ಪಂಡಿತ್ ಜವಾಹರಲಾಲ್ ನೆಹರೂ

ವಿಕಿಪೀಡಿಯರ್ದ್
(ಜವಾಹರಲಾಲ್ ನೆಹರೂ ರ್ದ್ ಪಿರ ನಿರ್ದೇಸನೊದ)
Jump to navigation Jump to search
ಪಂಡಿತ್ ಜವಾಹರಲಾಲ್ ನೆಹರೂ
Jawaharlal Nehru.jpg
ಪಂಡಿತ್ ಜವಾಹರಲಾಲ್ ನೆಹರು
ಪುಟ್ಟಿನ ಊರುಅಲಹಬಾದ್
ಪುಟ್ಟಿನ ದಿನನವೆಂಬರ್ ೧೪, ೧೮೮೯
ಅಪ್ಪೆ-ಅಮ್ಮೆಮೋತಿಲಾಲ್ ನೆಹರ್,ಸ್ವರೂಪ್ ರಾಣಿ ಥುಸು
ದಂಪತಿಲುಕಮಲಾ ಕೌಲ್
ಸೈತಿನ ದಿನಮೇ ೨೭ ೧೯೬೪
ದೇಸೊಭಾರತೀಯ
ಕಲ್ಪಾಟಿಕೆಕಾನೂನು ಪದವಿ,ನೈಸರ್ಗಿಕ ವಿಜ್ಞಾನ ಪದವಿ
ಕಲ್ತ್‌ನ ಸಂಸ್ಥೆಕೇಂಬ್ರಿಡ್ಜ್‌ದ ಟ್ರಿನಿಟಿ ಕಾಲೇಜ್’‌‍
ಬೇಲೆಭಾರತೊದ ಸುರುತ ಪ್ರಧಾನಿ
ಮಾನಾದಿಗೆಭಾರತ ರತ್ನ
ಮಗಳ್ಇಂದಿರಾ ಗಾಂಧಿ


ನೆಹರೂ

ಪಂಡಿತ್ ಜವಾಹರಲಾಲ್ ನೆಹರು ((ನವೆಂಬರ್ ೧೪, ೧೮೮೯ - ಮೇ ೨೭, ೧೯೬೪)) ಒರಿ ಸ್ವಾತಂತ್ರ್ಯ ಹೋರಾಟಗಾರೆ, ಭಾರತದ ಸುರುತ ಪ್ರಧಾನಿ ಬೊಕ್ಕ ಭಾರತದ ಸ್ವಾತಂತ್ರ್ಯದ ದುಂಬುಲ ಅವೆಡ್ದ್ ಬೊಕ್ಕಲ ರಾಜಕೀಯೊಡು ಒಂಜಿ ಮುಖ್ಯ ವ್ಯಕ್ತಿ. 1947ಡ್ ಭಾರತ ಸ್ವತಂತ್ರ ರಾಷ್ಟ್ರವಾದ್ ತಾಪನೆಯಾಯಿನೆಡ್ದ್ ಬೊಕ್ಕ 1964ಡ್ ಆರ್ ಸಯಿಪುನೆ ಮುಟ್ಟ ಭಾರತದ ಪ್ರಧಾನ ಮಂತ್ರಿಯಾದ್ ಸೇವೆ ಮಲ್ತೆರ್. ಸಮಾಜವಾದ ತತ್ವದ, ಪ್ರಜಾಪ್ರಭುತ್ವ ಗಣರಾಜ್ಯದ ಬೊಕ್ಕ ಜಾತ್ಯತೀತತತ್ವದ ಸಾರ್ವಭೌಮ ಸ್ವತಂತ್ರ ಆಧುನಿಕ ಭಾರತದ ಶಿಲ್ಪಿ ಪನ್ಪಿ ಪುಗರ್ತೆ ಆರೆಗಿತ್ತ್ಂಡ್. ಭಾರತದ ಜೋಕುಲು ಆರೆನ್ ಚಾಚಾ ನೆಹರು ("ಅಂಕಲ್ ನೆಹರು") ಪನೊಂದಿತ್ತೆರ್.[೧]

