ದಾನಿ ರೊಡ್ರಿಕ್

ಡಾನಿ ರೊಡ್ರಿಕ್ (ಪುಟ್ಟು: ಆಗಸ್ಟ್ ೧೪, ೧೯೫೭) ಒರಿ ಟರ್ಕಿಶ್ ಅರ್ಥಶಾಸ್ತ್ರಜ್ಞೆರ್ ಬೊಕ್ಕ ಹಾರ್ವರ್ಡ್ ವಿಶ್ವವಿದ್ಯಾಲಯೊದ ಜಾನ್ ಎಫ್. ಕೆನ್ನೆಡಿ ಸ್ಕೂಲ್ ಆಫ್ ಗವರ್ನ್ಮೆಂಟ್ ಡ್ ಫೋರ್ಡ್ ಫೌಂಡೇಶನ್‌‌ತ ಪ್ರಾಧ್ಯಾಪಕೆರ್. ನ್ಯೂಜೆರ್ಸಿದ ಪ್ರಿನ್ಸ್ಟನ್ ಡ್ ಇನ್ಸ್ಟಿಟ್ಯೂಟ್ ಫಾರ್ ಅಡ್ವಾನ್ಸ್ಡ್ ಸ್ಟಡಿಡ್ ಸಾಮಾಜಿಕ ವಿಜ್ಞಾನೊಲೆನ ಆಲ್ಬರ್ಟ್ ಒ. ಹಿರ್ಶ್ಮನ್ ಪ್ರೊಫೆಸರ್ ಆದ್ ದುಂಬು ಕೆಲಸ ಮಲ್ತೆರ್. ಅಂತರರಾಷ್ಟ್ರೀಯ ಅರ್ಥಶಾಸ್ತ್ರ, ಆರ್ಥಿಕ ಅಭಿವೃದ್ಧಿ, ಬೊಕ್ಕ ರಾಜಕೀಯ ಆರ್ಥಿಕತೆದ ಕ್ಷೇತ್ರೊಲೆಡ್ ಆರ್ ಬೇಲೆ ಮಾನ್ತೆರ್. ಅರೆನ ಕೆಲಸೊಲು ಎಕನಾಮಿಕ್ಸ್ ರೂಲ್ಸ್: ದಿ ರೈಟ್ಸ್ ಅಂಡ್ ರಾಂಗ್ಸ್ ಆಫ್ ದಿ ಡಿಸ್ಮಲ್ ಸೈನ್ಸ್ ಬೊಕ್ಕ ದಿ ಗ್ಲೋಬಲೈಸೇಶನ್ ಪ್ಯಾರಾಡಾಕ್ಸ್: ಡೆಮಾಕ್ರಸಿ ಅಂಡ್ ದಿ ಫ್ಯೂಚರ್ ಆಫ್ ದಿ ವರ್ಲ್ಡ್ ಎಕನಾಮಿನ್ ಮಾಂತ ಉಂಡು. ಗ್ಲೋಬಲ್ ಪಾಲಿಸಿ ಪನ್ಪಿನ ಶೈಕ್ಷಣಿಕ ಪತ್ರಿಕೆತ ಜತೆ ಮುಖ್ಯ ಸಂಪಾದಕೆರ್ ಆದ್ ಲಾ ಉಲ್ಲೆರ್.

ಜೀವನ ಚರಿತ್ರೆ

ರೊಡ್ರಿಕ್ ಸೆಫಾರ್ಡಿಕ್ ಯೆಹೂದಿಲೆನ ಕುಟುಂಬೊಡ್ದ್ ಬತ್ತಿನಾರ್. ಇಸ್ತಾಂಬುಲ್ ಡ್ ರಾಬರ್ಟ್ ಕಾಲೇಜಿಡ್ದ್ ಪದವಿ ಪಡೆಯಿನ ಬುಕ್ಕೊ, 1979ಡ್ ಹಾರ್ವರ್ಡ್ ಕಾಲೇಜಿಡ್ದ್ ಸರ್ಕಾರ ಬೊಕ್ಕ ಅರ್ಥಶಾಸ್ತ್ರೊಡು ಎ.ಬಿ ಪದವಿ (ಸುಮ್ಮಾ ಕಮ್ ಲಾಡೆ) ಪಡೆಯೆರ್. ಅಪಗ 1981ಡ್ ಪ್ರಿನ್ಸ್ಟನ್ ಸ್ಕೂಲ್ ಆಫ್ ಪಬ್ಲಿಕ್ ಅಂಡ್ ಇಂಟರ್ನ್ಯಾಷನಲ್ ಅಫೇರ್ಸ್ ಡ್ದ್ ಎಂ.ಪಿ.ಎ ಪದವಿ ಬೊಕ್ಕ ಪಿಎಚ್.ಡಿ. ಪ್ರಿನ್ಸ್ಟನ್ ವಿಶ್ವವಿದ್ಯಾಲಯೊಡ್ದ್ 1985ಡ್ ಅರ್ಥಶಾಸ್ತ್ರೊಡು ಪದವಿ ಪಡೆಯೆರ್. ಆರ್ ಇತ್ತೆ ಇಜ್ಜಾಂತಿನ ಆಯಿನ ಟರ್ಕಿಶ್ ದೈನಿಕ ರಾಡಿಕಲ್ ೨೦೦೯-೨೦೧೬ ಗ್ ಲಾ ಬರೆವೊಂದಿತ್ತೆರ್.

