ದುಡಿ
ಕರಾವಳಿ ತೀರದ ಜನಪದೆರೆ‍‍ಡ್ ಬಳಕೆಡ್ ಉಪ್ಪುನ ಒಂಜಿ ಬಗೆತ ವಾದ್ಯ. ಹೆಚ್ಚಾದ್ ಪೆಲತ ಪರತ ತುಂಡುಲೆಡ್ ಮಲ್ದಿನ್ ಈ ವಾದ್ಯ ಸುಮಾರ್ ಓಂಜಿ ಕಾಲ್ ಅಡಿ ಉದ್ದ ಉಪ್ಪುಂಡು.
ಉಪಯೋಗ
[ಸಂಪೊಲಿಪುಲೆ]ಬೂತೊ ನಲಿಪುನಗ, ನೇಮೊದಾನಿ, ಊರುದ ಜಾತ್ರೆ ಆನಗ, ಮದಿಮೆದಾನಿ, ಸಾವುದಾನಿ ದುಡಿ[೧] ಬೊಟ್ಟುನ ದುಂಬುಡುದಿಂಚಿ ತುಳುನಾಡ್‍ಡ್ ನಡತ್ತ್ ಬತ್ತ್‌ನ ವಾಡಿಕೆ.
- ಮೇರೆರ್,ಮಾಯಿಲೆರ್, ಯರವೆರ್, ಮನ್ಸೆರ್, ಕೊಡವೆರ್ ಆರಾಧನೆ ಬೊಕ್ಕ ಸಂತೊಸದ ಸಮಯೊಡು ದುಡಿ ಬೊಟ್ಟುದು ನಲಿಪುವೆರ್.
- ದುಡಿ ಬೊಟ್ಟುನವು ಒಂಜಿ ಸೇವೆಂದ್ ಅಕುಲು ನಂಬೊಂದು ಬತ್ತ್‌ದೆರ್.
- ಬೂತೊ ನಲಿಕೆಡ್ ಆರಾಧನೆದ ಭಾಗವಾದ್ ದುಡಿ ಬೊಟ್ಟುವೆರ್.
- ಊರುದ ಜಾತ್ರೆದಪಗ ಜಾತ್ರೆದ ಅಡ್ಕಡ್ ಉಂತೊಂದು ದುಡಿ ಬೊಟ್ಟುವೆರ್.
- ದುಡಿ ಬೊಟ್ಟುನೆನ್ ಮದಿಮೆ, ಬೂತೊ, ನೇಮೊದ ಹಿಮ್ಮೇಲೊಡು ಆರಾಧನೆಗಾದ್ ಬೊಕ್ಕ ಸಂತೊಸ ಆನಗ ಅವೊಂಜಿ ಕುಸಾಲ್‍ಗಾದ್ ಬೊಟ್ಟುನ, ಬೇಜಾರೊ ಕಲೆಯರ ಬೊಟ್ಟುನ ವಾದ್ಯೊ.