ಟೆನ್ನಿಸ್
ಟೆನ್ನಿಸ್ ರಡ್ಡ್ ಜನ ಅತ್ತಂಡ ರಡ್ಡ್ ಜನ ಇತ್ತಿನ್ ರಡ್ಡ್ ತಂಡೊಲು ಗೊಬ್ಬುನ ಗೊಬ್ಬು. ಗೊಬ್ಬುನಾಯೆ ಒಂಜಿ ರೇಕೆಟ್‍ಡ್ ಒಂಜಿ ರಬ್ಬರ್ ಬಾಲ್‍ನ್ ಹಾಕ್ದ್ ನೆಟ್‍ನ್ ಕಡಪ್ಪಾದ್ ಪಿರೊರ್ಯನ ಕೋರ್ಟ್‍ಗ್ ಪಾಡುವೆ.
ಟೆನ್ನಿಸ್ - ಒಂಜಿ ಪಂತಿದ ಮೈದಾನ ಅತ್ತಂಡ ಕಾಂಕ್ರೀಟ್ ಅತ್ತಂಡ ವಿಶೇಷವಾದ್ ತಯಾರ್ ಮಲ್ತಿನ ಮಣ್ಣ್ ದ ಗೊಬ್ಬುನ ಮೈದಾನೊಡು ರಡ್ಡ್, ನಾಲ್ ಜನ ಗೊಬ್ಬುನಂಚಿನ ಒಂಜಿ ಪಿದಯಿದ ಅಂಗನೊಣೊಡು ಗೊಬ್ಬುನ ಒಂಜಿ ಗೊಬ್ಬು . ಈ ಗೊಬ್ಬುಡು, ಗೊಬ್ಬುನಕುಲು ಸುಮಾರ್ ಮೂಜಿ ಅರ್ಧ ಅಡಿ ಎತ್ತರೊದ ಪರದೆದ ರಡ್ಡ್ ಬರಿಟ್ ನಿಲೆ ಆದ್ ಒಂಜಿ ರಬ್ಬರ್ ಚೆಂಡೆನ್ ರಾಕೆಟ್ ದ ಸಹಾಯೊಡು ಬೇತೆ ಆಟಗಾರೆರೆನ ಬರಿಟ್ ಗುದ್ದುವೆರ್. ಈ ಗೊಬ್ಬುದ ಉದ್ದೇಶ ಪಂಡ ಎದುರಾಳಿಗ್ ಎಡ್ಡೆ ರಿಟರ್ನ್ ಪಾಡೆರೆ ಸಾಧ್ಯ ಇಜ್ಜಿ ಪನ್ಪಿನ ರೀತಿಡ್ ಚೆಂಡೆನ್ ಪಾಡೊಡು.
ಚರಿತ್ರೆ
[ಸಂಪೊಲಿಪುಲೆ]ದುಂಬು ಈ ಗೊಬ್ಬುಗು ರಾಯಲ್ಟೆ (ರಾಜೆರ್-ಮಹಾರಾಜೆರ್) ಟೆನ್ನಿಸ್ ಪಂಡ್ದ್ ಪುದರ್‌ಡ್ ಲೆತ್ತೊಂದು ಇತ್ತೆರ್. ಉಂದು ಇಂಗ್ಲೆಂಡ್ ಡ್ ಟೆನ್ನಿಸ್ ದ ನಿಜವಾಯಿನ ಗೊಬ್ಬು ಆದಿತ್ತ್ಂಡ್. ಫ್ರಾನ್ಸ್‌‍ಡ್ ಉಂದೆನ್ ಷೂಓ ಡ ಪಾಮ್ ಪಂಡ್ದ್ ಲೆಪ್ಪುವೆರ್. ಬೊಕ್ಕ ಅಮೇರಿಕೊಡು ಕೋರ್ಟ್ ಟೆನ್ನಿಸ್ ಪಂಡ್ದ್ ಲೆಪ್ಪುವೆರ್. ಉಂದೆನ್ ಲಾನ್ ಟೆನ್ನಿಸ್ ಪಂಡ್ದ್ ಲಾ ಲೆಪ್ಪುವೆರ್. ರಡ್ಡ್ ಸ್ಪ್ಯಾನಿಷ್ ರಾಜೆರೆನ ನಡುಟು ಬಿರುಸಾಯಿನ ಟೆನ್ನಿಸ್ ಪಂದ್ಯೊರ್ದು ಬೊಕ್ಕ, ಅಕುಲು ಬಾಜೆಲ್‌ಗ್ ರಡ್ಡ್ ಜನಲಾ ಅಪಗನೇ ಚೌಲಿ ನೀರ್ ಪರ್ದ್ ಸೈತೆರ್ ಪನ್ಪುನ ನಂಬಿಕೆ ಉಂಡು. ಫ್ರೆಂಚ್ ಭಾಷೆಡ್ ಟೆನ್ನಿಸ್ ಪನ್ಪುನ ಶಬ್ದದ ಅರ್ಥ ಗೊಬ್ಬು/ಆಟ. ಯುರೋಪಿಯನ್ ರಾಜೆರ್ ಅಕ್ಲೆನ ಅರಮನೆಲೆಡ್ ಟೆನ್ನಿಸ್ ಗೊಬ್ಬೆರೆ ಅನುಮತಿ ಕೊರ್ತೆರ್. ಟೆನ್ನಿಸ್ ಗೊಬ್ಬೊಡಾಂಡ ವಿಹಾರದ ದೋಣಿಲಡ್‌ಲಾ ಒಂಜಿ ಜಾಗೆ ಇತ್ತ್ಂಡ್. ಸಾಮಾನ್ಯವಾದ್ ಟೆನ್ನಿಸ್‌ನ್ ಪಿದಯಿದ ಜಾಗೆಡ್ ಗೊಬ್ಬುಂಡಲಾ, ಉಂದೆನ್ ಒಳಾಂಗಣೊಡ್‌ಲಾ ಗೊಬ್ಬುವೆರ್.
