ಚೆನ್ನೆಮಣೆ ಗೊಬ್ಬುಲು
ಚೆನ್ನೆಮಣೆ ಗೊಬ್ಬುಡು ಬೇತೆ ಬೇತೆ ವಿಧೊತ ಗೊಬ್ಬುಲು ಉಂಡು.ತುಳುನಾಡ್‌ಡ್ ಆಟಿದ ತಿಂಗೊಳುಡು ಮಾತ್ರ ಚೆನ್ನೆಮಣೆ ಗೊಬ್ಬುನ ವಾಡಿಕೆ ದಾಯೆ ಪಂಡ ಆಟಿದ ತಿಂಗೊಳುಡು ಕೀರಿಕಟ್ಟ್‌ದ ಬರ್ಸ ಬರ್ಪುನ ಪೊರ್ತುಡು ದಾಲ ಬೆನ್ನಿ ಸಾಗೊಲಿದ ಬೇಲೆದಾಂತೆ ಇಲ್ಲ್‌ದ ಉಲಯೇ ಕುಲ್ಲುದು ಪೊರ್ತು ಕಳೆಯೆರೆಗಾತ್ರ ಚೆನ್ನೆಗೊಬ್ಬುವೆರ್.[೧] ಸೋಣ ಬತ್ತಿ ಕೂಡ್ಲೆ ಬರ್ಸ ಕಮ್ಮಿ ಆಪುಂಡು ಅಪಗ ಚೆನ್ನೆದ ಮಣೆ ಅಟ್ಟೊಗು ಪಾಡುನವು ದುಂಬುಡ್ಡೆ ನಡತ್ ಬತ್ತಿನ ಕ್ರಮ.ಜಾಸ್ತಿ ಪಂಡ ಸೋಣೊಡು ಅಷ್ಟೆಮಿ ಮುಟ್ಟ ಗೊಬ್ಬೊಲಿ.
ಗೊಬ್ಬುದ ಉಪಯೋಗ
[ಸಂಪೊಲಿಪುಲೆ]- ಚೆನ್ನೆಮಣೆ ಗೊಬ್ಬುಂಡ ನಮ್ಮ ಜ್ಞಾನ ,ಬುದ್ದಿಶಕ್ತಿ ಜಾಸ್ತಿ ಅಪುಂಡು .ಎದುರುದಾಯನ ಗೊಬ್ಬುದ ಚಾತಿರ್ಪುನು ಆಲೋಚನೆ ಮಲ್ಪುನಂಚಿನ ಬೇಲೆ ನಮ್ಮ (ತರೆಟ್ )ಮಂಡೆಡ್ ಆವೊಂದುಪ್ಪುಂಡು.
- ಚೆನ್ನೆಗೊಬ್ಬುನಗ ಒಂಜಾತ್ ಪೊರ್ತು ಕಳೆಯಿನವೇ ಗೋತ್ತಾಪುಜಿ ಮನಸ್ಸ್‌ದ ಬೇಜಾರ್ ಕಳೆದ್ ಉಲ್ಲಾಸಾವುಂಡು.
- ಇಲ್ಲದಕುಲು ಬರಿತ ಇಲ್ಲದಕುಲು ಮಾತ ಒಟ್ಟಾದ್ ಗೊಬ್ಬುನಗ ಸಾಮಾಜಿಕ ಭಾಂದವ್ಯ ಹೆಚ್ಚಾಪುಂಡು.
