ತಾರಾನಾಥ ವರ್ಕಾಡಿ
ತಾರಾನಾಥ ವರ್ಕಾಡಿ ಯಕ್ಷಗಾನ ರಂಗೊದ ಕಲಾವಿದೆರ್. ಆರ್ ಕವಿ, ಕತೆಗಾರೆ, ತೆಂಕುತಿಟ್ಟು ಯಕ್ಷಗಾನೊದ ಪುಂಡು ವೇಷಧಾರಿ ಅಂಚನೆ ‘ಬಳ್ಳಿರೆನಯ್ಯ’ ಪನ್ಪಿನ ಮಾಸ ಪತ್ರಿಕೆನ್ಲಾ ಮಸ್ತ್ ವರ್ಸೊಡ್ದಿಂಚಿ ಸಂಪಾದಕೆರಾದ್ ನಡಪಾಯಿನ ಪತ್ರಕರ್ತೆರ್. ಯಕ್ಷಗಾನೊ ಶಿಕ್ಷಕೆರಾದ್ಲಾ ಸಾದನೆ ಮಲ್ತ್ನಾರ್. ವರ್ಕಾಡಿದ ತಾರಾನಾಥ ಬಲ್ಯಾಯೆರ್, ಒಂಜಿ ಪ್ರತಿಭಾವಂತ ವಿದ್ವಾಂಸೆ.[೧] ಆರೆಗ್ ಗೊತ್ತಿಪ್ಪಿ ಬಾಸೆನ್ ಬೊಡಾಯಿಲೆಕ ಬೆನ್ಪಾವುನ ಸಾಮರ್ತ್ಯೊ ಇತ್ತಿನ ತಾರಾನಾಥೆರೆ ಪಾಂಡಿತ್ಯೊ ಪುಗರೊಡಾಯಿನೊ.
ಬಾಲ್ಯ
[ಸಂಪೊಲಿಪುಲೆ]ವರ್ಕಾಡಿ ಪನ್ಪನ ಊರುದ ಪುದರ್. ಕಾಸರಗೋಡ್ ಜಿಲ್ಲೆದ ಮಂಜೇಶ್ವರದ ಹೊಸಂಗಡಿದ ಕೈತಲ್ದ ಊರು. ಜೂನ್ ೧, ೧೯೬೩ಡ್ ಪಂಡಿತ್ ವಿ.ಎ.ಬಲ್ಯಾಯ ಬುಕ್ಕೊ ಕಮಲಾಕ್ಷಿಯೆರೆನ ಮಗೆಯಾದ್ ಪುಟ್ಟಿಯೆರ್. ವಿ.ಎ.ಬಲ್ಯಾಯೆರ್ ಒರಿ ಸಮಾಜ ಸೇವಕೆರಾದ್ ಪುದರ್ ಪೋಯಿನಾರ್.
ಶಿಕ್ಷಣ
[ಸಂಪೊಲಿಪುಲೆ]ಮಗೆ ತಾರನಾಥೆ ಡಾಕ್ಟರ್ ಆವೊಡುಂದು ಅಪ್ಪೆ ಅಮ್ಮನ ಕನೊ. ಆರ್ ಎಲ್ಯೆಡ್ದಿಂಚ ಕಲಾವಿದೆ ಆದಿತ್ತೆರ್. ಅಂಚಾದ್ ಶ್ರೀ ಕ್ಷೇತ್ರ ಧರ್ಮಸ್ಥಳೊದ ಲಲಿತ ಕಲಾ ಕೇಂದ್ರೊಡ್ ಕೆ.ಗೋವಿಂದ ಭಟ್ ಬುಕ್ಕೊ ಕರ್ಗಲ್ಲು ವಿಶ್ವೇಶ್ವರ ಭಟ್ ಮೆಕ್ಲೆಡ್ದ್ ಯಕ್ಷಗಾನೊದ ಪಜ್ಜೆ ಕಲ್ತೆರ್. ಅಂಚನೆ ದುಂಬುಗು ಆರ್ ಕಲ್ಪುನ ಸಂಸ್ತೆಡೇ ಶಿಕ್ಷಕೆರಾದ್ ತರಬೇತಿ ಕೊರ್ಪುನ ಅವಕಾಸೊಲ ತಿಕ್ಂಡ್. ಆರೆನ ಕೈತಲ್ಡ್ ಪಜ್ಜೆ ಕಲ್ತ್ನ ಮಸ್ತ್ ಜನೊ ಕಲಾವಿದೆರಾಯೆರ್.