ಪುಟ್ಟು ಬಳತಿನಿ ಬೊಕ್ಕ ಕುಟುಂಬ[ಸಂಪೊಲಿಪುಲೆ]

  • ಜವಾಹರಲಾಲ್ ನೆಹರು ಬ್ರಿಟಿಷ್ ಭಾರತದ ಅಲಹಾಬಾದ್‍ಡ್ ೧೮೮೯ ನವೆಂಬರ್ ೧೪ಕ್ಕ್ ಪುಟ್ಟ್ಯೆರ್[೨] . ಅರೆನ ಅಮ್ಮೆರ್ ಮೋತಿಲಾಲ್ ನೆಹರೂ (1861-1931), ಕಾಶ್ಮೀರಿ ಪಂಡಿತ್ ಸಮುದಾಯಗು ಸೇರಿ್ನ ಸ್ವ-ನಿರ್ಮಿತ ಶ್ರೀಮಂತ ವಕೀಲೆರ್, 1919 ಬೊಕ್ಕ 1928 ಡ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್’ದ ಅಧ್ಯಕ್ಷರಾದ್ ರಡ್ಡ್ ಸರ್ತಿ ಸೇವೆ ಸಲ್ಲಿಸದೆರ್. ಅರೆನ ಅಪ್ಪೆ, ಸ್ವರೂಪ್ ರಾಣಿ ಥುಸು (1868) -1938), ಲಾಹೋರ್‌ಡ್ ನೆಲೆಯಾದಿತ್ತಿನ ಕಾಶ್ಮೀರಿ ಬ್ರಾಹ್ಮಣ ಕುಟುಂಬೊದಾರ್ ಮೋತಿಲಾಲೆರೆನ ರಡ್ಡ್‌ನೆ ಬುಡೆದಿಯಾದಿತ್ತೆರ್ .ಸುರುತ ಬುಡೆದಿ ಸುರುತ ಬಾಲೆನ್ ಪೆದ್ದುನ ಸಮಯೊಡು ಸಯಿತ್ ಪೋದಿಪ್ಪುವೆರ್. ಜವಾಹರ್’ಲಾಲ್ ನೆಹರೂ ಮೂಜಿ ಜೋಕುಲೇಡ್ ಮಲ್ಲ ಮಗೆಯಾದಿಪ್ಪುವೆರ್, ಬೊಕ್ಕ ರಡ್ಡ್ ಜನ ಪೊಣ್ಣು ಜೋಕುಲು ಅವೆಟ್ ಮಲ್ಲ ಮಗಳ್ ವಿಜಯ ಲಕ್ಷ್ಮಿ ಯುನೈಟೆಡ್ ನೇಷನ್ಸ್ ಜನರಲ್ ಅಸೆಂಬ್ಲಿದ ಸುರುತ ಮಹಿಳಾ ಅಧ್ಯಕ್ಷರಾದಿಪ್ಪುವೆರ್. ಕಿನ್ಯ ಮೆಗ್ದಿ ಕೃಷ್ಣ ಹತೀಶಿಂಗ್ ಬರಹಗಾರ್ತಿ ತನ್ನ ಅಣ್ಣನ ಬಗ್ಗೆ ಮಸ್ತ್ ಬೂಕುಲೆನ್ ಬರೆತೆರ್. ೧೯೧೬ಡ್ ವಸಂತ ಪಂಚಮಿದಾನಿ ನೆಹರುಗು ಕಮಲಾ ಕೌಲ್‌ ಪನ್ಪಿನಾರೆನೊಟ್ಟುಗು ಮದಿಮೆಯಾಪುಂಡು.