- ಚೆನ್ನೆ ಮಣೆಟ್ ಇತ್ತಿನ ಗುಂಡಿಗ್(ಇಲ್ಲ್) ಕಾಯಿ ಪೆಜ್ಜೆರೆ ಬಿರೆಳ್ ಪಾಡ್ನಗ ಬಿರೆಲ್‌ದ ಕೊಡಿ ಮಾತ ಒತ್ತಿಲೆಕ್ಕಾದ್ ಶಕ್ತಿ ಕೇಂದ್ರದಮಿತ್ತ್ ಒತ್ತಡ ಬೂರ್ದು ನೆತ್ತೆರ್ ಸಂಚಾರ ಪೊರ್ಲುಡೆ ಆಪುಂಡು ಉಂದು ನಮ್ಮ ಸರೀರೊದ ಅರೈಕೆಗ್ ಎಡ್ಡೆ
ಗೊಬ್ಬುಗು ಬೋಡಾಯಿನ ವಸ್ತುಲು
[ಸಂಪೊಲಿಪುಲೆ]ಚೆನ್ನೆದ ಗೊಬ್ಬುಗು ಚೆನ್ನೆದ ಮಣೆ ಬೊಕ್ಕ ಗೊಬ್ಬೆರೆ ಕಾಯಿ ಬೋಡಾಪುಂಡು .ಸಾಮಾನ್ಯವಾದ್ ಮಂಜೊಟ್ಟಿ ಕಾಯಿಡ್ ಗೊಬ್ಬುನ ಕ್ರಮ .ಕೆಲವೆರ್ ಮಂಜೊಟ್ಟಿ ತಿಕ್ಕ್‌ಜಿಂಡಾ ಪುಳಿಂಕೊಟೆಡ್ ಗೊಬ್ಬುವೆರ್.ಅವತ್ತಂದೆ ಕೆಲವು ಗೊಬ್ಬುಗು ಕಮ್ಮಿ ಜನೊ ಯಾವುಂಡು ಕೆಲವೆಕ್ ಜಾಸ್ತಿ ಜನೊ ಬೋಡಾಪುಂಡು.[೨]
ಅರಸು ಪ್ರದಾನಿ
[ಸಂಪೊಲಿಪುಲೆ]ಅರಸು ಪ್ರದಾನಿ ಗೊಬ್ಬುನಗ ಚೆನ್ನೆಮಣೆ ನಡುಟು ದೀದ್ ಗೊಬ್ಬುನಕುಲು ಎದುರುಬದುರು ಕುಳ್ಳೊಡು.ಮಾತ ಇಲ್ಲ್‌ಗ್ ನಾಲ್ನಾಲ್ ಮಂಜೊಟ್ಟಿ ಕಾಯಿ ಪಾಡೊಡು. ಒಂಜಿ ಮೈತ ನಾಲ್ ಇಲ್ಲ್ ಮಂತ್ರಿಗ್ ಬೊಕ್ಕೊಂಜಿ ಮೈತ್ ನಾಲ್ ಇಲ್ಲ್ ಒಕ್ಕೆಲ್ದಾಯಗ್ ,ನಡುತ ಆಜಿ ಇಲ್ಲ್ ಅರಸುನ .ಅರಸು ಸುರುಕು ಗೊಬ್ಬೆರೆ ಸುರು ಮಲ್ಪೊಡು ಆಯನ ಒಂಜಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಮಾತ ಇಲ್ಲ್‌ಗ್ ಒಂಜೊಂಜಿ ಕಾಯಿ ಪಾಡೊಂದು ಬರೊಡು ನಾಲ್ ಕಾಯಿ ಪಾಡ್ದ್ ಆಯಿ ಬೊಕ್ಕ ಐನ್‌ನೆದ ಇಲ್ಲ್‌ದ ಕಾಯಿನ್ ದೆತ್ತ್‌ದ್ ಪಾಡೊಂದು ಬರೊಡು ಇಂಚನೆ ಪಾಡೊಂದು ಬನ್ನಗ ಒಂಜಿ ಇಲ್ಲ್ ಖಾಲಿ ಇತ್ತ್‌ದ್ ದುಂಬುದ ಇಲ್ಲ್ಡ್ ಕಾಯಿ ಇತ್ತ್ಂಡ ಅವ್ವು ಅರಸುಗು ತಿಕ್ಕುಂಡು ಉಂದೆಕ್ ಪೆರ್ಗೆ ಪನ್ಪೆರ್ .ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆರೆ .ಬೊಕ್ಕ ಪ್ರಧಾನಿ ಗೊಬ್ಬೆರೆ ಆಯೆನ ಇಲ್ಲ್‌ಡ್ಡ್ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು .ಅರಸು ಗೊಬ್ಬಿನಲೆಕ್ಕೊನೆ ಗೊಬ್ಬುದು ಅಯಗ್‌ಲ ಪೆರ್ಗೆ ದೆತ್ತೊನೊಲಿ ಮಂತ್ರಿ ಗೊಬ್ಬುದು ಕುಳ್ಳಿ ಬೊಕ್ಕ ಒಕ್ಕೆಲ್ದಾಯೆ ಅಂಚನೆ ಗೊಬ್ಬುದು ಪೆರ್ಗೆ ದೆತ್ತೊನೊಲಿ.ಗೊಬ್ಬುನಗ ಒಂಜಿ ಇಲ್ಲ್ಡ್ ಮೂಜಿ ಕಾಯಿ ಇತ್ತ್ಂಡ ಅವೆನ್ ಮುಕ್ಕೆ ಪನ್ಪೆರೆ ಅಯಿಕ್ ಒಂಜಿ ಕಾಯಿ ಬೂರಿ ಕೋಡ್ಲೆ ಅವ್ವು ಬುಳೆ ಆಪುಂಡು ಅವೆನ್ ಆ ಇಲ್ಲ್‌ದಕುಲು ಅಯಿಕ್ ಕುಡೊಂಜಿ ಕಾಯಿ ಪಾಡುನೆ ದುಂಬು ದೆತೊಂದು ದೀವೊಡು ಕುಡೊಂಜಿ ಕಾಯಿ ಬೂರಿ ಕೂಡ್ಲೆ ಅವ್ವು ಕುರಿಯುಂಡ ಬೊಕ್ಕ ಅವೆನ್ ದೆಪ್ಪೆರೆ ಇಜ್ಜಿ .ಇಂಚ ಗೊಬ್ಬುದು ಕಾಯಿ ಪೂರಾ ಕಾಲಿ ಆನಗ ಗೊಬ್ಬು ಮುಗಿಯುಂಡು ಗೊಬ್ಬು ಮುಗಿದಾನಗ ಅರಸುಗು ಬೊಕ್ಕದಕುಲು ರಡ್ಡ್ ಜನೊ ಒಂಜೊಂಜಿ ಕಾಯಿ ಗೇ್ಣೀ ಕೊರೊಡು.ಅವೆಡ್ಡ್ ಬೊಕ್ಕ ಅಕುಲಕುಲೆಗ್ ತಿಕ್ಕಿನ ಕಾಯಿನ್ ಅಕುಲಕುಲೆನ ಇಲ್ಲ್‌ಗ್ ದಿಂಜಾವೊಡು ಮಾತ ಇಲ್ಲ್‌ಗ್ ಕಾಯಿ ಇಲ್ಲಾಂದಿನಕುಲು ಅಕುಲೆನ ಇಲ್ಲ್‌ಗ್ ದಾದಾಂಡಲ ಪೇಪರ್ದ ತುಂಡು ಪಾಡೊಡು ಅವ್ವು ಇಲ್ಲ್‌ಗ್ ಸೂ ಆಂಡ್ ಪನ್ಪಿನ ಸಂಕೇತ.ಇಂಚ ಗೊಬ್ಬುದು ಮಾತ ಇಲ್ಲ್‌ಗ್ ಸೂ ಆಯಿನಾಯೆ ಸೋತೆಂದ್ ಲೆಕ್ಕ
ಬುಳೆ ಪೆರ್ಗೆ
[ಸಂಪೊಲಿಪುಲೆ]ಬುಳೆ ಪೆರ್ಗೆ ಗೊಬ್ಬು ಗೊಬ್ಬುನ ಕ್ರಮ ಎಂಛ ಪಂಡ್ ಚೆನ್ನೆಮಣೆ ನಡುಟು ದೀದ್ ಗೊಬ್ಬುನಕುಲು ಎದುರುಬದುರು ಕುಳ್ಳೊಡು.ಮಾತ ಇಲ್ಲ್‌ಗ್ ನಾಲ್ನಾಲ್ ಮಂಜೊಟ್ಟಿ ಕಾಯಿ ಪಾಡೊಡು. ಒಂಜಿ ಮೈತ ಏಳ್ ಇಲ್ಲ್ ಒರಿಯಗ್ ಬೊಕ್ಕೊಂಜಿ ಮೈತ್ ಏಳ್ ಇಲ್ಲ್ ಒರಿಯಗ್ , ಸುರುಕು ಗೊಬ್ಬೆರೆ ಸುರು ಮಲ್ಪೊನಾಯೆ ಒಂಜಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಮಾತ ಇಲ್ಲ್‌ಗ್ ಒಂಜೊಂಜಿ ಕಾಯಿ ಪಾಡೊಂದು ಬರೊಡು ನಾಲ್ ಕಾಯಿ ಪಾಡ್ದ್ ಆಯಿ ಬೊಕ್ಕ ಐನ್‌ನೆದ ಇಲ್ಲ್‌ದ ಕಾಯಿನ್ ದೆತ್ತ್‌ದ್ ಪಾಡೊಂದು ಬರೊಡು ಇಂಚನೆ ಪಾಡೊಂದು ಬನ್ನಗ ಒಂಜಿ ಇಲ್ಲ್ ಖಾಲಿ ಇತ್ತ್‌ದ್ ದುಂಬುದ ಇಲ್ಲ್ಡ್ ಕಾಯಿ ಇತ್ತ್ಂಡ ಅವ್ವು ಅಯಗ್ ತಿಕ್ಕುಂಡು ಉಂದೆಕ್ ಪೆರ್ಗೆ ಪನ್ಪೆರ್ .ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆರೆ .ಬೊಕ್ಕ ನನೊರಿ ಗೊಬ್ಬೆರೆ ಆಯೆನ ಇಲ್ಲ್‌ಡ್ಡ್ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು ಸುರುತ್ತಾಯೆ ಗೊಬ್ಬಿನಲೆಕ್ಕೊನೆ ಗೊಬ್ಬುದು ಅಯಗ್‌ಲ ಪೆರ್ಗೆ ದೆತ್ತೊನೊಲಿ .ಗೊಬ್ಬುನಗ ಒಂಜಿ ಇಲ್ಲ್ಡ್ ಮೂಜಿ ಕಾಯಿ ಇತ್ತ್ಂಡ ಅವೆನ್ ಮುಕ್ಕೆ ಪನ್ಪೆರೆ ಅಯಿಕ್ ಒಂಜಿ ಕಾಯಿ ಬೂರಿ ಕೋಡ್ಲೆ ಅವ್ವು ಬುಳೆ ಆಪುಂಡು ಅಯಿಕ್ ಕುಡೊಂಜಿ ಕಾಯಿ ಪಾಡುನೆ ದುಂಬು ಅವೆನ್ ಆ ಇಲ್ಲ್‌ದಕುಲು ದೆತೊಂದು ದೀವೊಡು ಕುಡೊಂಜಿ ಕಾಯಿ ಬೂರಿ ಕೂಡ್ಲೆ ಅವ್ವು ಕುರಿಯುಂಡ ಬೊಕ್ಕ ಅವೆನ್ ದೆಪ್ಪೆರೆ ಇಜ್ಜಿ .ಇಂಚ ಗೊಬ್ಬುದು ಕಾಯಿ ಪೂರಾ ಕಾಲಿ ಆನಗ ಗೊಬ್ಬು ಮುಗಿಯುಂಡು .ಅವೆಡ್ಡ್ ಬೊಕ್ಕ ಅಕುಲಕುಲೆಗ್ ತಿಕ್ಕಿನ ಕಾಯಿನ್ ಅಕುಲಕುಲೆನ ಇಲ್ಲ್‌ಗ್ ದಿಂಜಾವೊಡು ಮಾತ ಇಲ್ಲ್‌ಗ್ ಕಾಯಿ ಇಲ್ಲಾಂದಿನಕುಲು ಅಕುಲೆನ ಇಲ್ಲ್‌ಗ್ ಸೂ ಪಾಡೊನ ಕ್ರಮ. ದಾದಾಂಡಲ ಪೇಪರ್ದ ತುಂಡು ಪಾಡೊಡು ಅವ್ವು ಇಲ್ಲ್‌ಗ್ ಸೂ ಆಂಡ್ ಪನ್ಪಿನ ಸಂಕೇತ.ಇಂಚ ಗೊಬ್ಬುದು ಮಾತ ಇಲ್ಲ್‌ಗ್ ಸೂ ಆಯಿನಾಯೆ ಸೋತೆಂದ್ ಲೆಕ್ಕ
ಎದುರು ಪೆರ್ಗೆ
[ಸಂಪೊಲಿಪುಲೆ]ಎದುರು ಪೆರ್ಗೆ ಗೊಬ್ಬು ಉಂದೆಕ್ ಜೋಡು ಪೆರ್ಗೆಂದಲ ಪನ್ಪೆರ್. ಗೊಬ್ಬುನ ಕ್ರಮ ಎಂಚ ಪಂಡ ಪುದರ್ದ ಲೆಕ್ಕೊನೆ ಒಂಜಿ ಪೆರ್ಗೆ ತಿಕ್ಕ್‌ನಗ ಎದುರುದ ಇಲ್ಲ್ಡ್ ಇತ್ತಿನ ಕಾಯಿನ್ಲ ದೆತೊನೊಲಿ . ಚೆನ್ನೆಮಣೆ ನಡುಟು ದೀದ್ ಗೊಬ್ಬುನಕುಲು ಎದುರುಬದುರು ಕುಳ್ಳೊಡು.