ವೃತ್ತಿ ಪ್ರವೃತ್ತಿ
[ಸಂಪೊಲಿಪುಲೆ]ಲಲಿತ ಕಲಾ ಕೇಂದ್ರೊಡು ತರಬೇತಿ ಮುಗಿದ್ ಸುಂಕದಕಟ್ಟೆ, ಕದ್ರಿ, ನಂದಾವರ, ಅರುವ, ಬಪ್ಪನಾಡ್ ಮೇಳೊಲೆಡ್ ಪ್ರವಾಸ ಮಲ್ತೆರ್. ಅಯಿಡ್ದ್ ಬುಕ್ಕೊ ಮಸ್ತ್ ವರ್ಸೊ ಶ್ರೀ ಧರ್ಮಸ್ಥಳ ಮೇಳೊಡು ಸೇವೆ ಮಲ್ತೆರ್. ಇಂಚಪ ಮೇಲೊದ ಪ್ರವಾಸೊಡ್ದು ನಿವೃತ್ತೆರಾಯೆರ್. ಮೇಳದ ಪ್ರವಾಸೊ ಉಂತ್ಂಡಲಾ ಕಲಾ ಸೇವೆನ್ ದುಂಬರಿತೊಂದು ಕಲಾಬಿಮಾನಿಲೆನ್ ಮನರಂಜನೆ ಮಲ್ತೆರ್. ಶಾಲೆದ ಕಲ್ಪಾದಿ ಆದಿಪ್ಪುನಗಲಾ ತಾರಾನಾಥೆರ್ ವೇಸೊಲೆನ್ ತೂವೊಂದಿತ್ತೆ. ಅರೆನ ನಲಿಕೆ ಬುಕ್ಕೊ ಪಾತೆರೊ ಕತೆ ಮಸ್ತ್ ಪೊರ್ಲು. ಸಾತ್ವಿಕ ಪಾತ್ರೊಲೆನ್ ಮಲ್ಪುನ ಕಲೆಡ್ ಪೊಲಬು ಇತ್ತ್ನ ಆರ್ ವಿಷ್ಣು, ಬ್ರಹ್ಮ, ಶ್ರೀರಾಮ, ಶ್ರೀ ಕೃಷ್ಣ, ಈಶ್ವರ ಇಂಚಿತ್ತಿನ ಪಾತ್ರೊಲೆನ್ ಮಲ್ತ್ಂಡ ಪ್ರೇಕ್ಷಕೆರ್ ಅರೆನ್ ಗುರುತಿಸಾದ್ ಮೆಚ್ಚೆಂದಿತ್ತೆರ್. ಆರೆನ ಸುರುತ ಪ್ರವಾಸೊಲೆಡ್ ತುಳು ನಾಟಕೊಲೆಡ್ ಅಬಿನಯ ಮಲ್ತ್ನಾರ್. ದುಂಬುಗು ನಿರಂತರವಾದ್ ಅಧ್ಯಯನ ಮಲ್ತೊಂದು ಪುರಾಣ ನಾಟಕೊಲೆನ ಕತಾವಸ್ತುನ್ ಅರ್ತೊ ಮಲ್ತೆರ್.
ತಾರಾನಾಥೆರ್ನ ಕೃತಿಕುಲು
[ಸಂಪೊಲಿಪುಲೆ]- ದೇವಶಿಲ್ಪಿ ಶ್ರೀ ವಿಶ್ವಕರ್ಮ
- ಆಸ್ತೀಕ ಪರ್ವ
- ಶ್ರೀ ರಾಮ ಕಾರುಣ್ಯ
- ಮಹಾಋಷಿ ಅಗಸ್ತ್ಯ
- ಪರಕೆದ ಪಿಂಗಾರ
- ಬ್ರಹ್ಮ ಬೈದ್ಯೆರ್
- ಮಸಣದ ತುಳಸಿ
- ಪುರಾಣ ಲೋಕದ ಬಾಲಕರು
- ಅಭಿನವ ನಾಗವರ್ಮ
- ದೇವೆರೆಗ್ ಅರ್ಪಣೆ
ಉಲ್ಲೇಕೊ
[ಸಂಪೊಲಿಪುಲೆ]- ↑ ವಳಕ್ಕುಂಜ, ರವಿಶಂಕರ್ (16 September 2020). "ಶ್ರೀ ತಾರಾನಾಥ ವರ್ಕಾಡಿ - ಬಹುಮುಖ ಪ್ರತಿಭೆಯ ಸಾಧಕ". Yaksha Deepa.