ಬಾಲ್ಯ[ಸಂಪೊಲಿಪುಲೆ]

ಶ್ರೀಮಂತ ಇಲ್ಲ್‌ಡ್ ಆನಂದ್ ಭವನ ‍ಪನ್ಪಿ ಅರಮನೆತ ಎಸ್ಟೇಟ್ ಇಂಚ ಮಾತ ಸವಲತ್ತ್‌ದ ವಾತಾವರಣೊಡು ಬಳತಿನಾರ್ ನೆಹರೂ .ಅರೆನ ಅಮ್ಮೆರ್ ಖಾಸಗಿ ಗವರ್ನೆಸ್ ಬೊಕ್ಕ ಟೀಚರೆನ ಮುಖಾಂತರ ಇಲ್ಲಡೆ ಶಿಕ್ಷಣ ಕೊರ್ಪಾಯೆರ್. ಟೀಚರ್ ಫರ್ಡಿನ್ಯಾಂಡ್ ಟಿ. ಬ್ರೂಕ್ಸ್ ನ ಪ್ರಭಾವೊಡ್ದು ವಿಜ್ಞಾನ ಬೊಕ್ಕ ತತ್ವಶಾಸ್ತ್ರೊಡು ಆಸಕ್ತಿ ಬತ್ತ್ಂಡ್. ಅವೆಡ್ದ್ ಬೊಕ್ಕ ಆರ್ ಥಿಯಾಸಾಫಿಕಲ್ ಸೊಸೈಟಿಡ್ ತನ್ನ ೧೩ನೇ ವರ್ಸೊಡು ಕುಟುಂಬದ ದೋಸ್ತಿ ಅನ್ನಿ ಬೆಸೆಂಟ್ ಪನ್ಪಿನಾರೆಡ ಶಿಕ್ಷಣ ಪಡೆಯೆರ್ . ಆಂಡಲ, ಥಿಯಾಸಾಫಿಕಲ್ ಸೊಸೈಟಿದ ತತ್ವಶಾಸ್ತ್ರದ ಬಗೆಟ್ ಅರೆನ ಆಸಕ್ತಿ ಶಾಶ್ವತವಾದ್ ಒರಿದಿಜ್ಜಿ. ಬ್ರೂಕ್ಸ್ ಬುಡ್ಡು ಪೋಯಿಬೊಕ್ಕ ನೆಹರು ಥಿಯಾಸಾಫಿಕಲ್ ಸೊಸೈಟಿನ್ ಬುಡಿಯೆರ್. "ಸುಮಾರು ಮೂಜಿ ವರ್ಷ ಕಾಲ ಬ್ರೂಕ್ಸ್ ನೆಹರುನೊಟ್ಟುಗು ಇತ್ತೆರ್ ಅರೆನ ಮಿತ್ತ್ ಮಸ್ತ್ ವಿಧೊಟು ಪ್ರಭಾವ ಬೋರ್ದ್ಂಡ್[೩] ನೆಹರೂನ ತತ್ವಶಾಸ್ತ್ರದ ಈ ಆಸಕ್ತಿಲು ಅರೆನ್ ಬೌದ್ಧ ಬೊಕ್ಕ ಹಿಂದೂ ಧರ್ಮಗ್ರಂಥೊಲೆನ ಅಧ್ಯಯನೊಗು ಪ್ರೇರಣೆಯಾಂಡ್. ಬಾಲ ರಾಮ್ ನಂದರೆ ಪ್ರಕಾರ, ಈ ಗ್ರಂಥೊಲು ನೆಹರೂಗು "ಭಾರತದ [ಭಾರತದ] ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಪರಂಪರೆದ ಸುರುತ ಪರಿಚಯ ಮಲ್ತ್ ಕೊರ್ಪುನವಾದಿಪ್ಪುಂಡು .