ಮಾತ ಇಲ್ಲ್‌ಗ್ ನಾಲ್ನಾಲ್ ಮಂಜೊಟ್ಟಿ ಕಾಯಿ ಪಾಡೊಡು. ಒಂಜಿ ಮೈತ ಏಳ್ ಇಲ್ಲ್ ಒರಿಯಗ್ ಬೊಕ್ಕೊಂಜಿ ಮೈತ್ ಏಳ್ ಇಲ್ಲ್ ಒರಿಯಗ್ , ಸುರುಕು ಗೊಬ್ಬೆರೆ ಸುರು ಮಲ್ಪೊನಾಯೆ ಒಂಜಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಮಾತ ಇಲ್ಲ್‌ಗ್ ಒಂಜೊಂಜಿ ಕಾಯಿ ಪಾಡೊಂದು ಬರೊಡು ನಾಲ್ ಕಾಯಿ ಪಾಡ್ದ್ ಆಯಿ ಬೊಕ್ಕ ಐನ್‌ನೆದ ಇಲ್ಲ್‌ದ ಕಾಯಿನ್ ದೆತ್ತ್‌ದ್ ಪಾಡೊಂದು ಬರೊಡು ಇಂಚನೆ ಪಾಡೊಂದು ಬನ್ನಗ ಒಂಜಿ ಇಲ್ಲ್ ಖಾಲಿ ಇತ್ತ್‌ದ್ ದುಂಬುದ ಇಲ್ಲ್ಡ್ ಕಾಯಿ ಇತ್ತ್ಂಡ ಅವ್ವು ಅಯಗ್ ತಿಕ್ಕುಂಡು ಉಂದೆಕ್ ಪೆರ್ಗೆ ಪನ್ಪೆರ್ . ಈ ಪೆರ್ಗನ್ ದೆತೊನ್‌ನಗ ಎದುರುದ ಇಲ್ಲಡ್ ಇತ್ತಿನ ಕಾಯಿನ್ಲ ದೆತೊನೊಲಿ ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆರೆ .ಬೊಕ್ಕ ನನೊರಿ ಗೊಬ್ಬೆರೆ ಸುರು ಮಲ್ಪೊಡು ಆಯೆನ ಇಲ್ಲ್‌ಡ್ಡ್ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು ಸುರುತ್ತಾಯೆ ಗೊಬ್ಬಿನಲೆಕ್ಕೊನೆ ಗೊಬ್ಬುದು ಅಯಗ್‌ಲ ಪೆರ್ಗೆ ದೆತ್ತೊನೊಲಿ ಅವೆತ ಒಟ್ಟುಗು ಎದುರುದ ಇಲ್ಲ್‌ದ ಕಾಯಿಲ ದೆತೊನೊಲಿ .ಗೊಬ್ಬುನಗ ಒಂಜಿ ಇಲ್ಲ್ಡ್ ಮೂಜಿ ಕಾಯಿ ಇತ್ತ್ಂಡ ಅವೆನ್ ಮುಕ್ಕೆ ಪನ್ಪೆರೆ ಅಯಿಕ್ ಒಂಜಿ ಕಾಯಿ ಬೂರಿ ಕೋಡ್ಲೆ ಅವ್ವು ಬುಳೆ ಆಪುಂಡು ಅಯಿಕ್ ಕುಡೊಂಜಿ ಕಾಯಿ ಪಾಡುನೆ ದುಂಬು ಅವೆನ್ ಆ ಇಲ್ಲ್‌ದಕುಲು ದೆತೊಂದು ದೀವೊಡು ಕುಡೊಂಜಿ ಕಾಯಿ ಬೂರಿ ಕೂಡ್ಲೆ ಅವ್ವು ಕುರಿಯುಂಡ ಬೊಕ್ಕ ಅವೆನ್ ದೆಪ್ಪೆರೆ ಇಜ್ಜಿ .ಇಂಚ ಗೊಬ್ಬುದು ಕಾಯಿ ಪೂರಾ ಕಾಲಿ ಆನಗ ಗೊಬ್ಬು ಮುಗಿಯುಂಡು .ಅವೆಡ್ಡ್ ಬೊಕ್ಕ ಅಕುಲಕುಲೆಗ್ ತಿಕ್ಕಿನ ಕಾಯಿನ್ ಅಕುಲಕುಲೆನ ಇಲ್ಲ್‌ಗ್ ದಿಂಜಾವೊಡು ಮಾತ ಇಲ್ಲ್‌ಗ್ ಕಾಯಿ ಇಜ್ಜಾಂದಿನಕುಲು ಅಕುಲೆನ ಇಲ್ಲ್‌ಗ್ ಸೂ ಪಾಡುನ ಕ್ರಮ. ದಾದಾಂಡಲ ಪೇಪರ್ದ ತುಂಡು ಪಾಡೊಡು ಅವ್ವು ಇಲ್ಲ್‌ಗ್ ಸೂ ಆಂಡ್ ಪನ್ಪಿನ ಸಂಕೇತ.ಇಂಚ ಗೊಬ್ಬುದು ಮಾತ ಇಲ್ಲ್‌ಗ್ ಸೂ ಆಯಿನಾಯೆ ಸೋತೆಂದ್ ಲೆಕ್ಕ
ಮೂಲೆ ಕಟ್ಟುನೆ