ಲಾನ್ ಟೆನಿಸ್ 1874ಟ್ ಸುರು ಆಂಡ್ ಪಂದ್ ಪನೊಲಿ. ಉಂದೆನ್ ಬ್ರಿಟಿಷ್ ಸೈನ್ಯಾಧಿಕಾರಿ ಮೇಜರ್ ವಾಲ್ಟರ್ ಸಿ. ವಿಂಗ್ ಪೀಲ್ಟ್ ಪನ್ಪುನಾಯೆ ರೂಪಿಸಾದ್ ಸ್ಪೈರಿಸ್ಟೈಕ್ ಪನ್ಪುನ ಪುದರ್‌ಡ್ ಆಯನ ದೋಸ್ತಿನಕುಲೆಗ್ ಪರಿಚಯ ಮಲ್ತ್‌ದ್ ಕೊರಿಯೆ. ಈ ಗೊಬ್ಬು ಜನಪ್ರಿಯವಾಂಡಲಾ ಗೊಬ್ಬುದ ಪುದರ್ ಮಾತ್ರ ಜನಕುಲೆಗ್ ಸರಿ ಆಯಿಜಿ. ಸುರೂತ ಸರ್ತಿಗ್ ಲಾನಿನ ಮಿತ್ತ್ ಒಂಜಿ ಕೂಟೊನು ಏರ್ಪಡ್ ಮಲ್ತ್‌ದ್ ಗೊಬ್ಬುದ ಪರಿಚಯ ಮಲ್ತ್‌ದ್ ಕೊರ್‌ನೆದ್ರ್ ಈ ಗೊಬ್ಬುನು ಟೆನ್ಸಿಸ್ ಆನ್ ಲಾನ್ (ಪಂತಿದ ಮೈದಾನದ ಮಿತ್ತ್ ಗೊಬ್ಬುನ ಟೆನ್ನಿಸ್/ ಹುಲ್ಲಿನ ಮೈದಾನದ ಮೇಲೆ ಆಡುವ ಟೆನ್ನಿಸ್) ಪಂಡ್ದ್ ಲೆಪ್ಪುನವು ರೂಢಿಗ್ ಬತ್ತ್ಂಡ್. ಟೆನಿಸ್ ಪನ್ಪುನ ಪದ ಅಧಿಕೃತವಾದ್ ಬಳಕೆಗ್ ಬತ್ತ್‌ನೆ ಬಾರಿ ದಿನೊಕುಲುಲೆರ್ದ್ ಬೊಕ್ಕನೇ. ಈ ಪದತ್ತ ಮೂಲ ಫ್ರೆಂಚ್ ಭಾಷೆದ ಟೆನ್-ಈಸ್û (ಪಂಡ ಗೊಬ್ಬೆರೆ ಸುರು ಮಲ್ಪೆರೆ) ಪಂದ್ ಉಪ್ಪು ಪನ್ಪುನವು ಕೆಲವೆರೆನ ಮತ. ಟೆನಿಸ್ ಗೊಬ್ಬು ಇಂಗ್ಲೆಂಡ್‌ರ್ದ್ ಸುರುಕು ಬಮ್ರ್ಯೂಡೊಗು ಪೋದ್ ಅಯಿರ್ದ್ ಬೊಕ್ಕ ಅಮೇರಿಕೊಡು ವ್ಯಾಪಿಸಾಂಡ್. ಬಮ್ರ್ಯೂಡರ್ದ್ ಅಮೇರಿಕಗ್ ಒಂದೆನ್ ಕೊನೆಯಿನ ಕೀರ್ತಿ ಒರ್ತಿ ಪೊಂಜೊವುಗು ಸೇರುಂಡು. ಅಯಿರ್ದ್ ಆದೇ ಸುರು ಸುರುಕು ಅಮೇರಿಕೊಡು ಈ ಗೊಬ್ಬುನು ಪೊಂಜೊವುನಕುಲೇ ಗೊಬ್ಬೊಂದು ಇತ್ತೆರ್. ಅಯಿರ್ದ್ ಬೊಕ್ಕ ಆಂಜೊವುನಕುಲು ಈ ಗೊಬ್ಬುದ ರುಚಿನ್ ಪತ್ಯೆರ್. ಕ್ರಮೇಣ ಬಾರಿ ಜನಪ್ರಿಯವಾಯಿನ ಈ ಗೊಬ್ಬುನು ಶಿಷ್ಟಗೊಳಿಸವುನ ಉದ್ದೇಶೊಡು 1881ಟ್ ಅಮೇರಿಕೊಡು ಅಮೇರಿಕನ್ ಲಾನ್ ಟೆನಿಸ್ ಅಸೋಸಿಯೇಷನ್ ಪನ್ಪುನ ಸಂಸ್ಥೆ ಜನ್ಮಪಡೆಂಡ್. ಇನಿ ಈ ಸಂಸ್ಥೆ ಟಿನಿಸ್ ಕ್ಷೇತ್ರೊಡೇ ಪ್ರಮುಖ ಸ್ಥಾನೊನು ಪಡೆವೊಂದುಂಡು. ಒಂಜಿ ವೇಳೆ, ಚೆಂಡೆನ್ ಎದುರಾಳಿಡ್ದ್ ಪಿರ ಕೊರ್ನಗ, ಅಯಿನ್ (1) ಜಾಲೊಗು, ಕಂಬೊಲೆನ್, ಬಲ್ಲ್‌ಗ್, ಇ-ಪಟ್ಟೆನ್ ಸ್ಪರ್ಶ ಮಲ್ತ್‌ದ್, ಎದುರಾಳಿನ ಕೋರ್ಟ್ ಗ್ ಬೂರುಂಡು, (2) ಸರ್ವ್ ಮಲ್ತಿನ ಅತ್ತಂದೆ ಪಿರ ಕೊರ್ತಿನ ಚೆಂಡು ಸರಿಯಾಯಿನ ಕೋರ್ಟ್ ಗ್ ಬೂರುಂಡು ಬೊಕ್ಕ ಬೌನ್ಸ್ ಆಪುಂಡು ಅತ್ತಂದೆ ಗಾಳಿಡ್ ಊದುಂಡು ಬೊಕ್ಕ ನೆಟ್ ದ ಮಿತ್ತ್ ಬರ್ಪುಂಡು, ಅಪಗ ಚೆಂಡೆನ್, ರಾಕೆಟ್ ನ್, ಬಾಡಿನ್, ಇಂಚಿತ್ತಿನವುಲೆನ್ ಹೊಡೆಯೆರೆ ವ್ಯಕ್ತಿನ ಸರದಿ ಬರ್ಪುಂಡು, ನೆಟ್ ನ್ ಮುಟ್ಟಾವಂದೆ ಜಾಗ್ರತೆ ಮಲ್ಪುಲೆ, ಬೊಕ್ಕ ಚೆಂಡೆನ್ ರೋಲ್ ಮಲ್ಪೆರೆ ಕಾರಣ ಆಪುಂಡು. ನೆಟ್ ಬೊಕ್ಕ ಸರಿಯಾದ್ ಕೋರ್ಟ್ ಗ್ ಬೂರುಂಡು, (3) ವಾಪಸ್ ಬತ್ತಿನ ಚೆಂಡು ಪೋಸ್ಟ್ ಡ್ದ್ ಬೌನ್ಸ್ ಆಂಡ, ನೆಟ್ ದ ಮಿತ್ತ್ ಅತ್ತಂಡ ಕೆಳಗ್, ಆಂಡ ಪಿರ ಬತ್ತ್ದ್ ಸರಿಯಾದ್ ಕೋರ್ಟ್ ಗ್ ಬೂರುಂಡು, (4) ಆಟಗಾರೆನ ರಾಕೆಟ್, ಚೆಂಡು ದಾಟಿನ ಬುಕ್ಕೊ ನೆಟ್, ನೆಟ್ ದ ಮಿತ್ತ್ ಪೋಪುಂಡು, ಚೆಂಡು ಸರಿಯಾದ್ ವಾಪಸ್ ಬತ್ತ್ಂಡ್ ಪಂದ್ ತೆರಿದ್