ಜೀಟಿಗೆ
ಜೀಟಿಗೆ ದೈವರಾಧನೆಡ್ ಅಂಚನೆ ದೇವತಾರಾಧನೆಡ್ಲಾ ಬೊಲ್ಪುನು ಕೊರ್‌ನಾ ದೊಂದಿ.ನೇಮದ ಪೊರ್ತುಡು ಬಾಲ್ ಬಂಡಾರದೊಟ್ಟುಗು, ಒಳಸರಿದ ಪೊರ್ತುಡು, ದೇವೆರೆ ಬಲಿತ ಸಮಯೊಟ್ ಅರಾಧನೆತ ಉಂಜಿ ಬಾಗೊ.
ಇತಿಯಾಸೊ[ಸಂಪೊಲಿಪುಲೆ]
ದುಂಬುದ ಕಾಲೊಡು ಇತ್ತೆದಲೆಕೊ ಬೊಲ್ಪು ಇಜ್ಜಂಡ್ ಆನಿ ಬೊಲ್ಪುಗು ಬೊಡಾತ್ ತೂಟೆ,ಜೀಟಿಗೆ,ಬಪ್ಪಂಗಾಯಿದ ಓಟೆ ಇಂಚ ಪ್ರಾಕೃತಿಕ ಸೊತ್ತುಲೆನ್ ಬೊಲ್ಪುಗು ಸಾಯ ಆದ್ ಗಲಸೊಂದು ಇತ್ತೆರ್.ಕಾಲ ಕರಿದ್ ಬನ್ನಗ ಗ್ಯಾಸ್ ಲೈಟ್ ಬತ್ಂಡ್ ಬೊಕ್ಕ ಟ್ಯೂಬ್ ಲೈಟ್ ಜತ್ಂಡ್ ಇತ್ತೆ ಯಲ್ ಇ ಡಿ ಲೈಟ್ ಬತ್ಂಡ್.ದೇವೆರೆ ಬಲಿಕ್ ದೈವದ ನಂಬಾನಿಗೆಗ್ ಬೊಲ್ಪುದ ಒರುವಾದ್ ಜೀಟಿಗೆ ಪಂದ್ ಪನ್ಪೆರ್.ಇಂದೆತ ಚಾಕ್ರಿ ಮಡ್ಯೊಳೆರ್‌ ಮಾನ್‌ಪುವೆರ್‌. ತುಳುನಾಡ ದೈವದ ಕಲಟ್ ಜೀಟಿಗೆ ಪುಗರ್ತೆನ್ ಪಡೆವೊಂದ್ಂಡ್.ರಾಜನ್‌ ದೈವೊಲೇಗ್,ಅರಸು ದೈವೊಲೆದ ನೇಮದಪಗ ಪಂಚ ಜೀಟಿಗೆ ಅಂಚನೆ ದೈವೊಲೆ ಜೀಟಿಗೆ ಇಪ್ಪುಂಡು. ಗುಳಿಗೆ,ಪಂಜುರ್ಲಿ ಜೀಟಿಗೆದ ಬದಲ್ಗ್ ತಾರೆತ ಮಡಲ್‌ತ ಸೂಟೆನ್ ಗಲಸುಂಡು. ಜಠಾಧಾರಿ ಅಗ್ನಿ ಪಾತ್ರೆನ್ ಜೀಟಿಗೆದ ಬದಲ್ಗ್ ತೂವೊಲಿ.ಅಂಚನೆ ಉಳ್ಳಾಲ್ದಿ ದೈವೊದ ಜೀಟಿಗೆಡ್ ಎತ್ವಾಸ್ ಇಪ್ಪುಂಡು. ದೈವ ಜೀಟಿಗೆನ್ ಪತೊಂದು ಅಭಯ ಕೊರ್ಪುನ ಉಂಡು.ಜೀಟಿಗೆ ಪೊತ್ತಾಯೆರೆ ಎಣ್ಣೆನ್ ಗಲಸುವೆರ್ ಅವೆಕ್ ಗುಜ್ಜನಿಗೆ ಪಂದ್ ಪನ್ಪೆರ್.ಜೀಟಿಗೆ ಪತ್ತಿನ ಮಾನಿನ ಒಂಜಿ ಕೈಟ್ ಜೀಟಿಗೆ ಪಿರೊಂಜಿ ಕೈಟ್ ಗುಜ್ಜನಿಗೆ ಪತ್ತುದುಪ್ಪೆರ್.ನೇಮ/ಕೋಲ ಬಿರಿನ ಮುಟ್ಟಲಾ ಜೀಟಿಗೆ ಅರ್ಲೊಂದೆ ಇಪ್ಪುಂಡು ದೈವ ಪೋನಗ ಬನ್ನಗ ಕೈ ಕೊರ್ನಗ ಜೀಟಿಗೆ ದುಂಬು ಇಪ್ಪುಂಡು
ಬಗೆಕುಲು[ಸಂಪೊಲಿಪುಲೆ]
- ಅಂಗೈ ಜೀಟಿಗೆ - ಉಲ್ಲಾಕ್ಲು (ಪೂಮಾಣಿ,ಕಿನ್ನಿಮಾನಿ)
- ಕೋಲು ಜೀಟಿಗೆ ಕಲ್ಲುರ್ಟಿ, ಪೊಸಪ್ಪೆ
- ಪಂಚ ಜೀಟಿಗೆ - ರಾಜನ್‌ ದೈವೊ
ಜೀಟಿಗೆ ಬಾರೆತ ಪಂಬೆಟ್‌, ಕಂಚಿಡ್, ಪಿತ್ತಾಳೆಟ್‌ ಮಂನ್ಪುವೆರ್. ತೆಂಕಾಯಿದ ಥೈಯಂ ನೇಮೊಲೆಟ್ ಜೀಟಿಕೆದ ಬದಲ್ಗ್ ಕಪ್ಪು ಕರ್ಬೊದ ಸಾಯೊಡು ಅಗ್ನಿನ್ ಬೆಳಾಗಾವೆರ್.
ಜೀಟಿಗೆ ಪದೊ ಗಳಸುನ[ಸಂಪೊಲಿಪುಲೆ]
- ಜೀಟಿಗೆ ದೀವೊನುನಿ - ದೈವೊ ಪತ್ತ್‌ತಿಪ್ಪುನಗ ಮೈ, ಎದೆಕ್‌ ಜೀಟಿಗೆನ್ ದೀಡ್‌ತ್‌ ತನ್ನೊ ಸಕ್ತಿನ್‌ ತೋಜಾಪುನಾ.
- ಜೀಟಿಗೆಸೇವೆ - ದೇವೆರೆಗ್‌ ಜೀಟಿಗೆತ್‌ ಮಾನ್ಪುನಾ ಸೇವೆ
- ಜೀಟಿಗೆದಾಯೆ - ಜೀಟಿಗೆ ಪತ್ತುನಾಯೆ
ನೊಂಬೊಳಿಗೆ[ಸಂಪೊಲಿಪುಲೆ]
- ಎಳ್ ಪ್ರಾಯದ ಬಾಲೆಲಾ ಪತ್ತೊಲಿ