಂಜಿ ಪ್ರದೇಶೊಡು ತೂವೊಲಿ.

ಚಿತ್ರಗಳು

• 
• 
• 
•