[ಸಂಪೊಲಿಪುಲೆ]ಮೂಲೆ ಕಟ್ಟ್ ಗೊಬ್ಬು . ಚೆನ್ನೆಮಣೆ ನಡುಟು ದೀದ್ ಗೊಬ್ಬುನಕುಲು ಎದುರುಬದುರು ಕುಳ್ಳೊಡು.ಮಾತ ಇಲ್ಲ್‌ಗ್ ನಾಲ್ನಾಲ್ ಮಂಜೊಟ್ಟಿ ಕಾಯಿ ಪಾಡೊಡು. ಒಂಜಿ ಮೈತ ಏಳ್ ಇಲ್ಲ್ ಒರಿಯಗ್ ಬೊಕ್ಕೊಂಜಿ ಮೈತ್ ಏಳ್ ಇಲ್ಲ್ ಒರಿಯಗ್ , ಸುರುಕು ಗೊಬ್ಬೆರೆ ಸುರು ಮಲ್ಪೊನಾಯೆ ಒಂಜಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಮಾತ ಇಲ್ಲ್‌ಗ್ ಒಂಜೊಂಜಿ ಕಾಯಿ ಪಾಡೊಂದು ಬರೊಡು ನಾಲ್ ಕಾಯಿ ಪಾಡ್ದ್ ಆಯಿ ಬೊಕ್ಕ ಅವ್ವೆ ಇಲ್ಲ್‌ದ ಕಾಯಿನ್ ಪತ್ತೊಡು ಪನ್ಪಿನವು ಈ ಗೊಬ್ಬುದ ಕ್ರಮ.ಅಂಚ ಕಾಯಿ ಪಾಡಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು ಇಂಚನೆ ಪಾಡೊಂದು ಬನ್ನಗ ಒಂಜಿ ಮೂಲೆಡ್ ಮೂಜಿ ಕಾಯಿ ಇತ್ತ್‌ದ್ ಅಯಿಕ್ ಒಂಜಿ ಕಾಯಿ ಪಾಡುನ ಅವಕಾಶ ತಿಕ್ಕ್ಂಡ್ ಅವ್ವು ಮೂಲೆ ಕಟ್ಟಿ ಲೆಕ್ಕ ಆಂಡ್ ಅವೆನ್ ಬೊಕ್ಕ ದೆಪ್ಪೆರೆ ಇಜ್ಜಿ ಅಯಿಕ್ ಪಾಡ್ಡ್ ದಿಂಜಾ ಆವೊಡು . ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆರೆ .ಬೊಕ್ಕ ನನೊರಿ ಗೊಬ್ಬೆರೆ ಸುರು ಮಲ್ಪೊಡು ಆಯೆನ ಇಲ್ಲ್‌ಡ್ಡ್ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು ಸುರುತ್ತಾಯೆ ಗೊಬ್ಬಿನಲೆಕ್ಕೊನೆ ಗೊಬ್ಬುದು ಅಯಗ್‌ಲ ಒಂಜಿ ಮೂಲೆಡ್ ಮೂಜಿ ಕಾಯಿ ಇತ್ತ್‌ದ್ ಅಯಿಕ್ ಒಂಜಿ ಕಾಯಿ ಪಾಡಿ ಕೋಡ್ಲೆ ಅವೆನ್ ಆಯೆ ಮೂಲೆ ಕಟ್ಟ್ಯೆಂದ್ ಲೆಕ್ಕ ಅಯಿಕ್ ಪ್ರತಿ ಸರ್ತಿ ಕಾಯಿ ಬಿರ್ಕ್‌ನಗ ಕಾಯಿ ಪಾಡೊಂದು ಜಾಸ್ತಿ ಮಲ್ಪೊಡು ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆ .ಇಂಚ ಗೊಬ್ಬು ಗೊಬ್ಬುದು ಬೇತೆ ಇಲ್ಲ್‌ದ ಕಾಯಿ ಪೂರಾ ಕಾಲಿ ಆನಗ ಗೊಬ್ಬು ಮುಗಿಯುಂಡು .ಅವೆಡ್ಡ್ ಬೊಕ್ಕ ಅಕುಲಕುಲೆನ ಮೂಲೆ ಕಟ್ಟ್‌ನೆಟ್ ತಿಕ್ಕಿನ ಕಾಯಿನ್ ಅಕುಲಕುಲೆನ ಇಲ್ಲ್‌ಗ್ ದಿಂಜಾವೊಡು ಮಾತ ಇಲ್ಲ್‌ಗ್ ಕಾಯಿ ಇಜ್ಜಾಂದಿನಕುಲು ಅಕುಲೆನ ಇಲ್ಲ್‌ಗ್ ಸೂ ಪಾಡುನ ಕ್ರಮ. ದಾದಾಂಡಲ ಪೇಪರ್ದ ತುಂಡು ಪಾಡೊಡು ಅವ್ವು ಇಲ್ಲ್‌ಗ್ ಸೂ ಆಂಡ್ ಪನ್ಪಿನ ಸಂಕೇತ.ಇಂಚ ಗೊಬ್ಬುದು ಮಾತ ಇಲ್ಲ್‌ಗ್ ಸೂ ಆಯಿನಾಯೆ ಸೋತೆಂದ್ ಲೆಕ್ಕ
