ಗೂಡುದೀಪ

ಗೂಡುದೀಪದ ಸಾಲ್

ಗೂಡುದೀಪ ಪಂಡ ತುಡರ್ ಪರ್ಬೊದ ಸಮಯೊಡು ಇಲ್ಲದ ಪಿದಾಯಿ ಕರೆಂಟ್ ದ ಬೊಲ್ಬು ಪಾಡ್ದ್ ನೇಲಾದ್ ಪೊರ್ಲುದ ಅಲಂಕಾರೊಗು ದೀಪಿನ ಒಂಜಿ ತುಡರ್. ಕನ್ನಡೊಡು ಉಂದೆನ್ ಆಕಾಸಬುಟ್ಟಿ ಪಂದ್ ಲೆಪ್ಪುವೆರ್. ಉಂದೆನ್ ಕ್ರಿಸ್ತನ್ದಕುಲು ಕ್ರಿಸ್ಮಸ್ ದ ಕಾಲೊಡು ನೇಲಾವುನ ಐನ್ ಕಬರ್ದ ನಕ್ಶತ್ರೊದ ಬೊಲ್ಪುದಲೆಕನೇ, ಹಿಂದೂ ದರ್ಮೊದಕುಲು ತುಡರ್ ಪರ್ಬೊದ ಕಾಲೊಡುಲಾ ಪಾಡುವೆರ್. ಉಂದೆನ್ ಆಕಾಸ ದೀಪ ಪಂದ್ ಲೆಪ್ಪುನಕುಲುಲಾ ಉಲ್ಲೆರ್. ತುಳುತಕುಲು ಗೂಡುದೀಪ ಪನ್ಪಿನ ಕ್ರಮೊ.

ಉಂದೆನ್ ಮಲ್ಪೆರೆ ಒಂತೆ ಬೆದ್ ರ್ ದ ಕಡ್ದಿಲು ಬೋಡು. ಅಯಿನ್ ಗೂಡುದಲೆಕೊ ಜೋಡಿಪೊಡು, ಅಯಿತ ಉಳಾಯಿದ ಜಾಗೆ ಕಾಲಿ ಇಪ್ಪೊಡು. ಅಯಿಟ್ ಇಂಜಿ ಕರೆಂಟ್ದ ಬೊಲ್ಬು ಪಾಡಿಯೆರೆ ಆವೊಡು. ಗೂಡುದ ಸುರ್ಪೊ‌ ಆಜಿ ಮೋನೆದನೇ [ cube ] ಅವೊಂಡುಂದು ಇಜ್ಜಿ. ಅಯಿದ್ದ್ ಎಚ್ಚ ಇತ್ತ್ಂಡ್ ಲಾ ಆಪುಂಡು. [octahedron dodecahedron] ಇಂಚ. ಆ ಬೆದ್ರ್ ದ ಮಿತ್ತ್ ಗ್ ರಂಗ್- ರಂಗ್ ದ ಕಾಕಜಿನ್ ಗೋಂದುಡು ಪತ್ತಾವೆರ್. ಇತ್ತೆ ಪೇಂಟೆಡ್ ತರಾವಳಿದ ಸುರ್ಪೊದ ಬೇತೆ ಬೇತೆ ರಂಗ್ ದ ಗೂಡುದೀಪಲು ಉಲ್ಲ. ದುಂಬು ಕಾಲಿ ನಕ್ಷತ್ರೊದ ರೂಪೊಡು ಇತ್ತಾ.

ತುಡರ್ ಪರ್ಬೊದ ಅಮಾಸ್ಯೆದಾನಿ ಪಾಡಿನ ಗೂಡು ದೀಪ, ತುಲಸಿ ಪರ್ಬೊ ಮುಟ್ಟ ರಾತ್ರೆದ ಕಾಲೊಡು ಪೊತ್ತುನ ಕ್ರಮೊ. ದುಂಬುದ ಕಾಲೊಡು ಗೂದುದೀಪೊನೊ ಇಲ್ಲದ ಪಿದಾಯಿ ಎತ್ತರೊಡು ಕಟ್ಟೊಂದಿತ್ತೆರ್. ಕರಿದ್ ಪೋಯಿನ ನಮ್ಮ ಹಿರಿಯಕುಲು ಉಂದೆನ್ ತೂದು ಕುಸಿಟ್ ಇಪ್ಪಡ್ ಪನ್ಪಿ ನಂಬೊಲಿಗೆ.