ಪದವಿ[ಸಂಪೊಲಿಪುಲೆ]

  • ಅಕ್ಟೋಬರ್ 1907 ಡ್ ಕೇಂಬ್ರಿಡ್ಜ್‌ದ ಟ್ರಿನಿಟಿ ಕಾಲೇಜ್’‌‍ಗ್ ನೆಹರು ಸೇರಿಯೆರ್ ಬೊಕ್ಕ 1910 ಡ್ ನೈಸರ್ಗಿಕ ವಿಜ್ಞಾನೊಡು ಗೌರವ (ಆನರ್ಸ್) ಪದವಿ ಪಡೆಯೆರ್. ಈ ಅವಧಿಡ್ ಆರ್ ರಾಜಕಾರಣ, ಅರ್ಥಶಾಸ್ತ್ರ ,ಇತಿಹಾಸ ಬೊಕ್ಕ ಸಾಹಿತ್ಯೊನು ಶ್ರದ್ಧಾಪೂರ್ವಕವಾದ್ ಅಧ್ಯಯನ ಮಲ್ತೆರ್.1910 ಡ್ ಪದವಿ ಅಧ್ಯಯನ ಆಯಿ ಬೊಕ್ಕ ನೆಹರು ಲಂಡನ್‌ಗ್ ಪೋದು ಇನ್ನರ್ ಟೆಂಪಲ್–ಇನ್’ಡ್ ಕಾನೂನು ಅಧ್ಯಯನ ಮಲ್ತೆರ್ ಈ ಸಮಯೊಡು ಆರ್ ಬೀಟ್ರಿಸ್ ವೆಬ್ ಸೇರ್ದ್ ಫ್ಯಾಬಿಯನ್ ಸೊಸೈಟಿದ ವಿದ್ವಾಂಸರೆ ಅಧ್ಯಯನೊನು ದುಂಬುವರಿತೆರ್. ಆರೆನ್ 1912 ಡ್ ಬಾರ್’ಗೆ (ನ್ಯಾಯವಾದಿಯಾಗಿ) ಲೆತ್ತೆರ್.

ಅಡ್ವೊಕೇಟ್ ಪದವಿ ಅಭ್ಯಾಸ[ಸಂಪೊಲಿಪುಲೆ]

  • ಆಗಸ್ಟ್ 1912 ಗ್ ಭಾರತೊಗು ಪಿರ ಬತ್ತಿ ಬೊಕ್ಕ ನೆಹರು ಅಲಹಾಬಾದ್ ಹೈಕೋರ್ಟಡ್ ವಕೀಲೆರಾದ್ ಸೇರಿಯೆರ್ ಬೊಕ್ಕ ನ್ಯಾಯವಾದಿ್ಯಾದ್ ನೆಲೆಯಾವೊಡುಂದು ಪ್ರಯತ್ನ ಮಲ್ತೆರ್. ಆಂಡ ಅರೆನ ವೃತ್ತಿಜೀವನೊಡು ಆರ್ ಉಮೇದ್ ಇತ್ತಿನ ಆಸಕ್ತಿನ್ ತೋಜದಿಜೆರ್ ಬೊಕ್ಕ ಕಾನೂನ್ ಅಭ್ಯಾಸ ಅತ್ತ್ಂಡ ವಕೀಲೆರೆ ಕಂಪನಿದ ಖುಷಿ ಪಡೆತ್‌ಜೆರ್ ಆನಂದಿಸಲಿಲ್ಲ. ರಾಷ್ಟ್ರೀಯತೆದ ರಾಜಕೀಯೊಡು ಅರೆನ ಪಾ್ಲ್ ಪಡೆಯಿನೆಡ್ದಾತ್ರ ಅರೆನ್ ನ್ಯಾಯವಾದಿ ಉದ್ಯೋಗೊ ಬೊಕ್ಕದ ದಿನೊಟು ಕ್ರಮೇಣ ಬದಲಾಪುಂಡು.

