ಡೈನಾಮೊ
ಡೈನಾಮೊ ಪಂಡ ಕರೆಂಟ್ ಜನರೇಟರ್. ಉಂದು ಕಮ್ಯುಟೇಟರ್ನ್ ಗಳಸ್ದ್ ನೇರ ಪ್ರವಾಹನ್ ಸ್ರಿಸ್ಟಿ ಮಲ್ಪುಂಡು. ಯಾಂತ್ರಿಕ ಶಕ್ತಿಡ್ ನೇರ ಕರೆಂಟಾದ್ ಮಾಲ್ಪುನ ಸಾದನೊ. ಡೈನಾಮ್ ಪನ್ಪುನ ಪದ ಗ್ರೀಕ್ ಬಾಸೆದ ಡೈನಮೈಸ್ ಪದಡ್ತ್ ಬಂತ್ತಂಡ್. ಡೈನಮೊಲು ವಿದ್ಯುತ್ ಅಯಸ್ಕಾಂತೊ ಕರ್ಬೊದ ಕೋರ್ಲೆಡ್ ಪಂಡ ಕ್ಷೇತ್ರ ಸುರುಳಿಡ್ ಒರಿನ ಕಾಂತೀಯ ಕ್ಷೇತ್ರೊನು ಗಳಸೊಂದು ಸ್ವಯಂ-ಸುರು ಮಲ್ಪಿಯರ ವಿದ್ಯುತ್ಕಾಂತೊಲೆನ್ ಗಳಸುವೆರ್.[೧] ಉಂದು ಫ್ಯಾರಡೆ ನಿಯಮದನ್ವಯ ಕಾರ್ಯ ನಿರ್ವಹಣೆ ಮಾಲ್ಪುಂಡು.
ಡೈನಮೊಲು ಕೈಗಾರಿಕೆಲೆಗ್ ಕರೆಂಟ್ ಕಡಪುಡುನ ಸಾಮರ್ತ್ಯೊ ಇಪ್ಪುನ ಸುರತ ಪ್ರಾಯೋಗಿಕ ವಿದ್ಯುತ್ ಜನರೇಟರ್ ಆದಿತ್ತ್ಂಡ್, ಬುಕ್ಕೊ ಅನೇಕೊ ವಿದ್ಯುತ್-ಶಕ್ತಿ ಪರಿವರ್ತನೆ ಸಾದನೊಲು ಆದರ್ತೊಂದು ಅಯಿಟ್ ವಿದ್ಯುತ್ ಮೋಟಾರ್, ಪರ್ಯಾಯ-ಪ್ರವಾಹ ಪರ್ಯಾಯಕ, ಬುಕ್ಕೊ ರೋಟರಿ ಪರಿವರ್ತಕೊಲು ಸೇರ್ದೊ.
ಇತಿಯಾಸೊ
[ಸಂಪೊಲಿಪುಲೆ]ಶಾಶ್ವತ ಆಯಸ್ಕಾಂತೊಲೆನೊಟ್ಟುಗು ಪ್ರೇರಣ
[ಸಂಪೊಲಿಪುಲೆ]ವಿದ್ಯುತ್ಕಾಂತೀಯ ಜನರೇಟರ್ಲೆನ ಕಾರ್ಯಾಚರಣಾ ತತ್ವೊನು 1831-1832 ವರ್ಸೊಡು ಮೈಕೆಲ್ ಫ್ಯಾರಡೆ ನಾಡ್ದ್ ಪತ್ಯೆರ್. ಈ ತತ್ವೊನ್ ನನೊಂಜಿ ಸರ್ತಿ ಫ್ಯಾರಡೆನ ನಿಯಮ ಪಂಡ್ದ್ ಲೆಪ್ಪುವೆರ್. ಒಂಜಿ ವಿದ್ಯುತ್ ಪ್ರಚೋದಕ ಶಕ್ತಿ ಒಂಜಿ ವಿದ್ಯುತ್ ವಾಹಕೊಡು ಉತ್ಪತ್ತಿ ಆಪುಂಡು. ಉಂದು ಒಂಜಿ ಬದಲಾವಣೆದ ಕಾಂತೀಯ ಪ್ರವಾಹನ್ ಸುತ್ತುವರಿದ್ ಇಪ್ಪುಂಡು.
ಸುರುತ ಡೈನಮೊಲು
[ಸಂಪೊಲಿಪುಲೆ]
ಸುರುತ ಕಮ್ಯುಟೇಟೆಡ್ ಡೈನಮೊನ್ 1832ಡ್ ಹಿಪ್ಪೊಲಿಟ್ ಪಿಕ್ಸಿ ಪನ್ಪಿನ ಒರಿ ಫ್ರೆಂಚ್ ಉಪಕರಣೊ ತಯಾರಕೆರ್ ನಿರ್ಮಾಣೊ ಮಲ್ತೆರ್. ಉಂದು ಒಂಜಿ ಶಾಶ್ವತ ಆಯಸ್ಕಾಂತನ್ ಗಳಸ್ದೆರ್. ಉಂದೆನ್ ಒಂಜಿ ಕ್ರ್ಯಾಂಕ್ಡ್ ಸುತ್ತುವೆರ್.
ಉಲ್ಲೇಕೊ
[ಸಂಪೊಲಿಪುಲೆ]- ↑ "Generators and Dynamos". edisontechcenter.org. Archived from the original on September 21, 2019. Retrieved 2025-05-08.