ಗೂಡುದೀಪದ ಇತಿಹಾಸ

ರೈಲ್ವೆದಕಲು ಗಳಸುನ ಚಿಮಿಣಿ ಎಣ್ನೆದ ಗೂಡುದೀಪದ ಮಾದರಿದ ತುಡರ್

ಗೂಡುದೀಪ ಇಂಗ್ಲಿಸ್ ದ ಲಾಂಟೀನ್ ಪನ್ಪಿನ ಬೊಲ್ಪುದ ಮೂಲೊದ್ದು ಬತ್ತಿದಿನ. ದುಂಬುದ ಕಾಲೊಡು ಬತ್ತಿದ ತುಡರ್ನ್ ನೇಲ್ಪಾನಗ, ಅಂಚನೆ ಒಂಜಿ ಜಾಗೆದ್ದ್ ಪಿರ ಒಂಜಿ ಜಾಗೆಗ್ ದೆತ್ತೋಂದು ಪೋನಗ ಗಾಳಿ ಬೀಜಿದ್, ಬರ್ಸ ಬೂರುದು ತೆಕ್ಕಿಯೆರೆ ಬಲ್ಲಿ ಪಂದ್ ಅಯಿಕ್ ಮದೆ ಮಲ್ಪಿನ ಕ್ರಮೊ ಸುರು ಆಂಡ್. ಅಂಚನೆ ಮರತ ಹಡಗ್ ಡ್ ಸೂ ಬೂರ್ದು ಸೂತ ಅವಗಡ ಆಯೆರೆ ಬಲ್ಲಿಂದ್ ಪಂದ್ ಕರ್ಬೊದ ಮದೆ ಮಲ್ತೊಂದಿತ್ತೆರ್. ರೈಲ್ವೆದಕುಲು ಚಿಮಿಣಿ ಎಣ್ನೆಡ್ ಪೊತ್ತುನ ಸಿಗ್ನಲ್ ದೀಪನ್ ಗೂಡುದೀಪದ ಮಾದರಿಡೆ ಗಳಸೊಂದಿತ್ತೆರ್. ಬುಕ್ಕೊ ಬಾಟೆರಿದ ತುಡರ್ (ಟಾರ್ಚ್) ಗಳಸಿಯೆರೆ ಶುರು ಮಲ್ತಿ ಬುಕ್ಕೊ ಉಂದೆನ್ ಕಮ್ಮಿ ಗಳಸಿಯೆರೆ ಶುರು ಮಲ್ತೆರ್.

ಗೂಡುದೀಪದ ಪಂತೊಲು

ತುಡಾರ್ ಪರ್ಬೊದ ಸಮಯೊಡು ಕೆಲವು ಊರುಲೆಡ್ ಗೂಡು ದೀಪ ಮಲ್ಪಿನ ಪಂತಲಾ ಉಂಡು. ಪೊರ್ಲುದ ಗೂಡುದೀಪ ಮಲ್ತಿನ ಕುಲೆಗ್ ಇನಾಮುಲಾ ಉಂಡು.

ನೂಲುಡು ಮಲ್ತಿನ ಗೂಡುದೀಪ

ಪರತ್ ಚಿಲ್ಲರೆ ಪಣವುಡು ಮಲ್ತಿನ ಗೂಡುದೀಪ

ಕೆತ್ತಿದ ಚೋಲಿಡ್ ಮಲ್ತಿನ ಗೂಡುದೀಪ

ಸ್ಪರ್ದೆಲೆನ ಕೆಲವು ನಿಯಮೊಲು ಗೂಡುದೀಪೊಗು ಮೂಲೆ ಇಪ್ಪುನ ಕಡ್ದಯ

ಬಣ್ಣದ ಕಾಕಜಿ, ಗ್ಲಾಸ್ ಪೇಪರ್, ಬುಕ್ಕೊ ಭೆಗಡೆ ಗಳಸ್ದ್ ಇಪ್ಪೊಡು.