ನೆಹರುನ ಸಾರ್ವಜನಿಕ ಜೀವನ : ೧೮೮೯-೧೯೧೮[ಸಂಪೊಲಿಪುಲೆ]

  • ಪಂಡಿತ್ ಜವಾಹರಲಾಲ್ ನೆಹರು ಮಾಮಲ್ಲ ನ್ಯಾಯವಾದಿ ಬೊಕ್ಕ ರಾಷ್ಟ್ರೀಯತಾವಾದಿ ರಾಜನೀತಿಜ್ಞ ಮೋತಿಲಾಲ್ ನೆಹರು ಬೊಕ್ಕ ಸ್ವರೂಪ್ ರಾಣಿ, ದಂಪತಿಲೆನ ಮಗೆ. ನೆಹರು ಕೇಂಬ್ರಿಡ್ಜ್‍ನ ಟ್ರಿನಿಟಿ ಕಾಲೇಜ್‌ದ ಪದವೀಧರೆರಾದಿತ್ತೆರ್.. ಇಂಗ್ಲೆಂಡ್‌ಡ್ ಇನ್ನರ್ ಟೆಂಪಲ್ ಡ್ ತರಬೇತಿ ಪಡೆದ್ ನ್ಯಾಯವಾದಿಯಾದ್/ ಬ್ಯಾರಿಸ್ಟರ್’ಆದ್ ಭಾರತೊಗು ಪಿರ ಬತ್ತ್‌ದ್ ಅಲಹಾಬಾದ್ ಹೈಕೋರ್ಟ್ಗು ಸೇರೊನುವೆರ್. ಬೊಕ್ಕ ರಾಷ್ಟ್ರೀಯ ರಾಜಕಾರಣೊಡು ಉಮೇದ್ ತೋಜವೆರ್, ಅಮ್ಮೆರೆನೊಟ್ಟುಗು ರಾಜಕೀಯೊಡು ಸಕ್ರಿಯವಾದುಪ್ಪುವೆರ್.ಕಡೆಕ್ ಕಾನೂನು ವಿವಾದ ವಕೀಲಿ ಉದ್ಯೋಗದ ಬದಲಾದ್ ಅರೆನ ಕಾರ್ಯವ್ಯಾಪ್ತಿ ರಾಷ್ರೀಯವಾದದ ಕಡೆಕ್ ತಿರ್ಗುಂಡು. ೧೯೧೬ಡ್ ವಸಂತ ಪಂಚಮಿದಾನಿ ನೆಹರುಗು ಕಮಲಾ ಕೌಲ್‌ ಪನ್ಪಿನಾರೆನೊಟ್ಟುಗು ಮದಿಮೆಯಾಪುಂಡು.
  • ಅರೆನ ಜವ್ವನದ ಪೊರ್ತುಡ್ದು ಬದ್ಧ ರಾಷ್ಟ್ರೀಯತಾವಾದಿಯಾದಿತ್ತ್‌ದ್, 1910ದ ಕ್ರಾಂತಿ‍ಲೆನ ಸಮಯೊಡು ಭಾರತೀಯ ರಾಜಕೀಯೊಡು ಮಿತ್ತ್ ಮಿತ್ತ್ ಪೋದು ಮಾಮಲ್ಲ ನರಮಾನಿ ಆಯೆರ.1920 ಡ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ದ ಎಡಪಂಥೀಯ ಪಕ್ಷದ(ಬಣ) ಮಾಮಲ್ಲ ನಾಯಕರಾಯೆರ್ ಬೊಕ್ಕ ಕಡೆಕ್ ಕಾಂಗ್ರೆಸ್‌ದ ಮಾರ್ಗದರ್ಶಿಯಾ‍ಯಿನ ಗಾಂಧಿನ ಒಪ್ಪಿಗೆದ ಮಿತ್ತ್ ಇಡೀ ಕಾಂಗ್ರೆಸ್‌ದ ನಾಯಕೆರಾಯೆರ್. ಕಾಂಗ್ರೆಸ್ ಅಧ್ಯಕ್ಷೆರಾದ್ 1929 ಡ್, ನೆಹರೂ ಬ್ರಿಟಿಷ್ ಆಳ್ವಿಕೆಡ್ದ್ ಸಂಪೂರ್ಣ ಸ್ವಾತಂತ್ರ್ಯೊಗು ಲೆಪ್ಪು ಕೊರಿಯೆರ್ .

