ನರ್ವೊಳು

ವಿಕಿಪೀಡಿಯರ್ದ್
Jump to navigation Jump to search
ನರ್ವೊಳು

ನರ್ವೊಳು ಪಂಡ ಒಂಜಿ ಕಾಯಿ ಉಂದೆತ ನನೊಂಜಿ ಪುದರ್ ನೊರೆಕಾಯಿ. ಪುದರ್‌ದಲೆಕ್ಕೊನೆ ನೊರೆ ಆಪಿನ ಕಾಯಿ ನರ್ವೊಳು .ಉಂದೊಂಜಿ ಮರಟ್ ಆಪಿನ ಬಹುಪಯೋಗಿ ಕಾಯಿ.[೧]

ಬೇತೆ ಬಾಸೆದ ಪುದರುಲು[ಸಂಪೊಲಿಪುಲೆ]

  • ವೈಜ್ಜಾನಿಕ -ಸ್ಯಾಪಿಂಡಸ್ ಲಾರಿಪೊಲಿಯ
  • ಸ್ದಂಸ್ಕೃತ-ಅರಿಷ್ಟ,ಫಿನಿಲ
  • ಕನ್ನಡ-ಅಂಟುವಾಳ ಕಾಯಿ,ಬುರುಗು ಕಾಯಿ
  • ಹಿಂದಿ-ರಿತ್
  • ಇಂಗ್ಲೀಷ್-ಇಂಡಿಯನ್ ಫಿಲ್ ಬರ್ಟ,ಸೋಪ್ ನಟ್
  • ತಮಿಳ್-ಪೊರ್ನಗೊಟ್ಟೆ,ಪೂವಂಡಿ
  • ತೆಲುಗು-ಕುಂಟಿಗೆ ಕಾಯಿ,ಕುಂಕೋಡು/ಚಿಟ್ಟು
  • ತುಳು-ನೊರೆಕಾಯಿ

ಮರತ ಪೊಲಬು[ಸಂಪೊಲಿಪುಲೆ]

ನರ್ವೊಳುದ ಮರ ಸುಮಾರ್ ೩೦ ಫೀಟ್‌ಡ್ದ್ ೩೫ ಫೀಟ್ ಎತ್ತರೊಗು ಬಳಪುಂಡು.ಗೆಲ್ಲ್ ಗೆಲ್ಲ್ ಇತ್ತ್‌ದ್ ಅಗಲೊಗು ಬಳಪಿನ ಂಚಿನ ಮರ .ಪಚ್ಚೆ ಇರೆ, ಬೊಲ್ದು ಪೂ ಅಪಿನಂಚಿನ ಮರ.ಈ ಮರ ಅಕ್ಟೋಬರ್ ನವಂಬರ್ ತಿಂಗೊಳುಡು ಪೂ ಬುಡ್ದು ಪೆಬ್ರವರಿ ತಿಂಗೊಲುಡು ಮರ ನಿಲಿಕೆ ಕಾಯಿ ಆಪುಂಡು.ಈ ಕಾಯಿ ಪಚ್ಚೆ ಬಣ್ಣೊಡು ಉಪ್ಪುಂಡು ಲುಂಗಿ ಬೊಕ್ಕ ಬಣ್ಣ ಬದಲಾದ್ ಮೆತ್ತೆದ ಬಣ್ಣ ಆಪುಂಡು ಉಲಯಿದ ಬಿತ್ತ್ ಕಪ್ಪು ಬಣ್ಣೊಡು ಉಪ್ಪುಂಡು.ಈ ಬಿತ್ತ್‌ನ್ ಲುಂಗಾದ್ ಅವೆನ್ ಬಿತ್ತ್ ಪಾಡ್ದ್ ನರ್ವೊಲುದ ಮರ ಮಲ್ಪೊಲಿ.[೨]

ಉಪಯೋಗ[ಸಂಪೊಲಿಪುಲೆ]

೧.ನೊರೆಕಾಯಿದ ಬಿತ್ತ್‌ದ ಉಲಯಿದ ತಿರ್ಲ್‌ನ್ ದೆತ್ತ್‌ದ್ ಅವೆಕ್ ಆತೇ ಪ್ರಮಾಣದ ಬೆಲ್ಲ ಬೊಕ್ಕ ಶುಂಠಿ ಸೇರಾದ್ ಮಾತ್ರೆ ಮಲ್ತ್‌ದ್ ತಿಂದ್ಂಡ ಒಂಜೊಂಜಿ ಮಾತ್ರೆ ರಡ್ಡ್ ಪೊರ್ತು ೨ ವಾರ ದೆತೊಂಡ ದಮ್ಮು ಕಮ್ಮಿ ಆಪುಂಡು ೨.ನೊರೆಕಾಯಿನ್ ಅರೆತ್‌ದ್ ಬಾತ್‌ನ ಗಂಡಾಮಾಲೆದ ಮಿತ್ತ್ ಪೂಜಿಂಡ ಬಾಪು ಕಮ್ಮಿ ಆಪುಂಡು ೩.ನೊರೆಕಾಯಿನ್ ಅರೆತ್‌ದ್ ಕುಷ್ಠರೋಗದ ಲಕ್ಷಣ ತೋಜಿದ ಬತ್ತಿನ ಜಾಗೆಗ್ ಪೂಜಿಂಡ ಕ್ರಮೇಣ ಕಡಿಮೆ ಆಪುಂಡು ೪.ನೊರೆಕಾಯಿನ್ ಅರೆತ್‌ದ್ ಕಿಲೇರಿ,ಕೊಂಬಚೇಲ್,ಪೊಲಿ ತುಚ್ಚಿನ ಜಾಗೆಗ್ ಪೂಜಿಂಡ ವಿಷ ಕಮ್ಮಿ ಆದ್ ಬಾಪು ಬೇನೆ ಮಾತ ಕಮ್ಮಿ ಆಪುಂಡು[೩] ೫.ನೊರೆಕಾಯಿನ್ ಅರೆತ್‌ದ್ ಅಯಿಕ್ ವಿನಿಗರ್ ಸೇರಾದ್ ತರೆಕ್ ಪಾಡ್ದ್ ಮೀಂಡ ಪೇನ್ ಕಮ್ಮಿ ಆಪುಂಡು ೬.ನೊರೆಕಾಯಿದ ನೈಸ್ ಚೂರ್ಣ ಮಲ್ತ್‌ದ್ ನಶ್ಯ ಪಾಂಡ್ಂಡ ಮತಿ ತತ್ತ್‌ದ್ ಬೂರುನ ಸೀಕ್ ಕಮ್ಮಿ ಆಪುಂಡು ೭.ನೊರೆಕಾಯಿನ್ ನೀರ್‌ಡ್ ಅರೆತ್‌ದ ಮೂಂಕುಗು ಪುಂಟುಂಡ ಕಫ ಕಟ್ಟ್‌ದಿತ್ತ್ಂಡ ಕಫ ನೀರಾದ್ ಬಾಯಿಡೆ ಬತ್ತ್‌ದ್ ತೆಮ್ಮ ಕಮ್ಮಿ ಆಪುಂಡು[೪]

ಉಲ್ಲೇಕೊಲು[ಸಂಪೊಲಿಪುಲೆ]