ದ್ರೌಪದಿ ಮುರ್ಮು

ದ್ರೌಪದಿ ಮುರ್ಮು
ಭಾರತದ ೧೫ನೇ ರಾಷ್ಟ್ರಪತಿ
ಸ್ಥಾನಮಾನೊಡು ಇಪ್ಪುನ
In office ೨೫ನೇ ಜುಲೈ ೨೦೨೨
Preceded by	ರಾಮನಾಥ ಕೋವಿಂದ್
ಝಾರ್ಖಂಡ್ ರಾಜ್ಯೊದ ೮ನೇ ರಾಜ್ಯಪಾಲೆ
In office ೧೮ನೇ ಮೇ ೨೦೧೫ – ೧೨ನೇ ಜುಲೈ ೨೦೨೧
ಮುಖ್ಯಮಂತ್ರಿ	ರಘುಬರ್ ದಾಸ್ ಹೇಮಂತ್ ಸೊರೆನ್
Preceded by	ಸಯಿದ್ ಅಹ್ಮದ್
Succeeded by	ರಮೇಶ್ ಭೈಸ್
ಒಡಿಶಾ ರಾಜ್ಯ ಸಚಿವರು
ಸ್ವತಂತ್ರ ಜವಾಬ್ದಾರಿ
In office 6 ಆಗಸ್ಟ್ 2002 – 16 ಮೇ 2004
ಮುಖ್ಯಮಂತ್ರಿ	ನವೀನ್ ಪಟ್ನಾಯಕ್
ಸಚಿವಾಲಯೊ	ಮೀನುಗಾರಿಕೆ ಬುಕ್ಕೊ ಪ್ರಾಣಿ ಸಂಪನ್ಮೂಲ ಅಭಿವೃದ್ಧಿ
In office 6 ಮಾರ್ಚ್ 2000 – 6 ಆಗಸ್ಟ್ 2002
ಮುಖ್ಯಮಂತ್ರಿ	ನವೀನ್ ಪಟ್ನಾಯಕ್
ಸಚಿವಾಲಯೊ	ವಾಣಿಜ್ಯ ಬುಕ್ಕೊ ಸಾರಿಗೆ
ಸದಸ್ಯ ಒಡಿಶಾ ವಿಧಾನಸಭೆಯ
In office 5 ಮಾರ್ಚ್ 2000 – 21 ಮೇ 2009
Preceded by	ಲಕ್ಷ್ಮಣ್ ಮಾಝಿ
Succeeded by	ಶ್ಯಾಮ್ ಚರಣ್ ಹಂಸದಾ
ಕ್ಷೇತ್ರ	ರೈರಂಗಪುರ
ವೈಯಕ್ತಿಕ ವಿವರೊಲು
ಪುಟ್ಟು	ದುರ್ಗಿ ಬಿರಾಂಚಿ ತುಡು (1958-06-20) 20 June 1958 ಉಪರಬೇಡ, ಮಯೂರ್ಭಂಜ್, ಒಡಿಶಾ, ಭಾರತ
ಪಕ್ಷೊ	ಭಾರತೀಯ ಜನತಾ ಪಕ್ಷ
ಸಂಗಾತಿ	Shyam Charan Murmu ​ (m. 1980)​
ಜೋಕುಲು	3
ಓದುನ ಸಂಸ್ಥೆ	ಉತ್ಕಲ್ ವಿಶ್ವವಿದ್ಯಾಲಯ (ಬ್ಯಾಚುಲರ್ ಆಫ್ ಆರ್ಟ್ಸ್-ಬಿ.ಎ.)
ಬೇಲೆ	ರಾಜಕಾರಣಿ
ವೃತ್ತಿ	ಶಿಕ್ಷಕ
ದಸ್ಕತ್
ವೆಬ್‌ಸೈಟ್	Official website