1929ರ ಸ್ವಾತಂತ್ರ್ಯದ ಘೋಷಣೆ[ಸಂಪೊಲಿಪುಲೆ]

  • ಬ್ರಿಟಿಷ್ ಸಾಮ್ರಾಜ್ಯದೊಟ್ಟಿಗೆದ ಮಾತ ಸಂಬಂಧೊಡ್ಡು ಸಂಪೂರ್ಣ ಬುಡುಕಟ್ಟ್ ಆವೊಡುಂದು ಕಾಂಗ್ರೆಸ್ ಪಕ್ಷ ನಿರ್ಧಾರ ಮಲ್ಪೊಡುಂದು ಒತ್ತಾಯ ಮಲ್ತಿನ ಸುರುತ ನಾಯಕೆರೆಡ್ ನೆಹರುಲ ಒರಿಯಾದಿತ್ತೆರ್. ಸ್ವಾತಂತ್ರ್ಯಕ್ಕಾದ್ ಅರೆನ ನಿರ್ಣಯೊನು 1927 ಡ್ ಕಾಂಗ್ರೆಸ್ ದ ಮದ್ರಾಸ್ ಅಧಿವೇಶನೊಡು ಗಾಂಧೀಜಿನ ಪಾತೆರೊನು ಮೀರ್‌ದ್‌ಲ ಅಂಗೀಕಾರ ಮಲ್ತೆರ್ (ಪೂರ್ಣ ಸ್ವರಾಜ್ಯ ಬೇಡಿ್ಕೆದ ಘೋಷಣೆಗೆ್ ನನಲ ಕಾಲ ಕೂಡ್ದ್ ಬೈದಿಜ್ಜಿ ಪನ್ಪಿನವು ಗಾಂದೀಜಿನ ಅಭಿಪ್ರಾಯವಾದಿತ್ತ್ಂಡ್). ಆ ಸಮಯೊಡು ನೆಹರು ಪೂರ್ಣ ಸ್ವಾತಂತ್ರದ ಬಗ್ಗೆ ಒತ್ತಡ ಪಾಡುನಂಚಿನ ಕಾಂಗ್ರೆಸ್‌ದ ಉಲಯಿದ ಒಂಜಿ ಒತ್ತಡದ ಗುಂಪನ್ನು ರಚನೆ ಮಲ್ತೆರ್. ಅವು “ಸ್ವಾತಂತ್ರ್ಯಕ್ಕಾದ್ ಇಂಡಿಯಾ ಲೀಗ್” ಪನ್ಪಿ ಕೂಟ.