ಪ್ಲಾಸ್ಟಿಕ್, ಫಿಬೆರ್, ತೆರ್ಮೊಕೋಲು ಗಳಸಿಯೆರೆ ಬಲ್ಲಿ.

ಬೀಲೊ ಇಪ್ಪುನ ಕಡ್ದಾಯ

ಪಂತ ನಡಪುನ ಜಾಗೆಲು

ಪೆರ್ಣಂಕಿಲ ಶಂಕರ ಪ್ರತಿಷ್ತಾನದ ವತಿಯಿಂದ ಸಾಂಪ್ರದಾಯಿಕ ಗೂಡು ದೀಪ ಸ್ಪರ್ದೆ

ಕುದ್ರೋಳಿ ಗೋಕರ್ಣನ ಸನ್ನಿಧಿಯಲ್ಲಿ ಗೂಡುದೀಪ ಸ್ಪರ್ಧೆ ಉಡುಪಿಯಲ್ಲಿ ಸಾಂಪ್ರದಾಯಿಕ ಗೂಡು ದೀಪ ಸ್ಪರ್ಧೆ - ಕಾಪು ಗೂಡು ದೀಪ ಸ್ಪರ್ದೆ ಮದರ್ ತೆರೇಸಾ ವಿಚಾರ ವೇದಿಕೆ ಮಂಗಳೂರು ಕಾರ್ಕಳ ಮುದ್ದು ಶಾರದೆ ಗೂದಡು ದೀಪ ಸ್ಪರ್ದೆ ಬೈಲೂರು ನಾಗರಾಜ್ ಉಪಾಧ್ಯಾಯ ಪನ್ಪಿನಾರ್ ಕರಿನ 36 ವರ್ಷಲೆಡ್ ಸಾಂಪ್ರದಾಯಿಕ ಗೂಡುದೀಪ ತಯಾರ್ ಮಲ್ತೋಂದುಲ್ಲೆರ್.

ಪೊಸ ನಮೂನೆದ ಗೂಡುದೀಪೊಲು

ಇತ್ತೆದ ಕಾಲೋಡು ಪಂತೊಗು ಬೋಡಾದ್ ಪೊಸ-ಪೊಸ ಚಾತುರ್ಪೊಲೆನ್ ಗಳಸ್ದ್ ಗೂಡುದೀಪ ತಯಾರ್ ಮಲ್ಪುವೆರ್. ಅಯಿಟ್ ಕೆಲವು ಪರತ್ ಪಾವೊಲಿನೆಲ್ ಮಲ್ತ್ದ್ ಮಲ್ತಿನ ಗೂಡು ದೀಪ. ಅಯಿಟ್ ರಯಿ, ಒಟ್ಟೆ ಮುಕ್ಕಾಲ್ದ್ ಬತ್ತ್ದ್ ೧೦ ರುಪಾಯಿದ ಪಾವೊಲಿಲಾ ಉಂಡು. ತೂಯೆರೆ ಬಾರಿ ಪೊರ್ಲು. ಅಂಚನೆ ಒರಿ ಕೆತ್ತಿದ ಒಟ್ಟೆಡ್ ಬಾರೀ ಪೊರ್ಲುದ ಕಈಅನೆ ಮಲ್ತ್ ಗೂಡು ದೀಪ ತಯರ್ ಮಲ್ತ್ದೆ. ನೂಲುನು ಸುತ್ತುದೆ ಒಂಜಿ ಗೂಡ್ಯೌ ದೀಪ ತಯಾರ್ ಮಲ್ತೆರ್.

ಆಟದ ವೇಸೊದ, ಕಿರೀಟದ, ಕೇರಳದ ಕತಕ್ಕಳಿದ, ದೇವಸ್ಥಾನೊಲೆನ ಇಂಚ ತರಾವಳಿ ಗೂಡು ದೀಪ ಉಂಡು.