ಹಾರ್ವರ್ಡ್ ಕೆನ್ನೆಡಿ ಶಾಲೆಡ್ ಸಾರ್ವಜನಿಕ ನೀತಿದ ಉಪನ್ಯಾಸಕೆರ್ ಆಯಿನ ಪಿನಾರ್ ದೋಗನ್ ನ್ ಮದಿಮೆ ಆಯೆರ್. ಆರ್ ಟರ್ಕಿಶ್ ನಿವೃತ್ತ ಜನರಲ್ ಸೆಟಿನ್ ಡೊಗನ್ ನ ಮಗಲ್, ಸ್ಲೆಡ್ಜ್ಹ್ಯಾಮರ್ ದಂಗೆ ಯೋಜನೆಡ್ ತನ್ನ ಪಾಲ್ ಪಡೆಯಿನ ಕಾರಣೊಗು ಜೀವಾವಧಿ ಶಿಕ್ಷೆಡ್ದ್ ಖುಲಾಸೆ ಆಯೆರ್.

ಜನವರಿ ೨೧, ೨೦೨೦ಡ್, ಪೋಪ್ ಫ್ರಾನ್ಸಿಸ್ ಅರೆನ್ ಪಾಂಟಿಫಿಕಲ್ ಅಕಾಡೆಮಿ ಆಫ್ ಸೋಶಿಯಲ್ ಸೈನ್ಸಸ್ ದ ಸದಸ್ಯೆ ಅಯೆರ್.

ಬೇಲೆ

ಅರೆನ ೧೯೯೭ ಪುಸ್ತಕ ಹ್ಯಾಸ್ ಗ್ಲೋಬಲೈಸೇಶನ್ ಗೋನ್ ಟೂ ಫಾರ್? ಬ್ಲೂಮ್ಬರ್ಗ್ ಬಿಸಿನೆಸ್ವೀಕ್ ಡ್ " ಈ ಬೂಕ್ ಅರ್ಥಶಾಸ್ತ್ರದ ಪುಸ್ತಕೊಲೆಡ್ ಒಂಜಿ" ಪಂಡ್ದ್ ಲೆಪ್ಪುವೆರ್. ತನ್ನ ಲೇಖನೊಡು, ಜಾಗತಿಕ ಮಾರುಕಟ್ಟೆ ಬೊಕ್ಕ ಸಾಮಾಜಿಕ ಸ್ಥಿರತೆದ ನಡುಟು ಉಪ್ಪುನ ಮೂಜಿ ಒತ್ತಡೊಲೆನ್ ಕೇಂದ್ರೀಕರಿಸಯೆರ್. ದಾನಿ ರೊಡ್ರಿಕ್ 1998 ಡ್ದ್ ಪ್ರಾಜೆಕ್ಟ್ ಸಿಂಡಿಕೇಟ್ ಗ್ ನಿಯಮಿತವಾದ್ ಕೊಡುಗೆ ಕೊರ್ಪೆರ್. ಫೆಬ್ರವರಿ ೨೦೧೯ಡ್ ಸುರೇಶ್ ನಾಯ್ಡು, ಗೇಬ್ರಿಯಲ್ ಜುಕ್ಮನ್, ಬೊಕ್ಕ ೧೧ ಹೆಚ್ಚುವರಿ ಸ್ಥಾಪಕ ಸದಸ್ಯೆರೆನೊಟ್ಟುಗು ಸೇರ್ದ್ Economics for Inclusive Prosperity(EfIP) ಪನ್ಪಿ ಸಂಸ್ಥೆನ್ ಸ್ಥಾಪನೆ ಮಾನ್ತೆರ್.

ಮಲ್ತಿನ ಪ್ರಕಟಣೆಲು

• Rodrik, Dani (2017). Straight Talk on Trade: Ideas for a Sane Economy. Princeton University Press. ISBN 978-0691177847.

• Rodrik, Dani (2015). Economics Rules: The Rights and Wrongs of the Dismal Science. Norton & Company, Inc. ISBN 978-0-393-24641-4.

• Rodrik, Dani (2011). The Globalization Paradox. Norton & Company, Inc. ISBN 978-0-393-07161-0.

• Rodrik, Dani (2007). One Economics, Many Recipes. Princeton University Press. ISBN 978-0-691-12951-8.

• Rodrik, Dani, ed. (2003). In Search of Prosperity: Analytic Narratives on Economic Growth. Princeton University Press. ISBN 978-0-691-09268-3.

• Rodrik, Dani (1999). The New Global Economy and Developing Countries: Making Openness Work. Overseas Development Council. ISBN 978-1-56517-027-8.

• Rodrik, Dani (1997). Has Globalization Gone Too Far?. Institute for International Economics. ISBN 978-0-88132-241-5.