  • 1928 ಡ್ ಗಾಂಧೀಜಿ ನೆಹರುನ ಬೇಡಿಕೆಲೆಗ್ ಒತ್ತುನುವೆರ್ ಬೊಕ್ಕ ಬ್ರಿಟಿಷೆರೆಗ್ ರಡ್ಡ್ ವರ್ಷೊಡು ಭಾರತೊಗು ಡೊಮಿನಿಯನ್ ಅಧಿಕಾರ ಸ್ಥಾನಮಾನ ಕೊರ್ಪುನ ಬಗ್ಗೆ ವಿನಂತಿ ಮಲ್ಪುನ ನಿರ್ಣಯೊನು ಪ್ರಸ್ತಾಪ ಮಲ್ತೆರ್. ಗಡುವು ಕರಿಂಡ ಸಂಪೂರ್ಣ ಸ್ವಾತಂತ್ರ್ಯಕ್ಕಾದ್ ಪೊರಂಬಾಟ ಮಲ್ಪೆರೆ ಕಾಂಗ್ರೆಸ್ ಮಾತ ಭಾರತೀಯೆರೆಗ್ ಲೆಪ್ಪು ಕೊರ್ಪುಂಡು ಮನ್ಪಿನೆಕ್ ನೆಹರು ಒಪ್ಪುವೆರ್. ಆಂಡಲ ಬ್ರಿಟಿಷೆರೆಗ್ ಕೊರ್ನ ೨ ವರುಷದ ಸಮಯ ಜಾಸ್ತಿ ಆಂಡ್ ಪನ್ಪಿನ ನೆಹರೂನ ಅಭಿಪ್ರಾಯ - ಅರ್ ಬ್ರಿಟಿಷೆರೆಡ್ದ್ ತಕ್ಷಣದ ಕ್ರಮೊಕ್ಕು ಒತ್ತಾಯ ಮಲ್ಪೆರೆ ಗಾಂಧೀಜಿಗ್ ಒತ್ತಡ ಪಾಡುವೆರ್. ಗಾಂಧೀಜಿ ರಡ್ದ್ ವರ್ಷೊಡ್ದು ಒಂಜೆನ ಅವಧಿಗೆ ಸಮಯೊನು ಕಡಿಮೆ ಮಾಲ್ಪಾದ್ ರಾಜಿ ಮಲ್ತೊಂಡೆರ್.
  • ಡೊಮಿನಿಯನ್ ಸ್ಥಾನಮಾನದ ಬೇಡಿಕೆಲೆನ್ ಬ್ರಿಟಿಷೆರ್ 1929 ಡ್ ತಿರಸ್ಕಾರ ಮಲ್ತೆರ್. 1929 ದ ಡಿಸೆಂಬರ್ 29 ನಾನಿ ಲಾಹೋರ್ ಅಧಿವೇಶನೊಡು ಕಾಂಗ್ರೆಸ್ ಪಕ್ಷದ ಗುರಿಕಾರ್ಮೆನ್ ನೆಹರು ವಹಿಸೊಂದಿತ್ತೆರ್ ಬೊಕ್ಕ ಸಂಪೂರ್ಣ ಸ್ವಾತಂತ್ರ್ಯಕ್ಕಾದ್ ಕರೆಕೊರ್ಪುನ ಯಶಸ್ವಿ ನಿರ್ಣಯೊನು ಮಂಡನೆ ಮಲ್ತೆರ್.