ಕೊಪ್ಪಳ ಕಟ್ಟುನೆ
[ಸಂಪೊಲಿಪುಲೆ]ಕೊಪ್ಪಳ ಕಟ್ಟುನೆ ಈ ಗೊಬ್ಬು ಗೊಬ್ಬುನಗ . ಚೆನ್ನೆಮಣೆ ನಡುಟು ದೀದ್ ಗೊಬ್ಬುನಕುಲು ಎದುರುಬದುರು ಕುಳ್ಳೊಡು.ಮಾತ ಇಲ್ಲ್‌ಗ್ ನಾಲ್ನಾಲ್ ಮಂಜೊಟ್ಟಿ ಕಾಯಿ ಪಾಡೊಡು. ಒಂಜಿ ಮೈತ ಏಳ್ ಇಲ್ಲ್ ಒರಿಯಗ್ ಬೊಕ್ಕೊಂಜಿ ಮೈತ್ ಏಳ್ ಇಲ್ಲ್ ಒರಿಯಗ್ , ಸುರುಕು ಗೊಬ್ಬೆರೆ ಸುರು ಮಲ್ಪೊನಾಯೆ ನಡು ಇಲ್ಲ್‌ದ ಕಾಯಿ ದೆತ್ತ್‌ದ್ ಮಾತ ಇಲ್ಲ್‌ಗ್ ಒಂಜೊಂಜಿ ಕಾಯಿ ಪಾಡೊಂದು ಬರೊಡು ನಾಲ್ ಕಾಯಿ ಪಾಡ್ದ್ ಆಯಿ ಬೊಕ್ಕ ಅವ್ವೆ ಇಲ್ಲ್‌ದ ಕಾಯಿನ್ ಪತ್ತೊಡು ಪನ್ಪಿನವು ಈ ಗೊಬ್ಬುದ ಕ್ರಮ.ಅಂಚ ಕಾಯಿ ಪಾಡಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು ಇಂಚನೆ ಪಾಡೊಂದು ಬನ್ನಗ ಸುರು ದೆತ್ತ್‌ನ ನಡು ಇಲ್ಲ್ಡ್ ಮೂಜಿ ಕಾಯಿ ಇತ್ತ್‌ದ್ ಅಯಿಕ್ ಒಂಜಿ ಕಾಯಿ ಪಾಡುನ ಅವಕಾಶ ತಿಕ್ಕ್ಂಡ್ ಅವ್ವು ಕೊಪ್ಪಳ ಕಟ್ಟಿ ಲೆಕ್ಕ ಆಂಡ್ ಅವೆನ್ ಬೊಕ್ಕ ದೆಪ್ಪೆರೆ ಇಜ್ಜಿ ಅಯಿಕ್ ಪಾಡ್ಡ್ ದಿಂಜಾ ಆವೊಡು . ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಆಯೆ ಬೊಕ್ಕ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆರೆ .ಬೊಕ್ಕ ನನೊರಿ ಗೊಬ್ಬೆರೆ ಸುರು ಮಲ್ಪೊಡು ಆಯೆನ ನಡು ಇಲ್ಲ್‌ಡ್ದ್ ಕಾಯಿ ದೆತ್ತ್‌ದ್ ಪಾಡೊಂದು ಬರೊಡು ಸುರುತ್ತಾಯೆ ಗೊಬ್ಬಿನಲೆಕ್ಕೊನೆ ಗೊಬ್ಬುದು ಅಯಗ್‌ಲ ನಡು ಇಲ್ಲ್ಡ್ ಮೂಜಿ ಕಾಯಿ ಇತ್ತ್‌ದ್ ಅಯಿಕ್ ಒಂಜಿ ಕಾಯಿ ಬೂರಿ ಕೋಡ್ಲೆ ಅವೆನ್ ಆಯೆ ಕೊಪ್ಪಳ ಕಟ್ಟ್ಯೆಂದ್ ಲೆಕ್ಕ ಅಯಿಕ್ ಪ್ರತಿ ಸರ್ತಿ ಕಾಯಿ ಬಿರ್ಕ್‌ನಗ ಕಾಯಿ ಪಾಡೊಂದು ಜಾಸ್ತಿ ಮಲ್ಪೊಡು .