ದ್ರೌಪದಿ ಮುರ್ಮು ಭಾರತೀಯ ರಾಜಕಾರಿಣಿ, ಮೆರ್ ಭಾರತದ ರಾಷ್ಟ್ರಪತಿಯಾದ್ ಆಯ್ಕೆ ಆತೆರ್. ಮೆರ್ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಸದಸ್ಯೆ ಆದಿತ್ತೆರ್.ಭಾರತದ ರಾಷ್ಟ್ರಪತಿಯಾದ್ ಆಯ್ಕೆ ಆಯಿನ ಸ್ಥಳೀಯ, ಪರಿಶಿಷ್ಟ ಬುಡಕಟ್ಟು ಸಮುದಾಯೊಗು ಸೇರಿನ ಸುರುತ ಪೊಂಜೊವು. ಮೆರ್ ಅಧ್ಯಕ್ಷೆ ಆಪಿನ ಸುರುಕು ೨೦೧೫ ಬುಕ್ಕೊ ೨೦೨೧ನ ನಡುಟು ಜಾರ್ಖಂಡ್‌ದ ಒರ್ಂಭನೆ ರಾಜ್ಯಪಾಲರಾದ್ ಸೇವೆ ಮಲ್ತಿನಾರ್ ಅಂಚನೆ ೨೦೦೦ಡ್ದ್ ೨೦೦೪ದ ನಡುಟು ಒಡಿಶಾ ಸರ್ಕಾರದ ಕ್ಯಾಬಿನೆಟ್‌‌ಡ್ ಬೇತೆ ಬೇತೆ ಖಾತೆಲೆಡ್ ಇತ್ತಿನಾರ್. ರಾಜಕೀಯಗ್ ಪ್ರವೇಶ ಆಪಿನೆಗ್ ದುಂಬು ರಾಜ್ಯ ನೀರಾವರಿ ಬುಕ್ಕೊ ವಿದ್ಯುತ್ ಇಲಾಖೆಡ್ ಕಿರಿಯ ಸಹಾಯಕಿಯಾದ್‌ಲ ಅವೆಡ್ದ್ ಬುಕ್ಕೊ ರಾಯರಂಗಪುರದ ಶ್ರೀ ಅರಬಿಂದೋ ಸಮಗ್ರ ಶಿಕ್ಷಣ ಕೇಂದ್ರೊಡು ೧೯೯೭ ಮುಟ್ಟ ಶಿಕ್ಷಕಿಯಾಗಿ ಬೆಂದಿನಾರ್.

ಜೂನ್ ೨೦೨೨ ಡ್ ಬಿಜೆಪಿ ದ್ರೌಪದಿ ಮುರ್ಮು ಮೆರೆನ್ ೨೦೨೨ದ ಚುನಾವಣೆಗೆ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟದ (NDA) ಅಧ್ಯಕ್ಷೀಯ ಅಭ್ಯರ್ಥಿಯಾದ್ ನಾಮನಿರ್ದೇಶನ ಮಲ್ತ್ಂಡ್. ಅವೆಡ್ದ್ ಬುಕ್ಕೊ ಜುಲೈ ೨೦೨೨ ಡ್ ಅಧ್ಯಕ್ಷೆಯಾದ್ ಆಯ್ಕೆ ಆಯೆರ್, ದೇಶದ ಎಲ್ಯ ಪ್ರಾಯದ ಕಿರಿಯ ರಾಷ್ಟ್ರಪತಿ ಅಂಚನೆ ಭಾರತದ ಸ್ವಾತಂತ್ರ್ಯದ ಬುಕ್ಕೊ ಪುಟ್ಟಿನ ಸುರುತ ರಾಷ್ಟ್ರಪತಿಯಾದುಲ್ಲೆರ್

ವೈಯಕ್ತಿಕ ಜೀವನ

ದ್ರೌಪದಿ ಮುರ್ಮು ಜೂನ್ 20, 1958 ಡ್ ಒಡಿಶಾದ ರೈರಂಗಪುರದ ಬೈದಪೋಸಿ ಪ್ರದೇಶೊಡು ಸಂತಾಲೆರೆ ಕುಟುಂಬೊಡು ಪುಟ್ಟಿಯೆರ್.ಆರೆನ ಅಮ್ಮೆರ್ ಬುಕ್ಕೊ ಅಜ್ಜೆರ್ ಗ್ರಾಮ ಪರಿಷತ್ತ್‌ದ ಸಾಂಪ್ರದಾಯಿಕ ಮುಖ್ಯಸ್ಥರಾದಿತ್ತೆರ್. ಮುರ್ಮು ರಮಾದೇವಿ ಮಹಿಳಾ ಕಾಲೇಜ್‌ಡ್ ಕಲಾ ಪದವಿ ಪಡೆಯೆರ್.

ದ್ರೌಪದಿ ಮುರ್ಮು ಶ್ಯಾಮ್ ಚರಣ್ ಪನ್ಪಿ ಒರಿ ಬ್ಯಾಂಕರ್‌ನ್ ಮದಿಮೆ ಆದ್ ರಡ್ಡ್ ಆಣ್ ಜೋಕುಲು ಅಂಚನೆ ಒಂಜಿ ಪೊಣ್ಣು ಬಾಲೆನ್ ಪಡೆದ್ ಸುಖ ಸಂಸಾರಿಯಾದಿತ್ತೆರ್ .2009ಡ್ದ್ 2015ನೆ ಮುಟ್ಟದ 7 ವರ್ಷದ ಅವಧಿಡ್ ಆರೆನ ಕಂಡನಿ ಹೃದಯಾಘಾತಡ ಬುಕ್ಕೊ ರಡ್ಡ್ ಆಣ್ ಜೋಕುಲು, ಅಪ್ಪೆ ಬುಕ್ಕೊ ಒರಿ ಸಹೋದರನ ಮರಣ ಆಪುಂಡು. ಆರ್ ಬ್ರಹ್ಮ ಕುಮಾರೀಸ್ ಆಧ್ಯಾತ್ಮಿಕ ಚಳುವಳಿದ ಅನುಯಾಯಿನಿ ಆದಿತ್ತೆರ್.