ಆಧುನಿಕ ಭಾರತದ ಶಿಲ್ಪಿ[ಸಂಪೊಲಿಪುಲೆ]

1929 ಡ್ ಕಾಂಗ್ರೆಸ್‌ದ ನೀತಿಲೆನ್ ಬೊಕ್ಕ ಅರೆನ ನಾಯಕತ್ವೊಡು ಭವಿಷ್ಯದ ಭಾರತ-ರಾಷ್ಟ್ರೊನು ನೆಹರು ವಿವರಿಸಯೆರ್. ಕಾಂಗ್ರೆಸ್‌ದ ಉದ್ದೇಶೊಲು ಧರ್ಮದ ಸ್ವಾತಂತ್ರ್ಯ, ಸಂಘೊಲೆನ್ ರೂಪಿಸಪಿನ ಹಕ್ಕ್‌ಲು, ಜಾತಿ, ಬಣ್ಣ, ಮತ ಅತ್ತ್ಂಡ ಧರ್ಮದ ವ್ಯತ್ಯಾಸ ಇಜ್ಜಾಂದೆ ಪ್ರತಿ ವ್ಯಕ್ತಿಗ್‌ಲ ಸಮಾನತೆದ ಕಾನೂನು, ಪ್ರಾದೇಶಿಕ ಭಾಷೆಲು ಬೊಕ್ಕ ್ ಸಂಸ್ಕೃತಿ್ಲೆನ ರಕ್ಷಣೆ, ರೈತೆರ್ ಬೊಕ್ಕ ಕಾರ್ಮಿಕೆರೆ ಹಿತಾಸಕ್ತಿ್ಲು, ಅಸ್ಪೃಶ್ಯತೆ ನಿರ್ಮೂಲನೆ, ವಯಸ್ಕ ಮತದಾನದ ಪರಿಚಯ, ನಿಷೇಧ ಪಾಡುನೆ, ಕೈಗಾರಿಕೆಲೆನ ರಾಷ್ಟ್ರೀಕರಣ, ಸಮಾಜವಾದ, ಬೊಕ್ಕ ಜಾತ್ಯತೀತ ಭಾರತೊದ ತಾಪನೆ. ಈ ಮಾತ ಉದ್ದೇಶೊಲು 1929-31ಕ್ಕ್ ನೆಹರುಡ್ದು ರಚಿನೆ ಆಯಿನ "ಮೂಲಭೂತ ಹಕ್ಕುಲು ಬೊಕ್ಕ ಆರ್ಥಿಕ ನೀತಿ" ದ ನಿರ್ಣಯದ ಮೂಲ ರಚನೆ ಬೊಕ್ಕ ಅವು ಗಾಂಧೀಜಿನ ನಾಯಕತ್ವೊಡು ಅಖಿಲ ಭಾರತ ಕಾಂಗ್ರೆಸ್ ಸಮಿತಿಡ್ದ್ ಅನುಮೋದಿನೆ ಆಂಡ್ .

ಪ್ರಶಸ್ತಿಲು[ಸಂಪೊಲಿಪುಲೆ]

1955 ಡ್ ಭಾರತದ ಮಾಮಲ್ಲ ನಾಗರಿಕ ಮಾನಾದಿಗೆಯಾದಿತ್ತಿನ ಭಾರತ ರತ್ನ ಪ್ರಶಸ್ತಿನ್ ನೆಹರುಗು ಕೊರ್ದಿಪ್ಪುವೆರ್ . ಪ್ರಧಾನ ಮಂತ್ರಿನ ಸಲಹೆ ಸೂಚನೆ ಇಜ್ಜಾಂದೆ ರಾಷ್ಟ್ರಪತಿ ರಾಜೇಂದ್ರ ಪ್ರಸಾದ್ ನೆಹರುಗು ಸಂದೊಯಿತ ಮಲ್ತೆರ್. ಈ ಗೌರವ ಸಂದೊಯಿತ ಮಲ್ಪೆರೆ ಪ್ರಧಾನಿಡ್ದ್ ಪಡೆವೊಡಾಯಿನ ಸಾಮಾನ್ಯ ಸಾಂವಿಧಾನಿಕ ಕಾರ್ಯವಿಧಾನೊನು ಪಾಲನೆ ಮಲ್ತ್‌ದ್ಜೆರ್ ದಾಯೆ ಪಂಡ ನೆಹರು ಪ್ರಧಾನಿಯಾಗಿದ್ ಆರೆಗ್ ಆರೆ ನಾಗರಿಕ ಗೌರವ ಪ್ರಶಸ್ತಿ ಕೊರಿಯೆರೆ ಆದೇಶ ಮಲ್ತ್‌ದ್ಜೆರ್. ವಿಶೇಷ ಅಧಿಕಾರ ದೆತೊಂದು ರಾಷ್ಟ್ರಪತಿ ರಾಜೇಂದ್ರ ಪ್ರಸಾದ್ ತನ್ನ ನಿರ್ಧಾರೊಡೆ ಆ ಮಾನಾದಿಗೆನ್ ನೆಹರು ಕೊರಿಯೆರ್.

ಉಲ್ಲೇಕೊ[ಸಂಪೊಲಿಪುಲೆ]

  1. https://www.britannica.com/biography/Jawaharlal-Nehru
  2. https://www.biography.com/political-figure/jawaharlal-nehru
  3. https://www.pmindia.gov.in/en/former_pm/shri-jawaharlal-nehru/