ರಡ್ಡ್ ಇಲ್ಲ್ ಖಾಲಿ ಇತ್ತ್ಂಡ ಗೊಬ್ಬೆರೆ ಇಜ್ಜಿ ಉಂದೆಕ್ಕ್ ಕುಲ್ಲುನೆ ಪನ್ಪೆ .ಇಂಚ ಗೊಬ್ಬು ಗೊಬ್ಬುದು ಬೇತೆ ಇಲ್ಲ್‌ದ ಕಾಯಿ ಪೂರಾ ಕಾಲಿ ಆನಗ ಗೊಬ್ಬು ಮುಗಿಯುಂಡು .ಅವೆಡ್ಡ್ ಬೊಕ್ಕ ಅಕುಲಕುಲೆನ ಮೂಲೆ ಕಟ್ಟ್‌ನೆಟ್ ತಿಕ್ಕಿನ ಕಾಯಿನ್ ಅಕುಲಕುಲೆನ ಇಲ್ಲ್‌ಗ್ ದಿಂಜಾವೊಡು ಮಾತ ಇಲ್ಲ್‌ಗ್ ಕಾಯಿ ಇಜ್ಜಾಂದಿನಕುಲು ಅಕುಲೆನ ಇಲ್ಲ್‌ಗ್ ಸೂ ಪಾಡುನ ಕ್ರಮ. ದಾದಾಂಡಲ ಪೇಪರ್ದ ತುಂಡು ಪಾಡೊಡು ಅವ್ವು ಇಲ್ಲ್‌ಗ್ ಸೂ ಆಂಡ್ ಪನ್ಪಿನ ಸಂಕೇತ.ಇಂಚ ಗೊಬ್ಬುದು ಮಾತ ಇಲ್ಲ್‌ಗ್ ಸೂ ಆಯಿನಾಯೆ ಸೋತೆಂದ್ ಲೆಕ್ಕ
ಸೀತೆ ಆಟ
[ಸಂಪೊಲಿಪುಲೆ]ಸೀತೆ ಆಟ ಪಂಡ ಒರ್ತಿಯೆ ಗೊಬ್ಬುನ ಗೊಬ್ಬು.ದುಂಬುಡು ಸೀತೆ ರಾಮಗಾದ್ ಕಾತ್‌ದ್ ಕುಳ್ಳ್‌ನಗ ಒರ್ತಿಯೆ ಗೊಬ್ಬಿನಂಚಿನ ಈ ಚೆನ್ನೆಗೊಬ್ಬುಗು ಸೀತೆ ಆಟಂದ್ ಪುದರ್ ಆಂಡ್ . ಚೆನ್ನೆಮಣೆತ ಮಾತ ಪದ್ನಾಲ್ ಇಲ್ಲ್‌ಲ ಒರ್ತಿಗೆ ಮಾತ ಇಲ್ಲ್‌ಗ್ ನಾಲ್ನಾಲ್ ಮಂಜೊಟ್ಟಿ ಕಾಯಿ ಪಾಡೊದ್ ಗೊಬ್ಬುನ ಕ್ರಮಲ ಉಂಡು ಬೊಕ್ಕ ಕೆಲವು ಕಡೆಟ್ ಒಂಜಿನೆದ ಇಲ್ಲ್‌ಗ್ ಒಂಜಿ ಕಾಯಿ ರಡ್ಡೆನೆ ಇಲ್ಲ್‌ಗ್ ರಡ್ಡ್ ಕಾಯಿ ಮೂಜನೆ ಇಲ್ಲ್‌ಗ್ ಮೂಜಿ ಕಾಯಿ . ನಾಳ್ನೆ ಇಲ್ಲ್‌ಗ್ ನಾಳ್ ಕಾಯಿ ,ಐನನೇ ಇಲ್ಲ್‌ಗ್ ಐನ್ ಕಾಯಿ ,ಆಜನೇ ಇಲ್ಲ್‌ಗ್ ಆಜಿ ಕಾಯಿ ,ಏಳನೇ ಇಲ್ಲ್‌ಗ್ ಏಳ್ ಕಾಯಿ ಅಂಚನೆ ಇಂಚಿದ ಮೈತ ಇಲ್ಲ್‌ಗ್‌ಲ ಒಂಜಿನೆದ ಇಲ್ಲ್‌ಗ್ ಒಂಜಿ ಕಾಯಿ ರಡ್ಡೆನೆ ಇಲ್ಲ್‌ಗ್ ರಡ್ಡ್ ಕಾಯಿ ಮೂಜನೆ ಇಲ್ಲ್‌ಗ್ ಮೂಜಿ ಕಾಯಿ . ನಾಳ್ನೆ ಇಲ್ಲ್‌ಗ್ ನಾಳ್ ಕಾಯಿ ,ಐನನೇ ಇಲ್ಲ್‌ಗ್ ಐನ್ ಕಾಯಿ ಆಜನೇ ಇಲ್ಲ್‌ಗ್ ಆಜಿ ಕಾಯಿ ,ಏಳನೇ ಇಲ್ಲ್‌ಗ್ ಏಳ್ ಕಾಯಿ ಪಾಡೊಡು .ಬೊಕ್ಕ ಒಂಜಿ ಇಲ್ಲ್‌ದ ಕಾಯಿ ದೆತ್ತ್‌ದ್ ಮಾತ ಇಲ್ಲ್‌ಗ್ ಪಾಡೊಂದು ಬರೊಡು .ಉಂದೆಟ್ ಕಾಯಿ ಮುಗಿಯೆರೆ ಇಜ್ಜಿ ,ಸೋಲು ಗೇಲ್‌ಲ ಇಜ್ಜಿ