ಸುರುತ ವೃತ್ತಿಜೀವನ

1979 ಡ್ದ್ 1983 ಮುಟ್ಟ ಮುರ್ಮು ಒಡಿಶಾ ಸರ್ಕಾರದ ನೀರಾವರಿ ಇಲಾಖೆಡ್ ಕಿರಿಯ ಸಹಾಯಕೆರಾದ್ ಕೆಲಸ ಮಲ್ತೆರ್. ಅವೆಡ್ದ್ ಬುಕ್ಕೊ ಶಾಲೆಡ್ ಶ್ರೀ ಅರಬಿಂದೋ ಇಂಟೆಗ್ರಲ್ ಎಜುಕೇಶನ್ ಸೆಂಟರ್, ರೈರಂಗಪುರೊಟು ಶಿಕ್ಷಕಿಯಾದ್ ಕೆಲಸ ಮಲ್ತೆರ್ ಬುಕ್ಕೊ ಹಿಂದಿ, ಒಡಿಯಾ, ಗಣಿತ ಬುಕ್ಕೊ ಭೂಗೋಳ ಶಾಸ್ತ್ರೊನ್ ಕಲ್ಪಾವೊಂದಿತ್ತೆರ್.

ರಾಜಕೀಯ ವೃತ್ತಿಜೀವನ

ದ್ರೌಪದಿ ಮುರ್ಮು ರಾಯರಂಗಪುರೊಟು ಭಾರತೀಯ ಜನತಾ ಪಕ್ಷೊಗು (ಬಿಜೆಪಿ) ಸೇರಿಯೆರ್.1997 ಡ್ ಆರ್ ರಾಯರಂಗಪುರ ನಗರ ಪಂಚಾಯತ್ ಕೌನ್ಸಿಲರ್ ಆದ್ ಆಯ್ಕೆ ಆಯೆರ್.2000 ಡು ಒಡಿಶಾ ವಿಧಾನಸಭೆ ಚುನಾವಣೆಡ್ ರಾಯರಂಗ್‌ಪುರ ವಿಧಾನಸಭಾ ಕ್ಷೇತ್ರೊಡ್ದು ಗೆಂದಿಯೆರ್ ಬುಕ್ಕೊ 2000 ಬುಕ್ಕೊ 2009ದ ನಡುವೆ ಒಡಿಶಾ ವಿಧಾನಸಭೆಟ್ ರಡ್ಡ್ ಅವಧಿಡ್ ಸೇವೆ ಮಲ್ತೆರ್. ಒಡಿಶಡ್ ಬಿಜೆಪಿ ಬುಕ್ಕೊ ಬಿಜೆಡಿ ಸಮ್ಮಿಶ್ರ ಸರ್ಕಾರದ ಅವಧಿಡ್ ಮಾರ್ಚ್ 6, 2000 ಡ್ದ್ ಆಗಸ್ಟ್ 6, 2002 ಮುಟ್ಟ ವಾಣಿಜ್ಯ ಬುಕ್ಕೊ ಸಾರಿಗೆ ಸ್ವತಂತ್ರ ಉಸ್ತುವಾರಿ ರಾಜ್ಯ ಸಚಿವರಾದಿತ್ತೆರ್ ಬುಕ್ಕೊ ಆಗಸ್ಟ್ 6, 2002 ಡ್ದ್ ಮೇ 16 2004 ಮುಟ್ಟುಅ ಮೀನುಗಾರಿಕೆ ಬುಕ್ಕೊ ಪ್ರಾಣಿ ಸಂಪನ್ಮೂಲೊದ ಅಭಿವೃದ್ಧಿ ಸಚಿವೆರಾದಿತ್ತೆರ್. 2009 ಡ್, ಬಿಜೆಡಿ ಬುಕ್ಕೊ ಬಿಜೆಪಿ ಮೈತ್ರಿ ಮುಗಿಬುಕ್ಕೊ ಆರ್ ಮಯೂರ್‌ಭಂಜ್ ಲೋಕಸಭಾ ಕ್ಷೇತ್ರೊಡ್ದು ಲೋಕಸಭೆ ಚುನಾವಣೆಡ್ ಸೋತೆರ್.

ಜಾರ್ಖಂಡ್ ರಾಜ್ಯಪಾಲೆಯಾದ್

ದ್ರೌಪದಿ ಮುರ್ಮು ಜಾರ್ಖಂಡ್‌‌ದ ರಾಜ್ಯಪಾಲರಾದ್ 18 ಮೇ 2015 ಡ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್. ರಾಜ್ಯ ಪಾಲೆರೆನ ಪೀಠೊಡು ಕುಳ್ಳಿನ ಸುರುತ ಪೊಂಜೊವು ಪನ್ಪಿನ ಪುಗರ್ತೆ ಪಡೆಯೆರ್. ಮೆರೆನ ಆಜಿ ವರ್ಷದ ಗವರ್ನರ್ ಅಧಿಕಾರಾವಧಿ ಮೇ 2015 ಡ್ ಸುರು ಆದ್ ಜುಲೈ 2021ಡ್ ಮುಗಿಯುಂಡು.