ಡೆಂಜಿದ ಕಜಿಪು

ಡೆಂಜಿ ಪಂಡ ತುದೆಟ್ ತೋಡುಡು ಸಮುದ್ರೊಡು ಉಪ್ಪುನ ಒಂಜಿ ಜೀವಿ.ತೋಡುಡು ಉಪ್ಪುನ ಡೆಂಜಿ ಕಲ್ಲ್‌ದ ಇಡೆಟ್ ಉಪ್ಪುನೆಡ್ದಾತ್ರ ಕಲ್ಲ್ ಡೆಂಜಿಂದ್‌ಲ ಪನ್ಪೆರ್.ಉಂದು ಸಮುದ್ರ ಡೆಂಜಿಡ್ದ್ ಗಟ್ಟಿಬ್ ಉಪ್ಪುಂಡು.ಸಾಮಾನ್ಯವಾದ್ ಕಲ್ಲ್ ಡೆಂಜಿ ಮರಿಯಲದ ಬರ್ಸದ ಪೊರ್ತುಡು ಜಾಸ್ತಿ ಉಪ್ಪುಂಡು .ಮರಿಯಲಡ್ ಊರುಡೇ ರಾತ್ರೆ ಡೆಂಜಿ ಕಡ್ಪೆರೆ ಪೋಪುನ ಕ್ರಮಲ ಉಂಡು.ಉಂದು ಒಂಜಿ ಆಟಿದ ತೆನಸ್ಸ್ ಕಲ್ಲ್ ಡೆಂಜಿದ ಕಜಿಪು ಭಾರಿ ಲಾಯ್ಕಾಪುಂಡು

ಸ್ವರೂಪ

ಜೆಂಜಿಲೆನ ಪಿದಯಿದ ಮೆಯಿಟ್ ಒಂಜಿ ದಪ್ಪೊದ ಓಡುಡ್ದು ಮುಚ್ಚೊಂದಿಪ್ಪುಂಡು. ಬುಕ್ಕೊ ಒಂಜಿ ಜತೆ ಕೊಬಾರ್[ಕೊಂಬ=ಕಾರ್] ಇಪ್ಪುಂಡು. ಅಂಚನೆ ಎಡತ್ತ್ ಬಲತ್ತ್‌‍ಗ್ ನಾಲ್ ನಾಲ್ ಚಿಲ್ಲಿಕಾರ್ ಇಪ್ಪುಂಡು. ಅಂಚಾದ್ ಉಂದು ಪತ್ತ್ ಕಾರ್‌ದ ಜೀವಿ. ಉಂದೆನ್ ಸಂಸ್ಕೃತೊಡು ದಶಪದಿ ಪನ್ಪೆರ್. ಜೆಂಜಿಲು ಸಮುದ್ರಡು, ಸುದೆಟ್, ತೋಡುಡು, ಕೆರೆಟ್, ಬೈಲ್ ಕಂಡೊಡು, ತೋಟೊಡು, ಗುವೆಲ್‍ಡ್ ಇಪ್ಪುಂಡು. ಜೆಂಜಿದ ಗಾತ್ರೊ ಬೇತೆ ಬೇತೆ ಆದಿಪ್ಪುಂಡು. ಬಟಾಣಿ ಕಡ್ಲೆದಾತ್ ಮಲ್ಲೆಡ್ದ್ ಅಂಗೈದಾತ್ ಮಲ್ಲ ದೆಂಜಿಲು ಉಂಡು. ಜಪಾನ್‍ಡ್ ಜೇಡನಂಚಿತ್ತಿನ ದೆಂಜಿಲೆ ಗಾತ್ರೊದ ವೈವಿದ್ಯತೆ ಉಂಡು.[೨]

ಡೆಂಜಿ ಆರೋಗ್ಯೊಗು ಎಡ್ಡೆ

ಡೆಂಜಿ ಸರೀರೊಗು ಭಾರಿ ಎಡ್ಡೆ ಡೆಂಜಿಡ್ ವಿಟಮಿನ್,ಪ್ರೋಟಿನ್,ಒಮೇಗಾ ೩ ಫ಼್ಯಾಟ್ ಏಸಿಡ್ ಮಾತ ಉಂಡು

ಬೋಡಾಪುನ ಸಾಮಾನ್

ಡೆಂಜಿ, ಲುಂಗೆಲ್ ಮುಣ್ಚಿ, ಕೊತ್ತಂಬರಿ, ಜೀರಿಗೆ, ಮೆಂತೆ, ಎಡ್ದೆ ಮುಣ್ಚಿ, ಪುಳಿ, ಬೆಳ್ಳುಳಿ, ನೀರುಳ್ಳಿ,

ಕಲ್ಲ್ ಡೆಂಜಿ ಕಜಿಪು ಮಲ್ಪುನ ವಿಧಾನೊ

ತೋಡುಡ್ಡು ಪತೊಂದು ಬತ್ತಿನ ಡೆಂಜಿನ್ ಕೊಂಬರ್ ,ಕಾರ್‌ನ್ ಮಾತ ತುಂಡು ಮಲ್ತ್‌ದ್ ಅಯಿತ ಬಂಜಿದ ಉಲಯಿದೆನ್ ಮಾತ ಸ್ವಚ್ಚ ಮಲ್ತ್‌ದ್ ದೀವೊನೊಡು. ಬೊಕ್ಕ ದಿಕ್ಕೆಲ್‌ದ್ ಒಂಜಿ ಬಣಲೆ ದೀದ್ ಚೂರು ಎಣ್ಣೆ ಪಾಡ್ದ್ ಪುಳಿ ಒಂಜೆನ್ ಬುಡ್ದ್ ಬೊಕ್ಕದ ಮಾತ ಸಾಮಾನ್‌ಲೆನ್ ಪೊರ್ಲು ಪೊಗ್ತ್‌ದ್ ತಾರಾಯಿದ ಪಿರೆ ಬೊಕ್ಕ ನೀರುಳ್ಳಿನ್ಲಾ ಎಡ್ಡೆ ಕೆಂಪಾನೆ ಪುಟ್ಟ ಕಾಯದ್ ಪುಳಿ ಪಾಡ್ದ್ ಸಣ್ಣ ಕಡೆವೊಡು .ಕಡೆದಾದ್ ನೆಸಲೆಡ್ ಎಣ್ಣೆ ದಿಕ್ಕೆಲ್ ದೀದ್ ನೀರುಳ್ಳಿ ಪಾಡ್ಡ್ ಕಾಯಿನಗ ಅರೆಪ್ಪು ಪಾಡ್ದ್ ಅರೆಪು ಕೊದಿನಗ ಸ್ವಚ್ಚ ಮಲ್ತ್ ದೀನ ಡೆಂಜಿನ್ ಪಾಡೊಡು .ಡೆಂಜಿ ಬೆಯಿನೆ ಮುಟ್ಟ ಕೊದಿಯೆರೆ ದೀವೊಡು